The Comprehensive Aramaic Lexicon

09:01	ܘܡܠܟܬ ܫܒܐ ܫܡܥܬ ܛܒܗ ܕܫܠܝܡܘܢ܂ ܘܐܬܬ ܠܡܢܣܝܘܬܗ ܠܫܠܝܡܘܢ ܒܐܘܚ̈ܕܬܐ܂ ܘܐܬܬ ܠܐܘܪܫܠܡ ܒܚܝܠܐ \ܕܣܓܝ ܛܒ /ܣܘܓܐܐ ܕܛܒ#3#/܂ ܘܓ̈ܡܠܐ ܕܛܥܝܢܝܢ ܒܣ̈ܡܐ ܘܕܗܒܐ ܕܣܓܝ ܛܒ܂ ܘܛܒ̈ܥܐ ܛܒ̈ܐ܂ ܘܐܬܬ ܠܘܬ ܡܠܟܐ ܫܠܝܡܘܢ܂ ܘܓܠܬ \ܠܗ ܟܠ ܕܒܠܒܗ݀ /ܟܠܡܕܡ ܕܐܝܬ ܗܘܐ ܒܠܒܗ݀#3#/܂
09:02	ܘܓܠܐ ܠܗ݀ ܡܠܟܐ ܫܠܝܡܘܢ \ܟܘܠ ܡܕܡ /ܟܠܗ#3#/ ܘܐܪܙ ܠܒܗ܂ ܘܠܐ ܡܕܡ ܟܣܐ/ܟܣܐ#3#/ ܡܠܟܐ ܕܠܐ ܓܠܐ ܠܗ݀܂
09:03	ܘܚܙܬ ܡܠܟܬ ܫܒܐ ܚܟܡܬܗ ܕܫܠܝܡܘܢ܂ ܘܒܝܬܐ ܕܒܢܐ܂
09:04	ܘܡܐܟܠ ܦܬܘܪܗ܂ ܘܡܘܬܒ ܥܒ݂ܕܘ̈ܗܝ \ܘܩܝܡܐ ܕܡܫܡܫ̈ܢܘܗܝ /ܘܩܝܡ ܡܫܡܫ̈ܢܘܗܝ#3#/ ܘܠܒܘ̈ܫܝܗܘܢ܂ ܘܫܩܘ̈ܬܗ ܘܠܒܘܫ̈ܝܗܘܢ܂ ܘܕܒܚ̈ܐ ܕܡܕܒܚ ܗܘܐ ܒܒܝܬܗ ܕܡܪܝܐ܂ ܘܠܐ ܗܘܬ ܒܗ݀ ܬܘܒ ܪܘܚܐ ܠܡܚܙܐ܂

09:05	ܘܐ݁ܡܪܐ ܠܡܠܟܐ ܫܠܝܡܘܢ܂ ܫܪܝܪܐ ܗܘܬ ܡܠܬܐ ܕܫܡ݁ܥܐ ܗܘܝܬ ܒܡܕܝܢܬܝ ܥܠ ܦܬܓ̈ܡܝܟ܂ ܘܥܠ ܚܟܡܬܟ܂

09:06	ܘܠܐ ܡܗܝܡܢܐ ܗܘܝܬ܂ ܥܕܡܐ ܠܐܝܟܐ ܕܐܬܝܬ \ܘܚܙܝܬ ܒܥ̈ܝܢܝ /ܘܚ̈ܙܝ ܥܝ̈ܢܝ#3#/܂ ܘܗܐ ܠܐ ܚܘܝܬܢܝ ܦܠܓܐ܂ ܐܣܓܝܬ ܚܟܡܬܟ܂ ܘܐܘܣܦܬ ܥܠ ܛܒܐ ܕܫܡܥܬ܂
09:07	ܛܘܒܝܗܘܢ ܠܥܒ݂̈ܕܝܟ ܗܠܝܢ/ܗ݀ܢܘܢ#3#/ ܕܩ݁ܝܡܝܢ ܩܕܡܝܟ ܐܡܝܢܐܝܬ ܘܫܡ݁ܥܝܢ ܚܟܡܬܟ܂
