The Comprehensive Aramaic Lexicon

24:01	ܚܟܡܬܐ ܬܫܒܚ ܢܦܫܗ܃ ܘܒܓܘ ܥܡܗ ܕܐܠܗܐ ܬܬܝܩܪ܂
24:02	ܒܟܢܘܫܬܗ ܕܐܠܗܐ ܬܦܬܚ ܦܘܡܗ܃ ܘܒܓܘ ܚܝܠܘ̈ܬܗ ܬܫܬܒܚ܂
24:03	ܐܢܐ ܡܢ ܦܘܡܗ ܕܥܠܝܐ ܢܦܩܬ܂ ܘܐܝܟ ܥܪܦܠܐ ܟܣܝܬ ܐܪܥܐ܂
24:04	ܐܢܐ ܒܡܪ̈ܘܡܐ ܥ̈ܠܝܐ ܢܩܫܬ ܡܫܟܢܝ܂ ܘܟܘܪܣܝ ܒܥܡ̈ܘܕܝ ܥܢ̈ܢܐ܂
24:05	ܒܫܡܝܐ ܥܡܗ ܐܟܚܕܐ ܫܪܝܬ܂ ܘܒܥܩܪܐ ܕܬܗܘ̈ܡܐ ܐܢܐ ܗܠܟܬ܂
24:06	ܒܡܒܘ̈ܥܐ ܕܝܡ̈ܐ ܘܒܫܬܐ̈ܣܝܗ ܕܬܒܝܠ܂ ܘܒܟܠܗܘܢ ܥܡܡ̈ܐ ܘܐܡ̈ܘܬܐ ܐܫܬܠܛܬ܂
24:07	ܘܒܗܠܝܢ ܟܠܗܝܢ ܢܝ݁ܚܐ ܒܥܝܬ ܠܝ܂ ܕܒܐܝܢܐ ܝܘܬܪܢܐ ܐܫܪܐ܂
24:08	ܗܝܕܝܢ ܦܩܕܢܝ ܡܪܐ ܟܠ܂ ܘܡܢ ܕܥܒܕܢܝ ܘܐܫܪܝ ܡܫܟܢܝ ܐܡܪ ܠܝ܂ ܕܒܝܥܩܘܒ ܫܪܝ ܘܐܫܬܪܪ ܒܐܝܣܪܝܠ܂
24:09	ܡܢ ܩܕܡ ܥܠܡܐ ܐܬܒܪܝܬ܂ ܘܠܥܠܡ ܥܠܡܝܢ ܠܐ ܢܒܛܠ ܕܘܟܪܢܝ܂
24:10	ܒܡܫܟܢܐ ܩܕܝܫܐ ܩܕܡܘܗܝ ܫܡܫܬ܃ ܘܬܘܒ ܒܨܗܝܘܢ ܐܢܐ ܩܡܬ܂
24:11	ܒܩܪܝܬܐ ܕܪܚܝܡܐ ܠܗ ܐܟܘܬܝ ܐܬܢܝܚܬ܂ ܘܒܐܘܪܫܠܡ ܫܘܠܛܢܝ ܗܘܐ܂
24:12	ܘܐܬܪܒܝܬ ܒܥܡܐ ܝܩܝܪܐ܂ ܒܡܢܬܗ ܕܡܪܝܐ ܘܒܓܘ ܝܪܬܘܬܗ ܐܝܣܪܝܠ܂
24:13	ܐܝܟ ܐܪܙܐ ܐܬܪܒܝܬ ܒܠܒܢܢ܂ ܘܐܝܟ ܐܝܠܢܐ ܕܡܫܚܐ ܒܣܢܝܪ ܛܘܪܐ ܕܬܠܓܐ܂
24:14	ܘܐܝܟ ܕܩܠܐ ܐܬܪܒܝܬ ܒܥܝܢ ܓܕ ܘܐܝܟ ܥܪܒܬ ܘܪܕܐ ܒܐܝܪܝܚܘ܂ ܐܝܟ ܙܝܬܐ ܐܬܪܒܝܬ ܒܦܩܥܬܐ܂ ܘܐܬܪܒܝܬ ܐܝܟ ܕܘܠܒܐ ܥܠ ܡܝ̈ܐ܃
24:15	ܐܝܟ ܩܘܢܡܐ ܘܥܛܪܐ ܕܒܣ̈ܡܐ܂ ܘܐܝܟ ܡܘܪܐ ܛܒܐ ܐܒܣܡܬ ܪܝܚܝ܃ ܘܐܝܟ ܠܒܘܢܬܐ ܘܚܠܒܢܝܬܐ ܘܛܦܪܐ ܘܦܘܪܣܡܐ܂ ܘܐܝܟ ܡܫܚܐ ܛܒܐ ܝܗܒܬ ܪܝܚܝ܂
24:16	ܐܢܐ ܐܝܟ ܪܘܕܕܦܢܐ ܢܩܫܬ ܥܩܪ̈ܝ܂ ܘܣ̈ܘܟܝ ܣܘ̈ܟܝ ܬܫܒܘܚܬܐ ܘܐܝܩܪܐ܃
24:17	ܐܢܐ ܐܝܟ ܓܦܬܐ ܝܐܝܬ ܫܘܦܪܐ܂ ܘܢܘܪܒܝ ܢܘܪ̈ܒܝ ܙܝܘܐ ܘܗܕܪܐ܂
24:19	ܣܛܘ ܠܘܬܝ ܟܠ ܕܡܬܪܓܪܓܝܢ ܠܝ܂ ܘܡܢ ܥ̈ܠܠܬܝ ܛܒ̈ܬܐ ܬܬܦܢܩܘܢ܂
24:20	ܡܛܠ ܕܝܘܠܦܢܝ ܡܢ ܕܒܫܐ ܚܠܐ܂ ܘܠܕܝܪܬܝܢ ܠܝ ܡܢ ܟܟܪܝܬܐ܂
24:21	ܐܟܘ̈ܠܝ ܬܘܒ ܢܟܦܢܘܢ ܠܝ܂ ܘܫ̈ܬܝܝ܂ ܬܘܒ ܢܨܗܘܢ ܠܝ܂
24:22	ܕܫܡܥ ܠܝ ܠܐ ܢܦܠ܂ ܘܟܠ ܥܒ̈ܕܘܗܝ ܠܐ ܢܬܚܒܠܘܢ܂
24:23	ܗܠܝܢ ܟܠܗܝܢ ܒܣܦܪܐ ܕܩܝܡܗ ܕܡܪܝܐ ܟܬܝܒ̈ܢ܂ ܢܡܘܣܐ ܕܦܩܕܢ ܡܘܫܐ܂ ܝܘܪܬܢܐ ܗܘ ܠܟܢܘܫܬܗ ܕܝܥܩܘܒ܂

