← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

62039: P 2Ch

Click on a word for lexical analysis
Click on a red-colored coordinate for comments and/or translations of the line

previous chapter


06:00 ‍<‍ܫܠܡܬ ܦܠܓܘܬܐ ܩܕ܊ ܕܣܦܪ ܕܒܪܝܡܝܢ#3#‍>‍ ‍<‍ܦܠܓܘܬܐ ܐܚܪܝܬܐ ܕܣܦܪ ܕܒܪܝܡܝܢ#3#‍>‍
06:01 ܗܝܕܝܢ ܐܡܪ ܫܠܝܡܘܢ܂ ܡܪܝܐ ܐܢܬ ܐܡܪܬ ܠܡܫܪܐ ܒܥܪܦܠܐ܂
06:02 ܘܐܢܐ ܡܒܢܐ ܒܢܝܬ ܒܝܬܐ ܠܟ܂ ܕܘܟܬܐ ܠܫܟܝܢܬܟ ܠܥܠܡܝܢ܂
06:03 ܘܐܦܢܝ ܡܠܟܐ ܐܦܘ̈ܗܝ ܘܒܪܟ ܠܟܘܠܗܝܢ ܟܢܘ̈ܫܬܐ ܕܐܝܣܪܐܝܠ܂ ܘܟܘܠܗܝܢ ܟܢܘ̈ܫܬܐ ܕܐܝܣܪܝܠ ܩܝܡ̈ܢ܂
06:04 ܘܐܡܪ ܒܪܝܟ ܗܘ ܡܪܝܐ ܐܠܗܐ ܕܐܝܣܪܝܠ܂ ܕܡܠܠ ܒܦܘܡܗ ܥܡ ܕܘܝܕ ܐܒܝ܂ ܘܒܡܠܬܗ ܐܫܪ ܡܕܡ ܕܐܡܪ܂
06:05 ܕܡܢ ܝܘܡܐ ܕܐܦܩܬ ܠܥܡܝ/ܠܒܢ̈ܝ#3#/ ܐܝܣܪܝܠ ܡܢ ܐܪܥܐ ܕܡܨܪܝܢ݂܂ ܠܐ ܓ݁ܒܝܬ ܠܝ ܩܪ݂ܝܬܐ ܡܢ ܟܠܗܘܢ ܫܒ̈ܛܐ ܕܐܝܣܪܝܠ܂ ܠܡܒܢܐ ܒܝܬܐ ܕܢܗܘܐ ܫܡܝ ܬܡܢ܂
06:06 ܘܓܒܝܬ ܠܕܘܝܕ ܕܢܗܘܐ ܡܠܟܐ ܥܠ ܥܡܝ/#2#/ ܐܝܣܪܝܠ܂
06:07 ܘܗܘܐ ܒܠܒܗ ܕܕܘܝܕ ܐܒܝ/ܡܠܟܐ#3#/ ܠܡܒܢܐ ܒܝܬܐ ܠܫܡܗ ܕܡܪܝܐ ܐܠܗܐ ܕܐܝܣܪܝܠ܂
06:08 ܘܐܡܪ ܡܪܝܐ ܠܕܘܝܕ ܐܒܝ܂ ܡܟܝܠ ܕܗܘܐ ܒܠܒܟ ܠܡܒܢܐ ܒܝܬܐ ܠܫܡܝ܃ ܐܛܐܒܬ ܡܛܘܠ ܕܗܘܐ ܒܠܒܟ܂
