← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

62038: P 1Ch

Click on a word for lexical analysis
Click on a red-colored coordinate for comments and/or translations of the line

previous chapter


29:01 ܘܐܡܪ ܕܘܝܕ ܡܠܟܐ ܠܟܘܠܗܝܢ ܟܢܘܫ̈ܬܐ ܕܐܝܣܪܐܝܠ܂ ܫܠܝܡܘܢ ܗܢܐ ܒܪܝ ܛܠܝܐ ܗܘ ܙܥܘܪܐ܂ ܘܠܗ ܓܒܐ ܡܪܝܐ ܡܢ ܟܠܗܘܢ ܒܢ̈ܝ܂ ܡܛܠ ܕܛܠܝܐ ܚܟܝܡ ܘܣܟܘܠܬܢ ܗܘ܂ ܘܥܒܝܕܬܐ ܗܕܐ ܕܐܬܝܗܒܬ ܠܗ ܠܐ ܗܘܬ ܙܥܘܪܝܐ܂ ܪܒܐ ܗܝ ‍<‍ܛܒ#3#‍>‍܂ ܡܛܠ ܕܠܒܪܢܫܐ ܠܐ ܐܬܝܗܒܬ ܗܟܢܐ܂ ܐܬܥܫܢܘ ܘܐܬܓܒܪܘ/ܘܐܬܓܢܒܪܘ#3#/ ܒܗ݀܂ ܡܛܠ ܕܕܡܪܝܐ ܗܝ ܐܠܗܢ܂
29:02 ܘܟܠ ܚܝ̈ܠܝ܂ ܘܟܠ ܢܟܣ̈ܝ ܛܝܒܬ܂ ܟܘܠ ܡܕܡ ܕܡܬܒܥܐ ܠܒܝܬܗ ܕܡܪܝܐ ܐܠܗܝ܂ ܕܗܒܐ ܠܕܗܒܐ \ܘܣܐܡܐ ܠܣܐܡܐ /ܘܟܣܦܐ ܠܟܣܦܐ#3#/܂ ܘܢܚܫܐ ܠܢܚܫܐ܂ ܘܦܪܙܠܐ ܠܦܪܙܠܐ܂ ܘܩܝ̈ܣܐ܂ ܠܩܝ̈ܣܐ ܘܐܪ̈ܙܐ ܠܐܪ̈ܙܐ܂ ܘܟܐ̈ܦܐ ܛܒ̈ܬܐ ܘܡܪ̈ܓܢܝܬܐ܂
29:03 ܘܟܠ ܡܕܡ ܕܡܬܒܥܐ ܠܗ ܠܒܝܬܐ܂ ܛܝܒܬ ܘܬܩܢܬ/ܘܬܩܢܬ#3#/ ܠܗ ܡܢ ܡܣܟܢܘܬܝ܂ ܘܟܣܦܐ ܛܝܒܬ ܠܢܦܩܬܗ ܕܒܝܬܐ ܕܐܠܗܝ ܡܢ ܡܣܟܢܘܬܝ܂
29:04 ܐܠܦ ܐܠܦܝ̈ܢ ܟܟܪ̈ܐ ܕܕܗܒܐ܂ ܡܢ ܕܗܒܐ ܛܒܐ܂ ܬܪܬܝܢ ܙܒܢܝܢ ܐܠܦ ܐܠܦܝ̈ܢ ܟܟܪ̈ܐ ܕܟܣܦܐ/ܟܣܦܐ#3#/܃ ܠܡܩܪܡ ܐܣ̈ܐ ܕܒܝܬܐ܃
