The Comprehensive Aramaic Lexicon

17:01	ܘܗܘܐ ܕܟܕ ܝܬܒ ܕܘܝܕ ܒܒܝܬܗ܃ ܘܐܡܪ ܕܘܝܕ ܠܢܬܢ ܢܒܝܐ܂ ܚܙܝ ܕܐܢܐ ܝ݁ܬܒ ܒܒܝܬܐ ܕܡܛܠܠ ܒܩܪ̈ܝܬܐ ܕܐܪܙܐ܂ ܘܩܒܘܬܗ ܕܡܪܝܐ ܫܪܝܐ ܒܓܘ ܡܫܟܢܐ ܕܣܥܪܐ܂
17:02	ܘܐܡܪ ܢܬܢ ܠܕܘܝܕ܂ ܟܠ ܡܐ ܕܒܠܒܟ ܙܠ ܘܥܒܕ܂ ܡܛܠ ܕܡܪܝܐ ܥܡܟ܂
17:03	ܘܗܘܐ ܒܠܠܝܐ ܗ݀ܘ܃ ܘܡܠܬܗ ܕܡܪܝܐ ܗܘܬ ܥܠ ܢܬܢ ܢܒܝܐ ܘܐܡܪ ܠܗ܂
17:04	ܙܠ ܘܗܟܢܐ ܬܐܡܪ ܠܥܒ݂ܕܝ ܕܘܝܕ܂ ܗܟܢܐ/ܕܗܟܢܐ#3#/ ܐܡ݁ܪ ܡܪܝܐ܂ ܐܢܬ ܠܐ ܬܒܢܐ ܠܝ ܒܝܬܐ ܠܡܬܒ ܒܗ܂
17:05	ܡܛܠ ܕܠܐ ܝܬܒܬ ܒܒܝܬܐ ܡܢ ܝܘܡܐ ܕܐܣܩܬ ܠܐܝܣܪܝܠ ܡܢ \ܐܪܥܐ ܕܡܨܪܝܢ /ܡܨܪܝܢ#3#/ ܘܥܕܡܐ ܠܝܘܡܢܐ܂ ܘܗܘܝܬ ܡܫܢܐ ܡܢ ܡܫܟܢܐ ܠܡܫܟܢܐ܃
17:06	ܗܐ ܟܡܐ ܕܡܗܠܟ ܗܘܝܬ ܒܟܠܗܘܢ ܒ̈ܢܝ ܐܝܣܪܝܠ܂ ܕܠܡܐ ܡܠܬܐ ܐܡܪܬ ܠܚܕ ܡܢ ܕܝ̈ܢܐ ܕܒܢ̈ܝ ܐܝܣܪܝܠ܂ ܕܦܩܕܬ ܠܡܕܢ ܠܥܡܝ ܐܝܣܪܝܠ܂ ܘܐܡܪܬ ܠܗܘܢ ܕܠܡܢܐ ܠܐ ܒܢܝܬܘܢ/ܒܢܝܢ ܐܢܬܘܢ#3#/ ܠܝ ܒܝܬܐ ܕܡܛܠܠ ܒܐܪ̈ܙܐ܃
17:07	ܐܦ ܗܫܐ ܗܟܢܐ ܬܐܡܪ ܠܥܒ݂ܕܝ ܕܘܝܕ܂ ܗܟܢܐ ܐܡ݁ܪ ܡܪܝܐ ܚܝܠܬܢܐ܂ ܐܢܐ ܕܒܪܬܟ ܡܢ ܕܝܪܐ ܡܢ ܒܣܬܪ/ܒܬܪ#3#/ ܥܢܐ܃ ܠܡܗܘܐ ܡܠܟܐ ܥܠ ܐܝܣܪܝܠ ܥܡܝ܂
17:08	ܘܗܘܝܬ ܥܡܟ ܒܟܠ ܐܬܪ ܕܐܙܠܬ ܘܐܘܒܕܬ ܠܟܠܗܘܢ ܒܥܠܕ̈ܒܒܝܟ ܡܢ ܩܕܡܝܟ܂ ܘܥܒܕܬ ܠܟ ܫܡܐ ܪܒܐ ܐܝܟ ܫܡܐ ܕܪ̈ܘܪܒܢܐ ܕܐܝܬ ܒܐܪܥܐ܂
17:09	ܘܐܨܘܒ ܕܘܟܬܐ ܠܥܡܝ ܐܝܣܪܝܠ܂ ܘܐܫܪܝܘܗܝ܃ ܘܢܬܒ ܒܕܘܟܬܗ܂ ܘܠܐ ܢܙܘܥ ܬܘܒ܂ ܘܠܐ ܢܘܣܦܘܢ ‍<‍ܬܘܒ#3#‍>‍ ܒ̈ܢܝ ܥܘ݂ܠܐ ܠܡܓܠܝܘܬܗ ܐܝܟ ܕܒܩܕܡܝܬܐ܃

