← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

62039: P 2Ch

Click on a word for lexical analysis
Click on a red-colored coordinate for comments and/or translations of the line

previous chapter


32:01 ܒܬܪ ܡ̈ܠܐ ܗܠܝܢ܂ ܘܩܘܫܬܐ ܗܢܐ ܕܥܒܕ ܚܙܩܝܐ܂ ܐܬܐ ܣܢܚܝܪܝܒ ܡܠܟܐ ܕܐܬܘܪ܂ ܘܫܪܐ ܥܠ ܝܗܘܕܐ܂ ‍<‍ܘܫܪܐ#3#‍>‍ ܥܠ ܚܣ̈ܢܐ ܥܫܝ̈ܢܐ܂ ܘܐܡܪ ܠܥܡܘܪ̈ܝܗܘܢ܂ ܩܒܠܘ ܝܡܝܢܐ ܘܬܘ ܠܘܬܝ܂
32:02 ܘܚܙܐ ܚܙܩܝܐ ܕܐܬܐ ܣܢܚܝܪܝܒ ܡܠܟܐ ܕܐܬܘܪ ܘܚܝܠܘ̈ܬܗ ܠܩܪܒܐ ܠܐܪܫܠܡ܂
32:03 ܘܐܬܡܠܟ ܗܘ ܘܫܠܝ̈ܛܢܘܗܝ ܘܓܢܒܪ̈ܘܗܝ܂ ܠܡܟܣܝܘ ܡ̈ܝܐ ܕܥܝܢ̈ܬܐ ܕܐܝܬ ܠܒܪ ܡܢ ܡܕܝܢܬܐ܂ ܘܥܕܪܘܗܝ ܫܠܝܛܢ̈ܘܗܝ܂
32:04 ܘܐܬܟܢܫ ܥܡܐ ܕܝܣܪܝܠ ܣܘܓܐܐ ܕܛܒ܂ ܘܟܣܝܘ ܟܠܗܝܢ ܥܝܢ̈ܬܐ \ܘܢܚ̈ܠܐ ܪ̈ܘܪܒܐ ܕܐܝܬ /ܘܢܚܠܐ ܪܒܐ ܕܐܝܬ ܗܘܐ#3#/ ܒܓܘ ܐܪܥܐ܂ ܡܛܠ ܕܐܡ݁ܪܝܢ܂ ܕܠܡܐ/ܠܐ#2#/ܕܕܠܡܐ#3#/ ܢܐܬܐ ܡܠܟܐ ܕܐܬܘܪ܂ ܘܢܫܟܚܘܢ ܡ̈ܝܐ ܣ̈ܓܝܐܐ܃
32:05 ܘܢܬܓܒܪܘܢ ܘܢܒܢܘܢ ܫܘܪܐ ܠܘܩܒܠ ܫܘܪܐ ܐܚܪܢܐ܃ ܘܢܛܡܡܘܢ ܚܐܪܝܬܐ ܕܥܒܕ ܕܘܝܕ܂ ܘܥܒܕ ܚܙܩܝܐ ܙܝܢܐ ܣܓܝܐܐ ‍<‍ܕܛܒ#3#‍>‍܂ ܘܣܟܪ̈ܐ ܘܪ̈ܘܡܚܐ܂
32:06 ܘܐܩܝܡ ܓܒܪ̈ܐ/ܓܢܒܪ̈ܐ#3#/ ܥ݁ܒܕ̈ܝ ܩܪܒܐ ܥܠ ܥܡܐ܂ ܚܕ ܥܠ ܥܣܪܐ܂ ܘܟܢܫ ܐܢܘܢ ܠܘܬܗ܂ ܠܘܬ ܫܘܩܐ/ܫܘܪܐ#3#/ ‍<‍ܪܒܐ#3#‍>‍ ܕܩܪܝܬܐ܂ ܘܡܠܠ ܥܡ ܟܠܗܘܢ ܘܐܡܪ ܠܗܘܢ܂