29:05 ܠܐܝܟܐ ܕܡܬܒܥܐ ܕܗܒܐ܂ ܢܐܙܠ ܕܗܒܐ܂ ܘܠܐܝܟܐ ܕܡܬܒܥܐ ܣܐܡܐ/ܟܣܦܐ#3#/ ܢܐܙܠ ܣܐܡܐ/ܟܣܦܐ#3#/܂ ܘܠܟܠܗܝܢ ܥܒ̈ܝܕܬܐ ܕܬܫܠܡ/ܬܫܬܠܡ#3#/ ܥܒܝܕܬܐ ܒܝܪܚܗ݀܂ ܥܒܝܕܬܐ ܠܐ ܬܫܬܘܚܪ܂ ܐܠܐ ܕܬܫܠܡ܂ ܐܝܟܢܐ/ܐܝܟܐ#3#/ ܕܡܬܒܥܐ ܠܗ݀ ܒܚܘܫܒܢܗ݀܂
29:06 ܘܐܬܟܢܫܘ ܪ̈ܘܪܒܢܐ ܕܐܒܗ̈ܬܐ \ܘܪ̈ܘܪܒܢܐ ܕܫܒ̈ܛܐ /ܘܪܘܪ̈ܒܢܝ ܫܒ̈ܛܐ#3#/ ܕܐܝܣܪܝܠ܂ ܘܪ̈ܘܪܒܢܐ ܕܐ̈ܠܦܐ ܘܕܡܐ̈ܘܬܐ܂ ܘܕܐܝܠܝܢ/ܘܐܝܠܝܢ#3#/ ܕܫܠܝܛܝܢ ܥܠ ܥܒܝ̈ܕܬܐ ܕܡܠܟܐ܂
29:07 ܘܝܗܒܘ ܠܥܒܝ̈ܕܬܐ ܕܒܝܬܗ ܕܡܪܝܐ܂ ܕܗܒܐ ܟܟܪ̈ܐ ܚܡܫܐ ܐܠܦܝ̈ܢ܂ ܘܐܢܟܐ ܛܒܐ ܠܣܝ̈ܠܘܢܐ ܡܐܬܝܢ ܐܠܦܝ̈ܢ܂ ܘܣܐܡܐ/ܘܟܣܦܐ#3#/ ܟܟܪ̈ܐ ܥܣܪ̈ܝܢ ܐ̈ܠܦܝܢ܂ ܘܢܚܫܐ ܩܘܪܝܢܬܝܐ ܟܟܪ̈ܐ ܫܒܥܝܢ/ܫܒܥܐ#3#/ ܐܠܦܝ̈ܢ܂ ܘܦܪܙܠܐ ܡܐܐ ܐܠܦܝ̈ܢ ܟܟܪ̈ܝܢ܂
29:08 ܘܟܣܦܐ ܘܕܗܒܐ ܐܝܟܢܐ ܕܡܬܒܥܐ ܗܘܐ ܠܗ܂ ܝܗܒܘ ܒܝܬ ܓܙܐ ܕܒܝܬܗ ܕܡܪܝܐ܃ ܥܠ ܐܝܕܐ ܕܓܪܫܘܢ ܓܙܒܪܐ܂
29:09 ܘܚܕܝܘ ܟܘܠܗ ܥܡܐ ܕܐܝܣܪܝܠ ܒܡܘ̈ܗܒܬܐ ܟܘܠܗܝܢ܂ ܡܛܠ ܕܒܠܒܐ ܫܠܡܐ ܝܗܒ ܐܢ̈ܝܢ ܕܘܝܕ ܩܕܡ ܡܪܝܐ ‍<‍ܬܫܒܘܚܬܐ ܕܕܘܝܕ#3#‍>‍܂ ܘܐܦ ܕܘܝܕ ܚܕܝ ܚܕܘܬܐ ܪܒܬܐ܂ ܘܫܒܚ ܬܫܒ̈ܚܬܐ ܪ̈ܘܪܒܬܐ ܠܡܪܝܐ܂
29:10 ܘܒܪܟ ܕܘܝܕ ܠܡܪܝܐ ܩܕܡ ܟܘܠܗܝܢ ܟܢܘܫ̈ܬܐ ܕܐܝܣܪܝܠ܂ ܘܐܡܪ ܕܘܝܕ܂ ܒܪܝܟ ܐܢܬ ܡܪܝܐ ܐܠܗܗ ܕܐܝܣܪܝܠ ܐܒܘܢ܂ ܡܢ ܥܠܡ̈ܐ/ܥܠܡ#3#/ ܘܥܕܡܐ ܠܥܠܡ̈ܐ/ܠܥܠܡ#3#/܂
