The Comprehensive Aramaic Lexicon

28:01	ܢܥܪܩܘܢ ܥܘ̈ܠܐ ܟܕ ܠܝܬ ܕܪܕܦ ܠܗܘܢ܂ ܘܙܕܝ̈ܩܐ ܐܝܟ ܐܪܝܐ ܢܬܬܟܠܘܢ܂
28:02	ܒܥܘ݂ܠܗ݀ ܕܐܪܥܐ ܣܓ̈ܝܢ ܫ̈ܠܝܛܢܝܗ݀܂ ܘܒܢ̈ܝ ܐܢܫܐ ܙܕܝܩ̈ܐ ܕܝܕܥܝܢ ܟܐܢܘܬܐ ܢܓܪܘܢ ‍<‍ܝܘܡ̈ܬܗܘܢ#1##2#‍>‍܂
28:03	ܓܒܪܐ ܡܣܟܢܐ ܕܬܐܟ ܠܡܣܟܢܐ܂ ܐܝܟ ܡܛܪܐ ܚܒܝܛܐ ܕܠܝܬ ܒܗ ܝܘܬܪܢ܂
28:04	ܐܝܠܝܢ ܕܫܒܩܝܢ ܢܡܘܣܐ ܡܫܬܒܚܝܢ ܒܥܘ݂ܠܐ܂ ܘܐܝܠܝܢ ܕܢܛܪܝܢ ܢܡܘܣܐ ܡܥܫܢܝܢ ܢܦܫܗܘܢ܂
28:05	ܓܒܪ̈ܐ ܒܝ̈ܫܐ ܠܐ ܡܣܬܟܠܝܢ ܕܝܢܐ܂ ܘܕܒܥܝܢ ܠܡܪܝܐ ܝܕܥܝܢ ܟܠܗܝܢ ܛܒ̈ܬܐ܂
28:06	ܡܣܟܢܐ ܡܗܠܟ ܒܬܡܝܡܘܬܐ܂ ܘܥܬܝܪܐ ܡܥܩ̈ܡܢ ܐܘܪ̈ܚܬܗ܂
28:07	ܕܢܛܪ ܢܡܘܣܐ ܒܪܐ ܗܘ ܣܟܘܠܬܢܐ܂ ܘܕܦܠܚ ܣܪܝܩܘܬܐ/ܣܪ̈ܝܩܬܐ#2#/ ܡܒܗܬ ܠܐܒܘܗܝ܂
28:08	ܕܡܣܓܐ ܩܢܝܢܗ ܡܢ ܩܨܨܐ ܘܡܢ ܪܒܝܬܐ܂ ܢܫܒܩܝܘܗܝ ܠܡ݁ܢ ܕܡܪܚܡ ܥܠ ܡܣ̈ܟܢܐ܂
28:09	ܕܡܣܟܪ ܐ̈ܕܢܘܗܝ ܕܠܐ ܢܫܡܥ ܢܡܘܣܐ܂ ܐܦ ܨܠܘܬܗ ܛܡܐܐ ܗܝ܂
28:10	ܕܡܛܥܐ ܬܪܝܨܐ ܒܐܘܪܚܐ ܒܝܫܬܐ ܒܓܘܡܨܐ ܢܦܠ܂ ܘܬܡ̈ܝܡܐ ܢܐܪܬܘܢ ܛܒ̈ܬܐ܂
28:11	ܓܒܪܐ ܥܬܝܪܐ ܚܟܝܡ ܒܥܝܢ̈ܝ ܢܦܫܗ܂ ܘܡܣܟܢܐ ܣܟܘܠܬܢܐ ܒܣܪ ܠܗ܂