32:07 ܐܬܓܒܪܘ/ܐܬܓܢܒܪܘ#3#/ ܘܐܬܥܫܢܘ/ܘܐܬܟܬܫܘ#3#/ ܠܐ ܬܕܚܠܘܢ ܘܠܐ ܬܙܘܥܘܢ܂ ܡܢ ܩܕܡ ܡܠܟܐ ܕܐܬܘܪ܃ ܘܡܢ ܩܕܡ ܚܝ̈ܠܘܬܐ ܕܐܬܘ/ܕܐܝܬ#3#/ ܥܡܗ܂ ܕܥܡܢ/ܥܡܢ#3#/ ܕܝܠܢ ܣܓܝ ܡܢ ܕܥܡܗ/ܥܡܗ#3#/܂
32:08 ܥܡܗ ܚܝܠܐ ܕܒܣܪܐ܂ ܘܥܡܢ ܡܪܝܐ ܐܠܗܢ܂ ܕܢܥܕܪܢ ܘܢܬܟܬܫ ܒܬܟܬܘܫܢ܂ ܘܐܬܡܠܝ ܒܠܒܗ ܕܥܡܐ ܥܠ ܦܬܓܡ̈ܘܗܝ ܕܚܙܩܝܐ ܡܠܟܐ ܕܒܝܬ ܝܗܘܕܐ
32:09 ܘܡܢ ܒܬܪ ܗܠܝܢ ܫܕܪ ܣܢܚܝܪܝܒ ܡܠܟܐ ܕܐܬܘܪ ܠܪܒ ܫܩܐ ܘܐܬܐ ܠܐܪܫܠܡ ܘܥܒ݂ܕ̈ܘܗܝ ܥܡܗ܂ ܘܗܘ ܫܪܐ/ܕܫܪܐ#3#/ ܗܘܐ ܥܠ ܠܟܝܫ܂ ܘܫܠܝ̈ܛܢܘܗܝ ܥܡܗ܂ ܥܠ ܟܠܗܘܢ ܕܒܝܬ ܝܗܘܕܐ ܕܐܝܬ ܒܐܘܪܫܠܡ܂ ܘܐܡܪ ܠܗܘܢ
32:10 ܗܟܢܐ ܐܡ݁ܪ ܣܢܚܝܪܝܒ ܡܠܟܐ ܕܐܬܘܪ܂ ܥܠ ܡ݁ܢ ܬܟܝܠܝܢ/ܕܬܟܝܠܝܢ#3#/ ܐܢܬܘܢ ܕܝ݁ܬܒܝܢ ܐܢܬܘܢ ܒܚܒܘܫܝܐ/ܒܚܒܘܫܬܐ#3#/ ܒܐܘܪܫܠܡ܂
32:11 ܗܘ ܚܙܩܝܐ ܡܛܥܐ ܠܟܘܢ ܠܡܫܠܡܘܬܟܘܢ ܕܬܡܘܬܘܢ ܒܟܦܢܐ ܘܒܨܗܝܐ܂ ܘܡܛܥܐ ܠܟܘܢ ܘܐܡ݁ܪ ܠܟܘܢ܂ ܕܡܪܝܐ ܐܠܗܢ ܢܦܨܝܢ ܡܢ ܐܝ̈ܕܘܗܝ ܕܡܠܟܐ ܕܐܬܘܪ܂
32:12 ܐܝܟܐ/ܐܝܢܐ#2#/ ܗܘ ܚܙܩܝܐ ܕܐܥܒܪ ܥܠܘ̈ܬܐ ܘܡܕ̈ܒܚܐ܂ ܘܐܡܪ ܠܕܒܝܬ ܝܗܘܕܐ ܘܠܥܡܘܪ̈ܝܗ݀/ܘܥܡܘܪ̈ܝܗ݀#3#/ ܕܐܘܪܫܠܡ܂ ܕܩܕܡ ܡܕܒܚܐ ܚܕ ܬܣܓܕܘܢ܂ ܘܥܠܘܗܝ ܬܣܩܘܢ ܒܣ̈ܡܐ܂
