The Comprehensive Aramaic Lexicon

25:01	ܐܦ ܗ̈ܠܝܢ ܡ̈ܬܠܘܗܝ ܕܫܠܝܡܘܢ ܥܡ̈ܝܩܐ܂ ܕܟܬܒܘ ܪ̈ܚܡܘܗܝ ܕܚܙܩܝܐ ܡܠܟܐ ܕܝܗܘܕܐ܃
25:02	ܬܫܒܘܚܬܗ ܕܐܠܗܐ ܡ݁ܢ ܕܡܛܫܐ ܡܠܬܐ܂ ܘܬܫܒܘܚܬܗ ܕܡܠܟܐ ܡ݁ܢ ܕܒܨܐ ܡܠܬܐ܂
25:03	ܫܡܝܐ ܪ̈ܡܝܢ܂ ܘܐܪܥܐ ܥܡܝܩܐ܂ ܘܠܒܗ ܕܡܠܟܐ ܠܐ ܡܬܒܨܐ܂
25:04	ܓܒܘ ܣܘܠܐܢܐ ܡܢ ܣܐܡܐ܂ ܕܢܦܘܩ ܡܐܢܐ ܟܕ ܕܟܐ܂
25:05	ܢܬܬܒܪܘܢ/ܢܬܒܕܪܘܢ#3#/ ܥܘ̈ܠܐ ܡܢ ܩܕܡ ܡܠܟܐ܂ ܘܢܬܩܢ ܟܘܪܣܝܗ ܒܙܕܝܩܘܬܐ܂
25:06	ܠܐ ܬܫܬܒܗܪ ܩܕܡ ܡܠܟܐ܂ ܘܒܕܘܟܬܐ ܕܪ̈ܘܪܒܢܐ ܠܐ ܬܩܘܡ܂
25:07	ܫܦܝܪ ܗܘ ܓܝܪ ܕܢܐܡܪ ܠܟ ܐܬܩܪܒ ܠܥܠ ܛܒ ܡܢ ܕܢܡܟܟܟ܂ ܩܕܡ ܫܠܝܛܐ ܡܕܡ ܕܚ̈ܙܝ ܥܝܢ̈ܝܟ ܗ݂ܘ/ܗ݀ܘ#3#/ ܐܡܪ܂
25:08	ܘܠܐ ܬܦܘܩ ܠܡܕܢ ܡܣܪܗܒܐܝܬ܂ ܕܠܐ ܟܕ ܬܕܘܢ ܒܐܚܪܝܬܐ ܢܚܣܕܟ ܪܚܡܟ܂
25:09	ܕܝܢܟ ܕܘܢ ܥܡ ܚܒܪܟ܂ ܘܪܐܙܐ ܐܚܪܢܐ ܠܐ ܬܓܠܐ܂
25:10	ܕܠܐ ܡ݁ܢ ܕܫܡܥ ܢܚܣܕܟ܂ ܘܢܪܢܘܢ ܒܟ ܣ̈ܓܝܐܐ܂