09:08	ܘܢܗܘܐ ܡܪܝܐ ܐܠܗܟ ܒܪܝܟ܃ ܗ݀ܘ ܡ݁ܢ ܕܓܒܟ ܘܐܘܬܒܟ ܥܠ ܟܘܪܣܝܐ ܕܡܠܟܘܬܐ ܕܐܝܣܪܝܠ܂ ܘܡܛܠ ܕܪܚܡ ܡܪܝܐ ܠܐܝܣܪܝܠ ܐܩܝܡܟ ܡܠܟܐ ܥܠܝܗܘܢ ܠܥܠܡ܂ ܠܡܥܒܕ ܕܝܢ݂ܐ ܘܙܕܝܩܘܬܐ܂
09:09	ܘܝܗܒܬ ܠܡܠܟܐ ܡܐܐ ܘܥܣܪܝܢ ܟܟܪ̈ܝܢ/ܟܟܪ̈ܐ#3#/ ܕܕܗܒܐ \ܘܒܣ̈ܡܐ ܣ̈ܓܝܐܐ /ܘܣܐܡܐ ܣܓܝܐܐ#3#/ ܕܛܒ܂ ܘܛܒ̈ܥܐ ܛܒ̈ܐ܂ ܘܠܐ ܐܬܚܙܝܘ ܐܝܟ ܒܣܡ̈ܐ ܗ݀ܢܘܢ ܒܥܠܡܐ܃ ܕܝܗܒܬ ܡܠܟܬ ܫܒܐ ܠܡܠܟܐ ܫܠܝܡܘܢ
09:10	ܘܐܦ ܥܒ݂ܕܘ̈ܗܝ ܕܚܝܪܡ ܘܥܒ݂ܕ̈ܘܗܝ \ܕܡܠܟܐ ܫܠܝܡܘܢ/ܕܫܠܝܡܘܢ#3#/܃ ܐܝܬܝܘ ܕܗܒܐ ܡܢ ܐܘܦܝܪ܂ ܘܐܝܬܝܘ ܩܝܣ̈ܐ ܕܐܫܟܪܥܐ
09:11	ܠܣܦܣ̈ܠܐ ܕܒܝܬܗ/ܠܒܝܬܗ#3#/ ܕܡܪܝܐ ܘܠܒܝܬܗ ܕܡܠܟܐ ܫܠܝܡܘܢ ܘܟܢܪ̈ܐ ܠܡܫܒ̈ܚܢܐ܂ ܘܠܐ ܐܬܚܙܝܘ ܐܟܘܬܗܘܢ ܒܐܪܥܐ ܕܝܗܘܕܐ܂
09:12	ܘܡܠܟܐ ܫܠܝܡܘܢ ܝܗܒ ܠܡܠܟܬ ܫܒܐ ܟܘܠ ܡܕܡ ܕܫܐܠܬܗ̈ ܠܒܪ ܡܢ ܡܕܡ ܕܝܗܒ ܠܗ݀/ܗܘܐ#3#/܂ ܟܠܡܕܡ ܕܐܝܬ ܗܘܐ ܒܠܒܗ݀܂ ܘܩܡܬ ܐܙܠܬ ܠܡܕܝܢܬܗ݀ ܗܝ ܘܥܒ݂ܕ̈ܝܗ݀܂
09:13	ܘܗܘܐ ܡܢܝܢܐ ܕܕܗܒܐ ܕܥܐ݁ܠ ܗܘܐ ܠܫܠܝܡܘܢ ܒܫܢܬܐ ܚܕܐ܂ ܫܬܡܐܐ ܘܫܬܝܢ ܘܫܬ ܟܟܪ̈ܝܢ ܕܕܗܒܐ܂