29:11 ܡܛܠ ܕܕܝܠܟ ܗܝ ܡܪܝܐ ܪܒܘܬܐ ܘܓܢܒܪܘܬܐ܂ ܘܬܫܒܘܚܬܐ ܘܝܐܝܘܬܐ܂ ܘܗܕܪܐ ܘܐܝܩܪܐ܂ ܡܛܠ ܕܐܢܬ ܫܠܝܛ ܒܫܡܝܐ ܘܒܐܪܥܐ܂ ܕܝܠܟ ܗܝ ܡܪܝܐ ܡܠܟܘܬܐ܂ ܘܐܢܬ ܫܠܝܛ ‍<‍ܐܢܬ#3#‍>‍ ܥܠ ܟܠܡܕܡ܂ ܘܚܟܡܬܐ ܘܓܢܒܪܘܬܐ ܘܐܝܕܥܬܐ܂
29:12 ܘܥܘܬܪܐ ܘܐܝܙܪܐ ܡܢ ܩܕܡܝܟ ܗܘ܂ ܘܐܢܬ ܫܠܝܛ ܒܟܠܡܕܡ܂ ܘܕܝܠܟ ܗܘ ܚܝܠܐ ܘܓܢܒܪܘܬܐ܂ ܘܐܢܬ ܡܘܪܒ ܘܡܥܫܢ ܠܟܠܗܝܢ ܒܪ̈ܝܬܐ ܕܐܢܬ ܒܪܝܬ܂
29:13 ܘܐܦ ܗܫܐ ܡܪܝܐ ܐܠܗܢ܂ ܡܘܕܝܢܢ ܠܟ ܘܡܫܒܚܝܢ ܚܢܢ ܠܫܡܐ ܕܪܒܘܬܟ܂
29:14 ܡܛܠ ܕܡܢܐ ܐܢܐ ܘܡܢܐ ܥܡܝ܂ ܡܛܠ ܕܡܢ ܟܠܗܘܢ ܡܠܦܢ̈ܝ ܝܠܦܬ܂ ܡܛܠ ܕܐܘܪܚܟ ܕܚ̈ܝܐ ܗܝ ܥܕܪܬܢܝ܂ ܘܐܢܬ ܗܘ ܣܒܪܢ ܡܪܝܐ ܐܠܗܢ܂
29:15 ܡܛܠ ܕܚܢܢ ܡܡܬܠܝܢ ܚܢܢ ܒܠܗܓܐ ܕܩܕܪܐ܂ ܘܥܡܘܪ̈ܐ ܚܢܢ ܩܕܡܝܟ ܙܥܘܪܝܢ ܒܥܠܡܐ܂ ܘܐܢܬ ܫܠܛܬ ܒܐܒܗ̈ܬܢ ܩܕܡܝܬ܂ ܘܦܩܕܬ ܐܢܘܢ ܒܐ݁ܝܕܐ/ܕܒܐ݁ܕܐ#3#/ ܐܘܪܚܐ ܢܐܙܠܘܢ ܘܢܚܘܢ܂
29:16 ܘܚܢܢ ܠܟ ܡܫܒܚܝܢܢ ܡܪܝܐ ܐܠܗܢ܂ ܕܬܦܪܩܢ ܡܢ ܟܠ ܕܡܗܪܝܢ ܠܢ܂ ܘܡܚܣܕܝܢ ܠܢ ܥܡ̈ܡܐ ‍<‍ܟܠ#3#‍>‍ ܘܐ݁ܡܪܝܢ ܠܢ܂ ܕܐܝܟܘ ܐܠܗܟܘܢ ܕܦܠܚܝܢ ܦܢܬܘܢ ܠܗ܂
29:17 ܘܝ݁ܕܥ ܐܢܐ ܐܠܗܝ ܕܐܢܬ ܒ݁ܪܩ ܠܒܐ܂ ܘܒܗܝܡܢܘܬܐ ‍<‍ܗܘ#3#‍>‍ ܐܢܬ ܪܥ݁ܐ܂ ܘܐܢܐ ܒܗܝܡܢܘܬܐ ܕܠܒܝ ܫܒܚܬ ܗܠܝܢ ܟܠܗܝܢ܂ ܘܐܦ ܗܫܐ ܥܡܟ ܕܐܫܬܟܚ ܗܪܟܐ ܚ݁ܙܝܬ ܕܒܚܕܘܬܐ ܪܒܬܐ ܡܫܒܚܝܢ ܠܟ܂ ܘܐܡ݁ܪܝܢ܂
