The Comprehensive Aramaic Lexicon

20:01	ܥܫܝܢ ܗܘ ܚܡܪܐ ܘܪܘܝܘܬܐ ܡܨܥܪܢܝܐ܂ ܘܟܠ ܕܡܫܬܪܚ ܒܗ ܠܐ ܗܘ݂ܐ/ܗ݀ܘܐ#3#/ ܚܟܝܡ܂
20:02	ܢܗܡ ܐܝܟ ܐܪܝܐ ܪܘܓܙܗ ܕܡܠܟܐ܂ ܘܕܡܚܡܬ ܠܗ ܚܛܐ ܥܠ ܢܦܫܗ܂
20:03	ܬܫܒܘܚܬܗ ܕܓܒܪܐ/ܕܡܠܟܐ#3#/ ܡܐ ܕܡܦܪܩ ܚܪܝܢܐ܂ ܘܟܠ ܕܣܟܠ ܡܡܝܩ܂
20:04	ܡܬܚܣܕ ܚܒܢܢܐ ܘܠܐ ܫܬܩ܂ ܘܫܐܠ ܒܚܨܕܐ ܘܠܝܬ ܡ̈ܝܐ܂
20:05	ܥܡܝܩܐ ܡܠܬܐ ܒܠܒܗ ܕܡܠܟܐ܂ ܘܓܒܪܐ ܚܟܝܡܐ ܢܕܠܝܗ݀܂
20:06	ܣܘܓܐܐ ܕܒ̈ܢܝ ܐܢܫܐ ܡܬܩܪ̈ܝܢ ܓܒܪ̈ܐ ܡܪ̈ܚܡܢܐ܂ ܓܒܪܐ ܕܝܢ ܡܗܝܡܢܐ ܡܢܘ ܡܫܟܚ܂
20:07	ܙܕܝܩܐ ܕܡܗܠܟ ܒܬܡܝܡܘܬܐ܂ ܛܘܒܝܗܘܢ ܠܒܢ̈ܘܗܝ ܡܢ ܒܬܪܗ܂
20:08	ܡܠܟܐ ܝܬܒ/ܝܬ݁ܝܒ#3#/ ܥܠ ܟܘܪܣܝܐ ܕܕܝܢܐ܂ ܘܡܬܒܕܪ̈ܢ ܡܢ ܩܕܡܘܗܝ ܟܠܗܝܢ ܒܝܫܬ̈ܐ܂