09:14	ܠܒܪ ܡܢ ܡܟܣ̈ܐ ܕܡܕܝܢ̈ܬܐ ܘܡܘܒ̈ܠܐ ܕܬܓܪ̈ܐ܂ ܘܟܠ ܡܠܟ̈ܐ ܕܥܪ̈ܒܝܐ ܘܫܠܝ̈ܛܢܐ/ܘܫܠܝ̈ܛܐ#3#/ ܕܐܪܥܐ܂ ܡܝܬܝܢ ܗܘܘ ܟܣܦܐ ܘܕܗܒܐ ܠܫܠܝܡܘܢ܂
09:15	ܘܥܒܕ ܡܠܟܐ ܫܠܝܡܘܢ ܡܐܬܝܢ ܣܟܪ̈ܝܢ ܕܕܗܒܐ ܛܒܐ ܘܫܬܡܐܐ ܕܪ̈ܝܟܘܢܐ ܕܕܗܒܐ ܛܒܐ ܩܪܡ ܠܣܟܪܐ ܚܕܐ܂
09:16	ܘܬܠܬܡܐܐ ܣܟܪ̈ܝܢ/ܡ̈ܓܢܝܢ#3#/ ܕܕܗܒܐ ܛܒܐ܂ ܘܬܠܬܐ/ܘܬܠܬܡܐܐ#3#/ ܡܢܝ̈ܢ ܕܕܗܒܐ ‍<‍ܛܒܐ#2#‍>‍ ܥܒܕ ܒܝܬ ܡܘܚܕ ܐܝܕܐ/ܡܐܚܕ ܐܝܕܐ#2#/ ܕܣܟܪܐ/ܕܡܓܢܐ#3#/ ܚܕܐ܂ ܘܝܗܒ ܐܢ̈ܝܢ ܡܠܟܐ ܒܝܬ ܥܒܐ ܕܠܒܢܢ܂
09:17	ܘܥܒܕ ܡܠܟܐ ܟܘܪܣܝܐ ܕܫܢܐ ܪܒܐ܂ ܘܩܪܡܗ ܕܗܒܐ ܕܟܝܐ܂
09:18	ܫܬܐ ܕܪ̈ܓܝܢ ܠܟܘܪܣܝܐ܂ ܘܣܦܬܗ ܕܟܘܪܣܝܐ ܟܪܝܟܐ ܡܢ ܒܣܬܪܗ܂ ܘܐܝܕ̈ܗܬܐ ܡܟܐ ܘܡܟܐ ܥܠ ܐܬܪܐ ܕܡܘܬܒܐ܂ ܘܬܪܝܢ ܐܪ̈ܝܘܬܐ ܩ݁ܝܡܝܢ ܒܣܬܪ ܐܝܕܗ̈ܬܐ܂
09:19	ܘܬܪ̈ܥܣܪ ܐܪ̈ܝܘܬܐ ܩ݁ܝܡܝܢ ܬܡܢ ܥܠ ܫܬܐ ܕܪ̈ܓܝܢ ܡܟܐ ܘܡܟܐ܂ ܘܠܐ ܐܬܥܒܕ ܗܟܢܐ ܒܟܠܗܝܢ/ܠܟܠܗܝܢ#3#/ ܡܠܟܘ̈ܬܐ܂
09:20	ܘܟܠܗܘܢ ܡ̈ܐܢܐ ܕܬܫܡܫܬܗ ܕܡܠܟܐ ܫܠܝܡܘܢ ܕܕܗܒܐ܂ ܘܟܠ ܡ̈ܐܢܐ ܕܒܝܬ ܓܙܗ ܕܡܠܟܐ ܕܕܗܒܐ ܣܢܝܢܐ܂ ܘܟܣܦܐ ܠܐ ܚܫܝܒ ܗܘܐ ܒܝܘ̈ܡܬܗ ܕܫܠܝܡܘܢ ܐܝܟ ܡܕܡ܂
