The Comprehensive Aramaic Lexicon

05:01	ܘܒܢ̈ܘܗܝ ܕܪܘܒܝܠ ܒܘܟܪܗ ܕܐܝܣܪܝܠ܂ ܡܛܠ ܕܗܘ ܗܘܐ ܒܘܟܪܗ ܕܐܒܘܗܝ܂ ܘܨܥܪ ܬܫܘܝܬܗ ܕܐܒܘܗܝ܃ ܐܬܝܗܒܬ ܒܘܟܪܘܬܗ ܠܝܘܣܦ ܐܚܘܗܝ ܒܪ ܐܝܣܪܝܠ܂ ܘܥܠ ܗܠܝܢ ܬܪ̈ܝܗܘܢ ܐܬ̈ܝܢ ܒܘܪ̈ܟܬܐ ܡܢ ܟܠܗܘܢ ܫܒ̈ܛܐ ܕܐܝܣܪܝܠ܂
05:02	ܡܢ ܝܗܘܕܐ ܢܦܘܩ ܡܠܟܐ ܡܫܝܚܐ܃ ܘܒܘܟܪܘܬܐ ܬܬܝܗܒ ܠܝܘܣܦ܂
05:03	ܒܢܘ̈ܗܝ ܕܪܘܒܝܠ ܒܘܟܪܗ ܕܐܝܣܪܝܠ܂ ܚܢܘܟ ܘܦܠܘ܂ ܘܚܨܪܘܢ ܘܟܪܡܝ܂
05:04	ܘܒܢ̈ܘܗܝ ܕܟܪܡܝ܂ ܫܡܥܝܐ ܒܪܗ ‍<‍ܡܝܟܐ ܒܪܗ#3#‍>‍܂ ܕܘܐܓ ܒܪܗ܂ ܫܡܥܝ ܒܪܗ܂
05:05	ܡܝܟܐ ܒܪܗ܂ ܐܘܪܝܐ ܒܪܗ܂ ܒܠܥ ܒܪܗ܂
05:06	ܐܒܕܝܐ ܒܪܗ܂ ܕܓܠܝ ܬܓܠܬܦܠܣܪ ܡܠܟܐ ܕܐܬܘܪ܂ ܗܘ ܗܘܐ ܪܝܫܐ/ܪܒܐ#3#/ ܕܫܒܛܐ ܕܒܝܬ ܪܘܒܝܠ܂
05:07	ܘܐܚܘ̈ܗܝ ܠܫܪ̈ܒܬܗܘܢ܂ ܘܟܕ ܐܫܬܪܒܘ ܒܛܘܗ̈ܡܝܗܘܢ ܪܫܗܘܢ ܥܙܪܐܝܠ܂ ܬܢܝܢܐ ܙܟܪܝܐ܂
05:08	ܘܒܠܥ ܒܪ ܥܘܙܝ܂ ܒܪ ܫܡܥܝ ܒܪ ܝܘܐܝܠ܂ ܗ݂ܘ ܝ݁ܬܒ ܗܘܐ ܒܥܕܘܥܝܪ ܘܥܕܡܐ ܠܢܒܘ܂ ܘܥܠ ܦܩܥܬܐ ܕܡܥܘܢ
05:09	ܘܠܡܕܢܚܝܗ݀/ܘܠܡܕܢܚܗ݀#3#/܂ ܥܕܡܐ ܠܬܚܘܡܐ ܕܡܕܒܪܐ ܕܡܢ ܢܗܪܐ ܦܪܬ܂ ܡܛܠ ܕܣܓܝܘ ܗܢܘܢ ܘܩܢܝܢܗܘܢ ܒܐܪܥܐ ܕܓܠܥܕ܀
05:10	ܘܒܝܘܡ̈ܘܗܝ ܕܫܐܘܠ܃ ܥܒܕܘ ܩܪܒܐ ܥܡ ܥܪ̈ܒܝܐ ܥܡܪ̈ܝ ܣܩܐ܂ ܘܐܬܝܗܒܘ ܒܐܝ̈ܕܝܗܘܢ܂ ܘܝܬܒܘ ܒܡܫ̈ܟܢܝܗܘܢ ܥܠ ܟܠ ܐ̈ܦܝ ܡܕܢܚܐ ܕܐܪܥܐ ܕܓܠܥܕ܂
05:11	ܘܒܢ̈ܘܗܝ ܕܓܕ ܝܬܒܘ ܠܘܩܒܠܗܘܢ ܒܐܪܥܐ ܕܡܬܢܝܢ ܥܕܡܐ ܠܬܚܘܡܐ ܕܣܠܒܐ܂
05:12	ܘܝܘܐܝܠ ܢܦܩ ܒܪܫܗܘܢ܂ ܘܗܘܐ ܕܐ݁ܢ ܠܗܘܢ ܘܡܠܦ ܠܗܘܢ ܟܬܒ̈ܐ ܫܦܝܪ܂
