The Comprehensive Aramaic Lexicon

17:01	ܘܩܡ ܒܡܠܟܘܬܐ ܝܗܘܫܦܛ ܒܪܗ ܒܬܪܗ܂ ܘܐܬܥܫܢ ܥܠ ܐܝܣܪܝܠ܂
17:02	ܘܐܫܠܛ ܓܒܪ̈ܐ ܓܢܒܪ̈ܝ ܚܝܠܐ ܒܟܠܗܝܢ ܩܘܪ̈ܝܐ ܕܒܝܬ ܝܗܘܕܐ ܥܫܝ̈ܢܬܐ܂ ܘܐܩܝܡ ܫܠܝ̈ܛܐ/ܫܠܝ̈ܛܢܐ#3#/ ܒܐܪܥܐ ܕܝܗܘܕܐ ܘܒܐܪܥܐ ܕܐܦܪܝܡ ܕܐܚܕ ܐܣܐ ܐܒܘܗܝ܂
17:03	ܘܗܘܐ ܡܪܝܐ ܥܡ ܝܗܘܫܦܛ܂ ܡܛܠ ܕܗܠܟ ܒܐܘܪ̈ܚܬܗ ܕܕܘܝܕ ܐܒܘܗܝ ܩܕܡܝ̈ܬܐ܃ ܘܠܐ ܨܠܝ ܠܨܠܡ̈ܐ܂
17:04	ܡܛܠ ܕܠܡܪܝܐ ܐܠܗܐ ܕܐܒܘܗܝ ܨܠܝ܂ ܘܒܦܘܩܕ̈ܢܘܗܝ ܗܠܟ ܘܢܡܘܣ̈ܘܗܝ ܢܛܪ܂ ܘܠܐ ܥܒܕ ܐܝܟ ܥ݁ܒ̈ܕܐ ܕܐܝܣܪܝܠ܂
17:05	ܘܐܬܩܢ ܡܪܝܐ ܡܠܟܘܬܐ ܒܐܝܕܗ܂ ܘܝܗܒܘ ܠܗ ܟܠܗܘܢ ܕܒܝܬ ܝܗܘܕܐ ܩܘܪ̈ܒܢܐ ܠܝܗܘܫܦܛ܂ ܘܗܘܐ ܠܗ ܥܘܬܪܐ ܘܐܝܩܪܐ ܣܘܓܐܐ ܕܛܒ܂
17:06	ܘܐܬܚܝܠ ܠܒܗ ‍<‍ܒܡܪܝܐ ܐܠܗܗ܂ ܘܗܠܟ#3#‍>‍ ܒܐܘܪ̈ܚܬܗ ܕܡܪܝܐ܂ ܘܬܘܒ ܥܩܪ ܡܕܒ̈ܚܐ ܘܥܠܘ̈ܬܐ ܕܗܘܘ ܒܬܚܘܡܐ ܕܒܝܬ ܝܗܘܕܐ܂
17:07	ܘܒܫܢܬ ܬܠܬ ܠܡܠܟܘܬܗ܃ ܫܕܪ ܩܪܐ ܠܪ̈ܘܪܒܢܘܗܝ ܘܠܪ̈ܒܝ ܚܝܠܐ/ܘܪ̈ܒܝ ܚܝܠܐ#3#/܃ ܠܥܘܒܕܝܐ ܘܠܙܟܪܝܐ܂ ܘܠܡܬܢܐܝܠ ܘܠܡܠܟܝܐ܃ ܠܡܠܦܘ ܒܩܘܪ̈ܝܐ ܕܝܗܘܕܐ܂
17:08	ܘܥܡܗܘܢ/ܕܥܡܗܘܢ#3#/ ܗܘܘ ܠܘ̈ܝܐ܃ ܫܡܥܝܐ܂ ܡܬܢܝܐ܂ ܙܟܪܝܐ܂ ܥܫܐܝܠ܂ ܢܛܘܪܐ܂ ܝܘܢܬܢ܂ ܐܕܘܢܝܐ܂ ܛܘܒܝܐ܂ ܗܠܝܢ ܟܘܠܗܘܢ ܠܘ̈ܝܐ܂ ܘܥܡܗܘܢ ܗܘܐ ܐܠܝܫܡܥ ܘܝܗܘܪܡ ܟܗ̈ܢܐ܂
17:09	ܘܡܠܦܝܢ ܗܘܘ ܒܐܪܥܐ ܕܝܗܘܕܐ ܟܠܗ݀܂ ܘܥܡܗܘܢ ܗܘܐ ܣ݂ܦܪܐ ܕܢܡܘܣܗ ܕܡܪܝܐ܂ ܘܡܬܟܪܟܝܢ ܗܘܘ ܒܟܠܗܝܢ ܩܘܪ̈ܝܐ ܕܝܗܘܕܐ ܘܡܠܦܝܢ ܗܘܘ ܠܥܡܐ܂
17:10	ܘܗܘܬ ܕܚܠܬܗ ܕܡܪܝܐ ܥܠ ܟܠܗܝܢ ܡܠܟܘ̈ܬܐ ܕܡܕܝ̈ܢܬܐ ܕܗܘ̈ܝ ܚܕܪ̈ܝ ܝܗܘܕܐ܂ ܘܠܐ ܐܬܟܬܫܘ ‍<‍ܗܘܘ#3#‍>‍ ܥܡ ܝܗܘܫܦܛ܂
17:11	ܘܡܢ ܡܕܝ̈ܢܬܐ ܕܦܠܫ̈ܬܝܐ܃ ܡܝܬܝܢ ܗܘܘ ܠܝܗܘܫܦܛ܃ ܟܣܦܐ ܘܩܘܪ̈ܒܢܐ ܘܟܣܦ ܪܫܐ܂ ܘܐܦ ܥܪ̈ܒܝܐ ܡܝܬܝܢ ܗܘܘ ܥ̈ܢܐ ܕܟܪ̈ܐ ܫܒܥܐ ܐܠܦܝ̈ܢ ܘܫܒܥܡܐܐ܂ ܘܬܝ̈ܫܐ ܫܒܥܐ ܐܠܦܝ̈ܢ ܘܫܒܥܡܐܐ ܒܫܢܬܐ ܚܕܐ܂

