← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

62029: P Prov

Click on a word for lexical analysis
Click on a red-colored coordinate for comments and/or translations of the line

previous chapter


16:01 ܡܢ ܒܪܢܫܐ ܬܪܥܝܬܐ ܕܠܒܐ܂ ܘܡܢ ܡܪܝܐ ܡܡܠܠܐ ܕܠܫܢܐ܂
16:02 ܟܠܗܝܢ ܐܘܪ̈ܚܬܗ ܕܓܒܪܐ ܕܟܝ̈ܢ ܐ̈ܢܝܢ ܒܥܝܢ̈ܝ ܢܦܫܗ܂ ܘܡܪܝܐ ܡܬܩܢ ܐܘܪܚܗ܀
16:03 ܓܠܝ ܠܡܪܝܐ ܥ݁ܒ̈ܕܝܟ܂ ܘܢܬܩܢ ܡܚܫܒ̈ܬܟ܂
16:04 ܟܘܠܗܘܢ ܥ݁ܒ̈ܕܘܗܝ ܕܡܪܝܐ ܠܐܝܠܝܢ ܕܡܫܬܡܥܝܢ ܠܗ܂ ܘܥܘܠܐ ܢܛܝܪ ܠܝܘܡܐ ܒܝܫܐ܂
16:05 ܛܡܐ ܗܘ ܩܕܡ ܡܪܝܐ ܟܠ ܕܪܡ ܒܠܒܗ܂ ܘܕܡܘܫܛ ܐܝܕܗ ܥܠ ܚܒܪܗ ܠܐ ܢܬܚܣܐ ܡܢ ܒܝܫܬܐ܀
16:06 ܒܛܝܒܘܬܐ ܘܒܩܘܫܬܐ ܡܫܬܒܩ ܥܘ݂ܠܐ܂ ܘܕܚܠܬܗ ܕܡܪܝܐ ܡܣܛܝܐ ܡܢ ܒܝܫܬܐ܂
16:07 ܒܨܒܝܢܗ ܕܡܪܝܐ ܐܘܪ̈ܚܬܗ ܕܓܒܪܐ܂ ܐܦ ܠܒ̈ܥܠܕܒܒܘܗܝ ܢܦܪܘܥ ‍<‍ܦܘܪܥܢܐ#1##2#‍>‍܂
16:08 ܛܒ ܗܘ ܩܠܝܠ ܒܙܕܝܩܘܬܐ܂ ܡܢ ܣܘܓܐܐ ܕܥ̈ܠܠܬܐ ܕܠܐ ܒܕܝܢܐ܂
16:09 ܠܒܗ ܕܒܪ ܐܢܫܐ ܡܬܚܫܒ ܐܘܪ̈ܚܬܗ܂ ܘܡܪܝܐ ܡܬܩܢ ܗ̈ܠܟܬܗ܂
16:10 ܩܨܡܐ ܥܠ ܣܦܘ̈ܬܗ ܕܡܠܟܐ܂ ܘܒܕܝܢܐ ܠܐ ܢܛܥܐ ܦܘܡܗ܂
16:11 ܡܬܩܠܐ ܕܡܣܐܬܐ ܕܝܢܗ ܕܡܪܝܐ ܘܥ݁ܒ̈ܕܘܗܝ ܟܠܗܘܢ ܡܬܩ̈ܠܐ ܕܩܘܫܬܐ܂
16:12 ܛܡܐܝܢ ܐܢܘܢ ܡ̈ܠܟܐ ܕܥܒܕܝܢ ܥܘ݂ܠܐ܂ ܡܛܘܠ ܕܒܙܕܝܩܘܬܐ ‍<‍ܗ݂ܘ#3#/ܗ݀ܘ ܗ݂ܘ#3#/‍>‍ ܡܬܩܢ ܟܘܪܣܝܐ܂
16:13 ܨܒܝܢܗ ܕܡܠܟܐ ܣ̈ܦܘܬܗ ܕܙܕܝܩܐ܂ ܘܡܠܬܐ ܕܬܪ̈ܝܨܐ ܪܚܡ܂
16:14 ܚܡܬܗ ܕܡܠܟܐ ܡܠܐ̈ܟܐ ܐܢܘܢ ܕܡܘܬܐ܂ ܘܓܒܪܐ ܚܟܝܡܐ ܢܕܥܟܝܗ݀܂
16:15 ܒܢܘܗܪܐ ܕܦܪܨܘܦܗ ܕܡܠܟܐ ܚ̈ܝܐ܂ ܘܨܒܝܢܗ ܐܝܟ ܥܢܢܐ ܒܟܝܪܝܬܐ܂
16:16 ܕܩܢܐ ܚܟܡܬܐ ܛܒܐ ܗܝ ܠܗ ܡܢ ܕܗܒܐ܂ ܘܕܩܢܐ ܣܘܟܠܐ ܡܝܬܪ ܗܘ ܠܗ ܡܢ ܣܐܡܐ܂