29:18 ܡܪܝܐ ܐܠܗܗ ܕܐܒܪܗܡ ܘܕܐܝܣܚܩ ܘܕܐܝܣܪܝܠ܂ ܐܒ̈ܗܬܢ܂ ܛܪ ‍<‍ܠܢ#3#‍>‍ ܗܠܝܢ ܟܘܠܗܝܢ ܕܐܫܬܘܕܝܬ ܠܢ ܠܥܠܡ܂ ܘܐܦܢܐ ܠܒܢ ܡܢ ܒܝܫܬܐ ܕܠܐ ܢܚܛܐ ܩܕܡܝܟ܂ ܘܐܬܩܢ ܠܒܢ ܠܕܚܠܬܟ܂ ܐܢܐ ܕܘܝܕ ܥܢܝܬ ܘܐܡܪܬ ܗܟܢܐ܂
29:19 ‍<‍ܐܡܪ#3#‍>‍ ܡܪܝܐ ܐܠܗܝ ܐܦ ܠܫܠܝܡܘܢ ܒܪܝ ܗܒ ܠܒܐ ܫܠܡܐ ܠܡܛܪ ܦܘܩ̈ܕܢܝܟ ܘܣܗ̈ܕܘܬܟ ܘܩܝܡܟ܂ ܘܠܡܥܒܕ ܟܘܠ ܡܕܡ ܕܦܩܕܬ܂ ܘܠܡܒܢܐ ܒܝܬܐ ܕܛܝܒܬ܂ ܡܛܘܠ ܕܢܬܩܕܫ ܫܡܟ ܪܒܐ܂ ܘܢܫܬܒܚ ܒܥܠܡܐ ܕܒܪܝܬ ܩܕܡ ܕ݁ܚ̈ܠܝܟ܂
29:20 ܘܐܡܪ ܕܘܝܕ ܠܟܠܗ ܥܡܐ ܕܐܝܣܪܐܝܠ܂ ܒܪܟܘ ܠܡܪܝܐ ܐܠܗܟܘܢ܂ ܘܒܪܟܘ ܟܠܗ ܥܡܐ ܠܡܪܝܐ ܐܠܗܐ ܕܐܒܗ̈ܬܗܘܢ܂ ܘܢܦܠܘ ܘܣܓܕܘ ‍<‍ܠܗ#3#‍>‍ ܠܡܪܝܐ܂ ܘܒܪܟܘ ܐܦ ܠܡܠܟܐ ܕܘܝܕ܂
29:21 ܘܕܒܚܘ ܕܒܚ̈ܐ ܩܕܡ ܡܪܝܐ܂ ܘܩܪܒܘ ܥܠܘ̈ܬܐ ܩܕܡ ܡܪܝܐ܂ \ܡܢ ܒܬܪ ܝܘܡܐ /ܒܝܘܡܐ#3#/ ܗ݀ܘ܂ ܬܘܪ̈ܐ ܐܠܦ܂ ܘܕܟܪ̈ܐ ܐܠܦ܂ ܘܐܡܪ̈ܐ ܐܠܦ܂ ܘܢܘܩܝܐ ܣܓܝ܂ ܘܐܦ ܠܗܘܢ ܕܒܚܘ ܕܒܚܬܐ ܣܓܝ ܒܢ̈ܝ ܐܝܣܪܐܝܠ ܣܓܝ܂
29:22 ܘܐܟܠܘ ܘܐܫܬܝܘ ܩܕܡ ܡܪܝܐ܂ ܒܝܘܡܐ ܗ݀ܘ܂ ܒܚܕܘܬܐ ܪܒܬܐ܂ ܘܐܩܝܡܘ ܒܡܠܟܘܬܐ ܠܫܠܝܡܘܢ \ܒܪܗ ܕܕܘܝܕ /ܒܪ ܕܘܝܕ#3#/܂ ܘܠܨܕܘܩ ܐܩܝܡܘ ܟܗܢܐ܂
29:23 ܘܝܬܒ ܫܠܝܡܘܢ ܥܠ ܟܘܪܣܝ ܡܠܟܘܬܗ ܕܡܪܝܐ܃ ܠܡܩܡ ܒܡܠܟܘܬܐ ܚܠܦ ܕܘܝܕ ܐܒܘܗܝ܂ ܘܐܨܠܚ/ܘܐܟܫܪ#3#/ ܘܐܫܬܡܥ ܠܗ ܟܠܗ ܐܝܣܪܝܠ