17:12	ܘܗܘܐ ܝܗܘܫܦܛ ܐ݁ܙܠ ܘܥ݁ܬܪ ܥܕܡܐ ܕܥܬܪ ܛܒ܂ ܘܒܢܐ ܒܝܗܘܕܐ ܒܝܪ̈ܬܐ܃ ܘܩܘܪ̈ܝܐ ܕܩܦܣ̈ܐ܂

17:13	ܘܥܒܝܕܬܐ/ܘܥܒܕܬܐ#3#/ ܪܒܬܐ ܗܘܬ ܠܗ ܒܐܪܥܐ ܕܝܗܘܕܐ܂ ܘܓܒܪ̈ܐ ܩܪ̈ܒܬܢܐ ܓܢܒܪ̈ܝ ܚܝܠܐ ܒܐܘܪܫܠܡ܂
17:14	ܘܗܢܐ ‍<‍ܗܘ#3#‍>‍ ܡܢܝܢܗܘܢ ܠܒܝܬ ܐܒܗ̈ܝܗܘܢ܂ ܕܒܝܬ ܝܗܘܕܐ ܘܪ̈ܘܪܒܢܐ ܕܐ̈ܠܦܐ܃ ܓܕܝܢܘ ܓܢܒܪܐ ܘܠܗ ܡܫܡܫܝܢ/ܡܫܠܡܝܢ#3#/ ‍<‍ܗܘܘ#3#‍>‍ ܓܢܒܪ̈ܝ ܚܝܠܐ ܬܠܬܡܐܐ ܐܠܦܝ̈ܢ܂
17:15	ܘܝܘܚܢܢ ܪܒܐ܂ ܘܠܗ ܡܫܡܫܝܢ/ܡܫܠܡܝܢ#3#/ ‍<‍ܗܘܘ#3#‍>‍ ܓܢܒܪ̈ܝ ܚܝܠܐ܃ ܡܐܬܝܢ ܘܬܡܢܐܝܢ ܐܠܦܝ̈ܢ܂
17:16	ܘܡܢ ܒܬܪܗ ܫܡܥܝ ܒܪ ܙܪܚ ܕܫܦܪ ܠܡܪܝܐ܂ ܘܥܡܗ ܡܐܬܝܢ ܐܠܦܝ̈ܢ ܚܝ̈ܠܬܢܐ ܕܚܝܠܐ܂
17:17	ܘܡܢ ܕܒܝܬ ܒܢܝܡܝܢ ܓܢܒܪ̈ܝ ܚܝܠܐ ܐܠܝܕܥ ܫܡܗ܂ ܘܠܗ ܡܫܡܫܝܢ/ܡܫܠܡܝܢ#3#/ ܗܘܘ ܓܒܪ̈ܐ ܫܕ̈ܝܝ ܒܩܫܬܐ ܘܐܚܝ̈ܕܝ ܣܟܪ̈ܐ ܡܐܬܝܢ ܐܠܦܝ̈ܢ܂
17:18	ܘܝܗܘܙܒܪ ܓܢܒܪܐ܂ ܘܠܗ ܡܫܡܫܝܢ/ܡܫܠܡܝܢ#3#/ ܗܘܘ ܡܐܐ ܘܬܡܢܐܝܢ ܐܠܦܝ̈ܢ ܥ݁ܒܕ̈ܝ ܩܪܒܐ܂
17:19	ܗܠܝܢ ܟܠܗܘܢ ܕܡܫܡܫܝܢ ܠܡܠܟܐ ܝܗܘܫܦܛ܃ ܣܛܪ ܡܢ ܕܐܫܠܛ/ܕܫܠܛ#3#/ ܡܠܟܐ ܒܩܘܪ̈ܝܐ ܕܬܘܩܦܐ ܒܟܠܗ݀ ܐܪܥܐ ܕܝܗܘܕܐ܂