The Comprehensive Aramaic Lexicon

06:01	ܘܚܠܦ ܪܚܡܐ ܠܐ ܬܗܘܐ ܣܢܐܐ܂ ܕܠܐ ܫܡܐ ܒܝܫܐ ܘܩܠܠܐ ܬܐܪܬ܂ ܘܚܣܕܐ ܘܚܘ̈ܒܐ ܥܠ ܡܢ ܕܡܗܠܟ ܒܬܪ̈ܬܝܢ܂
06:02	ܠܐ ܬܫܬܠܡ ܒܐܝܕܐ ܕܢܦܫܟ܂ ܕܠܐ ܬ‍<‍ܥ‍>‍ܒ‍{‍ܥ‍}‍ܐ ܐܝܟ ܬܘܪܐ ܚܝܠܟ܂
06:03	ܛܪ̈ܦܝܟ ܬܬܪ̈ ܘܐܒܟ ܬܐܟܘܠ܂ ܘܬܫܒܩܟ ܐܝܟ ܐܝܠܢܐ ܝܒܝܫܐ܂
06:04	ܡܛܠ ܕܢܦܫܐ ܩܫܝܬܐ ܬܚܒܠ ܡܪܗ܂ ܘܚܕܘܬܐ ܠܣܢܐ̈ܘܗܝ ܬܥܒܕܝܘܗܝ܂
06:05	ܦܘܡܐ ܒܣܝܡܐ ܢܣܓܘܢ ܪ̈ܚܡܘܗܝ܂ ܘܣܦܘ̈ܬܗܘܢ ܕܟ̈ܐܢܐ ܫܐܠܬܐ ܕܫܠܡܐ܂
06:06	ܫܐ̈ܠܝ ܫܠܡܟ ܢܗܘܘܢ ܣܓܝܐ̈ܝܢ܂ ܘܒܥܠ ܐܪܙܟ ܚܕ ܡܢ ܐܠܦ܂
06:07	ܐܢ ܩܢܐ ܐܢܬ ܪܚܡܐ ܒܢܣܝܢܐ ܩܢܝܘܗܝ܂ ܘܠܐ ܬܣܬܪܗܒ ܠܡܬܬܟܠܘ ܥܠܘܗܝ܂
06:08	ܐܝܬ ܪܚܡܐ ܒܐܦ̈ܝ ܫܥܬܐ܂ ܘܠܐ ܩܐܡ ܒܥܕܢܐ ܕܐܘܠܨܢܐ܂
06:11	ܒܛܒ̈ܬܟ ܗܘܐ ܐܟܘܬܟ܂ ܘܒܒܝ̈ܫܬܟ ܡܬܪܚܩ ܡܢܟ܂
06:12	ܐܢ ܬܦܠ ܢܗܦܘܟ ܒܟ܂ ܘܡܢ ܩܕܡܝܟ ܢܐܙܠ ܘܢܬܛܫܐ܂
06:13	ܘܡܢ ܣܢܐܟ ܐܬܪܚܩ܂ ܘܡܢ ܪܚܡܐ ܗܘܝܬ ܙܗܝܪ܂

