The Comprehensive Aramaic Lexicon

27:01	ܠܐ ܬܫܬܒܗܪ ܠܝܘܡܐ ܕܡܚܪ܂ ܠܐ ܓܝܪ ܝܕܥ ܐܢܬ ܡܢܐ ܝܠܕ܂
27:02	ܢܫܒܚܟ ܢܘܟܪܝܐ ܘܠܐ ܦܘܡܟ܂ ܘܐܚܪܢܐ ܘܠܐ ܣ̈ܦܘܬܟ܂
27:03	ܝܩܝܪܐ ܟܐܦܐ ܘܢܛܠ ܚܠܐ܂ ܘܪܘܓܙܗ ܕܣܟܠܐ ܝܩܝܪ ܡܢ ܬܪ̈ܝܗܘܢ܂
27:04	ܡܪܚܘܬܐ ܗܝ ܚܡܬܐ ܘܚܐܦܐ ܪܘܓܙܐ܂ ܘܡܢܘ ܢܩܘܡ ܩܕܡ ܛܢܢܐ܂
27:05	ܛܒܐ ܗܝ ܡܟܣܢܘܬܐ ܕܓܠܝܐ܂ ܡܢ ܪܚܡܘܬܐ ܕܡܛܫܝܐ܂
27:06	ܫܦܝܪ̈ܢ ܡܚ̈ܘܬܗ ܕܪܚܡܐ ‍<‍ܛܒ#2#‍>‍ ܡܢ ܢܘܫ̈ܩܬܗ ܕܒܥܠܕܒܒܐ܂
27:07	ܢܦܫܐ ܕܣܒܥܐ ܕܝܫܐ ܟܟܪ̈ܝܬܐ܂ ܘܢܦܫܐ ܟܦܢܬܐ ܐܦ ܡܪ̈ܝܪܬܐ ܚ̈ܠܝܢ ܐ̈ܢܝܢ ܠܗ݀܂
27:08	ܐܝܟ ܨܦܪܐ ܕܡܫܢܝܐ ܩܢܗ݀܂ ܗܟܢܐ ܗܘ ܓܒܪܐ ܕܙܐܥ ܡܢ ܕܘܟܬܗ܂
27:09	ܐܝܟ ܡܫܚܐ ܘܒܣ̈ܡܐ ܕܡܚܕܝܢ ܠܒܐ܂ ܗܟܢܐ ܗܘ ܡ݁ܢ ܕܡܒܣܡ ܠܚܒܪܗ ܒܡܠ݂ܟܐ ܕܢܦܫܗ܂
27:10	ܪܚܡܟ ܘܪܚܡܗ ܕܐܒܘܟ ܠܐ ܬܫܒܘܩ܂ ܘܠܒܝܬ ܐܚܘܟ ܠܐ ܬܥܘܠ ܒܝܘܡܐ ܕܬܒܪܟ܂ ܛܒ ܗܘ ܫܒܒܐ ܕܩܪܝܒ ܡܢ ܐܚܐ ܕܪܚܝܩ܂
27:11	ܐܬܚܟܡ ܒܪܝ ܘܚܕܐ ܠܒܝ܂ ܘܒܛܠ ܡܢܝ ܚܣܕܐ ܕܡܚ̈ܣܕܢܝ܂
27:12	ܥܪܝܡܐ ܚܙܐ ܒܝܫܬܐ ܘܐܬܛܫܝ܂ ܫܒܪ̈ܐ/ܣܟ̈ܠܐ#3#/ ܕܝܢ ܥܒܪܘ ܥܠܝܗ݀ ܘܚܣܪܘ܂
27:13	ܡܬܢܣܒ ܡܪܛܘܛܗ ܕܡ݁ܢ ܕܥܪܒ ܠܢܘܟܪܝܐ܂ ܘܥܠ ܐ̈ܦܝ ܢܘܟܪܝܐ ‍<‍ܢܣܒ#3#/ܢܣܒܘ#3#/‍>‍ ܡܫܟܢܗ܂
27:14	ܕܡܒܪܟ ܠܚܒܪܗ \ܒܫܘܦܪܢܘܬܐ /ܒܫܘܦܪܢܐ#3# /ܒܫܦܘܪܬܢܘܬܐ#3#/ ܒܩܠܐ ܪܡܐ܂ ܠܐ ܗܘܐ ܦܪܝܫ ܡܢ ܗ݀ܘ ܕܠܐܛ܂

