The Comprehensive Aramaic Lexicon

03:01	ܠܟܠ ܡܕܡ ܙܒܢܐ ܘܙܒܢܐ ܠܟܠ ܨܒܘ ܬܚܝܬ ܫܡܫܐ܂
03:02	ܙܒܢܐ ܠܡܐܠܕ ܘܙܒܢܐ ܠܡܡܬ܂ ܙܒܢܐ ܠܡܨܒ ܘܙܒܢܐ ܠܡܥܩܪ ܢܨܝܒܐ܂
03:03	ܙܒܢܐ ܠܡܩܛܠ ܘܙܒܢܐ ܠܡܚܝܘ܂ ܙܒܢܐ ܠܡܣܬܪ ܘܙܒܢܐ ܠܡܒܢܐ܂

03:04	ܙܒܢܐ ܠܡܒܟܐ ܘܙܒܢܐ ܠܡܓܚܟ܂ ܙܒܢܐ ܠܡ݂ܪܩܕܘ ܘܙܒܢܐ ܠܡ݁ܪܩܕܘ܂

03:05	ܙܒܢܐ ܠܡܪܡܝܘ ܟܐ̈ܦܐ ܘܙܒܢܐ ܠܡܟܢܫܘ ܟܐ̈ܦܐ܂ ܙܒܢܐ ܠܡܥܦܩ ܘܙܒܢܐ ܠܡܬܪܚܩܘ/ܠܡܪܚܩܘ#3#/ ܡܢ ܥܦܘܩܝܐ܂
03:06	ܙܒܢܐ ܠܡܘܒܕܘ ܘܙܒܢܐ ܠܡܒܥܐ܂ ܙܒܢܐ ܠܡܩܛܪ ܘܙܒܢܐ ܠܡܫܪܐ܂
03:07	ܙܒܢܐ ܠܡܨܪܐ ܘܙܒܢܐ ܠܡܚܛ܂ ܙܒܢܐ ܠܡܫܬܩ ܘܙܒܢܐ ܠܡܡܠܠܘ܂
03:08	ܙܒܢܐ ܠܡܪܚܡ ܘܙܒܢܐ ܠܡܣܢܐ܂ ܙܒܢܐ ܕܩܪܒܐ ܘܙܒܢܐ ܕܫܠܡܐ܂
03:09	ܡܢܐ ܝܘܬܪܢ ܠܒܪ ܐܢܫܐ ܒܥܒܕܐ ܕܗܘ ܥܡܠ ܬܚܝܬ ܫܡܫܐ܂
03:10	ܚܙܝܬ ܥܢܝܢܐ ܕܝܗܒ ܡܪܝܐ ܠܒܢ̈ܝ ܐܢܫܐ ܠܡܬܥܢܝܘ ܒܗ܂
03:11	ܟܘܠ ܕܥܒܕ ܕܫܦܝܪ/ܫܦܝܪ#3#/ ܒܙܒܢܗ܂ ܘܐܦ/ܘܝܬ#3#/ ܥܡܠܐ/ܥܠܡܐ#3#/ ܝܗܒ ܒܠܒܗܘܢ܂ ܐܝܟ ܕܠܐ ܢܫܟܚ ܐܢܫܐ ܥܒܕܐ ܕܥܒܕ ܡܪܝܐ܂ ܡܢ ܪܫܝܬܐ ܘܥܕܡܐ ܠܐܚܪܝܬܐ/ܠܐܚܪܬܐ#2#/܂
03:12	ܘܝܕܥܬ ܕܠܝܬ ܕܛܒ ܒܗܘܢ܂ ܐܠܐ ܠܡܚܕܐ ܘܠܡܥܒܕ ܕܛܒ ܒܚܝ̈ܝܗܘܢ܂
03:13	ܘܐܦ ܟܠ ܐܢܫ ܕܢܐܟܘܠ ܘܢܫܬܐ܂ ܘܢܚܙܐ ܛܒܬܐ ܒܟܠ ܥܡܠܗ܂ ܗܕܐ ܡܘܗܒܬܐ ܗܝ ܕܡܪܝܐ܂