32:13 ܘܟܒܪ ܬܕܥܘܢ ܡܕܡ ܕܥܒܕܬ ܐܢܐ ܘܐܒܗ̈ܝ ܠܟܠܗܘܢ ܥܡ̈ܡܐ ܕܒܡܕ̈ܝܢܬܐ/ܕܡܕ̈ܝܢܬܐ#3#/܂ ܘܠܐ ܐܫܟܚܘ ܐܠܗ̈ܐ ܕܥܡ̈ܡܐ ܗܠܝܢ ܠܡܦܨܝܘ ܡܕܝܢ̈ܬܗܘܢ ܡܢ ܐܝܕ̈ܝ܂
32:14 ܡܢܘ ܐܝܬ ܒܟܠܗܘܢ ܐܠܗܝ̈ܗܘܢ ܕܥܡ̈ܡܐ ܗܠܝܢ ܕܚܪܒܘ ܐܒܗ̈ܝ ܕܐܫܟܚܘ ܠܡܦܨܝܘ ܡܕܝܢ̈ܬܗܘܢ܃ ܡܢ ܐܝ̈ܕܝ ܕܡܫܟܚ ܡܪܝܐ ܠܡܦܨܝܘܬܟܘܢ ܡܢ ܐܝܕ̈ܝ܂
32:15 ܘܐܦ ܗܫܐ ܠܐ ܢܛܥܝܟܘܢ ܚܙܩܝܐ ܘܠܐ ܢܬܟܠܟܘܢ ܥܠ ܗܕܐ܂ ܠܐ ܬܗܝܡܢܘܢܝܗܝ܂ ܡܛܠ ܕܠܐ ܡܫܟܚ ܐܠܗܟܘܢ ܠܡܦܨܝܘܬܟܘܢ ܡܢ ܐܝ̈ܕܝ܂ ܟܠ ܥܡ̈ܡܐ ܘܡܠܟ̈ܘܬܐ/ܕܡܠܟ̈ܘܬܐ#3#/ ܠܐ ܐܫܟܚܘ ܠܡܦܨܝܘ ܡܕܝܢ̈ܬܗܘܢ ܡܢ ܐܝ̈ܕܝ܃ ܘܡܢ ܐܝܕܐ ܕܐܒ̈ܗܝ܂ ܘܐܦ ܐܠܗܟܘܢ ܠܐ ܡܫܟܚ ܠܡܦܨܝܘܬܟܘܢ ܡܢ ܐܝ̈ܕܝ܂
32:16 ܗܠܝܢ ܡܠܠܘ ܗܘܘ ܥܒ݂ܕ̈ܘܗܝ ܩܕܡ ܡܪܝܐ ܐܠܗܐ ܘܩܕܡ ܚܙܩܝܐ ܥܒ݂ܕܗ܂
32:17 ܘܐܓܪ̈ܬܐ ܟܬܒ ܠܡܚܣܕܘ ܠܡܪܝܐ ܐܠܗܐ ܕܐܝܣܪܝܠ ܘܠܡܐܡܪ ܠܗ ܠܥܡܐ ܕܐܝܣܪܝܠ܂ ܕܐܠܗ̈ܐ ܕܡܕܝ̈ܢܬܐ ܗܠܝܢ ܠܐ ܐܫܟܚܘ ܠܡܦܨܝܘ ܡܕܝܢ̈ܬܗܘܢ ܡܢ ܐܝܕ̈ܝ܂ ܐܦ ܐܠܗܗ ܕܚܙܩܝܐ ܠܐ ܡܫܟܚ ܠܡܦܨܝܘ ܡܕܝܢܬܗ ܡܢ ܐܝ̈ܕܝ܂
32:18 ܘܩܪܘ ܒܩܠܐ ܪܡܐ ܒܠܫܢܐ ܝܗܘܕܝܐ ܠܥܡܐ ܕܝ݁ܬܒܝܢ ܥܠ ܫܘܪܐ ܕܐܘܪܫܠܡ܂ ܕܢܕܚܠܘܢ ܐܢܘܢ ܘܢܙܝܥܘܢ ܐܢܘܢ܂ ܡܛܘܠ ܕܢܐܚܕܘܢ ܫܘܪܐ ܕܡܕܝܢܬܐ܂
32:19 ܘܡܠܠܘ ܒܐܠܗ̈ܐ ܕܥܡ̈ܡܐ ܕܐܪܥܐ܂ ܘܐܦ ܒܐܠܗܐ ܕܫܠܝܛ ܒܐܘܪܫܠܡ܂ ܕܗܘ/ܘܗܘ#3#/ ܢܦܪܘܥ ܐܢܘܢ ܥ݁ܒ̈ܕܐ ܕܐܝܕ̈ܝܗܘܢ܂