17:10	ܡܢ ܝܘܡܐ ܕܥܒܕܬܟ/ܕܦܩܕܬܟ#3#/ ܕܝ݁ܢܐ ܥܠ ܥܡܝ ܐܝܣܪܝܠ܂ ܘܐܢܝܚܬ ܠܟ ܡܢ ܟܠܗܘܢ ܒܥ̈ܠܕܒܒܝܟ܂ ܘܚܘܝܟ ܡܪܝܐ܃ ܕܡܠܟܘܬܐ ܩܝܡܐ ܗܝ ܠܟ ܥܕܡܐ ܠܥܠܡ܀

17:11	ܘܟܕ ܢܫܠܡܘܢ ܝܘ̈ܡܝ ܚܝ̈ܝܟ܂ ܘܬܐܙܠ ܘܬܬܟܢܫ ܠܘܬ ܐܒܗ̈ܝܟ܃ ܐܩܝܡ ܙܪܥܟ ܡܢ ܒܬܪܟ ܕܢ݁ܦܩ ܡܢ ܚܨܟ܃ ܘܐܬܩܢܝܗ݀ ܠܡܠܟܘܬܗ܂
17:12	ܘܗܘ ܢܒܢܐ ‍<‍ܠܝ#3#‍>‍ ܒܝܬܐ ܠܫܡܝ܂ ܘܐܬܩܢ ܟܘܪܣܝܐ ܕܡܠܟܘܬܗ ܠܥܠܡ܂
17:13	ܐܢܐ ܐܗܘܐ ܠܗ ܠܐܒܐ܂ ܘܗܘ ܢܗܘܐ ܠܝ ܠܒܪܐ܂ ܘܛܝܒ̈ܘܬܝ ܠܐ ܢܥܒܪ̈ܢ ܡܢ ܠܘܬܗ܃ ܐܝܟ ܕܐܥܒܪܬ ܡܢ ܫܐܘܠ ܕܗܘܐ ܡܢ ܩܕܡܝܟ܂
17:14	ܘܐܫܠܛܝܘܗܝ ܒܒܝܬܝ ܘܒܡܠܟܘܬܝ ܠܥܠܡ ܥܠܡܝܢ܂ ܘܟܘܪܣܝܐ ܕܡܠܟܘܬܗ ܢܗܘܐ ܡܛܝܒ ܠܗ ܠܥܠܡ܂
17:15	ܥܠ ܟܠܗܘܢ ܦܬܓ̈ܡܐ ܗܠܝܢ܂ ܘܥܠ ܟܠܗ ܚܙܘܐ ܗܢܐ܃ ܗܟܢܐ ܡܠܠ ܢܬܢ ܢܒܝܐ ܥܡ ܕܘܝܕ܂
17:16	ܘܐܬܐ ܡܠܟܐ ܕܘܝܕ ܘܝܬܒ ܩܕܡ ܡܪܝܐ܂ ܘܐܡܪ܂ ܡܢܐ ܚܫܝܒ ܐܢܐ ܩܕܡܝܟ ܡܪܐ ܡܪ̈ܘܬܐ܃ ܘܡ݁ܢܘ ܒܝܬܝ܃ ܕܡܛܝܬܢܝ ܥܕܡܐ ܠܗܪܟܐ܂
17:17	ܘܙܥܘܪܝܐ ܗܝ ܗܕܐ ܒܥܝܢ̈ܝܟ ܡܪܐ ܡܪ̈ܘܬܐ܃ ܕܡܠܠܬ ܥܠ ܒܝܬܗ ܕܥܒ݂ܕܟ ܡܢ ܠܩܘܕܡܝܢ܂ ܘܟܠܗܘܢ ܒܢܝܢܫܐ ܕܥ݁ܒܕܝܢ ܕܚܠܬܟ ܒܟܠܗ ܠܒܗܘܢ܂ ܡܦܩ ܐܢܬ ܠܗܘܢ ܡܢ ܚܫܘܟܐ ܠܢܗܝܪܐ ܡܪܐ ܡܪ̈ܘܬܐ܂
17:18	ܘܡܢܐ ܢܫܬܒܗܪ ܬܘܒ ܕܘܝܕ ܥܒ݂ܕܟ ܠܡܡܠܠܘ ܩܕܡܝܟ܂ ܠܟ ܓܠܝܢ ܥ݁ܒ̈ܕܘܗܝ ܕܥܒ݂ܕܟ ܡܪܐ ܡܪ̈ܘܬܐ܃
17:19	ܡܛܠ ܕܝܕܥ ܐܢܬ ܡܢܐ ܐܝܬ ܒܠܒܗ ܕܥܒ݂ܕܟ܃ ܥܒܕܬ ܠܗ ܟܠܗܝܢ ܪ̈ܘܪܒܬܐ ܗܠܝܢ ܠܡܘܕܥܘ/ܠܡܘܪܒܘ#3#/ ܠܥܒ݂ܕܟ܂
