← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

62035: P Stories about Daniel

Click on a word for lexical analysis
Click on a red-colored coordinate for comments and/or translations of the line

002.00:00 ‍<‍\ܒܝܠ ܦܬܟܪܐ /ܬܘܒ ܒܝܠ ܦܬܟܪܐ#3# /ܬܘܒ ܟܬܒܝܢܢ ܬܫܥܝܬܐ ܕܒܝܠ ܦܬܟܪܐ#3#‍>‍‍>‍
002.00:01 ܘܡܠܟܐ ܐܣܛܝܓܘܣ ܐܬܬܘܣܦ ܥܠ ܐܒܗ̈ܬܗ܂ ܘܩ݁ܒܠ ܟܘܪܫ ܦܪܣܝܐ ܡܠܟܘܬܗ܂
002.00:02 ܘܕܢܝܐܝܠ ܐܝܬܘܗܝ ܗܘܐ ܐܝܩܪܗ ܥܡ ܕܡ݁ܠܟܐ/ܡ݁ܠܟܐ#3#/܂ ܘܥ݁ܡܪ ܗܘܐ ܥܡ ܡ݁ܠܟܐ܂ ܘܡܫܒܚ/ܘܡܫܬܒܚ#3#/ ܗܘܐ ܡܢ ܟܠܗܘܢ ܪ̈ܚܡܘܗܝ ܕܡ݁ܠܟܐ܂
002.00:03 ܐܝܬ ܗܘܐ ܕܝܢ ܦܬܟܪܐ ܠܒܒ̈ܠܝܐ ܘܫܡܗ ܗܘܐ ܒܝܠ܂ ܘܡܦܩܝܢ ܗܘܘ ܥܠܘܗܝ ܢܦܩܬܐ/ܡܦܩܬܐ#2#/ ܟܠܝܘܡ܂ ܣܡܝܕܐ ܬܪܥܣܪ ܐܪ̈ܕܒܝܢ܂ ܘܕܟܪ̈ܐ ܐܪܒܥܝܢ܂ ܘܚܡܪܐ ܫܬ ܡܬܪ̈ܝܢ܂
002.00:04 ܘܗܘ ܡ݁ܠܟܐ ܕܚ݁ܠ ܗܘܐ ܠܗ܂ ܘܐ݁ܙܠ ܗܘܐ ܟܠܝܘܡ ܘܣ݁ܓܕ ܗܘܐ ܠܗ܂ ܘܕܢܝܐܝܠ ܣ݁ܓܕ ܗܘܐ ܠܐܠܗܐ܂ ܘܐܡ݂ܪ ܡ݁ܠܟܐ ܠܕܢܝܐܝܠ܂ ܡܛܠ ܡܢܐ ܠܐ ܣ݁ܓܕ ܐܢܬ ܠܒܝܠ ܐܠܗܝ܂
002.00:05 ܘܐܡ݂ܪ ܠܗ ܕܢܝܐܝܠ܂ ܠܐ ܣ݁ܓܕ ܐܢܐ ܠܨܠܡܐ ܘܠܦܬܟܪܐ ܘܠܓܠܝܦܐ܂ ܡܛܠ ܕܥܒܕ ܐܝܕ̈ܝܐ ܗܘ ܕܒܢܝܢܫܐ܂ ܐܠܐ ܐܢܐ ܕܚ݁ܠ ܐܢܐ ܠܐܠܗܐ ܚܝܐ܂ ܗ݀ܘ ܕܥܒ݂ܕ ܫܡܝܐ ܘܐܪܥܐ ܘܐܝܬܘܗܝ ܡܪܝܐ ܥܠ ܟܘܠ ܒܣܪ܂ ܠܗ ܗܘ ܣ݁ܓܕܢܐ܂
002.00:06 ܘܐܡ݂ܪ ܡ݁ܠܟܐ ܠܕܢܝܐܝܠ܂ ܠܐ ܡܬܚܙܐ ܠܟ ܕܒܝܠ ܚܝ ܗܘ܂ ܐܘ ܠܐ ܚ݁ܙܐ ܐܢܬ ܕܗܐ ܐ݁ܟܠ ܘܫܬܐ ܟܠ ܝܘܡ܂
