The Comprehensive Aramaic Lexicon

26:01	ܐܝܟ ܬܠܓܐ ܒܩܝܛܐ ܘܐܝܟ ܡܛܪܐ ܒܚܨܕܐ܂ ܗܟܢܐ ܠܐ ܝܐܐ ܐܝܩܪܐ ܠܣܟܠܐ܂
26:02	ܐܝܟ ܨܦܪܐ ܘܚܝܘܬ ܟܢܦܐ ܕܦܪ̈ܚܢ ܒܐܐܪ܂ ܗܟܢܐ ܠܘܛܬܐ ܣܪܝܩܬܐ ܦܗܝܐ܂
26:03	ܫܘܛܐ ܠܣܘܣܝܐ ܘܙܩܬܐ ܠܚܡܪܐ܂ ܗܟܢܐ ܐܦ ܙܩܬܐ ܠܓܒܪܐ ܣܟܠܐ܂
26:04	ܠܐ ܬܬܠ ܦܬܓܡܐ ܠܣܟܠܐ/ܠܓܒܪܐ ܣܟܠܐ#3#/ ܐܝܟ ܣܟܠܘܬܗ܂ ܕܠܐ ܐܦ ܐܢܬ ܬܬܕܡ݁ܐ/ܬܕܡ݂ܐ#3#/ ܠܗ܂
26:05	ܐܠܐ ܡܠܠ ܥܡ ܣܟܠܐ ܐܝܟ ܚܟܝܡܘܬܟ܂ ܕܠܐ ܢܣܒܪ ܒܢܦܫܗ ܕܚܟܝܡ ܗܘ܂
26:06	ܡܢ ܬܚܝܬ ܪܓܠܗ ܫܬܐ ܥܘ݂ܠܐ܂ ܡ݁ܢ ܕܡܫܕܪ ܡܠܬܐ ܒܝܕ ܣܟܠܐ܂
26:07	ܐܢ ܬܬܠ ܗܠܟܬܐ ܠܚܓܝܪܐ܂ ܬܩܒܠ ܡܠܬܐ ܡܢ ܦܘܡܗ ܕܣܟܠܐ܂
26:08	ܐܝܟ ܟܐܦܐ ܒܩܠܥܐ܂ ܗܟܢܐ ܡ݁ܢ ܕܡܫܒܚ ܠܣܟܠܐ܂
26:09	ܟܘܒ̈ܐ ܝܥܘ ܒܐܝܕܗ ܕܪܘܝܐ܂ ܘܫܛܝܘܬܐ ܒܦܘܡܗ ܕܣܟܠܐ܂
26:10	ܣܓܝ ܚܐܫ ܒܣܪܗ ܕܣܟܠܐ܂ ܘܪܘܝܐ ܥܒܪ ܝܡܐ܂
26:11	ܐܝܟ ܟܠܒܐ ܕܗܦܟ ܥܠ ܬܝܘܒܗ܂ ܗܟܢܐ ܗܘ ܣܟܠܐ ܕܫܛܐ ܒܣܟܠܘܬܗ܂
26:12	ܐܢ ܚܙܝܬ ܓܒܪܐ ܕܚܟܝܡ ܒܥܝܢ̈ܝ ܢܦܫܗ܂ ܦܩܚ ܣܟܠܐ ܛܒ ܡܢܗ܀
26:13	ܐܡܪ ܚܒܢܢܐ ܡܐ ܕܡܫܬܕܪ܂ ܐܪܝܐ ܒܐܘܪܚܐ ܘܐܪܝܐ/ܘܩܛܠܐ#3#/ ܒܝܬ ܫ̈ܘܩܐ܂
26:14	ܐܝܟ ܬܪܥܐ ܕܡܬܟܪܟ ܥܠ ܨܝܪܬܗ܂ ܗܟܢܐ ܚܒܢܢܐ ܡܬܗܦܟ ܒܥܪܣܗ܂
26:15	ܚܒܢܢܐ ܕܡܛܫܐ ܐ̈ܝܕܘܗܝ ܒܥܘܒܗ܂ ܢܠܐܐ ܕܢܘܒܠ ܐܢܝ̈ܢ ܠܦܘܡܗ܂
26:16	ܚܒܢܢܐ ܚܟܝܡ ܒܥܝܢ̈ܝ ܢܦܫܗ܂ ܛܒ ܡܢ ܫܒܥܐ ܝܗ̈ܒܝ ܛܥܡܐ܂
26:17	ܕܡܠܛ ܒܕܝܢܐ ܕܠܐ ܕܝܠܗ܂ ܐܝܟ ܗ݀ܘ ܗܘ ܕܐܚܝܕ ܒܐ̈ܕܢܘܗܝ ܕܟܠܒܐ܂

