The Comprehensive Aramaic Lexicon

14:01	ܘܫܕܪ ܚܝܪܡ ܡܠܟܐ ܕܨܘܪ ܐܝ̈ܙܓܕܐ ܠܘܬ ܕܘܝܕ܂ ܘܫܕܪ ܠܗ ܩܝ̈ܣܐ ܕܐܪܙܐ ܘܐܪ̈ܕܟܠܐ ܕܒܢܝܢܐ܂ ܘܢܓܪ̈ܐ ܕܩܝܣܐ ܠܡܒܢܐ ܠܗ ܒܝܬܐ܂
14:02	ܗܝܕܝܢ ܝܕ݁ܥ ܗܘܐ ܕܘܝܕ ܕܓܒܝܗܝ ܡܪܝܐ ܕܢܗܘܐ ܡܠܟܐ ܥܠ ܐܝܣܪܝܠ܃ ܘܐܬܪܝܡܬ ܡܠܟܘܬܗ ܠܥܠ ܕܢܗܘܐ ܡܠܟܐ ܥܠ ܥܡܗ/ܟܠܗ#3#/ ܐܝܣܪܝܠ܂
14:03	ܘܢܣܒ ‍<‍ܠܗ#3#‍>‍ ܕܘܝܕ ܢܫ̈ܐ ܡܢ ܐܘܪܫܠܡ܃ ܡܢ ܒܬܪ ܕܐܬܐ ܡܢ ܚܒܪܘܢ܂ ܘܐܬܝܠܕܘ ܠܗ ܠܕܘܝܕ ܒ̈ܢܝܐ ܘܒ̈ܢܬܐ܂
14:04	ܘܗܠܝܢ ܫܡ̈ܗܐ ܕܒ̈ܢܝܐ ܕܐܬܝܠܕܘ ܠܗ ܒܐܘܪܫܠܡ܃ ܫܡܘܥ܂ ܘܫܟܘܒ܂ ܘܢܬܢ܂ ܘܫܠܝܡܘܢ܂
14:05	ܘܝܒܚܪ ܘܐܠܝܫܡܥ܂ ܘܐܠܝܦܠܛ܂
14:06	ܘܢܝܚ܂ ܘܢܦܓ܂ ܘܢܦܝܥ܂
14:07	ܘܐܠܝܫܥ܂ ܘܐܠܝܕܥ܂ ܘܐܠܝܦܠܛ܂
14:08	ܘܫܡܥܘ ܦܠܫ̈ܬܝܐ ܕܐܬܡܫܚ ܕܘܝܕ ܕܢܡܠܟ ܥܠ ܟܠܗ ܐܝܣܪܝܠ܃ ܘܣܠܩܘ ܗܘܘ ܟܠܗܘܢ ܦܠܫ̈ܬܝܐ ܕܢܒܥܘܢ ܠܕܘܝܕ܂ ܘܫܡܥ ܕܘܝܕ ܘܢܦܩ ܠܐܘܪܥܗܘܢ܂
14:09	ܘܦܠܫ̈ܬܝܐ ܐܬܘ ܘܫܪܘ ܒܥܘܡܩܐ ܕܓܢܒܪ̈ܐ܂
14:10	ܘܫܐܠ ܕܘܝܕ ܒܡܪܝܐ ܘܐܡܪ܂ ܐܣܩ ܥܠ ܦܠܫ̈ܬܝܐ \ܘܬܬܠ ܐܢܘܢ /ܡܫܠܡ ܐܢܬ ܠܗܘܢ#3#/ ܒܐܝ̈ܕܝ܃ ܘܐܡܪ ܠܗ ܣܩ܂ \ܘܐܬܠ ܐܢܘܢ /ܘܡܫܠܡ ܐܢܐ ܠܗܘܢ#3#/ ܒܐܝ̈ܕܝܟ܂

14:11	ܘܣܠܩܘ ܠܦܩܥܬܐ ܕܬܘܪܥܬܐ܃ ܘܚܪܒ ܐܢܘܢ ܬܡܢ܂ ܘܐܡܪ ܕܘܝܕ܂ ܬܪܥ/ܦܪܥ#3#/ ܡܪܝܐ ܠܒ̈ܥܠܕܒܒܝ ܩܕܡܝ ܐܝܟ ܬܘܪܥܬܐ ܕܡ̈ܝܐ܃ ܡܛܠ ܗܢܐ ܩܪܘ ܫܡܗ݀ ܕܕܘܟܬܐ܂ ܗ݀ܝ ܦܩܥܬܐ ܕܬܘܪܥܬܐ܂

14:12	ܘܫܒܩܘ ܬܡܢ ܦܬܟܪ̈ܝܗܘܢ܂ ܘܐܡܪ ܕܘܝܕ ܠܓܢܒܪ̈ܘܗܝ/ܠܓܒܪ̈ܘܗܝ#3#/܂ ܐܘܩܕܘ ܐܢܘܢ ܒܢܘܪܐ܂ ܘܕܪܘ ܥܦܪܗܘܢ ܒܪܘܚܐ܂
14:13	ܘܐܘܣܦܘ ܬܘܒ ܦܠܫ̈ܬܝܐ ܠܡܣܩ܂ ܘܫܪܘ ܗܘܘ ܒܦܩܥܬܐ ܕܓܢܒܪ̈ܐ܂
14:14	ܘܫܐܠ ܬܘܒ ܕܘܝܕ ܒܡܪܝܐ܂ ܘܐܡܪ ܠܗ ܠܐ ܬܣܩ ܐܠܐ ܐܬܗܦܟ/ܗܦܘܟ#3#/ ܠܟ ܡܢܗܘܢ܂ ܘܙܠ ܩܒܠ ܐܢܘܢ ܡܢ ܩܕܡܝܗܘܢ܂
14:15	ܘܟܕ ܬܫܡܥ ܩܠܐ ܕܝܠܠܬܐ ܒܪܫܗ ܕܛܘܪܐ܃ ܗܝܕܝܢ ܬܦܘܩ ܠܩܐܪܣܐ܂ ܡܛܠ ܕܗܝܕܝܢ ܗܘ/ܗ݀ܘ#3#/ ܢܦ݁ܩ ܡܪܝܐ ܩܕܡܝܟ܃ ܠܡܚܪܒ ܠܡܫܪ̈ܝܬܐ ܕܦܠܫ̈ܬܝܐ܂
14:16	ܘܥܒܕ ܕܘܝܕ ܗܟܢܐ ܐܝܟܢܐ ܕܦܩܕܗ ܡܪܝܐ܂ ܘܚܪܒ ܠܡܫܪܝܬܐ ܕܦܠܫ̈ܬܝܐ܃ ܡܢ ܓܒܥܘܢ ܘܥܕܡܐ ܠܥܐܙܐ/ܠܓܕܪ#3#/܂
14:17	ܘܢܦ݁ܩ ܗܘܐ ܕܘܝܕ ܠܟܘܠܗܝܢ ܡ̈ܕܝܢܬܐ܂ ܘܡܪܝܐ ܝܗܒ ܕܚܠܬܗ ܥܠ ܟܠܗܘܢ ܥܡ̈ܡܐ܂