25:11	ܚܙܘܪܐ ܕܕܗܒܐ ܒܢܓܘܕܐ ܕܣܐܡܐ ܕܡܡܠܠ ܡܠܬܐ܂

25:12	ܩܕܫܐ ܕܕܗܒܐ ܘܣܪܕܘܢ ܛܒܐ܂ ܗܟܢܐ ܡܟܣܢܘܬܐ ܕܚ̈ܟܝܡܐ ܠܐܕܢܐ ܕܫܡܥܐ/ܕܫܡܘ̈ܥܐ#3#/܂
25:13	ܐܟܙܢܐ ܕܡܐ ܕܢܚܬ ܬܠܓܐ ܒܝܘܡܐ ܕܚܨܕܐ ܡܦܝܓ ܚܘܡܐ܂ ܗܟܢܐ ܐܝܙܓܕܐ ܡܗܝܡܢܐ ܠܡܫܕܪ̈ܘܗܝ/ܠܡܫܕܪ̈ܢܘܗܝ#1##2#/܂ ܘܢܦܫܐ ܕܡܪ̈ܘܗܝ ܡܗܦܟ܂
25:14	ܐܟܙܢܐ ܕܡܐ ܕܐܝܬ ܥܢ̈ܢܐ ܘܪܘܚܐ ܘܡܛܪܐ ܠܝܬ܂ ܗܟܢܐ ܗܘ ܓܒܪܐ ܕܡܫܬܒܗܪ ܒܡ̈ܘܗܒܬܐ/ܒܡܘ̈ܡܬܐ#3#/ ܕܓ̈ܠܬܐ܂
25:15	ܒܢܓܝܪܘܬ ܪܘܚܐ ܡܫܕܠ ܫܠܝܛܐ܂ ܘܒܠܫܢܐ ܪܟܝܟܐ ܬܒܪ ܓܪ̈ܡܐ܂
25:16	ܡܐ ܕܐܫܟܚܬ ܕܒܫܐ ܡܣܬܟ ܐܟܘܠ܂ ܕܠܐ ܟܕ ܬܣܒܥ ܬܬܝܒܝܘܗܝ܂
25:17	ܠܐ ܬܬܟܒ ܪܓܠܟ ܠܒܝܬ ܪܚܡܟ܂ ܕܠܐ ܢܣܒܥܟ ܘܢܣܢܝܟ܂
25:18	ܐܝܟ ܦܕܘܥܐ ܘܣܝܦܐ ܘܓܐܪܐ ܫܢܝܢܐ܂ ܗܟܢܐ ܗܘ ܓܒܪܐ ܕܡܣܗܕ ܣܗܕܘܬܐ ܕܓܠܬܐ ܥܠ ܚܒܪܗ܂
25:19	ܐܝܟ ܫܢܐ ܕܒܝܫܐ ܘܐܝܟ ܪܓܠܐ ܡܙܥܬܐ܂ ܗܟܢܐ ܗܘ ܬܘܟܠܢܗ ܕܕܓܠܐ/ܕܥܘܠܐ#1##2#/ ܒܝܘܡܐ ܕܐܘܠܨܢܐ܂
25:20	ܡ݁ܢ ܕܫܩܠ ܡܪܛܘܛܐ ܡܢ ܚܒܪܗ ܒܝܘܡܐ ܕܩܪܬܐ܂ ܐܝܟ ܗ݀ܘ ܗ݂ܘ ܕܪܡܐ ܚܠܐ ܥܠ ‍{‍ܝ‍}‍‍<‍ܢ‍>‍ܬܪܐ܂ ܘܡܨܪܦ ܠܠܒܐ ܟܝܒܐ܂ ܐܝܟ ܣܣܐ ܠܡܐܢܐ ܘܐܝܟ ܒܠܛܝܬܐ ܠܩܝܣܐ܂ ܗܟܢܐ ܟܪܝܘܬܐ ܡܗܪܐ ܠܠܒܗ ܕܓܒܪܐ܂
25:21	ܐܢ ܟܦܢ ܒܥܠܕܒܒܟ ܐܘܟܠܝܗܝ܂ ܘܐܢ ܨܗܐ ܐܫܩܝܗܝ܂
25:22	ܘܟܕ ܗܠܝܢ ܬܥܒܕ ܠܗ܂ ܓܘܡܪ̈ܐ ܕܢܘܪܐ \ܚܕܐ /ܚܒܐ#3# /ܚܙܐ#3#/ ܐܢܬ ܥܠ ܪܝܫܗ܂ ܘܡܪܝܐ ܦܪܥ ܠܟ܂
25:23	ܐܝܟ ܕܪܘܚܐ ܓܪܒܝܐ ܒܛܢܐ ܡܛܪܐ܂ ܗܟܢܐ ܐ̈ܦܐ ܒܝܫ̈ܬܐ ܘܠܫܢܐ ܡܛܫܝܐ܂
25:24	ܫܦܝܪ ܠܡܥܡܪ ܥܠ/ܥܡ#3#/ ܩܪܢܐ ܕܐܓܪܐ܂ ܡܢ ܕܠܡܥܡܪ ܥܡ ܐܢܬܬܐ ܢܨܝܬܐ ܘܒܒܝܬܐ ܕܦ̈ܠܓܘܬܐ܂
25:25	ܐܝܟ ܙܢܐ ܕܡ̈ܝܐ ܩܪ̈ܝܪܐ ܠܢܦܫܐ ܨܗܝܬܐ܂ ܗܟܢܐ ܗܘ ܛܒ݂ܐ ܫܦܝܪܐ ܕܐܬܐ ܡܢ ܐܪܥܐ ܪܚܝܩܬܐ܂
25:26	ܐܝܟ ܕܣܟܪ ܐܢܫ ܡܒܘܥܐ܂ ܘܡܦܩܢܐ ܕܡ̈ܝܐ ܡܚܒܠ܂ ܗܟܢܐ ܗܘ ‍<‍ܓܒܪܐ#3#‍>‍ ܙܕܝܩܐ ܡܐ ܕܢܦܠ ܩܕܡ ܥܘܠܐ܂
25:27	ܠܡܐܟܠ ܕܒܫܐ ܣܓܝ ܠܐ ܫܦܝܪ܂ ܐܦ ܠܐ ܠܡܒܨܐ ܡ̈ܠܐ ܡܫ̈ܒܚܬܐ܂
25:28	ܐܝܟ ܡܕܝܢܬܐ ܬܪܝܥܬܐ ܕܠܝܬ ܠܗ݀ ܫܘܪܐ܂ ܗܟܢܐ ܗܘ ܓܒܪܐ ܕܠܐ ܢܓܝܪܐ ܪܘܚܗ܂