The Comprehensive Aramaic Lexicon

26:01	ܦܠܓܘܬܐ ܕܬܪ̈ܥܐ ܕܐܩܝܡ ܕܘܝܕ ܡܠܟܐ܂ ܢܛܘܪ̈ܐ܂ ܡܫܠܝܐ ܡܢ ܒܢ̈ܘܗܝ ܕܝܘܣܦ܂
26:02	ܘܠܡܫܠܝܐ ܗܘܘ ‍<‍ܠܗ#3#‍>‍ ܒܢ̈ܝܐ ܕܟܪ̈ܐ ܫܒܥܐ܂ ܙܟܪܝܐ ܒܘܟܪܗ܂ ܝܕܥܐܝܠ ܬܢܝܢܐ܂ ܙܟܪܝܐ ܬܠܝܬܝܐ܂ ܢܬܢܝܐܝܠ ܪܒܝܥܝܐ܂
26:03	ܥܝܠܡ ܚܡܝܫܝܐ܂ ܝܘܚܢܢ ܫܬܝܬܝܐ܂ ܝܕܥܝ ܫܒܝܥܝܐ܂
26:04	ܘܠܥܘܒܪ ܐܕܘܡ ܗܘܘ ܒܢ̈ܝܐ܂ ܫܡܥܝܐ ܒܘܟܪܗ܂ ܝܗܘܙܒܢ ܬܢܝܢܐ܂ ܝܘܐܚ ܬܠܝܬܝܐ܂ ܫܒܪ ܪܒܝܥܝܐ܂ ܡܛܠܠ ܚܡܝܫܝܐ܂
26:05	ܓܡܝܠ ܫܬܝܬܝܐ܂ ܐܝܣܟܪ ܫܒܝܥܝܐ܂ ܦܥܠܝ ܬܡܝܢܝܐ܂ ܡܛܠ ܕܒܪܟܗ ܡܪܝܐ
26:06	ܘܠܫܡܥܝܐ ܒܪܗ܂ ܐܬܝܠܕܘ ܒܢ̈ܝܐ ܕܫܠܝܛܝܢ ܥܠ ܒܝܬ ܐܒܗ̈ܝܗܘܢ܂ ܡܛܠ ܕܓܢܒܪ̈ܝ ܚܝܠܐ ܐܢܘܢ
26:07	ܒܢ̈ܘܗܝ ܕܫܡܥܝܐ܃ ܓܥܬܐܝܠ܂ ܘܓܕܚܐܝܠ܂ ܘܥܘܒܕܐܝܠ ܘܙܟܪܝܐ ‍<‍ܐܚܘܗܝ#3#‍>‍܂ ܓܢܒܪ̈ܝ ܚܝܠܐ܂ ܐܠܝܐ ܘܣܡܟܝܐ܂
26:08	ܘܟܠܗܘܢ ܗܠܝܢ ܡܢ ܒܢ̈ܘܗܝ ܕܥܘܒܪ ܐܕܘܡ܂ ܗܢܘܢ ܘܒܢܝܗܘܢ ܘܐܚܝ̈ܗܘܢ܂ ܓܢܒܪ̈ܝ ܚܝܠܐ ܕܚܝܠܐ ܕܥܒܝ̈ܕܬܐ ܕܒܝܬ ܩܘܕܫܐ/ܡܩܕܫܐ#3#/܂ ܫܬܝܢ ܘܬܪܝܢ ܒܢ̈ܘܗܝ ܕܥܘܒܪ ܐܕܘܡ܂
26:09	ܘܠܡܫܠܝܐ ܒܪܗ ܩܫܝܫܐ ܗܘܘ ܒܢ̈ܝܐ ܓܢܒܪ̈ܝ ܚܝܠܐ ܬܡܢܬܥܣܪ܂
26:10	ܘܠܚܣܐ ܡܢ ܒ̈ܢܝ ܡܪܪܝ ܗܘܘ ܒܢ̈ܝܐ ܓܢܒܪ̈ܝ ܚܝܠܐ܂ ܘܒܪܗ ܩܫܝܫܐ ܡܝܬ ܗܘܐ ܠܗ܂ ܘܐܩܝܡ ܐܒܘܗܝ ܠܕܒܬܪܗ ܪܫܐ܂ ܘܠܐ ܩܪܝܗܝ ܒܫܡܐ ܕܩܫܝܫܘܬܐ܂