20:09	ܡ݁ܢ ܢܐܡܪ ܕܙ݁ܟܝ ܐܢܬ ܠܒܝ܂ ܘܐܬܕܟܝܬ ܡܢ ܚ̈ܛܗܐ܂

20:10	ܡܬܩܠܐ ܘܡܬܩܠܐ܂ ܟܝܠܐ/ܟܝܠܬܐ#3#/ ܘܟܝܠܬܐ܂ ܡܣܠܝܢ ܐܢܘܢ ܩܕܡ ܡܪܝܐ ܬܪ̈ܝܗܘܢ܂
20:11	ܐܦ ܒܥ݁ܒ̈ܕܘܗܝ ܡܬܝܕܥ ܛܠܝܐ܂ ܐܢ ܕܟܐ ܗܘ ܘܐܢ ܬܪ̈ܝܨܝܢ ܥ݁ܒ̈ܕܘܗܝ܂
20:12	ܐܕܢܐ ܕܫܡܥܐ ܘܥܝܢܐ ܕܚܙܝܐ ܡܪܝܐ ܥܒ݂ܕ ܐܢܝ̈ܢ܂
20:13	ܠܐ ܬܪܚܡ ܫܢܬܐ ܕܠܐ ܬܬܡܣܟܢ܂ ܐܠܐ ܦܬܚ ܥܝܢ̈ܝܟ ܘܣܒܥ ܠܚܡܐ܂
20:14	ܪܚܡܐ ܢܐܡܪ ܠܚܒܪܗ ܕܩܢܝܬ܂ ܘܗܝܕܝܢ ܢܫܬܒܚ܂
20:15	ܘܢܐܡܪ ܕܐܝܬ ܕܗܒܐ ܘܣܘܓܐܐ ܕܟܐ̈ܦܐ ܛܒ̈ܬܐ܂ ܘܡܐ̈ܢܐ ܝܩܝܪ̈ܐ ܘܣ̈ܦܘܬܐ ܕܝܕܥܬܐ܂
20:16	ܢܣܒܘ ܡܪܛܘܛܗ ܕܡ݁ܢ ܕܥܪܒ ܠܢܘܟܪܝܐ܂ ܘܥܠ ܐ̈ܦܝ ܢܘܟܪ̈ܝܐ ܢܣܒܘ ܡܫܟܢܗ܂
20:17	ܥܪܒ ܠܓܒܪܐ ܒܠܚܡܐ ܕܓܠܐ܂ ܘܒܬܪ ܗܝܕܝܢ ܢܬܡܠܐ ܦܘܡܗ ܚ̈ܨܨܐ܂
20:18	ܡܚܫܒܬܐ ܒܬܪܥܝܬܐ ܡܬܩܢܐ܂ ܘܒܓܘܪܓܐ ܡܬܥܒܕ ܩܪܒܐ܂
20:19	ܕܓܠܐ ܐܪܙܐ ܐܟܠܩܪܨܐ܂ ܘܕܡܗܝܡܢ ܒܪܘܚܗ ܟܣܐ ܡܠܬܐ܂ ܘܥܡ ܡ݁ܢ ܕܡܣܪ̈ܗܒܢ ܣ̈ܦܘܬܗ ܠܐ ܬܬܚܠܛ܂
20:20	ܕܠܐܛ ܠܐܒܘܗܝ ܘܠܐܡܗ܂ ܢܕܥܟ ܫܪܓܗ܂ ܐܝܟ ܒܒܬܐ ܚܫܘܟܬܐ܂
20:21	ܝܪܬܘܬܐ ܕܡܣܪܗܒܐ ܒܩܕܡܝܬܗ݀܂ ܒܐܚܪܝܬܗ݀ ܠܐ ܬܬܒܪܟ܂
20:22	ܠܐ ܬܐܡܪ ܕܐܦܪܘܥ ܒܝܫܬܐ ‍<‍ܚܠܦ ܛܒܬܐ#1##2#‍>‍܂ ܐܠܐ ܣܟܐ ܠܡܪܝܐ ܕܢܦܪܩܟ܂
20:23	ܛܡܐܝܢ ܐܢܘܢ ܩܕܡ ܡܪܝܐ ܡܬܩ̈ܠܐ ܘܡܬ̈ܩܠܐ܂ ܘܡܣܐ̈ܬܐ ܕܢܟܠܐ ܠܐ ܫܦܝܪ̈ܢ܂
20:24	ܡܢ/ܡܢ ܩܕܡ#3#/ ܡܪܝܐ ܗ̈ܠܟܬܗ ܕܓܒܪܐ܂ ܘܐܝܢܘ ܒܪܢܫܐ/ܓܒܪܐ#3#/ ܕܢܬܩܢ ܐܘܪܚܗ܂
20:25	ܦܚܐ ܗܘ ܠܒܪܢܫܐ ܕܢܕܪ ܠܩܘܕܫܐ܂ ܘܡܢ ܒܬܪ ܕܢܕܪ ܬܘܝܐ ܠܗ ܢܦܫܗ܂
20:26	ܡܒܕܪ ܠܥܘ̈ܠܐ ܡܠܟܐ ܚܟܝܡܐ܂ ܘܡܗܦܟ ܥܠܝܗܘܢ ܓܝܓܠܐ܂
20:27	ܫܪܓܗ ܕܡܪܝܐ ܢܫܡܬܐ ܗܝ ܕܒܢ̈ܝ ܐܢܫܐ܂ ܘܒܨܝܐ ܟܠܗܘܢ ܬܘ̈ܢܐ ܕܟܪܣܐ܂
20:28	ܛܝܒܘܬܐ ܘܩܘܫܬܐ ܢܛܪܝܢ ܠܡܠܟܐ܂ ܘܡܬܩܢ/ܘܡܛܝܒ#3#/ ܟܘܪܣܝܗ ܒܛܝܒܘܬܐ܂
20:29	ܬܫܒܘܚܬܐ ܕܓܕܘ̈ܕܐ ܚܝܠܗܘܢ܂ ܘܗܕܪܐ ܕܩܫܝ̈ܫܐ ܣܝܒܘܬܐ܂
20:30	ܫܚܩܐ ܘܫܘܢܩܐ ܦܓܥ ܒܒܝܫ̈ܐ܂ ܘܡܚܘܬܐ/ܘܡܚܬܐ#3#/ ܠܬܘ̈ܢܐ ܕܟܪܣܗܘܢ܂