06:09 ܐܢܬ ܕܝܢ ܠܐ ܬܒܢܐ ܒܝܬܐ ‍<‍ܠܫܡܝ#2#‍>‍܂ ܐܠܐ ܒܪܟ ܕܢܦ݁ܩ ܡܢ ܚܨܟ܃ ܗܘ ܢܒܢܐ ܒܝܬܐ ܠܫܡܝ܂
06:10 ܘܐܩܝܡ ܡܪܝܐ ܦܬܓܡܘ̈ܗܝ ܕܐܡܪ܂ ܘܩܡܬ ܡܢ ܒܬܪ ܕܘܝܕ ܐܒܝ܂ ܘܝܬܒܬ ܥܠ ܟܘܪܣܝܐ ܕܐܝܣܪܝܠ ܐܝܟܢܐ ܕܐܡܪ ܠܝ ܡܪܝܐ܂ ܘܒܢܝܬ ܒܝܬܐ ܠܫܡܗ ܕܡܪܝܐ ܐܠܗܐ ܕܐܝܣܪܝܠ܂
06:11 ܘܐܬܩܢܬ ‍<‍ܬܡܢ#3#‍>‍ ܕܘܟܬܐ ܠܩܒܘܬܐ ܕܒܗ݀ ܣܝܡܐ ܕܝܬܩܐ ܕܡܪܝܐ܃ ܕܝܗܒ ܠܐܒܗ̈ܬܢ ܟܕ ܐܦܩ ܐܢܘܢ ܡܢ ܐܪܥܐ ܕܡܨܪܝܢ܂
06:12 ܘܩܡ ܫܠܝܡܘܢ ܩܕܡ ܡܕܒܚܐ ܕܡܪܝܐ܂ ܩܕܡ ܟܢ̈ܘܫܬܐ ܟܠܗܝܢ ܕܐܝܣܪܝܠ܂ ܘܦܪܣ ܐܝܕܘ̈ܗܝ ܠܘܬ ܫܡܝܐ܂
06:13 ܘܥܒܕ ܫܠܝܡܘܢ ܐܣܛܘܢܐ ܚܕ ܕܢܚܫܐ܂ ܘܐܩܝܡܗ ܗܘܐ ܡܨܥܬ ܕܪܬܐ܂ ܪܘܡܗ ܚܡܫ ܐܡ̈ܝܢ܂ ܘܦܬܝܗ ܬܪܬܝܢ ܐܡ̈ܝܢ܂ ܘܣܠܩ ܗܘܐ ܘܩܡ ܥܠܘܗܝ܃ ܘܒܪܟ ܥܠ ܒܘܪ̈ܟܘܗܝ܂ ܘܚ݁ܙܝܢ ܗܘܘ ܠܗ ܟܠܗ ܥܡܐ ܕܐܝܣܪܝܠ܂ ܘܦܪܣ ܐܝܕܘ̈ܗܝ ܒܨܠܘܬܐ ܠܥܝܢ ‍<‍ܟܠܗ#3#‍>‍ ܥܡܐ ܕܐܝܣܪܝܠ ܠܘܬ ܫܡܝܐ܂
06:14 ܘܨܠܝ ܘܐܡܪ܂ ܡܪܝܐ ܡܪ̈ܘܬܐ ܕܐܝܣܪܝܠ ܠܝܬ ܐܟܘܬܟ܃ ܐܢܬ ܗܘ ܡܪܝܐ ܕܝܬ݁ܒ ܐܢܬ ܒܫܡܝܐ ܡܢ ܠܥܠ܂ ܘܨܒܝܢ̈ܝܟ ܡܬܥܒܕܝܢ ܥܠ ܐܪܥܐ ܡܢ ܠܬܚܬ܂ ܕܢܛ݁ܪ ܐܢܬ ܕܝܬܩܐ܂ ܘܚܣܕܐ ܠܥܒ݂ܕ̈ܝܟ ܕܡܗܠܟܝܢ ܩܕܡܝܟ \ܬܪܝܨܐܝܬ ܒܟܠܗ /ܡܢ ܟܠܗ#3#/ ܠܒܗܘܢ܂
