← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

62032: P Eccl

Click on a word for lexical analysis
Click on a red-colored coordinate for comments and/or translations of the line

previous chapter


07:01 ܛܒ ܫܡܐ ‍<‍ܛܒܐ#3#‍>‍ ܡܢ ܡܫܚܐ ܛܒܐ܂ ܘܝܘܡܐ ܕܡܘܬܐ ܛܒ ܡܢ ܝܘܡܐ ܕܐܝܠܝܕܘܬܐ܂
07:02 ܛܒ ܠܡܐܙܠ ܠܒܝܬ ܒ̈ܟܐ܂ ܡܢ ܕܠܡܐܙܠ ܠܒܝܬ ܡܫܬܘܬܐ܂ ܡܛܠ ܕܗܕܐ ܗܝ ܚܪܬܐ ܕܟܠܗܘܢ ܒܢ̈ܝ ܐܢܫܐ܂ ܘܕܚܝ ܝܗܒ ܛܒܬܐ ܠܠܒܗ܂
07:03 ܛܒ ܪܘܓܙܐ ܡܢ ܓܘܚܟܐ܂ ܡܛܠ ܕܒܒܝܫܘܬ ܐ̈ܦܐ ܢܛܐܒ ܠܒܐ܂
07:04 ܠܒܐ ܕܚ̈ܟܝܡܐ ܒܒܝܬ/ܒܝܬ#3#/ ܐܒܠܐ܂ ܘܠܒܐ ܕܣܟ̈ܠܐ ܒܝܬ ܚܕܘܬܐ܂
07:05 ܛܒ ܠܡܫܡܥ ܟܐܬܐ ܕܚ̈ܟܝܡܐ܂ ܡܢ ܓܒܪܐ ܕܫܡܥ ܙܡܪܐ ܕܣ̈ܟܠܐ܂
07:06 \ܡܛܘܠ ܕܐܝܟ /ܐܝܟ#3#/ ܩܠܐ ܕܟܘ̈ܒܐ ܬܚܝܬ ܩܕܣܐ܂ ܗܟܢܐ ܓܘܚܟܗܘܢ ܕܣ̈ܟܠܐ܂ ܘܐܦ ܗܢܐ ܗܒܠܐ܂
07:07 ܡܛܘܠ ܕܥܫܘܩܝܐ ܡܘܒܕ ܠܚܟܝܡܐ܂ ܘܡܘܒܕܐ ܠܠܒܐ/ܠܒܐ#3#/ ܡܘܗܒܬܐ/ܕܝܗܘܒܗ#3#/܂
07:08 ܛܒܐ ܗܝ ܐܚܪܝܬܗ ܕܦܬܓܡܐ ܡܢ ܩܕܡܝܬܗ܂ ܘܛܒܐ ܗܝ ܢܓܝܪܘܬ ܪܘܚܐ ܡܢ ܪܡܘܬ ܪܘܚܐ܂
07:09 ܠܐ ܬܣܬܪܗܒ ܒܪܘܚܟ ܠܡܪܓܙ܂ ܡܛܠ \ܕܪܘܓܙܐ ܒܥܘܒܐ ܕܣ̈ܟܠܐ /ܕܪܘܓܙܗܘܢ ܕܣ̈ܟܠܐ ܒܥܘܒܗܘܢ#3#/ ܢܬܬܢܝܚ܂
07:10 ܠܐ ܬܐܡܪ ܡܢܐ ܗܘܐ܂ ܕܝܘܡ̈ܬܐ ܩܕܡ̈ܝܐ ܛܒ̈ܝܢ ܗܘܘ ܡܢ ܗܠܝܢ܂ ܡܛܠ ܕܠܐ ܗܘܐ ܒܚܟܡܬܐ ܫܐܠ ܐܢܬ ܥܠ ܗܠܝܢ܂
07:11 ܛܒܐ ܗܝ ܚܟܡܬܐ ܡܢ ܡܐ̈ܢܝ ܙܝܢܐ܂ ܘܝܬܝܪ ܠܚ̈ܙܝܝ ܫܡܫܐ܂
07:12 ܡܛܠ ܕܛܠܠܐ ܕܚܟܡܬܐ ܐܝܟ ܛܠܠܐ ܕܟܣܦܐ܂ ܘܝܬܝܪܘܬܐ ܕܐܝܕܥܬܐ ܕܚܟܡܬܐ ܬܚܐ ܡܪܗ݀܂
07:13 ܚܙܝ ܥ݁ܒܕܐ ܕܐܠܗܐ܂ ܡܛܠ ܕܡ݁ܢ ܗܘ ܡܫܟܚ ܠܡܬܩܢܘ ܠܡ݁ܢ ܕܡܕܘܕ ܗܘ܂