09:21	ܡܛܠ ܕܣܦܝ̈ܢܐ ܓܝܪ ܐܝܬ/ܐ̈ܬܝ#2#/ ܗܘ̈ܝ ܠܫܠܝܡܘܢ ܡܠܟܐ܂ ܕܐ̈ܙܠܢ ܗܘ̈ܝ ܠܬܪܫܝܫ ܥܡ ܥܒ݂ܕ̈ܘܗܝ ܕܚܝܪܡ܂ ܚܕܐ ܠܬܠܬ ܫܢ̈ܝܢ ܐܬܝ̈ܢ ܗܘ̈ܝ܂ ܘܣܦܝ̈ܢܐ ܕܐܙ̈ܠܢ ܗܘ̈ܝ ܠܬܪܫܝܫ܃ ܛܥܝ̈ܢܢ ܟܣܦܐ ܘܕܗܒܐ ܘܦܝ̈ܠܐ ܘܩܘ̈ܦܐ ܘܛܘ̈ܣܐ܂
09:22	ܘܝܪܒ ܡܠܟܐ ܫܠܝܡܘܢ ܡܢ ܟܘܠܗܘܢ ܡ̈ܠܟܐ ܕܐܪܥܐ܂ ܒܥܘܬܪܐ ܘܒܚܟܡܬܐ܂
09:23	ܘܟܘܠܗܘܢ ܡܠܟ̈ܐ ܕܐܪܥܐ ܒܥܝܢ ‍<‍ܗܘܘ#2#‍>‍ ܠܡܚܙܐ ܐܦܘ̈ܗܝ ܕܫܠܝܡܘܢ܂ ܘܠܡܫܡܥ ܚܟܡܬܐ ܕܝܗܒ ܡܪܝܐ ܒܠܒܗ܂
09:24	ܘܗܢܘܢ ܡܝܬܝܢ ܗܘܘ ܠܗ ܓܒܪ ܩܘܪܒܢܗ܂ ܡ̈ܐܢܝ ܣܐܡܐ/ܟܣܦܐ#3#/ \ܘܡ̈ܐܢܝ ܕܗܒܐ /ܘܕܗܒܐ#3#/ ܘܢܚ̈ܬܐ܂ ܘܡܘܪܐ ܘܒܣ̈ܡܐ ܘܪ̈ܟܫܐ܂ ܘܟܘ̈ܕܢܘܬܐ܂ ܒܚܘܫܒܢܐ ܟܠ/ܘܒܟܠ#3#/ ܫܢܐ ܒܫܢܐ܂
09:26	ܘܗܘܐ ܫܠܝܡܘܢ ܫܠܝܛ ܒܟܘܠܗܝܢ ܡܠܟܘ̈ܬܐ܂ ܡܢ ܢܗܪܐ ܦܪܬ ܘܥܕܡܐ ܠܐܪܥܐ/ܠܢܗܪܐ#3#/ ܕܦܠܫ̈ܬܝܐ܂ ܘܥܕܡܐ ܠܬܚܘܡܐ ܕܡܨܪ̈ܝܐ܂
09:27	ܘܝܗܒ ܡܠܟܐ ܫܠܝܡܘܢ ܒܐܘܪܫܠܡ ܟܣܦܐ ܐܝܟ ܟܐ̈ܦܐ܂ ܘܐܪ̈ܙܐ ܝܗܒ ܐܝܟ ܚܠܐ ܕܥܠ/ܕܐܝܬ ܥܠ#3#/ ܣܦܬ ܝܡܐ ܣܘܓܐܐ܂
09:28	ܘܙܒܢܝܢ ܗܘܘ ܪ̈ܟܫܐ ܠܫܠܝܡܘܢ ܡܢ ܡܨܪܝܢ܂ ܘܡܢ ܟܘܠܗܝܢ ܡܕܝ̈ܢܬܐ܂
09:30	ܘܐܡܠܟ ܫܠܝܡܘܢ \ܥܠ ܐܘܪܫܠܡ /ܒܐܘܪܫܠܡ#3#/ ܥܠ ܟܘܠܗ ܐܝܣܪܝܠ ܐܪ̈ܒܥܝܢ ܫܢ̈ܝܢ܀
09:31	ܘܫܟܒ ܫܠܝܡܘܢ ܥܡ ܐܒܗ̈ܬܗ܂ ܘܩܒܪܘܗܝ ܒܩܪܝܬܐ ܕܕܘܝܕ ܐܒܘܗܝ܃ ܘܐܡܠܟ ܪܚܒܥܡ ܒܪܗ܂ ܒܬܪܗ܂