27:15	ܐܝܟ ܕܠܦܐ ܕܢ݁ܛܦ ܒܝܘܡܐ ܕܣܓܪܐ܂ ܗܟܢܐ ܗܝ ܐܢܬܬܐ ܢܨܝܬܐ܂

27:16	ܪܘܚܐ ܓܪܒܝܐ ܩܫܝܐ܂ ܘܒܫܡܐ ܕܝܡܝܢܐ ܡܬܩܪܝܐ܂
27:17	ܦܪܙܠܐ ܠܦܪܙܠܐ ܠܛܫ܂ ܘܓܒܪܐ ܠܛܫ ܦܪܨܘܦܐ ܕܚܒܪܗ܂
27:18	ܕܢܛܪ ܬܬܐ ܢܐܟܘܠ ܡܢ ܦܐܪ̈ܝܗ݀܂ ܘܕܙܗܝܪ ܒܡܪܗ ܢܫܬܒܚ܂
27:19	ܐܝܟ ܕܠܐ ܕܡ̈ܝܢ ܦܪ̈ܨܘܦܐ ܠܦܪ̈ܨܘܦܐ܂ ܗܟܢܐ ܠܐ ܕܡ̈ܝܢ ܠܒ̈ܘܬܐ ܠܠܒܘ̈ܬܐ܂
27:20	ܫܝܘܠ ܘܐܒܕܢܐ ܠܐ ܣܒܥܝܢ܂ ܗܟܢܐ ܐܦ ܥܝܢܗܘܢ/ܥܝ̈ܢܝܗܘܢ#3#/ ܕܒܢ̈ܝ ܐܢܫܐ ܠܐ ܣܒܥܐ܂
27:21	ܨܪܦܐ ܒܩܐ ܠܣܐܡܐ ܘܟܘܪܐ ܠܕܗܒܐ܂ ܘܓܒܪܐ ܡܢ ܦܘܡܐ ܕܡܫ̈ܒܚܢܘܗܝ܂ ܠܒܐ ܕܥܘ̈ܠܐ ܒܥܐ ܒܝܫܬܐ܂ ܘܠܒܐ ܕܟܐ̈ܢܐ ܒܥܐ ܝܕܥܬܐ܂
27:22	ܐܢ ܡܚܐ ܐܢܬ ܠܣܟܠܐ/ܠܗ ܠܣܟܠܐ#3#/ ܒܓܘ ܟܢܘܫܬܐ܂ ܡܕܡ ܠܐ ܡܘܬܪ ܐܢܬ ܠܗ܂ ܐܦ ܠܐ ܡܥܒܪ ܐܢܬ ܣܟܠܘܬܗ܀
27:23	ܡܐ ܕܪܥܐ ܐܢܬ܂ ܕܥ/ܪܥܝ#3#/ ܐ̈ܦܝ ܥܢܟ܂ ܘܣܡ ܠܒܟ ܥܠ ܓܙܪܟ܂
27:24	ܡܛܠ ܕܠܐ ܗܘܐ ܠܥܠܡ ܐܘܚܕܢܐ܂ ܘܐܦܠܐ ܡܫܠܡ ܕܪܐ ܠܕܪܐ܂
27:25	ܫܘܚ ܥܡܝܪܐ ܘܐܬܚܙܝ ܬܕܐܐ܂ ܘܐܬܟܢܫ ܥܣܒܐ ܕܛܘܪ̈ܐ܂
27:26	ܐܡܪ̈ܐ ܠܠܒܘܫܟ܂ ܘܓܕܝ̈ܐ ܠܡܐܟܘܠܬܟ܂
27:27	ܘܚܠܒܐ ܕܥ̈ܙܐ ܠܡܐܟܘܠܬܟ ܘܠܡܐܟܘܠܬܐ ܕܒܝܬܟ܂