← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

62035: P Stories about Daniel

Click on a word for lexical analysis
Click on a red-colored coordinate for comments and/or translations of the line

001.01:01 ܒܫܢܬ ܬܠܬ ܕܡܠܟܘܬܗ ܕܝܘܝܩܝܡ ܡ݁ܠܟܐ ܕܝܗܘܕܐ ܐܬ݂ܐ ܢܒܘܟܕܢܨܪ ܡ݁ܠܟܐ ܕܒܒܠ ܠܐܘܪܫܠܡ ܘܚܕܪܗ݀܂
001.01:02 ܘܐܫܠܡܗ݀ ܡܪܝܐ ܒܐܝܕܗ܂ ܘܠܝܘܝܩܝܡ ܡ݁ܠܟܐ ܕܝܗܘܕܐ ܘܠܡܐ̈ܢܐ ܕܒܝܬܗ ܕܡܪܝܐ܂ ܘܡܢ ܡܐ̈ܢܐ ܕܒܝܬܗ ܕܡܪܝܐ ܐܘܒܠ ܐܢܘܢ ܠܐܪܥܐ ܕܣܢܥܪ ܠܒܝܬ ܦܬܟܪܗ܂ ܘܡܐ̈ܢܐ ܐܥܠ ܠܒܝܬ ܓܙܐ ܕܦܬܟܪܗ܀
001.01:03 ܘܐܡ݂ܪ ܡ݁ܠܟܐ ܠܐܫܦܙ ܪܒ ܡܗܝ̈ܡܢܐ ܕܢܝܬܐ ܡܢ ܒܢ̈ܝ ܐܝܣܪܝܠ ܘܡܢ ܙܪܥ ܡ̈ܠܟܘܬܐ ܘܡܢ ܦܪ̈ܬܘܝܐ܂
001.01:04 ܛ̈ܠܝܐ ܕܡܘܡܐ ܠܝܬ ܒܗܘܢ܂ ܐܝܠܝܢ ܕܫܦܝܪܝܢ ܒܚܙܘܗܘܢ ܘܣܟܘܠܬܢܝܢ ܒܚܟܡܬܐ܂ ܘܝܕܥ̈ܝ ܝܕܥܬܐ ܘܡܬܒܝܢ̈ܝ ܒܡܕܥܐ ܐܝܠܝܢ ܕܡ݂ܨܝܢ ܒܚܝܠܐ ܠܡܩܡ ܒܗܝܟܠܐ ܕܡ݁ܠܟܐ ܠܡܫܡܫܘܬܗ ܘܠܡܠܦܘ ܐܢܘܢ ܣ݂ܦܪܐ ܘܠܫܢܐ ܕܟ̈ܠܕܝܐ܂
001.01:05 ܘܐܩܝܡ ܠܗܘܢ ܡ݁ܠܟܐ ܩܝܡܬܐ ܕܝܘܡܐ ܡܢ ܦܛܒܓܐ ܕܡ݁ܠܟܐ ܘܡܢ ܚܡܪܐ ܕܫ݁ܬܐ܂ ܘܠܡ݁ܪܒܝܘ ܐܢܘܢ ܫ̈ܢܝܢ ܬܠܬ܂ ܘܗܝܕܝܢ ܢܩܘܡܘܢ ܩܕܡ ܡ݁ܠܟܐ܂
001.01:06 ܘܗܘܘ ܒܗܘܢ ܡܢ ܒܢ̈ܝ ܝܗܘܕܐ/ܫܒܝܬܐ ܕܝܗܘܕ#2#/܂ ܕܢܝܐܝܠ ܘܚ݁ܢܢܝܐ܂ ܘܡܝܫܐܝܠ ܘܥ݁ܙܪܝܐ܂
001.01:07 ܘܫ݁ܡܝ ܠܗܘܢ ܪܒ ܡܗܝ̈ܡܢܐ ܫܡ̈ܗܐ܂ ܩ݂ܪܐ ܠܕܢܝܐܝܠ ܒܠܛܫܨܪ܂ ܘܠܚܢܢܝܐ ܫܕܪܟ܂ ܘܠܡܝܫܐܝܠ ܡܝܫܟ܂ ܘܠܥ݁ܙܪܝܐ ܥܒܕܢ݁ܓܘ܂
001.01:08 ܘܣܡ ܕܢܝܐܝܠ ܒܪܥܝܢܗ ܕܠܐ ܢܐܟܘܠ ܡܢ ܦܛܒܓܐ ܕܡ݁ܠܟܐ ܘܠܐ ܢܫܬܐ ܡܢ ܚܡܪܐ ܕܫ݁ܬܐ܂ ܘܒ݂ܥܐ ܡܢ ܪܒ ܡܗܝ̈ܡܢܐ ܕܠܐ ܢܘܟܠܝܘܗܝ܂
001.01:09 ܘܝܗ݂ܒ ܐܠܗܐ ܛܝܒܘܬܐ ܘܪ̈ܚܡܐ ܠܕܢܝܐܝܠ ܩܕܡ ܪܒ ܡܗܝ̈ܡܢܐ܂
