The Comprehensive Aramaic Lexicon

19:01	ܘܗܦܟ ܝܗܘܫܦܛ ‍<‍ܡܠܟܐ#3#‍>‍ ܠܐ̈ܦܝ ܪܡܫܐ ܠܒܝܬܗ ܒܫܠܡܐ ܠܐܘܪܫܠܡ܂
19:02	ܘܢܦܩ ܠܐܘܪܥܗ ܒܪ ܚܢܢ ܚܙܝܐ܃ ܘܐܡܪ ܠܡܠܟܐ ܝܗܘܫܦܛ܂ ܠܡܥܕܪܘ ܠܪܫܝܥܐ ܐܙܠܬ܂ ܘܠܣ̈ܢܐܘܗܝ ܕܡܪܝܐ ܪܚܡܬ܃ ܡܛܘܠ ܗܢܐ ܪܓܙ ܡܪܝܐ ܥܠܝܟ܂
19:03	ܐܠܐ ܡܗܝܡܢ ܐܢܐ ܕܦܬܓ̈ܡܐ ܛܒ̈ܐ ܐܫܬܡܥܘ ܡܢܟ܂ ܡܛܠ ܕܕܡܐ ܙܟܝܐ ܠܐ ܐܫܕܬ ܒܐܪܥܐ܂ ܘܐܬܩܢܬ ܠܒܟ ܠܡܨܠܝܘ ܩܕܡ ܡܪܝܐ ܒܩܘܫܬܐ܂
19:04	ܘܝܬܒ ܝܗܘܫܦܛ ܒܐܘܪܫܠܡ܂ ܘܗܦܟ ܘܢܦܩ ܡܢ ܒܪܫܒܥ ܡܕܝܢܬܐ܂ ܘܡܛܝ ܠܛܘܪܐ ܕܐܦܪܝܡ܂ ܘܐܗܦܟ ܐܢܘܢ ܠܡܕܚܠ ܩܕܡ ܡܪܝܐ ܐܠܗܐ ܕܐܒܗ̈ܬܗܘܢ܂
19:05	ܘܐܩܝܡ ܕܝ̈ܢܐ ܒܐܪܥܐ܃ ܒܟܠܗܝܢ ܩܘܪ̈ܝܐ ܕܝܗܘܕܐ ܥܫܝ̈ܢܬܐ ܘܒܩܘܪ̈ܝܐ/ܘܩܘܪ̈ܝܐ#3#/ ܓܢܒܪ̈ܬܐ܂
19:06	ܘܐܡܪ ܠܕܝ̈ܢܐ܂ ܚܙܘ ܡܢܐ \ܥ݁ܒܕܝܢ ܐܢܬܘܢ܂ /ܐܢܬܘܢ ܥ݁ܒܕܝܢ ܡܛܠ#3#/ ܕܠܐ ܗܘܐ ܠܒܢ̈ܝ ܐܢܫܐ ܕܝ݁ܢܝܢ ܐܢܬܘܢ ܐܠܐ ܠܡܪܝܐ ܐܠܗܢ܂ ܘܐܬܥܫܢܘ ܘܕܘܢܘ ܕܝ݂ܢܐ ܕܩܘܫܬܐ܂ ܘܢܗܘܐ ܡܪܝܐ ܥܡܟܘܢ ܠܥܠܡ܂

19:07	ܘܛܪܘ ܘܥܒܕܘ ܡܛܠ ܕܠܝܬ ܩܕܡ ܡܪܝܐ ܐܠܗܢ ܥܘ݂ܠܐ ܘܡܣܒ ܒܐ̈ܦܐ ܘܩܘܒܠܐ ܕܫܘܚܕܐ܂

19:08	ܘܐܦ ܒܐܘܪܫܠܡ ܐܩܝܡ ܝܗܘܫܦܛ ܡܢ ܠܘ̈ܝܐ ܘܡܢ ܟܗ̈ܢܐ܃ ܘܡܢ ܪ̈ܝܫܐ ܕܐܒܗ̈ܬܐ ܕܒܢ̈ܝ ܐܝܣܪܝܠ ܠܕܝ݂ܢܐ ܕܡܪܝܐ܂ ܘܗܦܟ ܠܐܘܪܫܠܡ܂
19:09	ܘܦܩܕ ܐܢܘܢ ܘܐܡܪ ܠܗܘܢ܂ ܗܟܢܐ ܬܥܒܕܘܢ ܠܕܚܠܬܗ ܕܡܪܝܐ ܒܗܝܡܢܘܬܐ ܘܒܠܒܐ ܫܠܡܐ܃
19:10	ܟܠ ܕܝ݂ܢܐ ܕܐܬܐ ܠܘܬܟܘܢ ܡܢ ܐܚܝ̈ܟܘܢ ܕܝܬ݁ܒܝܢ ܒܩܘܪ̈ܝܟܘܢ܂ ܒܝܬ ܕܡܐ ܠܕܡܐ܃ ܘܒܝܬ ܢܡܘܣܐ ܠܦܘܩܕܢܐ ܘܠܕܝ݂ܢܐ܃ ܘܬܙܗܪܘܢ ܐܢܘܢ ܕܠܐ ܢܚܘܒܘܢ ܩܕܡ ܡܪܝܐ܃ ܘܢܪܓܙ ܥܠܝܗܘܢ ܘܥܠ ܐܚܝ̈ܗܘܢ܂ ܗܟܢܐ ܬܥܒܕܘܢ ܘܠܐ ܬܚܘܒܘܢ܂
19:11	ܘܗܐ ܐܩܝܡܬ ܥܠܝܟܘܢ ܟܗ̈ܢܐ܃ ܕܢܕܘܢܘܢ ܕܝ݂ܢܐ ܕܩܘܫܬܐ ܘܕܝ݂ܢܐ ܕܗܝܡܢܘܬܐ ܐܝܟ ܦܘܩܕܢܗ ܕܡܪܝܐ܂ ܘܙܟܪܝܐ ܒܪ ܫܡܥܝܐ܂ ܚܘܝ ܠܟܠܗܘܢ ܕܒܝܬ ܝܗܘܕܐ܃ ܟܘܠܗܘܢ ܦܘܩܕ̈ܢܘܗܝ ܕܡܠܟܐ܂ ܘܚܘܝ ܠܣ݁ܦܪ̈ܐ ܘܠܠܘ̈ܝܐ/ܘܠܘ̈ܝܐ#3#/܃ ܘܟܠ ܡܕܡ ܩܕܡܝܗܘܢ ܬܢܝ/ܬܢܝ#3#/܂ ܘܐܡܪ ܠܗܘܢ܂ ܐܬܥܫܢܘ ܘܥܒܕܘ܂ ܘܢܗܘܐ ܡܪܝܐ ܒܥܕܪܟܘܢ/ܒܥܘܕܪܢܟܘܢ#2#/ ܠܥܠܡ܂