06:15 ܕܢܛܪܬ ܠܕܘܝܕ ‍<‍ܥܒܕܟ#3#‍>‍ ܐܒܝ ‍<‍ܥܒܕܟ#3#‍>‍ ܡܕܡ ܕܐܡܪܬ/ܕܡܠܠܬ#3#/ ܠܗ܂ ܘܡܠܠܬ ܒܦܘܡܟ ܘܒܨܒܝܢܟ ܫܠܡܬ \ܐܝܟ ܕܝܘܡܢܐ/ܝܘܡܢܐ#1##2#/܂
06:16 ܘܐܦ ܗܫܐ ܡܪܐ ܡܪ̈ܘܬܐ ܕܐܝܣܪܝܠ܃ ܛܪ ܠܥܒ݂ܕܟ ܕܘܝܕ ܐܒܝ ܡܕܡ ܕܐܡܪܬ ܠܗ܂ ܕܠܐ ܢܥܢܕ/ܢܦܣܘܩ#3#/ ܠܟ ܒܪܐ ܡܢ ܩܕܡܝ ܕܝܬ݁ܒ ܥܠ ܟܘܪܣܝܐ ܕܐܝܣܪܝܠ܂ ܒܠܚܘܕ ܐܢܗܘ ܕܢܛܪܘܢ ܒܢܝܟ ܐܘܪ̈ܚܬܗܘܢ܂ ܠܡܗܠܟܘ/ܠܡܗܟܘ#3#/ ܩܕܡܝ ܒܢܡܘ̈ܣܝ܂ ܐܝܟܢܐ ܕܗܠܟܬ ܐܢܬ ܩܕܡܝ
06:17 ܘܡܟܝܠ ܡܪܝܐ ܐܠܗܐ ܕܐܝܣܪܝܠ܃ ܢܬܗܝܡܢܘܢ ܡܟܝܠ ܦܬܓܡ̈ܝܟ ܕܡܠܠܬ ܠܕܘܝܕ ܐܒܝ ܥܒ݂ܕܟ܂
06:18 ܡܛܠ ܕܒܗܝܡܢܘܬܐ ܐܫܪܝ ܡܪܝܐ ܫܟܝܢܬܗ ܥܡ/ܥܠ#3#/ ܐܡܗ ܐܝܣܪܝܠ ܥܠ ܐܪܥܐ܂ ܗܐ ܫܡܝܐ ܘܫܡ̈ܝ ܫܡܝܐ ܠܐ ܡܣܝܒܪܝܢ ܠܟ܂ ܐܠܐ/ܠܐ#3#/ ܟܢ ܗܢܐ ܒܝܬܐ ܕܒܢܝܬ܂
06:19 ܘܬܬܦܢܐ ܥܠ ܨܠܘܬܗ ܕܥܒ݂ܕܟ܂ ܘܥܠ ܒܥܘܬܗ ܡܪܝܐ ܐܠܗܝ܂ ܠܡܫܡܥ ܠܨܠܘܬܐ ܘܠܒܥܘܬܐ ܕܥܒ݂ܕܟ ܡܨܠܐ/ܕܡܨܠܐ#3#/ ܩܕܡܝܟ ܝܘܡܢܐ܂
06:20 ܗܐ ܠܡܗܘܐ ܩܕܡܝܟ ܝ݁ܕܥ/ܝܕܝܥ#3#/܂ ܠܡܫܡܥ ܒܩܠ/ܠܩܠ#3#/ ܨܠܘܬܗ ܕܡܢ ܕܢܐܬܐ ܘܢܨܠܐ ܩܕܡܝܟ ܒܒܝܬܐ ܗܢܐ ܒܠܠܝܐ ܘܒܐܝܡܡܐ܂ ܗ݀ܝ ܕܘܟܬܐ ܕܐܡܪܬ ܠܡܫܪܝܘ ܫܟܝܢܬܟ ܬܡܢ܂
06:21 ܠܡܫܡܥ ܒܨܠܘܬܐ ܕܥܒ݂ܕܟ ܘܕܥܡܟ ܐܝܣܪܝܠ ܕܡܨܠܐ ܩܕܡܝܟ ܒܕܘܟܬܐ ܗܕܐ܂ ܘܐܢܬ ܬܫܡܥ ܡܢ ܕܘܟܬܐ ܕܡܘܬܒܟ ܡܢ ܫܡܝܐ܂ ܘܬܫܡܥ ܘܬܫܒܘܩ܂