32:20 ܘܨܠܝ ܚܙܩܝܐ ܘܐܫܥܝܐ ܒܪ ܐܡܘܨ ܢܒܝܐ ܡܛܠ ܗܕܐ܂ ܘܫܡܥ ܡܪܝܐ ܒܩܠܐ ܕܨܠܘܬܗܘܢ܂
32:21 ܘܫܕܪ ܡܪܝܐ ܡܠܐܟܐ ܡܢ ܩܕܡܘܗܝ܃ ܘܚܪܒ ܟܠܗܘܢ ܓܢܒܪ̈ܝ ܚܝܠܐ܂ ܘܡ̈ܠܟܐ/ܘܡܠܐ̈ܟܐ#3#/ ܘܫܠܝ̈ܛܢܐ ܕܗܘܘ ܒܡܫܪܝܬܗ ܕܡܠܟܐ ܕܐܬܘܪ܂ ܘܗܦܟ ܡܠܟܐ ܕܐܬܘܪ ܟܕ ܒܗ̈ܝܬܢ ܐܦܘ̈ܗܝ ܠܡܕܝܢܬܗ܂ ܘܐܬܐ ܠܒܝܬ ܐܠܗܘ̈ܗܝ܂ ܘܒܢ̈ܘܗܝ ܕܢܦܩܘ ܡܢ ܡܥܘ̈ܗܝ ܬܡܢ ܩܛܠܘܗܝ ܒܚܪܒܐ܂
32:22 ܘܦܪܩ ܡܪܝܐ ܠܚܙܩܝܐ/ܠܡܕܒܚܐ ܕܐܘܪܫܠܡ ܘܠܚܙܩܝܐ#3#/ ܘܠܟܠܗܘܢ ܥܡܘܪ̈ܝܗ݀ ܕܐܘܪܫܠܡ܃ ܡܢ ܐܝܕܘ̈ܗܝ ܕܣܢܚܝܪܝܒ ܡܠܟܐ ܕܐܬܘܪ ܘܡܢ ܐܝܕܐ ܕܟܠ ܒܥ̈ܠܝ ܬܚܘܡܗܘܢ܂
32:23 ܘܣ̈ܓܝܐܐ ܡܢ ܒܢ̈ܝ ܐܝܣܪܝܠ ܡܝܬܝܢ/ܕܡܝܬܝܢ#3#/ ܗܘܘ ܩܘܪ̈ܒܢܐ ܠܡܪܝܐ ܠܐܘܪܫܠܡ܂ ܘܝ݁ܗܒܝܢ ܗܘܘ ܡܘܗ̈ܒܬܐ ܠܚܙܩܝܐ ܡܠܟܐ ܕܒܝܬ ܝܗܘܕܐ܂ ܘܐܬܬܪܝܡ ܠܥܠ ܡܢ ܟܠܗܘܢ ܥܡ̈ܡܐ܂ ܘܡܢ ܒܬܪ ܗܠܝܢ
32:24 ܒܝܘ̈ܡܬܐ ܗ݀ܢܘܢ ܐܬܟܪܗ ܚܙܩܝܐ ܥܕܡܐ ܠܡܘܬܐ/ܠܡܡܬ#3#/܂ ܘܨܠܝ ܩܕܡ ܡܪܝܐ ܘܐܡܪ ‍<‍ܠܗ#3#‍>‍܂ ܓܒܪ̈ܘܬܐ/ܬܕܡܪ̈ܬܐ#3#/ ܣ̈ܓܝܐܬܐ ܥܒܕܬ ܠܝ/ܥܡܝ#3#/܂
32:25 ܘܠܐ ‍<‍ܗܘܐ#3#‍>‍ ܐܝܟ ܥ݁ܒܕ ܐܝ̈ܕܝ ܐܗܦܟܬ ܠܝ܂ ܘܗܢܐ ܕܐܬܟܪܗ ܚܙܩܝܐ܃ ܡܛܠ ܕܐܬܬܪܝܡ ܠܒܗ܂ ܘܗܘܐ ܥܠܘܗܝ ܪܘܓܙܐ ܘܥܠ ܕܒܝܬ ܝܗܘܕܐ܂ ܘܥܠ ܥܡܘܪ̈ܝܗ݀ ܕܐܘܪܫܠܡ܂
32:26 ܘܐܬܟܪܗ ܚܙܩܝܐ ܒܪܡܘܬܐ ܕܠܒܗ ܗܘ ܘܥܡܘܪ̈ܝܗ݀ ܕܐܪܫܠܡ܂ ܘܠܐ ܐܬܐ ܥܠܝܗܘܢ ܪܘܓܙܗ ܕܡܪܝܐ ܒܝܘ̈ܡܘܗܝ ܕܚܙܩܝܐ܂
