The Comprehensive Aramaic Lexicon

21:01	ܐܝܟ ܬܦܐ ܕܡ̈ܝܐ ܠܒܗ ܕܡܠܟܐ ܒܐ̈ܝܕܘܗܝ ܕܐܠܗܐ܂ ܘܠܐܬܪ ܕܨܒܐ ܡܪܟܢ ܠܗ܂
21:02	ܟܠܗܝܢ ܐܘܪ̈ܚܬܗ ܕܓܒܪܐ ܬܪ̈ܝܨܢ ܐ̈ܢܝܢ ܒܥܝܢ̈ܝ ܢܦܫܗ܂ ܘܡܪܝܐ ܡܬܩܢ ܠܒܐ܂
21:03	ܡ݁ܢ ܕܥܒܕ ܙܕܝܩܘܬܐ ܘܕܝܢܐ܂ ܓܒܐ ܗܘ ܠܡܪܝܐ ܡܢ ܕܒܚܬܐ܂
21:04	ܪܘܡܐ/ܢܘܗܪܐ#2#/ ܕܥܝ̈ܢܐ ܘܪܘܚܬܐ ܕܠܒܐ܃ ܘܫܪܓܐ ܕܥܘ̈ܠܐ ܚܛܝܬܐ܂
21:05	ܡܚܫ̈ܒܬܗ ܕܓܒܝܐ ܡܗܝ̈ܡܢܢ܂ ܘܕܒܝܫܐ ܡܚܣܪ̈ܢ/ܡܚܣ̈ܕܢ#3#/܂
21:06	ܡܥܒܕܢܘܬܐ/ܡܥܒܪܢܘܬܐ#3#/ ܕܣܝܡܬܐ ܒܠܫܢܐ ܕܓܠܐ܂ ܘܠܐܒܕܢܐ ܢܣܬܚܦܘܢ ܐܝܠܝܢ ܕܒܥܝܢ ܠܡܘܬܐ܂
21:07	ܬܒܪܐ ܕܥܘ̈ܠܐ ܢܐܬܐ ܥܠܝܗܘܢ܂ ܥܠ ܕܠܐ ܨܒܘ ܠܡܥܒܕ ܕܝܢܐ܂
21:08	ܕܗܦܟ ܐܘܪܚܗ ܓܒܪܐ ܗܘ ܢܘܟܪܝܐ܂ ܘܐܝܢܐ ܕܕܟܐ ܬܪ̈ܝܨܝܢ ܥ݁ܒ̈ܕܘܗܝ܂