07:14 ܒܝܘܡܐ ܕܛܒܬܐ ܗܘܝ ܒܛܒ܂ ܘܒܝܘܡܐ ܕܒܝܫܬܐ ܚܙܝ ܢܦܫܟ܂ ܐܦ ܗܢܐ ܠܘܩܒܠ ܗܢܐ ܥܒܕ ܐܠܗܐ܂ ܥܠ ܡܡܠܠܐ ܕܠܐ ܢܫܟܚ ܒܪܢܫܐ ܡܕܡ ܒܬܪܗ܂
07:15 ܟܠ ܡܕܡ ܚܙܝܬ ܒܝ̈ܘܡܝ ܗܒܠܝ܂ ܐܝܬ ܙܕܝܩܐ ܕܐܒܕ ܒܙܕܝܩܘܬܗ܂ ܘܐܝܬ ܪܫܝܥܐ ܕܐܓܪ ܒܒܝܫ̈ܬܗ/ܒܒܝܫܘܬܗ#3#/܂
07:16 ܠܐ ܬܗܘܐ ܙܕܝܩ ܣܓܝ܂ ܘܠܐ ܬܬܚܟܡ ܝܬܝܪ ܕܠܐ ܬܬܡܗ܂
07:17 ܠܐ ܬܪܫܥ ܣܓܝ܂ ܕܠܐ ܬܣܬܢܐ ܣܓܝ܂ ܠܐ ܬܗܘܐ ܣܟܠ܂ ܕܠܡܐ ܬܡܘܬ ܕܠܐ ܒܙܒܢܟ܂
07:18 ܛܒ ܕܬܐܚܘܕ ܒܗܢܐ܂ ܘܐܦ ܡܢ ܗܢܐ ܠܐ ܬܪܦܐ ܐܝܕܟ܂ ܡܛܠ ܕܡ݁ܢ ܕܕܚܠ ܠܐܠܗܐ ܢܩܦ ܠܟܠܗܝܢ܂
07:19 ܚܟܡܬܐ ܡܥܫܢܐ ܠܚ̈ܟܝܡܐ܂ ܛܒ ܡܢ ܥܣܪ̈ܐ ܫ̈ܠܝܛܢܝܢ ܕܐܝܬ ܒܡܕܝܢܬܐ܂
07:20 ܡܛܠ ܕܠܝܬ ܐܢܫ ܕܙܕܝܩ ܒܐܪܥܐ ܕܢܥܒܕ܂ ܕܛܒ ܘܠܐ ܢܚܛܐ܂
07:21 ܘܐܦ ܠܟܘܠ ܦܬܓܡ̈ܝܢ ܕܢܡܠܠܘܢ ܪ̈ܫܝܥܐ ܠܐ ܬܬܠ ܠܒܟ܂ ܠܐ ܬܫܡܥ ܠܥܒܕܟ ܕܡܨܚܐ ܠܟ܂
07:22 ܡܛܠ ܕܙܒܢܝܢ ܣ̈ܓܝܐܢ ܝܕܥ ܠܒܟ܂ ܕܐܦ ܐܢܬ ܨܚܝܬ ܠܐܚܪ̈ܢܝܢ/ܠܐܚܪܝܢ#3#/܂
07:23 ܟܠܗܝܢ ܗܠܝܢ ܢܣܝܬ ܒܚܟܡܬܐ܂ ܐܡܪܬ ܕܐܬܚܟܡ܂ ܘܗܝ ܪܚܝܩܐ ܗܝ ܡܢܝ܂
07:24 ܝܬܝܪ ܡܢ ܟܠ ܕܗܘܐ ܪܘܚܩܐ܂ ܘܥܘܡܩܐ ܕܥ̈ܘܡܩܐ ܡ݁ܢ ܢܫܟܚܝܘܗܝ܂
07:25 ܐܬܟܪܟܬ ܐܢܐ ܘܠܒܝ ܠܡܕܥ ܘܠܡܣܥܪ܂ ܘܠܡܒܥܐ ܚܟܡܬܐ ܘܚܘܫܒܢܐ܂ ܘܠܡܕܥ ܪܫܝܥܘܬܗ ܕܣܟܠܐ܂ ܘܣܟܠܘܬܐ ܘܡܬܥܒܪܢܘܬܐ܂
07:26 ܘܐܫܟܚܬ ܕܡܪܝܪ ܡܢ ܡܘܬܐ ܐܢܬܬܐ܂ ܕܗܝ ܐܝܬܝܗ݀ ܦܚܐ ܘܡܨܝܕܬܐ ܠܒܗ݀܂ ܐܣܪܬ ܐ̈ܝܕܝܗ݀ ܡܢ ܕܛܒ܂ ܡ݁ܢ ܕܛܒ ܩܕܡ ܐܠܗܐ ܡܫܬܘܙܒ ܡܢܗ݀܂ ܘܡ݁ܢ ܕܚܛܐ ܡܬܬܚܕ ܒܗ݀܂
07:27 ܚܙܝ ܗܢܐ ܕܐܫܟܚܬ ܐܡܪ/ܠܡܐܡܪ#3#/ ܩܘܗܠܬ܂ ܚܕܐ ܠܚܕܐ ܠܡܫܟܚܘ ܡܚܫ̈ܒܬܐ܂
07:28 ܘܬܘܒ ܒܥܬ ܢܦܫܝ ܘܠܐ ܐܫܟܚܬ܂ ܐܢܫܐ ܚܕ ܡܢ ܐܠܦܐ ܐܫܟܚܬ܂ ܘܐܢܬܬܐ ܒܟܠܗܝܢ ܠܐ ܐܫܟܚܬ܂
07:29 ܒܪܡ ܚܙܝ ܗܢܐ ܕܐܫܟܚܬ܂ ܕܥܒܕ ܐܠܗܐ ܠܐܢܫܐ ܬܪ̈ܝܨܐ܂ ܘܗܢܘܢ ܒܥܘ ܡܚܫ̈ܒܬܐ ܣ̈ܓܝܐܬܐ܂

next chapter