The Comprehensive Aramaic Lexicon

02:01	ܒܪܝ ܐܢ ܩܪܒܬ ܠܕܚܠܬܗ ܕܐܠܗܐ܂ ܐܫܠܡܬ ܢܦܫܟ ܠܟܘܠ ܢܣܝ̈ܘܢܝܢ܂
02:03	ܐܬܕܒܩ ܒܗ ܘܠܐ ܬܪܦܝܗ܂ ܡܛܠ ܕܬܬܚܟܡ ܒܐܘܪ̈ܚܬܟ܂
02:04	ܟܘܠ ܕܐܬܐ ܥܠܝܟ ܩܒܠ܂ ܘܒܡܪܥܐ ܘܒܡܣܟܢܘܬܐ ܐܓܪ ܪܘܚܟ܂

02:06	ܗܝܡܢ ܒܐܠܗܐ ܘܗܘ ܢܗܘܐ ܠܟ ܥܕܘܪܐ܂ ܣܒܪ ܒܗ ܘܗܘ ܢܬܪܨ ܐܘܪ̈ܚܬܟ܂

02:05	ܡܛܠ ܕܒܢܘܪܐ ܡܬܒܩܐ ܕܗܒܐ ܘܒܪܢܫܐ ܒܟܘܪܐ ܕܡܣܟܢܘܬܐ܂
02:07	ܕܚ̈ܠܘܗܝ ܕܡܪܝܐ ܣܒܪܘ ܠܛܘܒܗ܂ ܘܠܐ ܬܫܬܘܚܪܘܢ ܡܢ ܒܬܪܗ ܕܠܡܐ ܬܦܠܘܢ܂
02:08	ܕܚܠܘ̈ܗܝ ܕܡܪܝܐ ܗܝܡܢܘ ܒܗ܂ ܘܗܘ ܠܐ ܡܒܝܬ ܐܓܪܗܘܢ܀
02:09	ܕܚ̈ܠܘܗܝ ܕܡܪܝܐ ܣܒܪܘ ܠܛܘܒܗ܃ ܠܚܕܘܬܐ ܕܠܥܠܡ܃ ܘܠܦܘܪܩܢܐ܂
02:10	ܐܣܬܟܠܘ ܠܡܕܡ ܕܡܢ ܠܩܘܕܡܝܢ ܗܘܐ܂ ܘܠܕܡܢ ܕܪ̈ܝ ܥܠܡ̈ܐ ܐܬܒܝܢܘ ܘܚܙܘ܂ ܡܢܘ ܗܝܡܢ ܒܗ ܘܫܒܩܗ܃ ܐܘ ܡܢܘ ܐܬܬܟܠ ܥܠܘܗܝ ܘܐܪܡܝܗ܃ ܐܘ ܡܢܘ ܩܪܝܗܝ ܘܠܐ ܥܢܝܗܝ܂
02:11	ܡܛܠ ܕܚܢܢܐ ܗܘ ܘܪܚܡܬܢܐ ܡܪܝܐ܂ ܫܡܥ ܘܦܪܩ ܒܟܠܥܕܢ ܕܥܩܬܐ܂ ܘܫܡܥ ܒܩܠܐ ܕܥܒ̈ܕܝ ܨܒܝܢܗ܂
02:12	ܠܒܐ ܡܣܝܐ ܘܐܝ̈ܕܝܐ ܡܪ̈ܦܝܬܐ܂ ܒܪܢܫܐ ܕܦܣܥ ܥܠ ܫܒܝ̈ܠܐ ܣܓܝ̈ܐܐ܂
02:13	ܘܝ ܠܗ ܠܠܒܐ ܕܠܐ ܡܗܝܡܢ܂ ܐܦ ܗܘ ܠܐ ܢܬܩܝܡ܂
02:14	ܘܝ ܠܟܘܢ ܓܢܒܪ̈ܝ ܬܘܟܠܢܐ܂܂ ܡܢܐ ܬܥܒܕܘܢ ܟܕ ܢܕܘܢ ܡܪܝܐ܂
02:15	ܕܚ̈ܠܘܗܝ ܕܡܪܝܐ ܠܐ ܢܣܢܘܢ ܡܐܡܪܗ܂ ܘܐܝܠܝܢ ܕܪܚܡܝܢ ܠܗ ܢܛܪܘܢ ܐܘܪ̈ܚܬܗ܃
02:16	ܕܚ̈ܠܘܗܝ ܕܡܪܝܐ ܢܬܪܥܘܢ ܨܒܝܢܗ܂ ܘܪ̈ܚܡܘܗܝ ܢܐܠܦܘܢ ܢܡܘܣܗ܃
02:17	ܕܕܚܠ ܠܐܠܗܐ ܢܬܩܢ ܠܒܗ܂ ܘܕܫܒܩ ܠܗ ܡܘܒܕ ܪܘܚܗ܂
02:18	ܡܛܠ ܕܐܝܟ ܪܒܘܬܗ ܗܟܢܐ ܪ̈ܚܡܘܗܝ܃ ܘܐܝܟ ܫܡܗ ܗܟܢܐ ܥܒ̈ܕܘܗܝ܂