26:11	ܚܠܩܝܐ ܬܢܝܢܐ܂ ܛܒܠܝܐ ܬܠܝܬܝܐ܂ ܙܟܪܝܐ ܪܒܝܥܝܐ܂ ܟܠ ܒܢܘ̈ܗܝ ܘܐܚ̈ܘܗܝ ܕܚܣܐ ܬܠܬܥܣܪ܂

26:12	ܠܗܠܝܢ ܐܬܦܠܓܘ ܬܪ̈ܥܐ ܠܪܝܫ ܐܢܫ ܡܛܪܬܐ ܠܘܩܒܠ ܐܚܝ̈ܗܘܢ܂ ܕܢܗܘܘܢ ܡܫܡܫܝܢ ܒܝܬ ܡܩܕܫܐ܂
26:13	ܘܐܪܡܝܘ ܦܨ̈ܐ ܙܥܘܪܐ ܐܝܟ ܪܒܐ܂ ܠܒܝܬ ܐܒܗ̈ܝܗܘܢ܂ ܠܬܪܥܐ ܘܬܪܥܐ܂
26:14	ܘܢܦܠܬ ܦܨܬܐ ܠܡܕܢܚܐ܃ ܠܫܠܡܝܐ ܘܙܟܪܝܐ ܒܪܗ܂ ܡܠܘܟܐ ܒܣܘܟܠܐ܂ ܐܪܡܝܘ ܦܨ̈ܐ܂ ܘܢܦܩܬ ܦܨܬܗ ܠܓܪܒܝܐ܂
26:15	ܠܥܘܒܪ ܐܕܘܡ ܠܬܝܡܢܐ܂ ܘܠܒܢ̈ܘܗܝ ܒܝܬ ܣ̈ܦܐ܂
26:16	ܠܫܘܦܝܡ ܘܠܚܘܣܝܐ܂ ܠܡܥܪܒܐ܂ ܥܕܡܐ ܠܬܪܥܐ ܕܡܬܩܢ ܒܫܒܝܠܐ ܕܣ݁ܠܩ܂ ܡܛܪܬܐ ܠܘܩܒܠ ܡܛܪܬܐ
26:17	ܠܡܕܢܚܐ܂ ܠܘ̈ܝܐ ܫܬܐ ܠܡܕܢܚܐ܂ ܠܝܘܡ̈ܐ ܐܪ̈ܒܥܐ܂ ܠܬܝܡܢܐ ܝܘܡ̈ܐ ܐܪ̈ܒܥܐ܂ ܘܠܒܝܬ ܣ̈ܦܐ ܬܪܝܢ܂
26:18	ܠܦܪܒܪ ܠܡܥܪܒܐ ܐܪ̈ܒܥܐ ܠܫܒܝ̈ܠܐ ܬܪܝܢ܂ ܠܦܪܒܪ܂
26:19	ܗܠܝܢ ܦܠܓܘ̈ܬܐ ܕܬܪ̈ܥܐ ܕܒܢ̈ܘܗܝ ܕܩܘܪܚ܂ ܘܕܒܢ̈ܘܗܝ ܕܡܪܪܝ
26:20	ܠܘ̈ܝܐ܂ ܐܚܝܐ ܥܠ ܐܘܨܪ̈ܐ ܕܒܝܬ ܐܠܗܐ܂ ܘܥܠ ܐܘܨܪ̈ܐ ܕܩܘܕܫܐ܂
26:21	ܒܢܘ̈ܗܝ ܕܠܥܕܢ ܡܢ ܒ̈ܢܝ ܓܪܫܘܢ܂ ܠܠܥܕܢ ܪ̈ܝܫܝ ܐܒܗ̈ܬܐ܂ ܠܠܥܕܢ ܓܪܫܘܢܝܐ ܢܚܠܝ܂
26:22	ܒܢܘ̈ܗܝ ܕܢܚܠܝ܂ ܙܝܬܡ ܘܝܘܐܠ ܐܚܘܗܝ܂ ܥܠ ܐܘܨܪ̈ܐ ܕܒܝܬ ܡܪܝܐ܂
26:23	ܠܥܡܪ̈ܡܝܐ ܠܝܨܗܪ̈ܝܐ܂ ܠܚܒܪ̈ܘܢܝܐ܂ ܠܥܘܙܝ̈ܠܝܐ܂
26:24	ܘܫܡܘܐܝܠ ܒܪ ܓܪܫܘܢ ܒܪ ܡܘܫܐ܂ ܡܩܡ/ܡܩܝܡ#2#/ ܥܠ ܐܘܨܪ̈ܐ܂