24:25	ܕܡܠܐ ܐܝܟ ܢܗܪܐ ܦܝܫܘܢ ܚܟܡܬܐ܂ ܘܐܝܟ ܕܩܠܬ ܒܝܘ̈ܡܝ ܥܠܠܬܗ܂

24:26	ܘܡܛܝܦܐ ܐܝܟ ܦܪܬ ܣܟܘܠܬܢܘܬܐ܂ ܘܐܝܟ ܝܘܪܕܢܢ ܒܝܘܡ̈ܝ ܢܝܣܢ܂
24:27	ܘܡܫܦܥܐ ܐܝܟ ܢܗܪܐ ܝܘܠܦܢܐ܂ ܘܐܝܟ ܓܝܚܘܢ ܒܝܘ̈ܡܝ ܩܛܦܐ܂
24:28	ܠܐ ܢܓܡܪܘܢܗ ܩܕܡ̈ܝܐ ܠܚܟܡܬܐ܂ ܘܐܚܪ̈ܝܐ ܠܐ ܢܕܪܟܘܢܗ܂
24:29	ܡܛܠ ܕܡܢ ܝܡܐ ܪܒܐ ܣܓܝܬ ܚܟܡܬܐ܂ ܘܡܚܫܒܬܐ ܡܢ ܬܗܘܡܐ ܪܒܐ܂
24:30	ܐܦ ܐܢܐ ܐܝܟ ܢܗܪܐ ܕܡܫܩܐ܂ ܘܐܝܟ ܐܡܐ ܕ̈ܡܝܐ ܕܢܚܬܐ ܠܓܢ̈ܐ܃
24:31	ܐܡܪܬ ܕܐܫܩܐ ܓܢܬܝ ܘܐܪܘܐ ܡܫ̈ܟܒܝ܃ ܘܗܐ ܐܦ ܗܘܐ ܠܝ ܢܚܠܐ܂ ܘܢܗܪܝ ܡܛܐ ܥܠ ܝܡܐ܂
24:32	ܬܘܒ ܝܘܠܦܢܝ ܒܨܦܪܐ ܐܡܪ ܘܐܫܒܩܝܘܗܝ ܠܕܪ̈ܐ ܣܓܝ̈ܐܐ܂
24:33	ܬܘܒ ܝܘܠܦܢܝ ܒܢܒܝܘܬܐ ܐܡܪ܂ ܘܐܚܪܝܬܗ ܥܕܡܐ ܠܪܘܚܩܐ܀