← Back
The Comprehensive Aramaic Lexicon
← Return to the Text Browser
click on the file description for more information

62029: P Prov

Click on a word for lexical analysis
Click on a red-colored coordinate for comments and/or translations of the line

previous chapter


15:01 ܡܠܬܐ ܪܟܝܟܬܐ ܡܗܦܟܐ ܚܡܬܐ܂ ܘܡܠܬܐ ܩܫܝܬܐ ܡܥܝܪܐ ܪܘܓܙܐ܂
15:02 ܠܫܢܐ ‍<‍ܕܝܢ#2#‍>‍ ܕܚ̈ܟܝܡܐ ܡܫܦܪ ܝܕܥܬܐ܂ ܘܦܘܡܐ ܕܣܟ̈ܠܐ ܓܣܐ ܠܘܛܬܐ܂
15:03 ܒܟܠ ܐܬܪ ܥܝ̈ܢܘܗܝ ܕܡܪܝܐ ܚܝܪ̈ܢ܂ ܒ̈ܛܒܐ ܘܒܒܝ̈ܫܐ܂
15:04 ܐܣܝܘܬܐ ܕܠܫܢܐ ܐܝܠܢܐ ܗܝ ܕܚ̈ܝܐ܂ ܘܕܐܟܠ/ܘܟܠ ܕܐܟܠ#3#/ ܡܢ ܦܐܪ̈ܘܗܝ ܢܣܒܥ ܡܢܗ܂
15:05 ܣܟܠܐ ܡܡܝܩ ܒܡܪܕܘܬܐ ܕܐܒܘܗܝ܂ ܘܕܥܪܝܡ ܢܛܪ ܡܟܣܢܘܬܐ܂
15:06 ܒܒܝܬܗ ܕܙܕܝܩܐ ܣܓܐ ܚܝܠܐ܂ ܘܥ̈ܠܠܬܗܘܢ ܕܥܘ̈ܠܐ ܢܐ̈ܒܕܢ܂
15:07 ܣ̈ܦܘܬܐ ܕܚ̈ܟܝܡܐ ܡܡ̈ܠܠܢ ܝܕܥܬܐ܂ ܘܠܒ̈ܘܬܐ ܕܣ̈ܟܠܐ ܠܐ ܟܐ̈ܢܝܢ܂
15:08 ܕܒ̈ܚܐ ܕܥܘ̈ܠܐ ܡܣܠܐ ܡܪܝܐ܂ ܘܒܨܠܘܬܐ ܕܬܪ̈ܝܨܐ ܨܒܝܢܗ܂
15:09 ܐܘܪܚܐ/ܐܘܪ̈ܚܬܐ#2#/ ܕܥܘ̈ܠܐ ܡܣܠܐ ܡܪܝܐ܂ ܘܪܚܡ ܠܐܝܢܐ ܕܥܒܕ ܙܕܝܩܘܬܐ/ܗܝܡܢܘܬܐ#3#/܀܀܂
15:10 ܡܪܕܘܬܐ ܕܐܝܠܝܢ ܕܠܐ ܝܕܥܝܢ ܒܝܫܬܐ ܓܠܝܐ ܗܝ܂ ܘܐܝܠܝܢ ܕܣܢܝܢ ܡܟܣܢܘܬܐ ܢܡܘܬܘܢ܂
15:11 ܫܝܘܠ ܘܐܒܕܢܐ ܩܕܡ ܡܪܝܐ ܐܢܘܢ܂ ܘܐܦ ܠܒܘ̈ܬܐ ܕܒܢ̈ܝ ܐܢܫܐ܂
15:12 ܠܐ ܪܚܡ ܒܝܫܐ ܠܡ݁ܢ ܕܡܟܣ ܠܗ܂ ܘܥܡ ܚ̈ܟܝܡܐ ܠܐ ܡܗܠܟ܀܂

