← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

62066: Sirach

Click on a word for lexical analysis
Click on a red-colored coordinate for comments and/or translations of the line

previous chapter


19:01 ܦܥܠܐ ܪܘܝܐ ܠܐ ܢܥܬܪ܃ ܘܕܪܚܡ ܒܣܪܐ ܢܐܪܬ ܡܣܟܢܘܬܐ܂
19:02 ܚܡܪܐ ܘܐܢܬܬܐ ܡܦܚܙܝܢ ܠܒܐ܂ ܘܕܡܬܕܒܩ ܠܙܢܝܬܐ ܢܐܒܕ܂
19:03 ܢܦܫܐ ܚܨܝܦܬܐ ܬܘܒܕ ܡܪܗ܂
19:04 ܘܕܡܗܝܡܢ ܒܥܓܠ ܚܣܝܪ ܪܥܝܢܐ ܗܘ܂ ܕܡܚܛܐ ܢܦܫܗ ܡܢܘ ܢܙܟܝܘܗܝ܂
19:05 ܘܕܚܕܐ ܥܠ ܒܝܫܬܐ ܢܗܘܐ ܬܒܪܗ܂
19:06 ܕܬܢܐ ܡܠܬܐ ܚܣܝܪ ܪܥܝܢܐ ܗܘ܃
19:07 ܠܥܠܡ ܠܐ ܬܬܢܐ ܡܠܬܐ܂ ܘܐܢܫ ܠܐ ܢܚܣܕܟ
19:08 ܒܪܚܡܐ܂ ܘܒܣܢܐܐ ܠܐ ܬܕܓܠ܂ ܘܐܢ ܐܝܬ ܠܟ ܚܛܗܐ ܒܥܝ ܥܠܝܗܘܢ܂ ܘܠܥܠܡ ܩܪ̈ܨܐ ܕܐܢܫ ܠܐ ܬܐܟܘܠ܂
19:09 ܕܠܐ ܡ݁ܢ ܕܢܫܡܥܟ/ܕܫܡ݁ܥ#1#/ ܢܣܢܝܟ܂ ܘܐܝܟ ܣܪܘܚܐ ܢܚܫܒܟ܂
19:10 ܫܡ݂ܥܬ ܡܠܬܐ ܬܡܘܬ ܒܠܒܟ܂ ܠܐ ܗܘ݂ܬ ܓܐܪܐ ܕܬ݂ܒܙܥܟ ܘܬܦܘܩ܂
19:11 ܡܢ ܩܕܡ ܡܠܬܐ ܡܚܒܠ ܣܟܠܐ܂ ܐܝܟ ܕܡܚܒܠܐ ܝܠܕܬܐ ܡܢ ܩܕܡ ܥܘܠܗ܃
19:12 ܐܝܟ ܓܐܪܐ ܕܡܚܐ ܒܚܪܘܬܗ ܕܓܒܪܐ܂ ܗܟܢܐ ܡܠܬܐ ܒܡܥ̈ܘܗܝ ܕܣܟܠܐ܀
19:13 ܐܟܣ ܪܚܡܟ ܕܠܐ ܢܥܒܕ ܕܒܝܫ܂ ܘܐܢ ܥܒܕ ܕܠܐ ܢܘܣܦ܂
19:14 ܐܟܣ ܩܪܝܒܟ܂ ܕܠܡܐ ܢܐܡܪ܂ ܘܐܢ ܐܡܪ ܕܠܐ ܢܬܢܐ܂
19:15 ܐܟܣ ܪܚܡܟ ܡܛܠ ܕܟܡܐ ܙܒ̈ܢܝܢ ܗܘܐ ܡܐܟܠ ܩܪܨܐ ܣܪܝܩܐ܂ ܘܠܐ ܠܟܠ ܡܠܐ ܢܗܝܡܢ ܠܒܟ܂
19:16 ܐܝܬ ܓܝܪ ܕܚܛܐ ܘܠܐ ܡܢ ܠܒܗ܂ ܘܐܝܬ ܕܡܬܬܩܠ ܘܠܐ ܒܠܫܢܗ܂
19:17 ܐܟܣ ܠܒܝܫܐ ܕܠܣ̈ܓܝܐܐ ܛܠܡ܂ ܘܠܐ ܠܟܘܠ ܡܠܐ ܬܗܝܡܢܝܘܗܝ܂
19:20 ܡ̈ܠܐ ܕܢܒܝܘܬܐ ܘܟܠ ܚܟܡܬܐ ܕܚܠܬܗ ܕܡܪܝܐ܂ ܘܕܚܠܬܗ ܕܐܠܗܐ ܗܝ݂ ܗܝ ܚܟܡܬܐ܂
19:22 ܠܝܬ ܚܟܝܡܐ ܕܒܝܫ܃ ܘܠܝܬ ܬܪܥܝܬܐ ܕܚܛܝ̈ܐ ܕܣܟܘܠܬܢܝܐ܂
19:23 ܐܝܬ ܥܪܝܡܘܬܐ ܕܒܪܝܐ ܚܛܗ̈ܐ܂ ܘܐܝܬ ܣܟܠܐ ܕܚܣܝܪ ܚܛܗ̈ܐ܂
19:24 ܐܝܬ ܚܣܝܪ ܡܕܥܐ ܕܡܬܦܨܐ ܡܢ ܚܛܗ̈ܐ܂ ܘܐܝܬ ܝܬܝܪ ܡܕܥܐ ܕܚܛܐ܂
19:25 ܐܝܬ ܕܥܪܝܡ ܘܨܒܐ ܠܡܕܓܠܘ܃ ܘܡܬܥܩܡ ܠܡܓܠܐ ܕܝܢܐ܂
19:26 ܐܝܬ ܕܡܬܚܙܐ ܐܝܟ ܡܟܝܟܐ ܘܐܝܟ ܬܒܝܪ ܢܦܫܐ܂ ܘܓܘ ܠܒܗ ܡܠܐ ܢܟܠܐ܂
19:27 ܐܝܬ ܕܡܪ̈ܟܢܢ ܐܦܘ̈ܗܝ ܘܡܬܪܥܐ ܒܝܫܬܐ܂ ܘܒܐܬܪ ܕܠܐ ܝܕܥܝܢ ܠܗ ܩܪܝܢ ܠܗ ܟܐܢܐ܂
19:28 ܐܝܬ ܕܡܛܠ ܕܠܝܬ ܒܗ ܚܝܠܐ ܡܬܟܠܐ ܡܢ ܕܠܡܚܛܐ܂ ܘܐܢ ܡܫܟܚ ܠܡܒܐܫܘ ܡܒܐܫ܂
19:29 ܐܝܬ ܕܡܢ ܚܙܘܐ ܕܐܦܘ̈ܗܝ ܦܪܫ ܠܗ ܓܒܪܐ܃ ܘܡܢ ܩܒܘܠ ܝܕܥ ܠܗ ܚܟܝܡܐ܂
19:30 ܚܙܘܗ ܕܓܒܪܐ ܡܚܘܐ ܥܒ̈ܕܘܗܝ܃ ܘܦܣ̈ܥܬܗ ܕܒܪ ܐܢܫܐ ܡܣ̈ܗܕܢ ܥܠܘܗܝ

next chapter