26:25	ܘܐܚܘܗܝ ܐܠܝܥܙܪ܂ ܪܚܒܝܐ ܒܪܗ܂ ܐܫܥܝܐ ܒܪܗ܂ ܝܘܪܡ ܒܪܗ܂ ܙܟܪܝ ܒܪܗ܂ ܫܠܘܡܝܬ ܒܪܗ܂
26:26	ܗܘ ܫܠܘܡܝܬ ܘܐܚ̈ܘܗܝ ܥܠ ܟܘܠ ܐܘܨܪ̈ܐ ܕܩܘ̈ܕܫܐ ܕܩܕܫ ܕܘܝܕ ܡܠܟܐ܂ ܘܪ̈ܝܫܝ ܐܒܗ̈ܬܐ ܘܪ̈ܘܪܒܢܐ ܕܐ̈ܠܦܐ ܘܕܡܐܘ̈ܬܐ܂ ܘܪ̈ܘܪܒܢܐ ܕܚܝܠܐ
26:27	ܡܢ ܩܪܒܐ ܘܡܢ ܒܙܬܐ܂ ܩܕܫܘ ܠܚܘܝܠܐ ܕܒܝܬܗ ܕܡܪܝܐ܂
26:28	ܘܟܘܠ ܕܩܕܫ ܫܡܘܐܝܠ ܚ݁ܙܝܐ܂ ܘܫܐܘܠ ܒܪ ܩܝܫ܂ ܘܐܒܢܝܪ ܒܪ ܢܝܪ ܘܝܘܐܒ ܒܪ ܨܘܪܝܐ܂ ܘܟܠ ܕܡܩܕܫ ܥܠ ܐܝܕܘ̈ܗܝ ܕܫܠܘܡܝܬ ܘܕܐܚ̈ܘܗܝ܂
26:29	ܠܨܗܪ̈ܝܐ܂ ܟܘܢܢܝܐ ܘܒܢ̈ܘܗܝ ܠܥܒܝܕܬܐ ܒܪܝܬܐ ܥܠ ܐܝܣܪܝܠ܂ ܠܫܠܝ̈ܛܢܐ ܘܠܕܝ̈ܢܐ܂
26:30	ܠܚܒܪ̈ܘܢܝܐ܂ ܚܫܒܝܐ ܘܐܚ̈ܘܗܝ ܒ̈ܢܝ ܚܝܠܐ܂ ܐܠܦ ܘܫܒܥܡܐܐ ܥܠ ܡܢܝܢܐ ܕܐܝܣܪܝܠ܂ ܡܢ ܥܒܪܐ ܕܝܘܪܕܢܢ ܘܠܡܥܪܒܐ܂ ܠܟܠ ܥܒܝ̈ܕܬܐ ܕܡܪܝܐ ܘܠܦܘܠܚܢܐ ܕܡܠܟܐ܂
26:31	ܠܚܒܪ̈ܘܢܝܐ ܢܪܝܐ ܪܫܐ܂ ܠܚܒܪ̈ܘܢܝܐ ܠܬܘ̈ܠܕܬܗܘܢ܂ ܠܒܝܬ ܐܒܗ̈ܝܗܘܢ܂ ܒܫܢܬ ܐܪ̈ܒܥܝܢ ܠܡܠܟܘܬܗ ܕܕܘܝܕ ܐܬܬܒܥܘ܂ ܘܐܫܬܟܚܘ ܒܗܘܢ ܓܢܒܪ̈ܝ ܚܝܠܐ܂ ܒܝܥܙܝܪ ܕܓܠܥܕ܂
26:32	ܘܐܚܘ̈ܗܝ ܒܢ̈ܝ ܚܝܠܐ ܬܪܝܢ ܐ̈ܠܦܝܢ ܘܫܒܥܡܐܐ ܪ̈ܝܫܝ ܐܒܗ̈ܬܐ܂ ܘܐܫܠܛ/ܕܐܫܠܛ#3#/ ܐܢܘܢ ܕܘܝܕ ܡܠܟܐ܂ ܥܠ ܒ̈ܢܝ ܪܘܒܝܠ ܘܒ̈ܢܝ ܓܕ ܘܥܠ \ܦܠܓܗ ܕܫܒܛܐ /ܦܠܓܘܬ ܫܒܛܐ#3#/ ܕܡܢܫܐ܂ ܠܟܠ ܦܬܓܡܐ ܕܐܠܗܐ ܘܦܬܓܡܐ ܕܡܠܟܐ܂