32:27 ܘܗܘܐ ܠܚܙܩܝܐ ܥܘܬܪܐ ܘܐܝܩܪܐ ܣܘܓܐܐ ܕܛܒ܂ ܘܐܘܨܪ̈ܐ ܥܒܕ ܠܗ ܠܟܣܦܐ ܘܠܕܗܒܐ ܘܠܟܐ̈ܦܐ ܛܒ̈ܬܐ܃ ܘܠܒܣ̈ܡܐ ܘܠܡܪ̈ܓܢܝܬܐ/ܘܠܡܓ̈ܢܐ#3#/ܘܠܡܓ̈ܕܐ#3#/܂ ܘܠܡ̈ܐܢܝ ܪܓܬ/ܟܠ#3#/ ܪܓܬܐ܂
32:28 ܘܐܘܨܪ̈ܐ \ܠܥܠܠܬܐ ܕܥܒܘܪܐ /ܥܒܕ ܠܥܒܘܪܐ#3#/܂ ܘܕܚܡ݂ܪܐ/ܘܠܚܡܪܐ#3#/ ܘܡܫܚܐ/ܘܕܡܫܚܐ#3#/ܘܠܡܫܚܐ#3#/܂ ܘܐܘܪ̈ܘܬܐ ܠܟܠܗ݀ ܒܥܝܪܐ܂
32:29 ܘܩܘܪ̈ܝܐ ܠܒܥܝܪܐ ܘܠܥ̈ܢܐ ܘܠܬܘܪ̈ܐ ܘܠܚܝ̈ܘܬܐ܂ ܡܛܠ ܕܝܗܒ ܠܗ ܡܪܝܐ ܩܢܝܢܐ ܣܘܓܐܐ ܕܛܒ܂
32:30 ܘܗܘ ܚܙܩܝܐ ܛܡܪ ܡܦܩܢܐ \ܕܡ̈ܝܐ ܕܥܝܢܐ /ܕܝܡܐ ܕܝܡܬܐ#3#/ ܥܠܝܬܐ܂ ܘܫܕܐ ܐܢܘܢ ܠܓܒܐ/ܠܓܘܒܐ#3#/ ܡܥܪܒܝܐ/ܡܕܢܚܝܐ#2#/܂ ܠܩܪܝܬܗ/ܕܩܪܝܬܗ#3#/ ܕܕܘܝܕ܂ ܘܐܨܠܚ/ܘܐܟܫܪ#3#/ ܚܙܩܝܐ ܒܟܠܗܘܢ ܥ݁ܒܕܘ̈ܗܝ܂
32:31 ܘܬܒܥ ܗܘܐ ܢܡܘܣܐ ܕܡܪܝܐ܂ ܐܝܟܢܐ ܕܠܗ ܝܗܝܒ ܗܘܐ ܒܐܪܥܐ܂ ܘܝܕܥ ‍<‍ܗܘܐ#3#‍>‍ ܟܠܡܕܡ ܕܐܝܬ ‍<‍ܗܘܐ#2#‍>‍ ܒܠܒܗ܂
32:32 ܘܫܪܟܐ ܕܦܬܓܡ̈ܘܗܝ ܕܚܙܩܝܐ ܘܛܝܒ̈ܘܬܗ ܘܐܘܪ̈ܚܬܗ ܫܦܝܪ̈ܬܐ܂ ܗܐ ܗܢܘܢ ܟܬܝܒܝܢ ܒܢܒܝܘܬܗ ܕܐܫܥܝܐ ܒܪ ܐܡܘܨ ܢܒܝܐ܂ ܘܐܦ ܒܣ݂ܦܪܐ ܕܡ̈ܠܟܐ ܕܝܗܘܕܐ ܘܕܐܝܣܪܝܠ܂
32:33 ܘܫܟܒ ܚܙܩܝܐ ܥܡ ܐܒܗ̈ܬܗ ܘܩܒܪܘܗܝ ܒܩܪܝܬܐ/ܒܩܒܘܪܬܗ#3#/ ܕܕܘܝܕ܂ ܘܐܝܩܪܐ ܪܒܐ ܥܒܕܘ ܠܗ ܒܡܘܬܗ ܟܠܗܘܢ ܕܒܝܬ ܝܗܘܕܐ܂ ܘܗܦܟܘ ܠܐܘܪܫܠܡ܂ ܘܐܡܠܟ ܡܢܫܐ ܒܪܗ ܒܬܪܗ܂

next chapter