06:14	ܪܚܡܐ ܕܫܪܪܐ ܪܚܡܐ ܗܘ ܕܬܘܩܦܐ܂ ܘܡܫܟܚܢ̈ܘܗܝ ܡܫܟܚܝܢ ܣܝܡܬܐ܂

06:15	ܠܪܚܡ ܗܝܡܢܘܬܐ ܠܝܬ ܠܗ ܕܡ̈ܝܐ܂ ܘܠܝܬ ܡܬܩܠܐ ܠܛܝܒܘܬܗ܂
06:16	ܪܚܡ ܗܝܡܢܘܬܐ ܣܡܐ ܗܘ ܕܚܝ̈ܐ܂ ܘܐܝܢܐ ܕܕܚܠ ܠܐܠܗܐ ܗܘܝܘ܂
06:17	ܕܚ̈ܠܘܗܝ ܕܐܠܗܐ ܢܫܪܘܢ ܪܚܡܘܬܗܘܢ܂ ܡܛܠ ܕܐܟܘܬܗ ܗܟܢܐ ܪ̈ܚܡܘܗܝ܃ ܘܐܝܟ ܫܡܗ ܥܒ̈ܕܘܗܝ܀
06:18	ܒܪܝ ܡܢ ܛܠܝܘܬܟ ܩܒܠ ܝܘܠܦܢܐ܂ ܘܥܕܡܐ ܠܣܝܒܘܬܟ ܬܫܟܚ ܚܟܡܬܐ܂
06:19	ܐܝܟ ܙܪܘܥܐ ܘܐܝܟ ܚܨܘܕܐ ܩܪܘܒ ܥܠܝܗ܂ ܘܣܘܓܐܐ ܕܥ̈ܠܠܬܗ ܬܚܡܘܠ܂ ܐܝܟ ܥܡܠܐ ܙܥܘܪܐ ܬܥܡܠ܂ ܘܒܥܓܠ ܐܒܗ ܬܐܟܘܠ܂
06:20	ܟܡܐ ܩܫܝܐ ܥܠ ܣܟ̈ܠܐ ܚܟܡܬܐ܂ ܘܠܐ ܢܣܝܒܪܘܢܗ ܚܣܝܪ̈ܝ ܠܒܐ܂
06:21	ܐܝܟ ܟܐܦܐ ܗܝ ܝܩܝܪܬܐ ܥܠܘܗܝ܂ ܕܠܐ ܢ‍<‍ܘ‍>‍ܚ‍{‍ܘ‍}‍ܪ ܘܢܫܕܝܗ܃
06:22	ܫܡܗ ܐܝܟ ܝܘܠܦܢܗ܂ ܘܠܣܟ̈ܠܐ ܠܐ ܡܬܒܚܪܐ܀
06:23	ܫܡܥ ܒܪܝ ܘܩܒܠ ܝܘܠܦܢܝ܂ ܘܠܐ ܬܒܛܠ ܡܪܕܘܬܝ܂
06:24	ܐܥܠ ܪܓܠܟ ܒܡܨܝܕܬܗ܃ ܘܒܛܥܢܗ ܐܥܠ ܨܘܪܟ܂
06:25	ܩܪܒ ܟܬܦܟ ܘܫܩܘܠܝܗ܂ ܘܠܐ ܬܬܥܝܩ ܒܫܩܘܠܬܗ܃
06:26	ܒܟܠܗ ܠܒܟ ܩܪܘܒ ܥܠܝܗ܂ ܘܒܟܠܗ ܚܝܠܟ ܛܪ ܐܘܪ̈ܚܬܗ܂
06:27	ܒܕܩ ܘܒܨܝ ܘܒܥܝ ܘܬܫܟܚ܃ ܘܐܬܥܫܢ ܒܗ ܘܠܐ ܬܪ̈ܦܝܗ܂
06:28	ܘܒܚܪܬܗ ܬܫܟܚ ܢܝܚܐ ܘܬܦܢܝܩ̈ܐ܂ ܘܬܚܕܐ ܒܐܚܪܝܬܗ܃
06:29	ܘܢ̈ܗܘܝܢ ܠܟ ܡܨܝܕܬܗ ܡܘܬܒܐ ܥܫܝܢܐ܂
06:31	ܘܠܒܘܫܐ ܕܐܝܩܪܐ ܬܠܒܫܟ܂ ܘܟܠܝܠܐ ܕܬܫܒܘܚܬܐ ܬܩܛܪܟ܃
06:32	ܐܢ ܬܨܒܐ ܒܪܝ ܬܬܚܟܡ܂ ܘܐܢ ܬܣܝܡ ܠܒܠܟ ܬܗܘܐ ܥܪܝܡ܂
06:33	ܐܢ ܬܨܒܐ ܠܡܫܡܥ ܬܐܠܦ܂ ܘܐܢ ܬܪܟܢ ܐܕܢܟ ܬܬܚܟܡ܂
06:34	ܒܟܢܘܫܬܐ ܕܣܒ̈ܐ ܗܘܝܬ ܩܐܡ܂ ܘܚܙܝ ܡܢܘ ܚܟܝܡ ܐܬܕܒܩ ܠܗ܃
06:35	ܟܠ ܫܘ̈ܥܝܬܐ ܗܘܝܬ ܨܒܐ ܠܡܫܡܥ܂ ܘܡ̈ܬܠܐ ܕܚܟܝܡ̈ܐ ܠܐ ܢܦܠܛܘܢܟ܃
06:36	ܚܙܝ ܡܢܘ ܚܟܝܡ ܘܒܥܝܘܗܝ܃ ܘܬܕܪܘܫ ܐܣܟܦܬܗ ܪܓܠܟ܂
06:37	ܐܣܬܟܠ ܒܕܚܠܬܗ ܕܐܠܗܐ܂ ܘܒܦܘܩ̈ܕܢܘܗܝ ܗܘܝܬ ܪܢܐ ܒܟܠܝܘܡ܂ ܘܗܘ ܢܬܩܢ ܐܘܪ̈ܚܬܟ܂ ܘܡܢ ܡܐ ܕܐܬܪܓܪܓܬ ܢܠܦܟ܂