← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

62029: P Prov

Click on a word for lexical analysis
Click on a red-colored coordinate for comments and/or translations of the line

previous chapter


17:01 ܛܒ ܗܘ ܠܚܡܐ ܝܒܝܫܐ ܒܫܠܝܐ܂ ܛܒ ܡܢ ܒܝܬܐ ܕܡܠܐ ܕܒܚ̈ܐ ܕܕܝܢܐ܂
17:02 ܥܒ݂ܕܐ ܣܟܘܠܬܢܐ ܢܫܬܠܛ ܒܒܪܐ ܡܒܗܬܢܐ܂ ܘܒܝ̈ܢܬ ܐ̈ܚܐ ܢܦܠܓ/ܦܠܓ#3#/ ܝܘܪܬܢܐ/ܝܘܬܪܢܐ#1##2#/܂
17:03 ܨܪܦܐ ܒܩܐ ܠܣܐܡܐ܂ ܘܟܘܪܐ ܠܕܗܒܐ܂ ܘܡܪܝܐ ܒܚܪ ܠܒܐ܂
17:04 ܓܒܪܐ ܒܝܫܐ ܨܐܬ ܠܣ̈ܦܘܬܐ ܕܥܢ̈ܬܐ܂ ܘܙܕܝܩܐ ܠܐ ܫܡܥ ܠܠܫܢܐ ܕܥܢ̈ܬܐ܂
17:05 ܕܓܚܟ ܥܠ ܡܣܟܢܐ ܡܪܓܙ ܠܒܪܝܗ܂ ܘܕܚܕܐ ܠܬܒܪܐ ܠܐ ܢܬܚܣܐ܀
17:06 ܟܠܝܠܐ ܕܣ̈ܒܐ ܒܢ̈ܝ ܒܢ̈ܝܐ ܐܢܘܢ܂ ܘܬܫܒܘܚܬܐ ܕܒܢ̈ܝܐ ܐ̈ܒܗܝܗܘܢ܂
17:07 ܠܐ ܝܐܝܐ ܠܣܟܠܐ ܣܦܬܐ ܡܗܝܡܢܬܐ܂ ܐܦ ܠܐ ܠܙܕܝܩܐ ܣܦܬܐ ܕܓܠܬܐ܂
17:08 ܟܐܦܐ ܕܪ̈ܚܡ݂ܐ/ܕܪ̈ܚ݁ܡܐ#3#/ ܫܦܝܪܐ ܗܝ ܒܥܝܢ̈ܝ ܡ݁ܢ ܕܕܝܠܗ ܗܝ܂ ܘܠܐܬܪ ܕܡܬܦܢܝܐ ܣܘܟܠܐ ܗܝ܂
17:09 ܕܡܟܣܐ ܥܘ݂ܠܐ ܒܥܐ ܪܚܡܘܬܐ܀ ܘܕܣܢܐ ܠܡܟܣܘ܂ ܡܢ ܪܚܡܐ ܘܥܡܘܪܐ ܦܪܫ܂
17:10 ܠܘܚܡܐ ܫܚܩ ܠܒܗ ܕܚܟܝܡܐ܂ ܘܚܠܦ ܟܐܬܐ ܡܬܢܓܕ ܣܟܠܐ ܘܠܐ ܪܓܫ/ܪܓܝܫ#2#/܂
17:11 ܓܒܪܐ ܚܪܝܝܐ ܒܥܐ ܒܝܫܬܐ܂ ܘܡܫܬܕܪ ܥܠܘܗܝ ܡܠܐܟܐ ܕܪ̈ܚܡ݂ܝܢ ܠܝܬ ܠܗ܂