06:22 ܐܢ ܗܘ ܕܢܣܟܠ ܒܪܢܫܐ ܒܚܒܪܗ܂ ܘܢܦܣܘܩ ܥܠܘܗܝ ܡܘ̈ܡܬܐ ܠܡܘܡܝܘܬܗ܂ ܘܢܐܬܐ ܘܢܐܡܐ \ܩܕܡ ܡܕܒܚܟ ܒܒܝܬܐ /ܒܒܝܬܟ ܩܕܡ ܡܕܒܚܐ#2#/ ܗܢܐ܂
06:23 ܘܐܢܬ ܬܫܡܥ ܒܩܠ ܨܠܘܬܗܘܢ ܡܢ ܕܘܟܬܟ ܡܢ ܫܡܝܐ܂ ܘܬܥܒܕ ܘܬܕܘܢ ܠܥܒ݂̈ܕܝܟ܂ ܠܡܚܝܒܘ ܠܚܝܒܐ ܘܠܡܬܠ ܐܘܪܚܗ ܒܪܫܗ܂ ܘܠܡܙܕܩܘ/ܘܠܡܙܟܝܘ#3#/ ܠܙܕܝܩܐ/ܠܙܟܝܐ#3#/܂ ܘܠܡܬܠ ܠܗ ܐܝܟ ܙܕܝܩܘܬܗ/ܙܟܘܬܗ#3#/܂
06:24 ܘܐܢܗܘ ܕܢܬܬܒܪ ܥܡܟ ܐܝܣܪܝܠ ܩܕܡ ܒܥܠܕ̈ܒܒܐ ܟܕ ܢܚܛܘܢ ܩܕܡܝܟ/ܠܟ#3#/܂ ܘܢܗܦܟܘܢ/ܘܢܬܘܒܘܢ#3#/ ܠܘܬܟ ܘܢܘܕܘܢ ܠܫܡܟ ܪܒܐ܂ ܘܢܨܠܘܢ ܘܢܒܥܘܢ ܡܢ ܩܕܡܝܟ ܒܒܝܬܐ ܗܢܐ܂
06:25 ܘܐܢܬ ܬܫܡܥ ܡܢ ܫܡܝܐ ܘܬܫܒܘܩ ܠܚ̈ܛܗܘܗܝ ܕܥܡܟ ܐܝܣܪܝܠ܂ ܘܬܗܦܟ ܐܢܘܢ ܠܐܪܥܐ ܕܝܗܒܬ/ܕܐܝܡܝܬ#3#/ \ܠܗܘܢ ܘܠܐܒܗ̈ܝܗܘܢ/ܠܐܒܗ̈ܝܗܘܢ#3#/܂
06:26 ܘܟܕ ܢܬܟܠܘܢ ܫܡܝܐ ܘܠܐ ܢܗܘܐ ܡܛܪܐ ܟܕ ܢܚܛܘܢ ܩܕܡܝܟ܂ ܘܢܨܠܘܢ ܩܕܡܝܟ ܒܕܘܟܬܐ ܗܕܐ ܘܢܘܕܘܢ ܠܫܡܟ ܪܒܐ܂ ܘܡܢ ܚܛܗ̈ܝܗܘܢ ܢܗܦܟܘܢ܂ ܡܛܠ ܕܬܥܢܐ ܐܢܘܢ܂
06:27 ܘܐܢܬ ܬܫܡܥ ܒܩܠ ܨܠܘܬܗܘܢ ܡܢ ܫܡܝܐ܂ ܘܬܫܒܘܩ ܠܚܛܗ̈ܘܗܝ ܕܥܒ݂ܕܟ ܘܕܥܡܟ ܐܝܣܪܝܠ܂ ܡܛܠ ܕܬܠܦ ܐܢܘܢ ܐܘܪܚܟ ܫܦܝܪܬܐ ܕܢܐܙܠܘܢ ܒܗ݀܂ ܘܬܬܠ ܡܛܪܐ ܕܒܘܪܟܬܐ ܥܠ ܐܪܥܐ܂ ܕܝܗܒܬ ܒܝܪܬܘܬܗ ܕܥܡܟ܂
