The Comprehensive Aramaic Lexicon

21:02	ܒܪܝ ܣܓܝ ܗܘܝܬ ܥܪܩ ܡܢ ܚܛܗܐ܂ ܘܐܢ ܬܩܪܘܒ ܠܘܬܗ ܢܟܬܟ܂ ܐܝܟ ܫ̈ܢܝ ܐܪܝܐ ܗܝ ܕܓܠܘܬܐ܂ ܘܡܚܒܠܐ ܢܦܫ̈ܬܐ ܕܒܢܝܢ̈ܫܐ܂
21:03	ܣܝܦܐ ܕܬܪ̈ܝܢ ܦܘܡ̈ܘܗܝ ܙܢܝܬܐ܂ ܘܠܡܚܘܬܗ ܠܝܬ ܐܣܝܘܬܐ܂
21:04	ܡܢ ܨܦܪܐ ܠܪܡܫܐ ܡܚܪܒܐ ܡܕܝܪ̈ܐ܂ ܘܐܦܕ̈ܢܐ ܣܓܝ̈ܐܐ ܥܩܪܐ܂
21:05	ܨܠܘܬܗ ܕܡܣܟܢܐ ܐܝܟ ܕܡܢ ܦܘܡܗ ܠܐܕܢܗ܂ ܘܩܕܡ ܕܝ݁ܢܐ ܕܥܠܡ̈ܐ ܣܠܩܐ܂
21:06	ܣܢܐ ܡܟܣܢܘܬܐ ܓܒܪܐ ܥܘܠܐ܂ ܘܕܕܚܠ ܠܐܠܗܐ ܬܐܒ ܡܢ ܠܒܗ܂
21:07	ܚܟܝܡܐ ܡܢ ܩܒܘܠ ܥܝܢܘ̈ܗܝ ܡܫܬܘܕܥ܂ ܘܒܩܐ ܗܘ ܒܥܓܠ ܠܥܘ̈ܠܐ܂
21:08	ܕܒܢܐ ܒܝܬܗ ܒܚܝܠܐ ܕܚܒܪ̈ܘܗܝ܂ ܡܟܢܫ ܟܐ̈ܦܐ ܠܝܓܪܗ܃
21:09	ܐܝܟ ܡܣܩܬܐ ܕܚܠܐ ܒܪ̈ܓܠܘܗܝ ܕܓܒܪܐ ܩܫܝܫܐ܂ ܗܢܐ ܬܘܩܦܗܘܢ ܕܥܘ̈ܠܐ ܠܘܬ ܢܘܪܐ܃
21:10	ܘܫܒܝܠܗ ܕܪܫܝܥܐ ܬܘܩܠܬܐ ܗܘ ܠܗ܃ ܡܛܠ ܕܚܪܬܗ ܓܘܒܐ ܗܘ ܥܡܝܩܐ܂
21:11	ܕܢܛܪ ܢܡܘܣܐ ܐܠܨ ܝܨܪܗ܃ ܘܕܕܚܠ ܠܐܠܗܐ ܠܐ ܢܚܣܪ ܠܗ ܡܕܡ܂
21:13	ܡܕܥܗ ܕܚܟܝܡܐ ܐܝܟ ܡܒܘܥܐ ܕܡܝ̈ܐ ܢܣܓܐ܂ ܘܬܪܥܝܬܗ ܐܝܟ ܡܝ̈ܐ ܚܝ̈ܐ܀
21:14	ܠܒܗ ܕܪܫܝܥܐ ܐܝܟ ܓܘܒܐ ܬܒܝܪܐ܂ ܘܟܘܠ ܚܝܘ̈ܗܝ ܚܟܡܬܐ ܠܐ ܢܐܠܦ܂
