The Comprehensive Aramaic Lexicon

31:01	ܡ̈ܠܘܗܝ ܕܡܘܐܝܠ ܡܠܟܐ ܢܒܝܐ܂ ܕܪܕܬܗ ܐܡܗ ܘܐܡܪܬ ܠܗ܃
31:02	ܝܝ ܒܪܝ ܘܝܝ ܒܪ ܟܪܣܝ ܘܝܝ ܒܪ ܢܕܪ̈ܝ܂
31:03	ܠܐ ܬܬܠ ܚܝܠܟ ܠܢܫ̈ܐ܂ ܘܐܘܪ̈ܚܬܟ/ܘܐܘܪ̈ܚܬܟ ܟܠܗܝܢ#3#/ ܠܡܐ̈ܟܠܬܐ ܕܡ̈ܠܟܐ܂
31:04	ܡܢ ܡ̈ܠܟܐ ܡܘܐܝܠ ܐܙܕܗܪ܂ ܡܢ ܡ̈ܠܟܐ ܕܫ̈ܬܝܢ ܚܡܪܐ܂ ܘܡܢ ܫ̈ܠܝܛܢܐ ܕܫܬܝܢ ܫܟܪܐ܂
31:05	ܕܠܐ ܬܫܬܐ ܘܬܛܥܐ ܠܡܒܕܩܢܐ܂ ܘܬܛܥܐ ܕܝܢܐ ܕܟܠܗܘܢ ܒܢ̈ܝ ܡܣ̈ܟܢܐ܀܀܂
31:06	ܡܬܝܗܒ ܫܟܪܐ ܠܐ̈ܒܝܠܐ܂ ܘܚܡܪܐ ܠܡܪ̈ܝܪܝ ܢܦܫܐ܂
31:07	ܕܢܫܬܘܢ ܘܢܛܥܘܢ ܟܐ̈ܒܝܗܘܢ܂ ܘܥܩ̈ܬܗܘܢ ܬܘܒ ܠܐ ܢܬܕܟܪܘܢ܂
31:08	ܦܬܚ ܦܘܡܟ ܒܡܠܬܐ ܕܩܘܫܬܐ܂ ܘܕܘܢ ܠܟܠܗܘܢ ܒܢ̈ܝܐ ܥܘ̈ܠܐ܂
31:09	ܦܬܚ ܦܘܡܟ ܒܕܝܢܐ ܙܕܝܩܐ܂ ܘܕܘܢ ܠܡܣ̈ܟܢܐ ܘܠܒܝ݁ܫ̈ܐ܂
31:10	ܐܢܬܬܐ ܟܫܝܪܬܐ ܡܢܘ ܡܫܟܚ܂ ܝܩܝܪܐ ܗܝ ܓܝܪ ܡܢ ܟܐ̈ܦܐ ܛܒ̈ܬܐ ܕܕܡ̈ܝܢ ܠܝܬ ܠܗܝܢ܂
31:11	ܘܬܟܝܠ ܥܠܝܗ݀ ܠܒܗ ܕܒܥܠܗ݀܂ ܘܐܣܢܐ ܠܐ ܚܣܪ ܠܗ݀܂
31:12	ܥܒܕܬ ܠܗ ܛܒ̈ܬܐ ܘܠܐ ܒܝܫܬ̈ܐ܂ ܟܠܗܘܢ ܝܘܡ̈ܬܐ ܕܚ̈ܝܘܗܝ܂
31:13	ܒܥܬ ܥܡܪܐ ܘܟܬܢܐ܂ ܘܥܒܕ ܐ̈ܝܕܝܗ݀ ܐܝܟ ܨܒܝܢܗ݀܂
31:14	ܗܘܬ ܐܝܟ ܐܠܦܐ ܕܬܓܪܐ܂ ܕܡܢ ܪܘܚܩܐ ܐܬܝܐ ܬܐܓܘܪܬܗ݀܂
31:15	ܘܩܡܬ ܒܠܠܝܐ܂ ܘܝܗܒܬ ܡܐܟܘܠܬܐ ܠܒܢ̈ܝ ܒܝܬܗ݀ ܘܥ݁ܒܕܐ ܠܛܠܝ̈ܬܗ݀܂
31:16	ܘܚܪܬ ܒܦܘܠܚܢܐ ܘܙܒܢܬܗ܂ ܘܡܢ ܦܐܪ̈ܐ ܕܐ̈ܝܕܝܗ݀ ܢܨܒܬ ܟܪܡܐ܂
31:17	ܘܐܣܪܬ ܚ̈ܨܝܗ݀ ܒܥܘܫܢܐ ܘܫܪܪܬ ܕܪ̈ܥܝܗ݀܂
31:18	ܘܛܥܡܬ ܕܛܒܐ ܗܝ ܬܐܓܘܪܬܗ݀܂ ܘܠܐ ܕܥܟ ܗܘܐ ܫܪܓܗ݀ ܠܠܝܐ ܟܠܗ܂
31:19	ܕܪ̈ܥܝܗ݀ ܐܘܫܛܬ ܒܟܫܝܪܘܬܐ ܘܐ̈ܝܕܝܗ݀ ܠܡܘܥܙܠܐ܃
31:20	ܐ̈ܝܕܝܗ݀ ܦܫܛܬ ܠܡ̈ܣܟܢܐ܂ ܘܕܪ̈ܥܝܗ݀ ܐܘܫܛܬ ܠܒܝ݁ܫ̈ܐ܂