06:28 ܘܟܦܢܐ ܟܕ ܢܗܘܐ ܒܐܪܥܐ ܘܡܘܬܢܐ ܟܕ ܢܗܘܐ܂ ܘܫܘܚܢܐ ܘܫܘܢܩܐ ܘܩܡܨܐ ܦܪܚܐ ܘܙܚܠܐ ܟܕ ܢܗܘܐ܂ ܟܕ ܢܥܝܩܘܢ ܠܗܘܢ ܒܥܠܕ̈ܒܒܐ ܒܐܪܥܗܘܢ ܘܒܩܘܪ̈ܝܗܘܢ ‍<‍ܘܒܐܪܥܗܘܢ#2#‍>‍܂ ܟܠ ܡܟ̈ܬܫܝܢ ܘܟܘܠ ܟܐܒ̈ܝܢ܂
06:29 ܟܘܠ ܨܠܘܬܐ ܘܒܥܘܬܐ ܕܬܗܘܐ ܠܟܠܗܘܢ ܒܢܝܢܫܐ܂ ܠܟܘܠܗ ܥܡܟ ܐܝܣܪܝܠ܂ ܕܢܣܝܒܪܘܢ ܓܒܪ/ܓܝܪ#2#/ ܟܐܒܐ ܕܠܒܗ܂ ܘܢܐܬܐ ܘܢܦܪܘܣ ܐܝܕܘ̈ܗܝ ܒܒܝܬܐ ܗܢܐ܂
06:30 ܘܐܢܬ ܬܫܡܥ ܒܩܠܐ ܕܨܠܘ̈ܬܗܘܢ ܡܢ ܫܡܝܐ܂ ܘܬܫܒܘܩ ܠܚܘܒ̈ܝܗܘܢ܂ ܘܬܦܪܘܥ ܠܓܒܪܐ ܐܝܟ ܟܘܠܗܝܢ ܐܘܪ̈ܚܬܗ܂ ܕܝ݁ܕܥ ܐܢܬ ܠܒܗ܂ ܡܛܠ ܕܐܢܬ ‍<‍ܗܘ#3#‍>‍ ܝ݁ܕܥ ܐܢܬ ܒܠܚܘܕܝܟ ܠܒܗܘܢ ܕܟܠܗܘܢ ܒܢ̈ܝܢܫܐ܂
06:31 ܡܛܠ ܗܢܐ ܢܕܚܠܘܢ ܠܟ ܠܡܗܠܟܘ܂ ܩܕܡܝܟ ܒܐܘܪ̈ܚܬܟ ܟܠܗܘܢ ܝܘ̈ܡܬܐ ܕܚܝܝܢ \ܥܠ ܐܪܥܐ/ܒܐܪܥܐ#3#/܂ ܕܝܗܒܬ ܠܐܒܗ̈ܝܗܘܢ܂
06:32 ܐܦ ܥܠ ܢܘܟܪܝܐ ܕܠܐ ܗܘܐ ܡܢ ܥܡܟ ܐܝܣܪܝܠ܂ ܘܢܐܬܐ ܡܢ ܡܕܝܢܬܐ ܪܚܝܩܬܐ ܡܛܠ ܫܡܟ܃ ܡܛܠ ܕܢܫܡܥܘܢ ܛܒܗ ܕܫܡܟ ܪܒܐ܂ ܘܐܝܕܟ ܬܩܝܦܬܐ ܘܕܪܥܟ ܪܡܐ܃ ܘܢܐܬܘܢ ܘܢܨܠܘܢ ܩܕܡܝܟ ܒܝܘܡܐ ܗ݀ܘ ܒܒܝܬܐ ܗܢܐ܂
06:33 ܘܐܢܬ ܬܫܡܥ ܡܢ ܕܘܟܬܟ ܡܢ ܫܡܝܐ ܘܬܥܒܕ܂ ܐܝܟܢܐ ܕܢܨܠܐ ܩܕܡܝܟ ܢܘܟܪܝܐ܂ ܡܛܠ ܕܢܕܥܘܢ ܟܠܗܘܢ ܥܡ̈ܡܐ ܕܐܪܥܐ ܫܡܟ܂ ܠܡܕܚܠ ܩܕܡܝܟ ܐܝܟ ܥܡܟ ܐܝܣܪܐܝܠ܂ ܘܠܡܕܥ ܕܫܡܟ ܐܬܩܪܝ ܥܠ ܒܝܬܐ ܗܢܐ ܕܒܢܝܬ܂