05:14	ܗܠܝܢ ܒܢܘ̈ܗܝ ܕܐܒܝܚܠ ܒܪ ܚܘܪ ܒܪ ܙܪܚ ܒܪ ܓܠܥܕ܂ ܒܪ ܡܟܝܪ
05:15	ܒܪ ܥܒܕܐܝܠ ܒܪ ܥܠܝ܂ ܪ̈ܫܐ ܕܐܒܗ̈ܬܗܘܢ/ܕܒܝܬ ܐܒ̈ܗܝܗܘܢ#3#/܂
05:16	ܘܝܬܒܘ ܒܡܬܢܝܢ ܘܒܟܦܪ̈ܘܢܝܗ݀܂
05:17	ܟܠܗܘܢ ܐܫܬܪܒܘ ܒܝܘ̈ܡܝ ܝܘܬܡ ܡܠܟܐ ܕܒܝܬ ܝܗܘܕܐ܂ \ܘܒܝܘ̈ܡܘܗܝ ܕܝܘܪܒܥܡ /ܘܒܝܘ̈ܡܝ ܝܘܪܒܥܡ#3#/ ܡܠܟܐ ܕܐܝܣܪܝܠ܂
05:18	ܘܒܢ̈ܘܗܝ ܕܪܘܒܝܠ܂ ܘܓܕ ܘܦܠܓܘܬ ܫܒܛܐ ܕܡܢܫܐ/ܕܒܝܬ ܡܢܫܐ#3#/܂ ܐܢܫܐ ܐܚ̈ܝܕܝ ܣܝܦܐ ܘܣܟܪܐ܂ ܘܫ݁ܕ̈ܝܝ ܒܩܫܬܐ ܘܝ݁ܕ̈ܥܝ ܩܪܒܐ܂ ܐܪܒܥܝܢ ܘܐܪܒܥܐ ܐ̈ܠܦܝܢ܂ ܘܫܬܡܐܐ ܘܫܬܝܢ ܘܫܬܐ܂ ܗܠܝܢ ܟܠܗܘܢ ܢܦܩܘ ܒܩܪܒܐ܂
05:19	ܘܥܒܕܘ ܩܪܒܐ ܥܡ ܥܡܪ̈ܝ ܣܩܐ܂
05:20	ܘܐܫܬܠܡܘ ܒܐܝܕ̈ܝܗܘܢ܂ ܡܛܠ ܕܠܡܪܝܐ ܨܠܝܘ ܒܩܪܒܐ ܘܫܡܥ ܒܩܠܗܘܢ ܡܛܠ ܕܐܬܬܟܠܘ ܥܠܘܗܝ܂
05:21	ܘܫܒܘ ܢܟ̈ܣܐ ܣܓܝܐ̈ܐ ܘܩܢ̈ܝܢܐ܂ ܘܓ̈ܡܠܐ ܚܡܫܝܢ ܐ̈ܠܦܝܢ܂ ܘܥ̈ܢܐ ܡܐܬܝܢ ܘܚܡܫܝܢ ܐ̈ܠܦܝܢ܂ ܘܚ݁ܡܪ̈ܐ ܬܪܝܢ ܐ̈ܠܦܝܢ܂ ܘܢܦ̈ܫܬܐ ܕܐܢܫܐ ܡܐܐ ܐ̈ܠܦܝܢ܂
05:22	ܡܛܠ ܕܩ̈ܛܝܠܐ ܣܓܝܐ̈ܐ ܢܦܠܘ ܡܢ ܡܫܟ̈ܢܝܗܘܢ ܒܩܪܒܐ܂ ܘܝܬܒܘ ܒܕܘܟܬܗܘܢ ܥܠ ܡܫ̈ܟܢܝܗܘܢ܂
05:23	ܘܒ̈ܢܝ ܦܠܓܘܬ ܫܒܛܐ ܕܡܢܫܐ ܝܬܒܘ ܒܐܪܥܐ ܕܡܬܢܝܢ ܥܕܡܐ ܠܦܩܥܬ ܛܘܪܐ ܕܚܪܡܘܢ܂ ܘܥܕܡܐ ܠܣܥܝܪ ܛܘܪܐ ܪܒܐ ܕܚܪܡܘܢ܂ ܥܕܡܐ ܠܗܪܬܡܢ ܣܓܝܘ ܘܝܪܒܘ܂
05:24	ܘܗܠܝܢ ܪ̈ܫܐ ܕܒܝܬ ܐܒܗܝ̈ܗܘܢ܂ ܥܦܐ ܘܝܘܫܒ܂ ܘܐܠܕܥܐ ܘܥܙܪܐܝܠ܂ ܘܐܕܘܡܝܐ ܘܐܘܪܝܐ܂ ܘܚܙܐܝܠ܂ ܓܒܪ̈ܐ ܓܢܒܪ̈ܝ/ܓܒܪ̈ܝ#3#/ ܚܝܠܐ܂ ܓܒܪ̈ܐ ܕܫܡܗ̈ܬܐ܂ ܕܗܢܘܢ ܪ̈ܝܫܐ ܕܒܝܬ ܐܒܗܝ̈ܗܘܢ܂

