The Comprehensive Aramaic Lexicon

20:01	ܘܗܘܐ ܠܫܢܬܐ ܐܚܪܬܐ ܠܙܒܢܐ ܕܡܦܩܢܐ ܕܡܠܟ̈ܐ܂ ܘܟܢܫ ܝܘܐܒ ܚܝܠܘ̈ܬܐ܂ ܘܐܬܐ ܘܫܪܐ ܥܠ ܐܪܥܐ ܕܒ̈ܢܝ ܥܡܘܢ܂ ܘܐܚܕ ܒܗ݀܂ ܘܫܪܐ ܥܠ ܪܒܬ ܡܕܝܢܬܗܘܢ ܪܒܬܐ܂ ܘܕܘܝܕ ܝܬ݁ܒ ܗܘܐ ܒܐܘܪܫܠܡ܂ ܘܐܚܕ ܝܘܐܒ ܠܪܒܬ ܡܕܝܢܬܗܘܢ ‍<‍ܕܒ̈ܢܝ ܥܡܘܢ#3#‍>‍ ܘܥܩܪܗ݀܂
20:02	ܘܢܣܒ ܕܘܝܕ ܬܓܐ ܕܡܠܟܗܘܢ ܡܢ ܪܝܫܗ܂ ܘܬܩܠܗ ܘܐܫܟܚ ܒܗ \ܡܬܩܠܐ ܕܟܟܪܐ /ܡܬܩܠ ܟܟܪܐ#3#/ ܕܕܗܒܐ܂ \ܘܐܝܬ ܗܘܘ ܒܗ /ܘܒܗ ܗܘܘ#3#/ ܛܒ̈ܥܐ ܛܒ̈ܐ܂ ܘܣܡܗ ܕܘܝܕ ܒܪܫܗ܂ ܘܫܒܝܬܐ ܕܡܕܝܢܬܐ ܐܦܩ ܣܘܓܐܐ/ܣܓܝ#3#/ ܕܛܒ܂

20:03	ܘܥܡܐ ܕܐܝܬ ܗܘܐ ܒܗ݀ ܐܦܩ ܐܢܘܢ܂ ܘܐܣܪ ܐܢܘܢ ܒܫ̈ܫܠܬܐ ܘܒܩܘܠܪ̈ܐ/ܘܒ̈ܩܠܘܕܐ#3#/ ܕܦܪܙܠܐ ܘܒܩܘ̈ܦܠܐ ܘܒܨܡ̈ܬܐ܂ ܘܐܣܪܘ ܐܢܘܢ ܠܟܠܗܘܢ܂ ܘܗܟܢܐ ܥܒܕ ܠܟܠܗܘܢ ܒܢ̈ܝܢܫܐ ܕܐܫܬܟܚܘ/ܕܐܫܟܚ#3#/ ܒܩܘܪ̈ܝܐ ܕܒ̈ܢܝ ܥܡܘܢ܂ ܘܠܐ ܩܛܠ ܐܢܫ ܡܢܗܘܢ܂ ܘܐܙܠ ܘܐܘܬܒ ܐܢܘܢ ܒܩܘܪ̈ܝܐ \ܕܐܪܥܐ ܕܐܝܣܪܝܠ /ܕܒܢ̈ܝ ܐܝܣܪܐܝܠ#3#/܂ ܘܗܦܟ ܕܘܝܕ ܘܟܠ \ܕܥܡܗ /ܥܡܐ ܕܐܝܬ ܥܡܗ#3#/ ܠܐܘܪܫܠܡ܂

20:04	ܘܡܢ ܒܬܪ ܗܠܝܢ܃ ܗܘܐ ܬܘܒ ܩܪܒܐ ܒܥܐܙܐ ܥܡ ܦܠܫ̈ܬܝܐ܂ ܗܝܕܝܢ ܩܛܠ ܣܒܟܝ ܕܡܢ ܚܫܡܬ ܠܣܘܦܝ ܕܡܢ ܒܢ̈ܝܐ ܕܓܕܦܐ ܡܚܣܕܢܝܬܐ܂
20:05	ܕܗܘܐ ܐܚܘܗܝ ܕܓܘܠܝܕ ܓܢܒܪܐ ܕܡܢ ܓܬ܂ ܘܫܢܢܐ/ܘܫܘܝܐ#3#/ ܕܢܝܙܟܗ ܥܒܐ ܗܘܐ ܐܝܟ ܢܘܠܐ ܕܓܪ̈ܕܝܝܐ܂
20:06	ܘܗܘܐ ܬܘܒ ܩܪܒܐ ܓܒܬ܂ ܘܗܘܐ ܬܡܢ ܓܒܪܐ ܚܕ ܓܢܒܪܐ ܕܡܫܘܚܬܐ ܘܨܒ̈ܥܬܐ/ܕܨܒ̈ܥܬܐ#3#/ ܕܐܝܕ̈ܘܗܝ ܘܕܪ̈ܓܠܘܗܝ ‍<‍ܗܘ̈ܝ#3#‍>‍ ܫܬ ܫܬ܂ ܥܣܪܝܢ ܘܐܪܒܥ ܒܡܢܝܢܐ܂ ܘܐܦ ܗܘ ܐܬܝܠܕ ܠܡܚܣܕܢܘܬܐ܂
20:07	ܘܡܚܣܕ ܗܘܐ ܠܐܝܣܪܐܝܠ܂ ܘܩܛܠܗ ܝܘܢܬܢ ܒܪ ܫܡܐ ܐܚܘܗܝ ܕܕܘܝܕ܂
20:08	ܐܪܒܥܐ ܗܠܝܢ ܐܬܝܠܕܘ ܠܡܚܣܕܢܘܬܐ ܒܓܬ܂ ܘܐܬܬܒܪܘ ܒܐܝܕܐ ܕܕܘܝܕ ܘܒܐܝܕܐ ܕܥܒ̈ܕܘܗܝ܂