28:12	ܒܥܘܫܢܐ ܕܙܕܝ̈ܩܐ ܣܓܝܐ ܬܫܒܘܚܬܐ܂ ܘܒܩܘܡܐ ܕܥܘ̈ܠܐ ܡܬܒܨܪܐ܂

28:13	ܒܪ ܐܢܫܐ ܕܡܟܣܐ ܥܘ݂ܠܗ ܠܐ ܢܨܠܚ܂ ܘܕܡܘܕܐ ܒܚ̈ܛܗܘܗܝ ܘܥܒܪ ܡܢܗܘܢ܂ ܢܬܪܚܡ ܥܠܘܗܝ ܐܠܗܐ܂
28:14	ܛܘܒܘܗܝ ܠܒܪܢܫܐ ܕܕܚܠ ܒܟܠܙܒܢ܂ ܘܐܝܢܐ ܕܡܩܫܐ ܠܒܗ ܢܦܠ ܒܒܝܫܬܐ܂
28:15	ܐܪܝܐ ܢܗܡ܂ ܘܕܒܐ ܝܗܒܬ ܩܠܐ܂ ܕܐܫܬܠܛ ܥܘܠܐ ܥܠ ܥܡܐ ܡܣܟܢܐ܂
28:16	ܫܠܝܛܐ ܚܣܝܪ ܪܥܝܢܐ ܣ̈ܓܝܐܝܢ ܬܘܟ̈ܘܗܝ܂ ܘܐܝܢܐ ܕܣܢܐ ܢܟܠܐ ܢܓܪܘܢ ܝܘܡ̈ܬܗ܂
28:17	ܒܪܢܫܐ ܕܚܫܝܫ ܒܕܡܐ ܕܢܦܫܐ܂ ܥܕܡܐ ܠܓܒ̈ܝܐ ܢܥܪܘܩ ܘܠܐ ܢܥܕܪܘܢܗ܂
28:18	ܕܡܗܠܟ ܕܠܐ ܡܘܡ ܢܬܦܪܩ܂ ܘܕܡܥܩ̈ܡܢ ܐܘܪ̈ܚܬܗ ܢܦܠ ܒܓܘܡܨܐ/ܒܓܘܡܝܢ#3#/܂
28:19	ܕܦܠܚ ܒܐܪܥܐ ܢܣܒܥ ܠܚܡܐ܂ ܘܕܪܗܛ ܒܬܪ ܣܪܝܩܘܬܐ/ܣܪ̈ܝܩܬܐ#2#/ ܢܣܒܥ ܡܣܟܢܘܬܐ/ܡܟܣܢܘܬܐ#3#/܂
28:20	ܓܒܪܐ ܡܗܝܡܢܐ ܣܓܝܐ̈ܢ ܒܘܪ̈ܟܬܗ܂ ܘܒܝܫܐ ܒܥܘ݂ܠܗ/ܒܥܘܬܪܗ#3#/ ܠܐ ܢܬܚܣܐ܂
28:21	ܓܒܪܐ ܕܢܣܒ ܒܐ̈ܦܐ ܠܐ ܫܦܝܪ܂ ܒܩܨܝܐ ܓܝܪ ܕܠܚܡܐ ܡܫܠܡ ܓܒܪܐ܂
28:22	ܡܣܬܪܗܒ ܠܡܥܬܪ ܓܒܪܐ ܕܒܝܫܐ ܥܝܢܗ܂ ܘܠܐ ܝܕܥ ܕܚܘܣܪܢܐ ܐܬܐ ܥܠܘܗܝ܂
28:23	ܕܡܟܣ ܠܒܪܢܫܐ ܪ̈ܚܡܐ ܡܫܟܚ܂ ܛܒ ܡܢ ܗ݀ܘ ܕܡܦܠܓ ܒܠܫܢܗ܂
28:24	ܕܚܛܦ ܡܢ ܐܒܘܗܝ ܘܡܢ ܐܡܗ ܘܐܡܪ ܕܠܝܬ ܠܝ ܚ̈ܛܗܐ܂ ܫܘܬܦܐ ܗܘ ܕܓܒܪܐ ܥܘܠܐ܂
28:25	ܓܒܪܐ ܝܥܢܐ ܡܓܪܓ ܚܪܢܐ/ܗܪܬܐ#2#/܂ ܘܕܡܬܬܟܠ ܥܠ ܡܪܝܐ ܢܕܗܢ܂
28:26	ܕܬܟܝܠ ܥܠ ܠܒܗ ܣܟܠܐ ܗܘ܂ ܘܕܡܗܠܟ ܒܬܡܝܡܘܬܐ ܢܬܦܨܐ܂
28:27	ܕܝܗܒ ܠܡܣܟܢܐ ܠܐ ܢܚܣܪ ܠܗ܂ ܘܕܡܪܟܢ ܥܝ̈ܢܘܗܝ ܡܢ ܡܣܟܢܐ ܬܣܓܐ ܠܘܛܬܗ܂
28:28	ܒܩܘܡܐ ܕܥܘ̈ܠܐ ܡܬܛܫܐ ܒܪܢܫܐ܂ ܘܒܐܒܕܢܗܘܢ ܢܣܓܘܢ ܙܕܝ̈ܩܐ܂