03:14	ܝܕܥܬ ܕܟܠ/ܟܠ#3#/ ܕܥܒܕ ܡܪܝܐ ܗܘ ܢܗܘܐ ܠܥܠܡ܂ ܥܠܘܗܝ ܠܝܬ ܠܡܘܣܦܘ܂ ܘܡܢܗ ܠܝܬ ܠܡܒܨܪ/ܠܡܒܨܪܘ#3#/܂ ܘܡܪܝܐ ܥܒܕ ܕܢܕܚܠܘܢ ܡܢܗ/ܠܗ#3#/܂
03:15	ܡܐ ܕܗܘܐ ܡܢ ܟܕܘ ܐܝܬܘܗܝ܂ ܘܟܠ ܡܐ ܕܢܗܘܐ ܡܢ ܣܓܝ ܗܘܐ ܘܐܠܗܐ ܢܒܥܐ ܠܪܕܝܦܐ ܕܡܬܪܕܦ܂
03:16	ܘܬܘܒ ܚܙܝܬ ܬܚܝܬ ܫܡܫܐ܂ ܐܬܪ ܕܕܝܢܐ ܬܡܢ ܪܘܫܥܐ܂ ܘܐܬܪ ܕܙܕܩܐ ܬܡܢ ܥܘܠܐ܂
03:17	ܘܐܡܪܬ ܐܢܐ ܒܠܒܝ܂ ܝܬ ܙܕܝܩܐ ܘܝܬ ܪܫܝܥܐ ܐܠܗܐ ܕܐܢ ܡܛܠ ܕܙܒܢܐ ܠܟܠ ܨܒܘ ܘܠܟܠ ܥܒܕ ܬܡܢ܂
03:18	ܐܡܪܬ ܐܢܐ ܒܠܒܝ܂ ܥܠ ܡܡܠܠܐ ܕܒܢ̈ܝ ܐܢܫܐ ܕܒܪܐ ܐܢܘܢ ܐܠܗܐ܂ ܘܠܡܚܘܝܘ ܕܗܢܘܢ ܐܝܟ ܒܥܝܪܐ ܐܢܘܢ܂
03:19	ܠܗܘܢ ܡܛܐ ܓܕܫܐ ܕܒܢ̈ܝ ܐܢܫܐ ܘܓܕܫܐ ܕܒܥܝܪܐ܂ ܓܕܫܐ ܚܕ ܓܕܫ ܠܟܠܗܘܢ܂ ܐܝܟ ܡܘܬܗ ܕܗܢܐ ܗܟܢܐ ܡܐܬ ܐܦ ܗܢܐ ܘܚܕܐ ܪܘܚܐ ܠܟܠܗܘܢ܂ ܘܡܝܬܪܘܬܗ ܕܒܪܢܫܐ ܡܢ ܒܥܝܪܐ/ܕܒܥܝܪܐ#3#/ ܠܝܬ܂ ܡܛܠ ܕܟܠ ܡܕܡ ܗܒܠܐ܂
03:20	ܟܠ ܐܙܠ ܠܐܬܪܐ ܚܕ܂ ܟܠ ܗܘܐ ܡܢ ܥܦܪܐ܂ ܘܟܠ ܗܦܟ ܠܥܦܪܐ܂
03:21	ܘܡܢܘ ܝܕܥ ܐܢ ܪܘܚ ܒܢ̈ܝ ܐܢܫܐ ܣܠܩܐ ܠܥܠ܂ ܘܪܘܚ ܒܥܝܪܐ ܢܚܬܐ ܗܝ ܠܬܚܬ ܠܐܪܥܐ/ܒܐܪܥܐ#3#/܂
03:22	ܘܚܙܝܬ ܕܠܝܬ ܕܛܒ ܒܗܘܢ܂ ܐܠܐ ܕܢܚܕܐ ܐܢܫ ܒܥܒ̈ܕܘܗܝ܂ ܡܛܠ ܕܗܝ ܗܝ ܡܢܬܗ܂ ܡܛܠ ܕܡܢܘ ܢܝܬܝܘܗܝ ܠܡܚܙܐ ܒܟܠ ܕܢܗܘܐ ܡܢ ܒܬܪܗ܂