05:25	ܘܟܕܒܘ ܒܐܠܗܐ ܕܐܒܗ̈ܝܗܘܢ܂ ܘܛܥܘ ܒܬܪ ܐܠܗ̈ܐ ܕܥܡ̈ܡܐ ܕܐܪܥܐ܃ ܕܐܘܒܕ ܡܪܝܐ ܡܢ ܩܕܡܝܗܘܢ܂

05:26	ܘܐܥܝܪ ܡܪܝܐ ܐܠܗܐ ܕܐܝܣܪܝܠ ܥܠܝܗܘܢ ܪܘܚܗ ܕܬܓܠܬܦܠܣܪ ܡܠܟܐ ܕܐܬܘܪ܂ ܘܓܠܝ ܠܫܒܛܐ ܕܒܝܬ ܪܘܒܝܠ܂ ܘܠܫܒܛܐ ܕܒܝܬ ܓܕ ܘܠܦܠܓܘܬ ܫܒܛܐ ܕܡܢܫܐ܂ ܘܐܝܬܝ ܐܢܘܢ ܠܚܠܚ ܘܠܚܒܪ ܢܗܪ/ܢܗܪܐ#2#/ ܓܘܙܢ܂ ܩܘܪ̈ܝܐ ܕܡܕܝ܂ ܘܗܢܘܢ ܝܬ݁ܒܝܢ ܬܡܢ ܥܕܡܐ ܠܝܘܡܢܐ܂
05:27	ܒܢܘ̈ܗܝ ܕܠܘܝ܂ ܓܪܫܘܢ ܘܩܗܬ܂ ܘܡܪܪܝ܂
05:28	ܘܒܢܘ̈ܗܝ ܕܩܗܬ܃ ܥܡܪܡ ܘܝܨܗܪ܂ ܘܚܒܪܘܢ ܘܥܘܙܝܠ܂
05:29	ܘܒ̈ܢܘܗܝ ܕܥܡܪܡ܂ ܡܘܫܐ ܘܐܗܪܘܢ ܘܡܪܝܡ܂ ܘܒܢ̈ܘܗܝ ܕܐܗܪܘܢ܃ ܢܕܒ ܘܐܒܝܗܘ܂ ܘܐܠܝܥܙܪ ܘܐܝܬܡܪ܂
05:30	ܘܐܠܝܥܙܪ ܐܘܠܕ ܠܦܝܢܚܣ܂ ܘܦܝܢܚܣ ܐܘܠܕ ܠܐܒܝܫܘܥ܂
05:31	ܘܐܒܝܫܘܥ ܐܘܠܕ ܠܐܒܝܩܪ܂ ܘܐܒܝܩܪ ܐܘܠܕ ܠܥܙܝ܂
05:32	ܘܥܙܝ ܐܘܠܕ ܠܙܪܚܝܐ܂ ܘܙܪܚܝܐ ܐܘܠܕ ܠܡܪܘ܂
05:33	ܘܡܪܘ ܐܘܠܕ ܠܐܡܪܝܐ܂ ܘܐܡܪܝܐ ܐܘܠܕ ܠܐܚܝܛܘܒ܂
05:34	ܘܐܚܝܛܘܒ ܐܘܠܕ ܠܨܕܘܩ܂ ܘܨܕܘܩ ܐܘܠܕ ܠܐܚܝܡܥܨ܂
05:35	ܘܐܚܝܡܥܨ ܐܘܠܕ ܠܥܙܪܝܐ܂ ܘܥܙܪܝܐ ܐܘܠܕ ܠܝܘܚܢܢ܂
05:36	ܘܝܘܚܢܢ ܐܘܠܕ ܠܥܙܪܝܐ܂ ܘܥܙܪܝܐ ܗܘ ܫ݁ܡܫ ܒܒܝܬܐ ܕܒܢܐ ܫܠܝܡܘܢ ܒܐܘܪܫܠܡ܂
05:37	ܘܐܘܠܕ ܥܙܪܝܐ ܠܐܡܪܝܐ܂ ܘܐܡܪܝܐ ܐܘܠܕ ܠܐܚܝܛܘܒ܂
05:38	ܘܐܚܝܛܘܒ ܐܘܠܕ ܠܨܕܘܩ܂ ܘܨܕܘܩ ܐܘܠܕ ܠܫܠܘܡ܂
05:39	ܘܫܠܘܡ ܐܘܠܕ ܠܚܠܩܝܐ܂ ܘܚܠܩܝܐ ܐܘܠܕ ܠܥܙܪܝܐ܂
05:40	ܘܥܙܪܝܐ ܐܘܠܕ ܠܣܪܝܐ܂ ܘܣܪܝܐ ܐܘܠܕ ܠܨܕܘܩ܂
05:41	ܘܨܕܘܩ ܐܫܬܒܝ ܟܕ ܓܠܝ ܡܪܝܐ ܠܐܢ̈ܫܝ ܝܗܘܕܐ ܘܠܐܘܪܫܠܡ ܠܒܒܠ܃ ܠܘܬ ܢܒܘܟܕܢܨܪ܂