16:17 ܫܒܝܠܐ ܕܬܪ̈ܝܨܐ ܡܣܛܐ ܡܢ ܒܝܫܬܐ܂ ܘܕܙܗܝܪ ܒܢܦܫܗ ܢܛܪ ܐܘܪܚܗ܂
16:18 ܩܕܡ ܬܒܪܐ ܨܥܪܐ܂ ܘܩܕܡ ܟܘܪܗܢܐ ܪܡܘܬ ܪܘܚܐ܂
16:19 ܛܒ ܗܘ ܡܟܝܟ ܪܘܚܐ ܘܡܟܝܟ ܥܝ̈ܢܐ܂ ܡܢ ܗ݀ܘ ܕܡܦܠܓ ܒܙܬܐ ܥܡ ܥܫܝ̈ܢܐ܂
16:20 ܕܡܣܬܟܠ/ܕܡܫܬܘܕܥ#3#/ ܡܠܬܐ ܡܫܟܚ ܛܒܬܐ܂ ܘܕܬܟܝܠ ܥܠ ܡܪܝܐ ܛܘܒܘܗܝ܂
16:21 ܚܟܝܡ ܠܒܐ ܝܕܥ ܣܘܟܠܐ܂ ܘܕܚ̈ܠܝܢ ܣ̈ܦܘܬܗ ܡܘܣܦ/ܢܘܣܦ#1##2#/ ܝܘܠܦܢܐ܂
16:22 ܡܒܘܥܐ ܕܚ̈ܝܐ ܣܘܟܠܐ ܗܘ ܠܐܝܠܝܢ ܕܝܕܥܝܢ ܠܗ܂ ܘܡܪܕܘܬܐ ܕܣ̈ܟܠܐ \ܫܝܛܘܬܐ /ܫܛܝܐ#3# /ܫܛܝܘܬܐ#3#/ ܗܝ܂
16:23 ܠܒܐ ܚܟܝܡܐ ܝܕܥ ܡܐܡܪܐ ܕܦܘܡܗ܂ ܘܥܠ ܣ̈ܦܘܬܗ ܡܘܣܦ ܝܘܠܦܢܐ܂
16:24 ܟܟܪܝܬܐ ܕܕܒܫܐ ܡܐܡܪܗ ܕܚܟܝܡܐ܂ ܘܚܠܝܘܬܐ/ܘܚܠܝܐ#3#/ ܗܝ ܠܢܦܫܗ ܘܐܣܝܘܬܐ ܗܝ ܠܓܪ̈ܡܘܗܝ܂
16:25 ܐܝܬ ܐܘܪܚܐ ܕܡܬܚܙܝܐ ܒܥܝܢ̈ܝ ܒܢ̈ܝ ܐܢܫܐ ܕܬܪܝܨܐ ܗܝ܂ ‍<‍ܘܐܘܪ̈ܚܬܗ݀ ܐܘܪ̈ܚܬܐ ܐ̈ܢܝܢ ܕܡܘܬܐ#3#‍>‍ ܘܫܒ̈ܝܠܝܗ݀ ܫܒ̈ܝܠܐ ܐܢܘܢ ܕܡܘܬܐ܂
16:26 ܢܦܫܐ ܡܟܐܒܬܐ ܟܐ̈ܒܝܗ݀ ܠܗ݀܂ ܘܡܢ ܦܘܡܐ ܕܢܦܫܗ݀ ܐܬܐ ܠܗ݀ ܐܒܕܢܐ܂
16:27 ܓܒܪܐ ܥܘܠܐ ܚܫܠ ܒܝܫܬܐ܂ ܘܡܢ ܦܘܡܗ ܝ݁ܩܕܐ ܢܘܪܐ܂
16:28 ܓܒܪܐ ܥܘܠܐ ܡܓܪܓ ܕܝܢܐ܂ ܘܣܪܝܩܐ ܪܕܦ ܪ̈ܚ݁ܡܘܗܝ܂
16:29 ܓܒܪܐ ܥܘܠܐ ܡܫܕܠ ܚܒܪܗ܂ ܘܡܘܒܠ ܠܗ ܒܐܘܪܚܐ ܕܠܐ ܫܦܝܪܐ܂
16:30 ܘܡܪܡܙ/ܘܪܡܙ#3#/ ܒ̈ܥܝܢܘܗܝ ܘܡܬܚܫܒ ܗܦܝ̈ܟܬܐ/ܗܦܟ̈ܝܬܐ#3#/܂ ܘܡܬܪܥܐ ܒܣ̈ܦܘܬܗ ܘܓܡܪ ܒܝܫܬܐ܂
16:31 ܟܠܝܠܐ ܕܬܫܒܘܚܬܐ ܣܝܒܘܬܐ܂ ܘܒܐܘܪܚܐ ܕܙܕܝܩܘܬܐ ܡܫܬܒܚܐ܂
16:32 ܛܒ ܗܘ ܢܓܝܪ ܪܘܚܐ ܡܢ ܓܢܒܪܐ܂ ܘܕܡܟܒܫ ܢܦܫܗ ܡܢ ܗ݀ܘ ܕܐܚܝܕ ܡܕܝܢܬܐ܂
16:33 ܒܥܘܒܗ ܕܥܢܬܐ ܢܦܠܐ ܦܨܬܗ܂ ܘܡܢ ܩܕܡ ܡܪܝܐ ܢܦܩ ܕܝܢܗ܂

next chapter