21:15	ܡܠܬܗ ܕܚܟܝܡܐ ܫܡܥ ܠܗ ܚܟܝܡܐ܂ ܘܠܗ ܡܘܕܐ ܘܥܠܝܗ ܡܘܣܦ܂ ܘܫܡܥ ܠܗ ܣܟܠܐ ܘܥܠܝܗ ܓܚܟ܂ ܘܪܡܐ ܠܗ ܠܚܕ ܡܢ ܓܒܘܗܝ܀
21:16	ܫܘܥ̈ܝܬܗ ܕܪܫܝܥܐ ܐܝܟ ܛܥܢܐ ܝܩܝܪܐ ܒܐܘܪܚܐ܂ ܘܟܠ ܡܡܠܠܗ ܕܙܕܝܩܐ ܛܝܒܘܬܐ
21:17	ܦܘܡܗ ܕܚܟܝܡܐ ܡܬܒܥܐ ܒܟܢܘܫܬܐ܂ ܘܠܡܡܠܠܗ ܢܣܝܡܘܢ ܠܒܗܘܢ܂
21:18	ܐܝܟ ܒܝܬ ܐܣܝܪ̈ܐ ܗܝ ܚܟܡܬܐ ܠܣܟܠܐ܂ ܘܡܕܥܐ ܠܫ̈ܛܝܐ ܐܝܟ ܓܘܡܪ̈ܐ ܕܢܘܪܐ܂
21:19	ܐܝܟ ܡܨܝܕܬܐ ܗܘ ܝܘܠܦܢܐ ܒܪ̈ܓܠܘܗܝ ܕܣܟܠܐ܂ ܘܐܝܟ ܐܣܘܪܐ ܥܠ ܝܡܝܢܗ܂
21:20	ܣܟܠܐ ܒܓܘܚܟܐ ܡܪܝܡ ܩܠܗ܂ ܘܓܒܪܐ ܚܟܝܡܐ ܒܢܝܚܐ ܓܚܟ܂
21:21	ܐܝܟ ܩܘܠܒܐ ܕܕܗܒܐ ܚܟܡܬܐ ܠܣܟܘܠܬܢܐ܃ ܘܐܝܟ ܨܦܬܐ ܥܠ ܐܝܕܗ ܕܝܡܝܢܐ܂
21:22	ܪ̈ܓܠܘܗܝ ܕܣܟܠܐ ܥܐܠܢ ܒܥܓܠ ܠܓܘ ܒܝܬܐ܃ ܘܓܒܪܐ ܚܟܝܡܐ ܡܕ̈ܟܢ ܐܦܘ̈ܗܝ܂
21:23	ܣܟܠܐ ܡܕܝܩ ܡܢ ܓܘ ܬܪܥܐ ܠܓܘ ܒܝܬܐ܂ ܘܐܝܩܪܗ ܕܓܒܪܐ ܕܢܩܘܡ ܡܢ ܠܒܪ ܘܢܡܠܠ܂
21:24	ܣܟܠܘܬܐ ܗܝ ܠܒܪܢܫܐ ܕܨܐܬ ܥܠ ܬܪܥܐ܂ ܘܠܚܟܝܡܐ ܩܫܐ ܨܥܪܗ܂

21:25	ܦܘܡܗ ܕܪܫܝܥܐ ܒܓܘܫܡܐ ܕܢܦܫܗ ܡܡܠܠ܂ ܘܒܡܬܩܠܐ ܡܡܠܠ ܚܟܝܡܐ܂

21:26	ܦܘܡܗ ܕܣܟܠܐ ܗܘܝܘ ܠܒܗ܂ ܘܦܘܡܗ ܕܚܟܝܡܐ ܒܠܒܗ܃
21:27	ܟܕ ܠܐܛ ܣܟܠܐ ܠܡܢ ܕܠܐ ܚܛܐ ܠܗ܃ ܗܘܝܘ ܡܠܝܛ ܠܢܦܫܗ܃ ܥܝܝܩܐ ܢܦܫܗ ܕܚܟܝܡܐ ܥܠ ܣܟܠܐ܂ ܕܠܐ ܝܕܥ ܡܢܐ ܢܐܡܪ ܠܗ܂