The Comprehensive Aramaic Lexicon

19:01	ܛܒ ܗܘ ܡܣܟܢܐ ܕܡܗܠܟ ܒܬܡܝܡܘܬܐ܂ ܝܬܝܪ ܡܢ ܥܬܝܪܐ/ܣܟܠܐ#1##2#/ ܕܡܥܩ̈ܡܢ ܐܘܪ̈ܚܬܗ܂
19:02	ܡ݁ܢ ܕܠܐ ܝܕܥ ܢܦܫܗ ܠܐ ܫܦܝܪ ܠܗ܂ ܘܕܩܠܝܠ ܒܪ̈ܓܠܘܗܝ ܚܛܐ܂
19:03	ܫܛܝܘܬܗ ܕܓܒܪܐ ܡܥܩܡܐ ܐܘܪ̈ܚܬܗ܂ ܘܥܠ ܡܪܝܐ ܡܬܪܥܡ ܒܠܒܗ܂
19:04	ܩܢܝܢܐ ܡܘܣܦ ܪ̈ܚܡܐ ܣ̈ܓܝܐܐ܂ ܘܡܣܟܢܐ ܦܪܫ/ܦܪܝܫ#2#/ ܡܢ ܪ̈ܚܡܘܗܝ܂
19:05	ܣܗܕܐ ܕܓܠܐ ܠܐ ܢܬܚܣܐ܂ ܘܕܡܡܠܠ ܕܓܠܘܬܐ/ܕܓܠ̈ܬܐ#3#/ ܠܐ ܢܬܦܨܐ܂
19:06	ܣ̈ܓܝܐܐ ܕܡܫܡܫܝܢ ܩܕܡ ܪܒܐ܂ ܘܠܕܒܝܫ̈ܝܢ ܝܗܒ ܡܘܗ̈ܒܬܐ܂
19:07	ܟܠܗܘܢ ܐ̈ܚܘܗܝ ܕܡܣܟܢܐ ܣܢܝܢ ܠܗ܂ ܘܐܦ ܪ̈ܚܡܘܗܝ \ܪ̈ܚܝܩܝܢ /ܡܪܚܩܝܢ#3# /ܡܬܪܚܩܝܢ#3#/ ܡܢܗ܂ ܐܝܢܐ ܕܛܪܟܢ ܒܡ̈ܠܘܗܝ ܠܐ ܫܪܝܪ܂
19:08	ܘܕܩܢܐ ܚܟܡܬܐ ܪܚܡ ܢܦܫܗ܂ ܕܢܛܪ ܗܝܡܢܘܬܐ ܡܫܟܚ ܛܒܬܐ܂
19:09	ܘܣܗܕܐ ܕܓܠܐ ܠܐ ܢܬܚܣܐ܂ ܘܕܡܡܠܠ ܕܓܠܘܬܐ/ܕܓܠ̈ܬܐ#3#/ ܢܐܒܕ܂
19:10	ܠܐ ܝܐܐ ܠܣܟܠܐ ܦܘܢܩܐ܂ ܐܦ ܠܐ ܠܥܒ݂ܕܐ ܕܢܫܬܠܛ ܒܪ̈ܘܪܒܢܐ܂
19:11	ܣܘܟܠܗ ܕܓܒܪܐ ܢܓܝܪܘܬ ܪܘܚܗ ܗܝ܂ ܘܬܫܒܘܚܬܗ ܡܥܒܪܐ ܥܘ݂ܠܐ܂
19:12	ܢܗܡ ܐܝܟ ܐܪܝܐ ܪܘܓܙܗ ܕܡܠܟܐ܂ ܘܐܝܟ ܛܠܐ ܥܠ ܥܣܒܐ ܨܒܝܢܗ܂
19:13	ܒܗܬܬܐ ܗܘ ܠܐܒܐ ܒܪܐ ܣܟܠܐ܂ ܘܐܝܟ ܕܠܦܐ ܕܢܛܦ ܪܢܝܗ݀ ܕܐܢܬܬܐ܂
19:14	ܒܝܬܐ ܘܩܢܝܢܐ ܝܘܪܬܢܐ/ܝܘܬܪܢܐ#1##2#/ ܗܘ ܕܐܒܐ܂ ܘܡܢ ܡܪܝܐ ܗܘ ܡܬܡܟܪܐ ܐܢܬܬܐ ܠܓܒܪܐ܂
19:15	ܢܘܡܬܐ ܝܗܒܐ ܫܢܬܐ܂ ܘܢܦܫܐ ܪܡܬܐ ܬܟܦܢ܂
19:16	ܕܢܛܪ ܦܘܩܕܢܐ ܡܙܕܗܪ ܒܢܦܫܗ܂ ܘܕܫܐܛ ܐܘܪ̈ܚܬܗ ܢܬܩܛܠ܂
19:17	ܕܡܬ݁ܠܘܐ ܠܡܪܝܐ ܡܪܚܡ ܥܠ ܡܣܟܢܐ܂ ܘܐܝܟ ܥ݁ܒ̈ܕܘܗܝ ܡܬܦܪܥ܂
19:18	ܪܕܝ ܒܪܟ ܡܛܠ ܕܐܝܬ ‍<‍ܒܗ#3#‍>‍ ܣܒܪܐ܂ ܘܠܨܥܪܗ ܠܐ ܬܪܡܐ ܢܦܫܟ܂