29:24 ܘܟܠܗܘܢ ܓܢܒܪ̈ܐ܂ ܘܟܠܗܘܢ ܒܢ̈ܘܗܝ ܕܡܠܟܐ ܕܘܝܕ ܐܫܠܡܘ ܠܫܠܝܡܘܢ ܒܪܗ܂
29:25 ܘܐܘܪܒܗ ܡܪܝܐ ܠܫܠܝܡܘܢ ܠܥܠ ܠܥܝܢ/ܡܢ#3#/ ܟܠܗ ܐܝܣܪܝܠ܂ ܘܝܗܒ ܥܠܘܗܝ ܙܝܘܐ ܕܡܠܟܘܬܐ ܕܠܚܕ ܡܢ ܡܠܠ̈ܐ ܕܐܝܣܪܝܠ ܕܗܘܘ ܩܕܡܘܗܝ ܠܐ ܕܡܐ/ܐܬܝܗܒ#3#/܂
29:26 ܘܕܘܝܕ ܒܪܗ ܕܐܝܫܝ܃ ܐܩܝܡ ܒܡܠܟܘܬܐ ܠܫܠܝܡܘܢ ܒܪܗ ܥܠ ܟܠܗ ܐܝܣܪܝܠ܂
29:27 ܘܝܘܡ̈ܬܐ ܕܩܡ ܕܘܝܕ ܒܡܠܟܘܬܐ ܥܠ ܟܘܠܗ ܐܝܣܪܝܠ ܐܪ̈ܒܥܝܢ ܫܢ̈ܝܢ܂ ܒܚܒܪܘܢ ܩܡ ܒܡܠܟܘܬܐ ܫܒܥ ܫܢ̈ܝܢ܂ ܘܒܐܘܪܫܠܡ ܩܡ ܒܡܠܟܘܬܐ ܬܠܬܝܢ ܘܬܠܬ ܫܢ̈ܝܢ܂ ܥܠ ܟܘܠܗ ܐܝܣܪܝܠ ܘܝܗܘܕܐ܂
29:28 ܘܡܝܬ ܕܘܝܕ ܒܪܗ ܕܐܝܫܝ \ܒܣܝ̈ܒܘܢ ܛܒ̈ܢ /ܒܣܝܒܘܬܐ ܛܒܬܐ#3#/܂ ܣܐܒ ܘܣܒܥ ܝܘܡ̈ܝ ܚܝܘ̈ܗܝ܂ ܘܝܪܒ ܒܥܘܬܪܐ ܕܥܠܡܐ ܘܒܐܝܩܪܗ܂ ܘܩܡ ܒܡܠܟܘܬܐ ܫܠܝܡܘܢ ܒܪܗ ܒܬܪܗ܂
29:29 ܘܦܬܓ̈ܡܘܗܝ ܕܕܘܝܕ ܡܠܟܐ ܕܐܝܣܪܝܠ ܩܕܡ̈ܝܐ ܘܐܚܪ̈ܝܐ܃ ‍<‍ܗܐ#3#‍>‍ ܗܢܘܢ ܟܬܝܒܝܢ ܒܦܬܓ̈ܡܘܗܝ ܫܡܘܐܝܠ ܢܒܝܐ܂ ܘܒܦܬܓ̈ܡܘܗܝ ܕܢܬܢ ܢܒܝܐ܂ ܘܒܦܬܓ̈ܡܘܗܝ ܕܓܕ ܢܒܝܐ܂
29:30 ܟܠܗ݀ ܡܠܟܘܬܗ ܘܓܢܒܪ̈ܘܬܗ ܘܙܒ̈ܢܐ ܕܥܒܪܘ ܥܠܘܗܝ ܘܥܠ ‍<‍ܟܠܗ#2#‍>‍ ܐܝܣܪܝܠ܂ ܘܥܠ ܟܘܠܗ݀ ܡܠܟܘܬ ܐܪܥܗ܂ ܡܛܠ ܕܥܒܕ ܕܘܝܕ ܕܫܦܝܪ ܩܕܡ ܡܪܝܐ܂ ܘܠܐ ܥܒܪ ܡܢ ܟܠܡܕܡ ܕܦܩܕܗ ܟܠܗܘܢ ܝܘܡ̈ܬܐ ܕܚܝܘ̈ܗܝ܂