The Comprehensive Aramaic Lexicon

18:01	ܘܒܫܬܝܩܘܬܗ ܪܢܐ ܒܪܓܬܐ܂ ܘܡܡܝܩ ܒܝܘܠܦܢܐ ܛܒܐ
18:02	ܣܟܠܐ ܠܐ ܨ݁ܒ݂ܐ ܒܚܟܡܬܐ܂ ܡܛܠ ܕܪܢܐ ܠܒܗ ܒܫܛܝܘܬܐ܂
18:03	ܘܡܐ ܕܐܬܐ ܥܘܠܐ ܠܥܘܡܩܐ ܕܒܝܫ̈ܬܐ܂ ܐܬܝܐ ܥܠܘܗܝ ܫܛܝܘܬܐ ܘܨܥܪܐ ܘܚܣܕܐ܂
18:04	ܡ̈ܝܐ ܥܡ̈ܝܩܐ ܡ̈ܠܝ ܦܘܡܗ ܕܓܒܪܐ܂ ܘܢܚܠܐ ܕܢܒܥ ܡܒܘܥܐ ܕܚܟܡܬܐ܂
18:05	ܠܡܣܒ ܒܐ̈ܦܐ ܕܥܘܠܐ ܠܐ ܫܦܝܪ܂ ܐܦ ܠܐ ܠܡܨܠܐ ܕܝܢܐ ܥܠ ܙܕܝܩܐ܂
18:06	ܣ̈ܦܘܬܗ ܕܣܟܠܐ ܥܐ̈ܠܢ ܒܕܝܢܐ܂ ܘܦܘܡܗ ܡܡܛܐ ܠܗ ܠܡܘܬܐ܂
18:07	ܦܘܡܗ ܕܣܟܠܐ ܬܒܪܐ ܗܘ ܠܢܦܫܗ܂ ܘܒܣ̈ܦܘܬܗ ܨܐܕ ܢܦܫܗ܂
18:08	ܡ̈ܠܘܗܝ ܕܚܒܢܢܐ ܪ̈ܡܝܢ ܠܗ ܒܒܝܫܬܐ܂ ܘܗ̈ܢܝܢ ܡܚ̈ܬܢ/ܡܝ̈ܬܢ#3#/ ܠܗ ܠܬܘ̈ܢܐ ܕܫܝܘܠ܂
18:09	ܘܐܝܢܐ ܕܡܪܦܐ ܐ̈ܝܕܘܗܝ ܒܥ݁ܒܕܗ܂ ܐܚܘܗܝ ܗܘ ܕܓܒܪܐ ܡܚܒܠܢܐ܀
18:10	ܡܓܕܠܐ ܗܘ ܥܫܝܢܐ ܫܡܗ ܕܡܪܝܐ܂ ܘܠܗ ܢܪܗܛ ܙܕܝܩܐ ܘܥܫܝܢܐ܂
18:11	ܐܝܩܪܐ ܘܥܘܬܪܐ ܡܕܝܢܬܐ ܕܥܘܫܢܗ܂ ܘܒܫܘܪܐ ܥܫܝܢܐ ܡܫܪܝܗ܂
18:12	ܩܕܡ ܬܒܪܐ ܢܬܬܪܝܡ ܠܒܗ ܕܓܒܪܐ܂ ܘܩܕܡ ܐܝܩܪܐ ܡܘܟܟܐ ‍<‍ܘܩܕܡ ܟܘܪܗܢܐ ܪܡܘܬ ܪܘܚܐ#3#‍>‍܂
18:13	ܕܝܗܒ ܦܬܓܡܐ ܥܕܠܐ ܢܫܡܥ܂ ܣܟܠܐ ܗܘ ܘܡܚܣܕܐ/ܘܡܚܣܕܢܐ#3#/܂
18:14	ܪܘܚܗ ܕܓܒܪܐ ܡܣܝܒܪܐ ܚܫܗ܂ ܘܪܘܚܐ ܡܟܐܒܬܐ ܡ݁ܢ/ܡܢܘ#1##2#/ ܢܣܝܒܪܝܗ݀܂
18:15	ܠܒܐ ܬܩܢܐ ܩܢܐ ܚܟܡܬܐ܂ ܘܐܕܢܐ ܚܟܝܡܬܐ ܨܝܬܐ ܝܕܥܬܐ܂
18:16	ܡܘܗ̈ܒܬܐ ܕܒܪܢܫܐ ܡܪ̈ܘܚܢ/ܡܪܚܡܢ#3#/ ܠܗ܂ ܘܩܕܡ ܪ̈ܘܪܒܢܐ ܡܩܝ̈ܡܢ/ܡܩܝܡܝܢ#2#/ ܠܗ܂
18:17	ܙܟܝ ܗܘ ܒܪܢܫܐ ܒܕܝܢܗ܂ ܘܡܐ ܕܐܬܐ ܚܒܪܗ ܒܕܩ ܠܗ܂
18:18	ܦܨܬܐ ܫܪܝܐ ܚܪܝܢܐ܂ ܘܒܝ̈ܢܬ ܥ̈ܫܝܢܐ ܦܪܫܐ܂

18:19	ܐܚܐ ܕܡܬܥܕܪ ܡܢ ܐܚܘܗܝ܂ ܐܝܟ ܡܕܝܢܬܐ ܡܢ ܚܣܢܗ݀܂ ܘܐ̈ܚܕܝܗ݀/ܘܐ݁ܚܕܗ#1##2#/ ܐܝܟ ܣܘܟܪܐ ܕܚܣܢܐ܂

18:20	ܡܢ ܦܐܪ̈ܝ ܦܘܡܗ ܕܓܒܪܐ ܬܣܒܥ ܟܪܣܗ܂ ܘܥ̈ܠܠܬܐ/ܘܡܢ ܥ̈ܠܠܬܐ#1##2#/ ܕܣ̈ܦܘܬܗ ܢܣܒܥ܂
18:21	ܡܘܬܐ ܘܚ̈ܝܐ ܒܝܕ ܠܫܢܐ ܗܘ܂ ܘܕܪܚܡ ܠܗ ܢܐܟܘܠ ܡܢ ܦܐܪ̈ܘܗܝ܂
18:22	ܕܡܫܟܚ ܐܢܬܬܐ ܛܒܬܐ ܡܫܟܚ ܛܒܬܐ܂ ܘܡܩܒܠ ܨܒܝܢܐ ܡܢ ܡܪܝܐ܂ ܘܕܡܦܩ ܐܢܬܬܐ ܛܒܬܐ ܡܦܩ ܛܒܬܐ ܡܢ ܒܝܬܗ܀
18:23	ܡܣܟܢܐ ܡܡܠܠ ܪ̈ܟܝܟܬܐ܂ ܘܥܬܝܪܐ ܡܡܠܠ ܥܫܝ̈ܢܬܐ܂
18:24	ܐܝܬ ܪ̈ܚܡܐ ܕܪ̈ܚܡܐ ܐܢܘܢ܂ ܘܐܝܬ ܪܚܡܐ ܕܢܩܦ ܝܬܝܪ ܡܢ ܐܚܐ܂