001.01:10 ܘܐܡ݂ܪ ܪܒ ܡܗܝ̈ܡܢܐ ܠܕܢܝܐܝܠ܂ ܕܚ݁ܠ ܐܢܐ ܡܢ ܡܪܝ ܡ݁ܠܟܐ ܕܦܩܕ ܥܠ ܡܐܟܘܠܬܟܘܢ ܘܥܠ ܡܫܬܝܟܘܢ܂ ܕܠܡܐ ܢܚܙܐ ܐ̈ܦܝܟܘܢ ܡܟܐܪ̈ܢ ܡܢ ܕ̈ܛܠܝܐ ܒܢ̈ܝ ܫܢܟܘܢ ܘܢܦܣܘܩ ܪܝܫܝ ܡ݁ܠܟܐ܂
001.01:11 ܘܐܡ݂ܪ ܕܢܝܐܝܠ ܠܡܢܨܪ܂ ܗ݀ܘ ܕܐܫܠܛܗ ܪܒ ܡܗ̈ܝܡܢܐ ܥܠ ܕܢܝܐܝܠ ܘܥܠ ܚܢܢܝܐ܂ ܘܥܠ ܡܝܫܐܝܠ ܘܥܠ ܥ݁ܙܪܝܐ܂
001.01:12 ܢܣ݁ܐ ܐܢܘܢ ܠܥܒ݂̈ܕܝܟ ܝܘ̈ܡܝܢ ܥܣܪܐ܂ ܘܢܬܠܘܢ ܠܢ ܙܪ̈ܥܘܢܐ ܠܡܐܟܠ ܘܡ̈ܝܐ ܠܡܫܬܐ܂
001.01:13 ܘܬܚܙܐ ܫܝܘܬܢ ܘܫܝܘܬܐ ܕ̈ܛܠܝܐ ܕܐܟܠܝܢ ܡܢ ܦܛܒܓܐ ܕܡ݁ܠܟܐ܂ ܘܐܝܟ ܕܚ݁ܙܐ ܐܢܬ ܗܟܢܐ ܥܒܕ ܥܡ ܥܒ݂̈ܕܝܟ܂
001.01:14 ܘܐܫܬܡܥ ܠܡܠܬܗܘܢ ܗܕܐ܂ ܘܢܣ݁ܝ ܐܢܘܢ ܝܘܡ̈ܝܢ ܥܣܪܐ܂
001.01:15 ܘܡܢ ܒܬܪ ܥܣܪܐ ܝܘ̈ܡܝܢ ܚ݂ܙܐ ܐ̈ܦܝܗܘܢ ܫܦܝܪ̈ܢ ܘܫܡܝܢ ܒܣܪܗܘܢ ܛܒ ܡܢ ܕܛܠܝ̈ܐ ܟܠܗܘܢ ܕܐܟܠܝܢ ܡܢ ܦܛܒܓܐ ܕܡ݁ܠܟܐ܂
001.01:16 ܘܡܢܨܪ ܢ݁ܣܒ ܗܘܐ ܠܗ ܫܩܠܗܘܢ ܘܚܡܪܐ ܕܡܫܬܝܗܘܢ܂ ܘܝ݁ܗܒ ܗܘܐ ܠܗܘܢ ܙܪ̈ܥܘܢܐ ܠܡܐܟܠ ܘܡ̈ܝܐ ܠܡܫܬܐ܂
001.01:17 ܘܠܛܠܝ̈ܐ ܗܠܝܢ ܐܪ̈ܒܥܬܝܗܘܢ ܝܗ݂ܒ ܠܗܘܢ ܐܠܗܐ ܐܝܕܥܬܐ ܘܣܘܟܠܐ/ܘܣܘܟܠܬܢܘܬܐ#3#/ ܒܟܠ ܣܦ݂ܪ ܘܚܟܡܐ܂ ܘܕܢܝܐܝܠ ܡܬܒܝܢ ܗܘܐ ܒܟܘܠ ܚ̈ܙܘܝܢ/ܚܙܘ̈ܢܝܢ#3#/ ܘܚ̈ܠܡܝܢ܀
001.01:18 ܘܡܢ ܒܬܪ ܕܫ݁ܠܡܘ ܝܘܡ̈ܬܐ ܕܦ݂ܩܕ ܡ݁ܠܟܐ ܐܝܬܝ ܐܢܘܢ ܪܒ ܡܗܝ̈ܡܢܐ ܩܕܡ ܢܒܘܟܕܢܨܪ ܡ݁ܠܟܐ܂
001.01:19 ܘܡܠܠ ܥܡܗܘܢ ܡ݁ܠܟܐ ܘܠܐ ܐܫܟܚ ܒܟܠܗܘܢ ܐܝܟ ܕܢܝܐܝܠ ܘܚ݁ܢܢܝܐ܂ ܘܡܝܫܐܝܠ ܘܥ݁ܙܪܝܐ܂ ܘܩܡܘ ܩܕܡ ܡ݁ܠܟܐ܂
001.01:20 ܘܟܠ ܡܠܐ ܕܚܟܡܬܐ ܘܕܣܘܟܠܐ ܕܫܐ݁ܠ ܐܢܘܢ ܡ݁ܠܟܐ܂ ܐܫܟܚ ܐܢܘܢ ܝܬܝܪܝܢ ܥܣܪ ܡܢ̈ܘܢ܂ ܥܠ ܟܠ ܚ݁ܪ̈ܫܐ ܘܐܫ̈ܘܦܐ ܕܐܝܬ ܒܡܠܟܘܬܗ܂
001.01:21 ܘܗܘ݂ܐ ܕܢܝܐܝܠ ܥܕܡܐ ܠܫܢܬ ܚܕܐ ܕܟܘܪܫ ܡ݁ܠܟܐ܂