19:19	ܓܒܪܐ ܚܡܬܢܐ ܡܩܒܠ ܬܘܟܐ܂ ܘܟܡܐ ܕܡܥܠܐ ܥܠ ܛܥܢܗ ܡܘܣܦ܂

19:20	ܫܡܥ ܡܠ݂ܟܐ ܘܩܒܠ ܡܪܕܘܬܐ܂ ܐܝܟ ܕܬܬܚܟܡ ܒܐܘܪ̈ܚܬܟ܂
19:21	ܣ̈ܓܝܐܢ ܡܚܫ̈ܒܬܐ ܒܠܒܗ ܕܓܒܪܐ܂ ܘܬܪܥܝܬܐ ܕܡܪܝܐ ܬܬܩܝܡ܂
19:22	ܪܓܬܗ ܕܒܪ ܐܢܫܐ ܛܝܒܘܬܗ܂ ܘܛܒ ܗܘ ܡܣܟܢܐ ܡܢ ܓܒܪܐ ܥܬܝܪܐ ܕܡܕܓܠ܂
19:23	ܕܚܠܬܗ ܕܡܪܝܐ ܠܚ̈ܝܐ܂ ܘܡ݁ܢ ܕܣܒܥܗ݀ ܢܒܘܬ ܘܠܐ ܢܦܩܘܕ ܒܝܫܬܐ܂
19:24	ܚܒܢܢܐ ܕܡܛܫܐ ܐ̈ܝܕܘܗܝ ܒܥܘܒܗ܂ ܐܦ ܠܐ ܠܦܘܡܗ ܢܩܪܒ ܐܢܝ̈ܢ܂
19:25	ܣܟܠܐ ܡܐ ܕܡܬܢܓܕ ܚܟܝܡܐ ܡܙܕܗܪ܂ ܘܐܢ ܬܟܣ ܠܚܟܝܡܐ ܡܣܬܟܠ ܝܕܥܬܐ܂
19:26	ܕܒܐܙ ܠܐܒܘܗܝ ܘܡܥܝܩ ܠܐܡܗ܂ ܒܪܐ ܗܘ ܡܒܗܬܢܐ ܘܡܚܦܪܢܐ܂
19:27	ܦܘܫ ܒܪܝ ܘܫܡܥ ܡܪܕܘܬܐ/ܡ̈ܠܝ#3#/܂ ܘܠܐ ܬܛܥܐ ܡܐܡܪܐ ܕܝܕܥܬܐ܂
19:28	ܣܗܕܐ ܥܘܠܐ ܡܥܫܢ ܕܝܢܐ܂ ܘܦܘܡܗ ܕܥܘܠܐ ܡܛܒܥ ܠܗ܂
19:29	ܡܛܝܒܝܢ ܟܐ̈ܒܐ ܠܐܝܠܝܢ ܕܡܥܫܢܝܢ ܕܝܢܐ܂ ܘܡܚܘܬܐ ܠܥܡܐ ܣܟܠܐ܂