002.00:07 ܗܝܕܝܢ ܕܢܝܐܝܠ ܓܚܟ ܘܐܡ݂ܪ ܠܡ݁ܠܟܐ܂ ܠܐ ܬܛܥܐ ܡ݁ܠܟܐ܂ ܗܢܐ ܓܝܪ ܡܢ ܠܓܘ ܕܛܝܢܐ ܗܘ ܘܡܢ ܠܒܪ ܕܢܚܫܐ܂ ܘܡܕܡ ܡܢ ܝܘܡ̈ܘܗܝ ܠܐ ܐܟ݂ܠ ܘܠܐ ܐܫܬܝ܂
002.00:08 ܗܝܕܝܢ ܐܬܚܡܬ ܡ݁ܠܟܐ܂ ܘܩ݂ܪܐ ܠܟܘܡܪ̈ܘܗܝ ܕܒܝܠ ܘܐܡ݂ܪ ܠܗܘܢ܂ ܐܢ ܠܐ ܬܐܡܪܘܢ ܠܝ ܕܡܢܘ݂ ܐ݁ܟܠ ܢܦܩܬܐ ܗܕܐ ܟܠܗ݀ ܬܡܘܬܘܢ܂
002.00:09 ܐܢ ܕܝܢ ܬܚܘܘܢܢܝ ܕܒܝܠ ܗܘ ܐ݁ܟܠ܂ ܢܡܘܬ ܕܢܝܐܝܠ ܕܓ݁ܕܦ ܥܠ ܒܝܠ܂ ܘܐܡ݂ܪ ܕܢܝܐܝܠ ܠܡ݁ܠܟܐ܂ ܢܗܘܐ ܐܝܟ ܡܠܬܟ ܡ݁ܠܟܐ܂
002.00:10 ܗܘ݁ܝܢ ܗܘܘ ܕܝܢ ܟܘܡܪ̈ܘܗܝ ܕܒܝܠ ܫܒܥܝܢ܂ ܣܛܪ ܡܢ ܢܫܝ̈ܗܘܢ ܘܒܢܝܗܘܢ ܘܐܬ݂ܐ ܡ݁ܠܟܐ ܗܘ ܘܕܢܝܐܝܠ ܠܒܝܬܗ/ܠܘܬܗ#3#/ ܕܒܝܠ܂
002.00:11 ܘܐܡ݁ܪܝܢ ܟܘܡܪ̈ܐ ܠܡ݁ܠܟܐ܂ ܗܐ ܚܢܢ ܢܦܩ݁ܝܢܢ ‍<‍ܠܝ#3#‍>‍ ܠܒܪ܂ ܐܢܬ ܕܝܢ ܡ݁ܠܟܐ ܣܝܡ ܡܐܟ̈ܠܬܐ ܠܒܝܠ܂ ܘܡܙܘܓ ܚܡܪܐ ܘܣܝܡ܂ ܘܐܚܘܕ ܬܪܥܐ ܘܚܬܘܡ ܒܥܙܩܬܟ܂
002.00:12 ܘܩ݁ܕܡ ܘܬܐ ܒܨܦܪܐ܂ ܐܢ ܠܐ ܬܫܟܚ ܟܠܗܝܢ/ܠܟܠܗܝܢ#3#/ ܡܐܟ̈ܠܬܐ ܘܐܟ݂ܠ ܐܢܝܢ ܒܝܠ܂ ܢܡܘܬ ܚܢܢ܂ ܘܐܢ ܗܘ ܕܐܟ݂ܠ ܐܢܝܢ ܒܝܠ܂ ܢܡܘܬ ܕܢܝܐܝܠ ܗ݀ܘ ܕܓ݁ܕܦ ܥܠܝܢ܂
002.00:13 ܗ݂ܢܘܢ ܕܝܢ ܡܛܠ ܕܬܟܝܠܝܢ ܗܘܘ ܕܥܒܝܕ ܗܘܐ ܠܗܘܢ ܡܥܠܢܐ ܒܛܘܫܝܐ ܬܚܝܬ ܦܬܘܪܐ܂ ܘܒܗ ܥܐ݁ܠܝܢ ܗܘܘ ܕܢ݁ܦܩܝܢ ܘܐ݁ܟܠܝܢ ܗܘܘ ܟܠܡܕܡ ܕܡܬܬܣܝܡ ܗܘܐ ܠܗ ܠܒܝܠ܂ ܘܫܩ݁ܠܝܢ ܗܘܘ ‍<‍ܟܠ#3#‍>‍ ܡܕܡ ܕܝܬ݁ܪ܂
002.00:14 ܟܕ ܕܝܢ ܢܦܩܘ ܟܘܡܪ̈ܐ ܕܒܝܠ܂ ܐܝܬܝ ܡ݁ܠܟܐ ܡܐܟ̈ܠܬܐ ܕܡܠ݂ܐ ܦܬܘܪܐ ܘܣܡ ܩܕܡ ܒܝܠ܂ ܘܡܠ݂ܐ ܚܡܪܐ ܡܐܢ̈ܐ ܐܝܟ ܥܝܕܗܘܢ ܘܢܦ݂ܩ܀ ܘܐܡ݂ܪ ܕܢܝܐܝܠ ܠܛܠܘ̈ܗܝ܂ ܐܝܬܘ ܠܝ ܩܛܡܐ܂ ܘܐܝܬܝܘ ܠܗ ܩܛܡܐ܂ ܘܥܪܒܗ ܒܥܪܒܠܐ ܩܕܡܘܗܝ ܕܡ݁ܠܟܐ܂ ܒܟܘܠܗ ܒܝܬܐ ܕܒܝܠ܂ ܘܚ݂ܙܐ ܡ݁ܠܟܐ ܘܢܦ݂ܩ ܘܐܚ݂ܕ ܬܪܥܐ܂ ܘܚܬܡܗ ܡ݁ܠܟܐ ܒܥܙܩܬܗ ܘܒܥܙܩܬ ܕܢܝܐܝܠ܂