15:13 ܠܒܐ ܚܕܝܐ ܡܫܦܪ ܓܘܫܡܐ܂ ܘܠܒܐ ܟܝܒܐ ܡܟܐܒ ܪܘܚܐ܂

15:14 ܠܒܐ ܕܟܐ̈ܢܐ ܒܥܐ ܝܕܥܬܐ܂ ܘܦܘܡܐ ܕܥܘ̈ܠܐ ܡܡܠܠ ܒܝܫ̈ܬܐ܂
15:15 ܟܠܗܘܢ ܝܘܡ̈ܬܗ ܕܡܣܟܢܐ ܒܝܫ̈ܝܢ܂ ܘܒܣܝ̈ܡܐ ܫܠܝܢ ܒܟܠܙܒܢ܂
15:16 ܛܒ ܠܡܕܚܠ ܠܡܪܝܐ ܩܠܝܠ܂ ܛܒ ܡܢ ܣܝ̈ܡܬܐ ܪ̈ܘܪܒܬܐ ܕܥܘ̈ܠܐ܂
15:17 ܛܒܐ ܗܝ ܫܪܘܬܐ ܕܝܪܩܐ ܘܚܘܒܐ ܕܫܡܐ܂ ܛܒ ܡܢ ܬܘܪ̈ܐ ܡ̈ܦܛܡܐ ܒܣܢܐܬܐ܂
15:18 ܓܒܪܐ ܚܡܬܢܐ ܡܓܪܓ ܗܪܬܐ܂ ܘܓܒܪܐ ܢܓܝܪ ܪܘܚܐ܂ ܥܕܠܐ/ܥܬܐ#3#/ ܗܘܝܐ ܡܕܥܟ ܠܗ݀܂
15:19 ܐܘܪ̈ܚܬܗܘܢ ܕܚ̈ܒܢܢܐ ܡ̈ܠܝܢ ܟܘ̈ܒܐ܂ ܘܐܘܪ̈ܚܬܗܘܢ ܕܬܪ̈ܝܨܐ ܫ̈ܦܝܢ܀܀
15:20 ܒܪܐ ܚܟܝܡܐ ܡܚܕܐ ܠܐܒܘܗܝ܂ ܘܒܪܐ ܣܟܠܐ ܒܗܬܬܐ ܗܘ ܕܐܡܗ܂
15:21 ܓܒܪܐ ܕܣܟܠ ܚܣܝܪ ܠܒܐ ܗܘ܂ ܘܓܒܪܐ ܣܟܘܠܬܢܐ ܬܪܝܨܐܝܬ ܡܗܠܟ܂
15:22 ܡܥܒܪܝܢ ܡܚܫ̈ܒܬܐ ܐܝܠܝܢ ܕܡܝܩܪ̈ܝܢ ܟܢܘܫܬܐ܂ ܘܒܣܘܓܐܐ ܕܡ̈ܠܟܝ ܡܠ݂ܟܐ ‍<‍ܠܐ#3#‍>‍ ܬܬܩܝܡ܂
15:23 ܚܕܘܬܐ ܠܓܒܪܐ ܡܠܬܐ ܕܦܘܡܗ܂ ܘܕܡܡܠܠ ܒܙܒܢܗ ܫܦܝܪ ܠܗ܂
15:24 ܐܘܪܚܐ ܕܚ̈ܝܐ ܡܣܩܢܐ ܗܝ ܠܣܟܘܠܬܢܐ܂ ܕܢܣܛܐ ܡܢ ܫܝܘܠ ܬܚܬܝܬܐ܂
15:25 ܒܝܬܐ ܕܫܒܗܪ̈ܢܐ ܥܩܪ ܡܪܝܐ܂ ܘܬܚܘܡܐ ܕܐܪ̈ܡܠܬܐ ܡܫܪܪ܂
15:26 ܡܣ̈ܠܝܢ ܐܢܝ̈ܢ ܩܕܡ ܡܪܝܐ ܡܚ̈ܫܒܬܐ ܒܝܫ̈ܬܐ܂ ܘܕܟܝ̈ܢ ܡ̈ܠܐ ܒܣ̈ܝܡܬܐ܂
15:27 ܡܘܒܕ ܢܦܫܗ ܐܝܢܐ ܕܡܩܒܠ ܫܘܚܕܐ܂ ܘܕܣܢܐ ܠܡܣܒ ܫܘܚܕܐ ܚܝܐ/ܢܚܐ#3#/܂
15:28 ܠܒܗ ܕܙܕܝܩܐ ܪܢܐ ܒܗܝܡܢܘܬܐ܂ ܘܦܘܡܐ ܕܥܘ̈ܠܐ ܡܡܠܠ ܒܝܫ̈ܬܐ܂
15:29 ܪܚܝܩ ܗܘ ܡܪܝܐ ܡܢ ܥܘ̈ܠܐ܂ ܘܒܨܠܘܬܐ ܕܙܕܝ̈ܩܐ ܫܡܥ܂
15:30 ܢܘܗܪܐ ܕܥܝ̈ܢܐ ܡܒܣܡ ܠܒܐ܂ ܘܠܒܐ ܛܒܐ ܡܫܡܢ ܓܪ̈ܡܐ܂
15:31 ܐܕܢܐ ܕܫܡܥܐ ܡܟܣܢܘܬܐ ܕܚ̈ܝܐ܂ ܒܝ̈ܢܬ ܚ̈ܟܝܡܐ ܬܒܘܬ܂
15:32 ܕܡܣܠܐ ܡܪܕܘܬܐ ܣܢܐ ܢܦܫܗ܂ ܘܕܫܡܥ ܡܟܣܢܘܬܐ ܩܢܐ ܚܟܡܬܐ܀
15:33 ܕܚܠܬܗ ܕܡܪܝܐ ܝܘܠܦܢܐ/ܡܒܘܥܐ#1##2#/ ܗܝ ܕܚ̈ܝܐ܂ ܘܬܫܒܘܚܬܗ ܕܡܟܝܟܐ ܐܙܠܐ ܩܕܡܘܗܝ܂

next chapter