17:12 ܢܦܠ ܪܢܝܐ ܘܕܚܠܬܐ ܠܓܒܪܐ ܚܟܝܡܐ܂ ܘܠܣܟܠܐ ܒܫܛܝܘܬܗ܂
17:13 ܕܦܪܥ ܒܝܫܬܐ ܚܠܦ ܛܒܬܐ܂ ܠܐ ܬܥܢܕ ܒܝܫܬܐ ܡܢ ܒܝܬܗ܂
17:14 ܕܐܫܕ ܕܡܐ ܕܝܢܐ ܡܓܪܓ ܩܕܡ ܫܠܝܛܐ܂
17:15 ܕܡܙܟܐ ܠܥܘܠܐ ܘܡܚܝܒ ܠܙܕܝܩܐ܂ ܛܡܐ ܗܘ ܩܕܡ ܡܪܝܐ܂
17:16 ܠܡܢܐ ܐܙܠ ܠܗ ܩܢܝܢܐ ܠܣܟܠܐ܂ ܕܠܝܬ ܠܗ ܠܒܐ ܠܡܩܢܐ ܚܟܡܬܐ܂
17:17 ܒܟܠ ܙܒܢ ܪܚܡܐ ܪܚܝܡ ܗܘ܂ ܘܐܚܐ ܠܐܘܠܨܢܐ ܡܬܝܠܕ܂
17:18 ܒܪ ܐܢܫܐ ܣܟܠܐ ܡܫܠܡ ܐܝܕܗ܂ ܕܥܪܒ ܠܚܒܪܗ ܥܪܒܘܬܐ܂
17:19 ܕܪܚܡ ܥܘ݂ܠܐ ܪܚܡ ܥܬܐ ܘܗܪܬܐ܂ ܘܕܡܪܝܡ ܬܪܥܗ ܒܥܐ ܬܒܪܐ ܠܢܦܫܗ܂
17:20 ܕܥܫܝܩ ܠܒܗ ܠܐ ܡܫܟܚ/ܢܫܟܚ#1##2#/ ܛܒܬܐ܂ ܘܕܗܦܟ ܠܫܢܗ ܢܦܠ ܒܒܝܫܬܐ܂
17:21 ܕܡܘܠܕ ܣܟܠܐ ܠܒܗܬܬܐ ܕܢܦܫܗ܂ ܘܠܐ ܢܚܕܐ ܒܗ ܐܒܘܗܝ܂
17:22 ܠܒܐ ܚܕܝܐ ܡܫܦܪ ܓܘܫܡܐ܂ ܘܪܘܚܐ ܕܟܝܒܐ ܡ݁ܝܒܫܐ ܓܪ̈ܡܐ܂
17:23 ܡ݁ܢ ܕܢܣܒ ܫܘܚܕܐ ܥܘܠܐ ܗܘ܂ ܨܠܐ ܓܝܪ ܐܘܪܚܐ ܕܕܝܢܐ܂
17:24 ܐ̈ܦܘܗܝ ܕܣܟܘܠܬܢܐ ܚܝܪ̈ܢ ܒܚܟܡܬܐ܂ ܘܥܝܢ̈ܘܗܝ ܕܣܟܠܐ ܒ̈ܥܘܡܩܝܗ݀ ܕܐܪܥܐ܀
17:25 ܡܪܓܙ ܠܐܒܘܗܝ ܒܪܐ ܣܟܠܐ܂ \ܘܡܡܪ /ܘܡܪܡܪ#3# /ܘܡܡܪܡܪ#3#/ ܠܝܠܕܬܗ܂
17:26 ܠܡܬܟ ܠܙܕܝܩܐ ܠܐ ܫܦܝܪ܂ ܐܦ ܠܐ ܠܡܡܚܐ ܠܙܕܝܩ̈ܐ ܕܐܡܪ̈ܝܢ ܬܪ̈ܝܨܬܐ܂
17:27 ܕܚܣܟ ܡ̈ܠܘܗܝ ܝܕܥ ܝܕܥܬܐ܂ ܘܕܢܓܝܪܐ ܪܘܚܗ ܓܒܪܐ ܗܘ ܚܟܝܡܐ܂
17:28 ܫܛܝܐ ܕܫܬܝܩ ܐܝܟ ܚܟܝܡܐ ܡܬܚܫܒ/ܡܣܬܒܪ#3#/܂ ܘܕܫ̈ܠܝܢ ܣܦܘ̈ܬܗ ܣܟܘܠܬܢܐ ܡܬܚܫܒ܂

next chapter