002.00:15 ܘܟܘܡܪ̈ܐ ܐܙܠܘ ܒܠܠܝܐ܂ ܐܝܟ ܕܡܥܕܝܢ ܗܘܘ ܗܢܘܢ ܘܢܫ̈ܝܗܘܢ ܘܒܢܝܗܘܢ܂ ܘܐܟܠܘ ܗܘܘ ܟܠܡܕܡ ܕܣܝܡ ܗܘܐ ‍<‍ܠܗ#3#‍>‍ ܠܒܝܠ ܘܐܫܬܝܘ ܚܡܪܐ܂
002.00:16 ܘܩ݁ܕܡ ܡ݁ܠܟܐ ܒܨܦܪܐ ܘܕܢܝܐܝܠ ܥܡܗ ܘܐܙܠܘ ܠܬܡܢ܂
002.00:17 ܘܐܡ݂ܪ ܡ݁ܠܟܐ ܠܕܢܝܐܝܠ܂ ܩܝܡܝܢ ܚܬܡ̈ܐ ܕܢܝܐܝܠ܂ ܘܐܡܪ ܕܢܝܐܝܠ ܩܝܡܝܢ ܡܪܝ ܡ݁ܠܟܐ܂
002.00:18 ܘܗܘܐ ܕܟܕ ܦܬ݂ܚ ܬܪܥܐ܂ ܐܕܝܩ ܡ݁ܠܟܐ ܥܠ ܦܬܘܪܐ܂ ܘܚ݂ܙܐ ܕܐܟܝܠ ܟܠܡܕܡ ܕܐܬܬܣܝܡ/ܕܣܝܡ#3#/ ܗܘܐ ܠܒܝܠ܂ ܘܝܗ݂ܒ ܩܠܐ ܪܡܐ ܥܠ ܬܪܥܐ ܡܢ ܠܒܪ ܘܐܡ݂ܪ܂ ܪܒ ܐܢܬ ܒܝܠ ܘܠܝܬ ܠܘܬܟ ܢܟܠܐ ܐܦܠܐ ܩܠܝܠ܂܀܂
002.00:19 ܗܝܕܝܢ ܕܢܝܐܝܠ ܓܚ݂ܟ ܘܐܚܕܗ ܠܡ݁ܠܟܐ ܕܠܐ ܢܥܘܠ ܠܓܘ ܥܕ ܫܥܬܐ܂ ܘܐܡ݂ܪ ܕܢܝܐܝܠ ܠܡ݁ܠܟܐ܂ ܚܘܪ ܡܪܝ ܡ݁ܠܟܐ ܘܐܬܒܩܐ ܒܐܪܥܐ܂ ܥܩܒ̈ܬܐ ܗܠܝܢ ܕܡ݁ܢ ܐܝܬܝܗܝܢ܂
002.00:20 ܘܐܡ݂ܪ ܡ݁ܠܟܐ܂ ܚ݁ܙܐ ܐܢܐ ܒܐܪܥܐ ܥܩܒ̈ܬܐ ܕܓܒܪ̈ܐ ܘܕܢ̈ܫܐ ܘܕܛ̈ܠܝܐ܂
002.00:21 ܗܝܕܝܢ ܐܬܚܡܬ ܡ݁ܠܟܐ ܘܐܚ݂ܕ ܐܢܘܢ ܠܟܘܡܪ̈ܐ ܘܠܢܫܝ̈ܗܘܢ ܘܠܒܢ̈ܝܗܘܢ ܘܚܘܝܘܗܝ ܠܡ݁ܠܟܐ ܡܥܠܢܐ ܕܐܝܬ ܗܘܐ ܠܗܘܢ ܒܛܘܫܝܐ܂ ܗ݀ܘ ܕܒܗ ܥܐ݁ܠܝܢ ܗܘܘ ܘܢܦܩ݁ܝܢ܂ ܘܐܟܠܝܢ ‍<‍ܗܘܘ#3#‍>‍ ܟܠܡܕܡ/ܟܠ#2#/ ܕܡܬܬܣܝܡ ܗܘܐ ܠܒܝܠ ܥܠ ܦܬܘܪܐ܂
002.00:22 ܘܩ݁ܛܠ ܐܢܘܢ ܡ݁ܠܟܐ ܠܟܠܗܘܢ܂ ܘܠܒܝܠ ܝܗܒܗ ܡܘܗܒܬܐ ܠܕܢܝܐܝܠ ܘܬܒܪܗ ܕܢܝܐܝܠ܂ ܘܣܚܦ ܗܝܟܠܗ܂
002.00:99 ‍<‍\ܫܠܡ ܕܥܠ ܒܝܠ ܦܬܟܪܐ /ܫܠܡ ܒܝܠ#3#/‍>‍