17:20	ܡܛܠ ܗܢܐ ܝܕܥܬ/ܝ݁ܕܥ ܐܢܬ#3#/ ܡܪܐ ܡܪ̈ܘܬܐ܃ ܡܛܠ ܕܠܝܬ ܐܟܘܬܟ܂ ܘܠܝܬ ܐܠܗ/ܐܠܗܐ#3#/ ܐܠܐ ܐܢ/#3#/ ܐܢܬ܂ ܐܝܟ ܟܠ ܡܐ ܕܫܡܥܢ ܒܐ̈ܕܢܝܢ܂
17:21	ܘܡ݁ܢܘ ܐܝܬ ‍<‍ܠܟ#3#‍>‍ ܐܝܟ ܥܡܟ ܐܝܣܪܝܠ ܥܡܐ ܚܕ ܒܐܪܥܐ܃ ܕܐܬܓܠܝܬ ܡܢ ܫܡܝܐ ܘܦܪܩܬ ܐܢܘܢ܃ ܘܡܛܠܬܗܘܢ ܥܒܕܬ ܢܣ̈ܝܘܢܐ ܪ̈ܘܪܒܐ ܘܕ̈ܚܝܠܐ܃ ܘܡܚ̈ܘܬܐ ܪ̈ܘܪܒܬܐ ܥܠ ܡܨܪ̈ܝܐ܃ ܥܕܡܐ ܠܐܝܟܐ ܕܐܦܩܬ ܐܢܘܢ ܡܢ ܒܝܢܬܗܘܢ܃
17:22	ܘܐܬܩܢܬ ܠܟ ܠܥܡܟ ܐܝܣܪܝܠ܃ ܠܡܗܘܐ ܠܟ ܥܡܐ ܥܕܡܐ ܠܥܠܡ ܥܠܡܝܢ܂ ܘܐܢܬ ܡܪܝܐ ܗܘܝܬ ܠܗܘܢ ܐܠܗܐ܂
17:23	ܡܟܝܠ ܡܪܝܐ܃ ܡܠܬܐ ܕܐܡܪܬ ܥܠ ܥܒ݂ܕܟ ܘܥܠ ܒ̈ܢܝ ܒܝܬܗ܃ ܩܝܡ ܠܥܠܡ܃ ܘܥܒܕ ܐܝܟܢܐ ܕܐܡܪܬ܂
17:24	ܘܢܫܬܪܪܘܢ ܥ݁ܒ̈ܕܝܟ ܠܥܠܡ܂ ܘܢܫܬܒܚ ܫܡܟ ‍<‍ܠܥܠܡ#3#‍>‍ ܒܓܘ ܥܠܡܐ܂ ܘܢܗܘܘܢ ܐ܂ܡܪܝܢ܃ ܡܪܝܐ ܚܝܠܬܢܐ ܡܪܐ ܡܪ̈ܘܬܐ ܐܠܗܐ ܕܐܝܣܪܝܠ܂ ܘܒܝܬܗ ܕܕܘܝܕ ܥܒ݂ܕܟ܃ ܢܗܘܐ ܡܬܩܢ ܩܕܡܝܟ ܠܥܠܡ܂
17:25	ܡܛܠ ܕܐܢܬ ܐܠܗܝ ܓܠܝܬ ܪܐܙܐ ܠܥܒ݂ܕܟ܂ ܘܐܡܪܬ ܠܗ܂ ܕܒܝܬܐ ܒܢܝ ܠܝ܂ ܡܛܠ ܗܢܐ ܣܕܪ ܥܒ݂ܕܟ ܒܠܒܗ܂ ܠܡܨܠܝܘ ܩܕܡܝܟ܂ ܨܠܘܬܐ ܗܕܐ܂
17:26	ܡܟܝܠ ܡܪܝܐ ܐܢܬ ܗܘ ܐܠܗܝ܂ ܘܟܠ ܡ̈ܠܝܟ ܬܪ̈ܝܨܬܐ܂ ܐܝܠܝܢ/ܐܢܝ̈ܢ#3#/ ܕܡܠܠܬ \ܠܥܒ݂ܕܟ ܛܒ̈ܬܐ /ܥܡܟ ܛܒ݁ܬܐ#3#/ ܐܢ̈ܝܢ/ܗܠܝܢ#3#/܂
17:27	ܘܡܟܝܠ ܐܬܓܠܝ ܠܡܒܪܟܘ ܠܒܝܬܗ/ܒܝܬܗ#3#/ ܕܥܒ݂ܕܟ܂ ܕܢܗܘܐ ܩܕܡܝܟ ܠܥܠܡ ܥܠܡܝܢ܂ ܡܛܠ ܕܐܢܬ ܗܘ ܡܪܝܐ ܡܪܐ ܡܪ̈ܘܬܐ ܡܠܠܬ܂ ܘܡܢ ܒܘܪܟܬܟ ܡܬܒܪܟܝܢ ܒܬܝ̈ܗܘܢ ܕܙܕܝ̈ܩܐ ܠܥܠܡ܂