31:21	ܘܠܐ ܕܚܠܝܢ ܗܘܘ ܒܢ̈ܝ ܒܝܬܗ݀ ܡܢ ܬܠܓܐ܂ ܡܛܘܠ ܕܟܠܗܘܢ ܠܒܝܫ̈ܝܢ ܗܘܘ ܙܚܘܪ̈ܝܬܐ܂

31:22	ܬܫܘܝܬܐ ܥܒܕܬ ܠܗ݀܂ ܘܢܚ̈ܬܐ ܕܒܘܨܐ ܘܕܐܪܓܘܢܐ܂
31:23	ܝܕܝܥ ܗܘܐ ܒܥܠܗ݀ ܒܝܢ̈ܬ/ܒܝܬ#3#/ ܡܕܝܢ̈ܬܐ܂ ܟܕ ܝܬܒ ܗܘܐ ܒܝܬ/ܒܝܢܬ#3#/ ܣ̈ܒܐ ܕܐܪܥܐ܂
31:24	ܟܬܢܐ ܥܒܕܬ ܘܙܒܢܬ܂ ܘܐܣܪ ܚ̈ܨܐ ܝܗܒܬ ܠܟܢܥ̈ܢܝܐ܂
31:25	ܥܘܫܢܐ ܘܗܕܪܐ ܠܒܘܫܗ݀܂ ܘܬܚܕܐ ܒܝܘܡܐ ܐܚܪܝܐ܂
31:26	ܦܘܡܗ݀ ܦܬܚܬ ܒܚܟܡܬܐ܂ ܘܢܡܘܣܐ ܕܪ̈ܚܡܐ ܥܠ ܠܫܢܗ݀܂
31:27	ܘܓ̈ܠܝܢ ܐܘܪ̈ܚܬܐ ܕܒܝܬܗ݀܂ ܠܚܡܗ݀ ܚܒܢܢܐܝܬ ܠܐ ܐܟܠܬ܂
31:28	ܩܡܘ ܒܢܝܗ݀ ܘܝܗܒܘ ܠܗ݀ ܛܘܒܐ܂ ܘܒܥܠܗ݀ ܫܒܚܗ݀܂
31:29	ܘܣܘܓܐܐ ܕܒ̈ܢܬܗ݀ ܩ̈ܢܝ ܥܘܬܪܐ܂ ܘܐܢܬܝ ܥܒܪܬܝ ܥܠ ܟܠܗܝܢ܂
31:30	ܕܓܠܐ ܗܝ ܝܐܝܘܬܐ ܘܣܪܝܩ ܗܘ ܫܘܦܪܐ܂ ܘܐܢܬܬܐ ܕܕܚܠܐ ܡܢ ܡܪܝܐ ܗܝ ܬܫܬܒܚ܂
31:31	ܗܒܘ ܠܗ݀ ܡܢ ܦܐܪ̈ܐ ܕܐ̈ܝܕܝܗ݀܂ ܘܢܫܒܚܘܢܗ݀ ܥ݁ܒ̈ܕܝܗ݀ ܒܬܪܥܐ܂