06:34 ܘܟܕ ܢܦܘܩ ܥܡܟ ܠܩܪܒܐ ܥܠ ܒܥܠܕܒ̈ܒܝܗܘܢ ܒܐܘܪܚܐ ܕܬܫܕܪ ܐܢܘܢ܂ ܘܢܨܠܘܢ ܩܕܡܝܟ ܒܐܘܪܚܐ ܒܐܪܥܐ/ܕܐܪܥܐ#3#/ ܕܝܗܒܬ ܠܐܒܗܝ̈ܗܘܢ/ܠܗܘܢ#3#/܂ ܩܪܝܬܐ/ܒܩܪܝܬܐ#3#/ ܕܓܒܝܬ ܠܟ܂ ܘܒܝܬܐ ܕܒܢܝܬ ܠܫܡܟ܂
06:35 ܘܬܫܡܥ ܡܢ ܫܡܝܐ ܨܠܘ̈ܬܗܘܢ ܘܒܥܘ̈ܬܗܘܢ ܘܬܥܒܕ ܕܝܢܗܘܢ܂
06:36 ܡܛܘܠ ܕܢܚܛܘܢ ܩܕܡܝܟ܂ ܡܛܘܠ ܕܠܐ ܐܝܬ ܒܪ ܐܢܫܐ ܕܠܐ ܚ݁ܛܐ܂ ܘܪܓ݁ܙ ܐܢܬ ܥܠܝܗܘܢ܂ ܘܡܫܠܡ ܐܢܬ ܠܗܘܢ ܩܕܡ ܒܥܠܕܒܒܝ̈ܗܘܢ ܘܢܫܒܘܢ ܐܢܘܢ ܫܒܝ̈ܗܘܢ ܠܐܪܥܐ ܪܚܝܩܬܐ ܐܘ ܩܪܝܒܬܐ
06:37 ܘܢܨܠܘܢ ܩܕܡܝܟ܂ ܘܢܗܦܟܘܢ ܘܒܡܕ̈ܝܢܬܐ ܕܫܒ̈ܝܗܘܢ ܢܐܡܪܘܢ܂ ܕܚܛܝܢ ܘܐܪܓܙܢ ܘܐܥܘܠܢ܂
06:38 ܘܢܗܦܟܘܢ ܠܘܬܟ ܒܟܠܗ ܠܒܗܘܢ ܘܒܟܘܠܗ݀ ܢܦܫܗܘܢ ܒܡܕܝ̈ܢܬܐ ܕܫܒ̈ܝܗܘܢ ܕܫܒܘ ܐܢܘܢ܂ ܘܢܨܠܘܢ ܒܐܘܪܚܐ ܕܐܪܥܐ ܕܝܗܒܬ ܠܐܒܗ̈ܝܗܘܢ܂ ܩܪܝܬܐ ܕܓܒܝܬ ܠܟ܂ ܘܒܝܬܐ ܕܒܢܝܬ ܠܫܡܟ܂
06:39 ܘܬܫܡܥ ܡܢ ܕܘܟܬܟ ܡܢ ܫܡܝܐ ܨܠܘܬܗܘܢ ܘܒܥܘܬܗܘܢ܂ ܘܬܥܒܕ ܕܝ݂ܢܗܘܢ܂ ܘܬܫܒܘܩ ܠܥܡܟ ܕܚܛܘ ܩܕܡܝܟ܂
06:40 ܘܡܟܝܠ ܐܠܗܝ܂ ܢܗܘ̈ܝܢ ܥܝܢ̈ܝܟ ܦܬܝ̈ܚܢ܂ ܘܐܕܢܝ̈ܟ ܨܝ̈ܬܢ ܠܨܠܘܬܐ ܕܕܘܟܬܐ ܗܕܐ܂
06:41 ܘܡܟܝܠ ܩܘܡ ܡܪܐ ܡܪ̈ܘܬܐ ܠܢܝܚܬܟ܂ ܐܢܬ ܘܐܪܘܢ ܥܘܫܢܟ܂ ܟܗܢ̈ܝܟ ܡܪܐ ܡܪ̈ܘܬܐ ܦܘܪܩܢܐ ܬܠܒܫ܂ ܘܙܕܝ̈ܩܝܟ ܢܚܕܘܢ ܒܛܒ̈ܬܟ܂
06:42 ܡܪܐ ܡܪ̈ܘܬܐ ܠܐ ܬܗܦܟ/ܬܗܦܘܟ#2#/ ܐܦܘ̈ܗܝ ܕܡܫܝܚܟ܂ ܐܬܕܟܪ ܛܝܒܘܬܗ ܕܥܒ݂ܕܟ ܕܘܝܕ܂

next chapter