21:09	ܦܩܚ ܠܡܬܒ ܥܠ ܩܪܢܐ ܕܐܓܪܐ܂ ܡܢ ܕܠܡܥܡܪ ܥܡ ܐܢܬܬܐ ܢܨܝܬܐ܂

21:10	ܢܦܫܗ ܕܥܘܠܐ ܠܐ ܡܬܚܙܝܐ ܒܥܝܢ̈ܝ ܚܒܪ̈ܘܗܝ܂
21:11	ܘܒܬܘܟܗ ܕܒܝܫܐ ܡܬܚܟܡ ܫܒܪܐ܂ ܘܚܟܝܡܐ ܒܬܪܥܝܬܗ ܡܩܒܠ ܝܕܥܬܐ܂
21:12	ܡܣܬܟܠ ܙܕܝܩܐ ܠܒܗܘܢ ܕܥܘ̈ܠܐ܂ ܘܕܚܩ ܠܥܘ̈ܠܐ ܠܒܝܫܬܐ܂
21:13	ܕܡܣܟܪ ܐ̈ܕܢܘܗܝ ܕܠܐ ܢܫܡܥ ܠܡܣܟܢܐ܂ ܐܦ ܗܘ ܢܩܪܐ ܠܐܠܗܐ ܘܠܐ ܢܥܢܝܘܗܝ܂
21:14	ܡܘܗܒܬܐ ܕܒܛܘܫܝܐ ܡܦܪܩܐ ܪܘܓܙܐ܂ ܘܕܚܐܣ ܠܡܬܠ ܡܥܝܪ ‍<‍ܡܢ#3#‍>‍ ܪܘܓܙܐ܂
21:15	ܚܕܘܬܗ ܕܙܕܝܩܐ ܥܒܕܐ ܕܝܢܐ ܘܬܒܪܐ/ܘܬ݂ܒܪܐ#3#/ ܠܥ݁ܒ̈ܕܝ/ܠܥܒ݂̈ܕܝ#1##2#/ ܥܘ݂ܠܐ܂
21:16	ܒܪܢܫܐ ܕܛܥܐ ܡܢ ܐܘܪܚܐ ܕܣܘܟܠܐ܂ ܥܡ ܒܢ̈ܝ ܐܪܥܐ ܢܬܬܢܚ܂
21:17	ܓܒܪܐ ܕܚܣܝܪ ܠܗ ܘܪܚܡ ܚܕܘܬܐ ܘܚܡܪܐ ܘܒܣܡܐ ܠܐ ܢܥܬܪ܂
21:18	ܬܚܠܘܦܗ ܕܙܕܝܩܐ ܥܘܠܐ܂ ܘܚܠܦ ܬܪܝܨܐ ܕܓܠܐ܂
21:19	ܛܒ ܠܡܬܒ ܒܐܪܥܐ ܕܡܕܒܪܐ܂ ܡܢ ܕܠܡܥܡܪ ܥܡ ܐܢܬܬܐ ܢܨܝܬܐ ܘܡܪܓܙܢܝܬܐ܂
21:20	ܣܝܡܬܐ ܪܓܝܓܬܐ ܘܡܫܚܐ ܒܕܝܪܐ/ܒܒܝܬܐ#3#/ ܚܟܡܬܐ܂ ܘܣܘܟܠܐ ܕܒܢ̈ܝ ܐܢܫܐ ܢܒܠܥܝܗ݀܂
21:21	ܕܒܥܐ ܙܕܝܩܘܬܐ ܘܛܝܒܘܬܐ܂ ܡܫܟܚ ܚܝ̈ܐ ܘܙܕܝܩܘܬܐ ܘܬܫܒܘܚܬܐ܂
21:22	ܠܡܕܝܢܬܐ ܕܓܢܒܪܐ ܣܠܩ ܚܟܝܡܐ܂ ܘܟܒܫ ܚܣܢܐ ܕܬܘܟܠܢܗ݀܂
21:23	ܕܢܛܪ ܦܘܡܗ ܘܠܫܢܗ܂ ܢܛܪ ܢܦܫܗ ܡܢ ܐܘܠܨܢܐ܂
21:24	ܡܪܚܐ ܕܥܫܝܢ ܫܡܗ܂ ܥܒܕ ܥܘ݂ܠܐ ܒܐܟܬܗ܂
21:25	ܪܓܬܗ ܕܚܒܢܢܐ ܩܛܠܐ ܠܗ܂ ܡܛܠ ܕܠܐ ܨܒܐ ܕܢܥܒ̈ܕܢ ܐ̈ܝܕܘܗܝ ܥ݁ܒܕܐ܂
21:26	ܘܟܠܗ ܝܘܡܐ ܪܐܓ ܪܓܬܐ܂ ܙܕܝܩܐ ܝܗܒ ܘܠܐ ܚܐܣ܂
21:27	ܘܕܒܚܐ ܕܥܘ̈ܠܐ ܛܡܐ ܗܘ ‍<‍ܩܕܡ ܡܪܝܐ#2#‍>‍܂ ܡܛܠ ܕܒܥܘ݂ܠܐ ܡܝܬܝܢ ܠܗ܂
21:28	ܣܗܕܐ ܕܓܠܐ ܢܐܒܕ܂ ܘܓܒܪܐ ܫܡܘܥܐ ܬܪܝܨܐܝܬ ܡܡܠܠ܂
21:29	ܚܨ̈ܝܦܢ ܐ̈ܦܘܗܝ ܕܓܒܪܐ ܥܘܠܐ܂ ܘܐܝܢܐ ܕܬܪܝܨ ܗܘ ܡܬܩܢ ܐܘܪ̈ܚܬܐ ܕܢܦܫܗ܂
21:30	ܠܝܬ ܚܟܡܬܐ ܐܦ ܠܐ ܣܘܟܠܐ܂ ܘܐܦ ܠܐ ܬܪܥܝܬܐ ܐܝܟ ܕܡܪܝܐ܂
21:31	ܣܘܣܝܐ ܡܛܝܒ ܠܝܘܡܐ ܕܩܪܒܐ܂ ܘܕܡܪܝܐ ܗܘ ܦܘܪܩܢܐ܂