26:18	ܐܝܟ ܙܢܐ ܕܫܒܗܪ̈ܢܐ ܡܫܕܝܢ ܡ̈ܠܐ ܐܝܟ ܓܐܪ̈ܐ ܫܢܝ̈ܢܐ ܕܡܘܬܐ܂

26:19	ܗܟܢܐ ܗܘ ܓܒܪܐ ܕܢܟܠ ܠܚܒܪܗ܂ ܘܡܐ ܕܐܣܬܟܠܘܗܝ/ܕܐܣܬܟܠܬܝܗܝ#3#/ ܐܡܪ ܡܓܚܟ ܓܚܟܬ܂
26:20	ܡܐ ܕܠܝܬ ܩܝܣ̈ܐ ܕܥܟܐ ܢܘܪܐ܂ ܘܐܬܪ ܕܠܝܬ ܫܓܘܫܐ ܫܠܝܐ ܡܨܘܬܐ܂
26:21	ܛܪܛܩܠ ܠܓܘܡܪ̈ܐ ܘܩܝܣ̈ܐ ܠܢܘܪܐ܂ ܘܓܒܪܐ ܛܪܟܢܐ ܡܓܪܓ ܗܪܬܐ܂
26:22	ܡ̈ܠܘܗܝ ܕܛܪܟܢܐ ܫ̈ܓܫܢ܂ ܘܢܚ̈ܬܢ ܠܬܘ̈ܘܢܐ ܕܠܒܐ܂
26:23	ܐܝܟ ܣܐܡܐ ܡܣܠܝܐ ܕܩܪܝܡ ܥܠ ܚܨܦܐ܂ ܗܟܢܐ ܣ̈ܦܘܬܐ ܕܝܩ̈ܕܢ/ܕܝܩܝܪ̈ܢ#3#/ ܘܠܒܐ ܒܝܫܐ܂
26:24	ܡܢ ܣ̈ܦܘܬܗ ܡܬܝܕܥ ܣܢܐܐ܂ ܘܒܓܘܗ ܟܡܝܢ ܟܡܐܢܐ܂
26:25	ܘܐܢ/ܡܛܠ ܕܐܢ#3#/ ܡܡܟ ܩܠܗ ܠܐ ܬܗܝܡܢܝܘܗܝ܂ ܡܛܠ ܕܫܒܥ ܒܝܫ̈ܢ ܐܝܬ ܒܓܘܗ/ܒܠܒܗ#3#/܂
26:26	ܕܡܟܣܐ/ܡ݁ܢ ܕܡܟܣܐ#3#/ ܣܢܐܬܐ ܒܠܒܗ܂ ܬܬܓܠܐ ܒܝܫܬܗ ܒܟܢܘܫܬܐ܂
26:27	ܕܚܦܪ ܓܘܡܨܐ ܢܦܠ ܒܗ܂ ܘܕܡܥܓܠ ܟܐܦܐ ܥܠܘܗܝ ܬܗܦܘܟ܂
26:28	ܠܫܢܐ ܕܓܠܐ ܣܢܐ ܩܘܫܬܐ܂ ܘܦܘܡܐ ܛܪܟܢܐ ܥܒܕ ܫܓܘܫܝܐ܂