The Comprehensive Aramaic Lexicon

27:01	ܣܓܝ̈ܐܐ ܕܚܛܘ ܡܛܠ ܕܠܝܬ ܒܗܘܢ ܕܚܠܬܐ܂ ܘܕܨܒܐ ܠܡܣܓܝܘ ܚܛܗ̈ܐ ܡܗܡܐ ܥܝܢܘ̈ܗܝ܀
27:02	ܒܝܬ ܟܐܦܐ ܠܚܒܪܬܗ ܥܐܠܐ ܣܟܬܐ܂ ܘܒܝܬ ܙܒܘܢܐ ܠܡܙܒܢܢܐ ܡܬܩܦܝܢ ܚܛܗ̈ܐ܀
27:03	ܒܪܝ ܐܢ ܥܠ ܕܚܠܬܗ ܕܐܠܗܐ ܬܥܒܪ ܩܠܝܠ ܙܒܢܐ ܣܓܝܐܐ ܬܚܣܪ܂
27:04	ܐܝܟ ܬܢܢܐ ܣܓܝܐܐ ܠܥܠ ܡܢ ܢܘܪܐ܂ ܗܟܢܐ ܫܘܥܝ̈ܬܐ ܕܐܢܫ̈ܐ ܥܠ ܚܘܫܒܢܐ܂
27:06	ܐܝܟ ܕܦܘܠܚܢܐ ܕܐܝܠܢܐ ܥܒܕ ܦܐܪ̈ܐ ܗܟܢ ܚܘܫ̈ܒܢܝܗܘܢ ܥܠ ܬܪ̈ܥܝܬܗܘܢ ܕܒܢܝ ܐܢܫܐ܂
27:08	ܐܢ ܬܒܥܐ ܩܘܫܬܐ ܬܫܟܚܝܘܗܝ ܘܬܠܒܫܝܘܗܝ ܐܝܟ ܢܚܬܐ ܕܬܫܒܘܚܬܐ܂
27:09	ܦܪܚܬܐ ܕܫܡܝܐ ܠܘܬ ܓܢܣܗ ܫܟܢܐ܂ ܘܩܘܫܬܐ ܠܘܬ ܥܒ̈ܘܕܘܗܝ ܐܙܠ܂
27:10	ܐܪܝܐ ܠܬܒܪܐ ܟܡܢ܂ ܗܟܢܐ ܥܘܠܐ ܠܥܒ̈ܕܝ ܚܛܗ̈ܐ܂
27:11	ܫܘ̈ܥܝܬܗܘܢ ܕܚܟ̈ܝܡܐ ܒܚܟܡܬܐ ܐܢܝ̈ܢ ܒܟܠ ܙܒܢ܂ ܘܣܟܠܐ ܐܝܟ ܣܗܪܐ ܡܫܬܚܠܦ܃
27:12	ܒܝܬ ܣܟ̈ܠܐ ܠܡܛܪ ܥܕܢܐ܂ ܘܒܝܬ ܚܟ̈ܝܡܐ ܠܡܡܠܠܘ ܐܡܝܢܐܝܬ܀
27:13	ܫܘܥ̈ܝܬܗܘܢ ܕܚܟܝܡܐ ܒܚܟܡܬܐ ܐܢ̈ܝܢ ܒܟܠܙܒܢ܂ ܘܣܟܠܐ ܐܝܟ ܣܗܪܐ ܡܫܬܚܠܦ ܫܘܥܝܬܗܘܢ ܕܣܟ̈ܠܐ ܣܢܝ̈ܢ ܐܢܝ̈ܢ܂ ܘܓܘܚܟܗܘܢ ܡܪܚܘܬܐ ܗܘ܂

27:14	ܡܘܗܒܬܗ ܕܪܫܝܥܐ ܡܙܩܦܐ ܡܢ̈ܐ ܕܣܥܪܐ܂ ܘܕܐܫܕ ܕܡܐ ܨܐܬ ܡ̈ܠܐ ܕܥܘ̈ܠܐ܂

27:16	ܒܝܬ ܪ̈ܫܝܥܐ ܠܐ ܬܬܒ܂ ܘܡܐ ܕܓܚܟܝܢ ܣܟܪ ܐܕܢ̈ܝܟ܂ ܕܓܠܐ ܪܐܙܐ ܡܘܒܕ ܗܝܡܢܘܬܗ܂ ܘܠܐ ܢܫܬܟܚ ܠܗ ܪܚܡܐ ܐܝܟ ܢܦܫܗ܂
27:17	ܢܣܐ ܚܒܪܟ ܘܐܬܬܟܠ ܥܠܘܗܝ܃ ܐܢ ܕܝܢ ܓܠܐ ܪܐܙܐ ܕܗܝܡܢܘܬܐ ܠܐ ܬܐܙܠ ܒܬܪܗ܂
27:18	ܐܟܙܢܐ ܓܝܪ ܕܓܒܪܐ ܕܐܘܒܕ ܡܢܬܗ ܗܟܢܐ ܐܘܒܕܬ ܪܚܡܘܬܗ܂ ܕܪܚܡܟ܂
27:19	ܘܐܝܟ ܥܘܦܐ ܡܢ ܐܝܕܟ ܐܦܪܚܬܝܗܝ ܘܠܐ ܬܨܘܕܝܘܗܝ܂
27:20	ܘܠܐ ܬܪܕܘܦ ܒܬܪܗ܂ ܡܛܠ ܕܐܬܦܠܛ ܐܝܟ ܛܒܝܐ ܡܢ ܢܫܒܐ ܘܐܝܟ ܨܦܪܐ ܡܢ ܦܚܐ܂
27:21	ܡܛܠ ܕܠܨܘܠܦܬܐ ܐܝܬ ܥܨܒܐ܃ ܘܠܡܨܘܬܐ ܐܝܬ ܬܘܪܥܬܐ܂ ܠܡܓܠܐ ܕܝܢ ܪܐܙܐ܂ ܦܣܩ ܣܒܪܐ ܗܘ܂
27:22	ܘܕܪܡܐ ܥܝܢܗ ܢܗܘܐ ܬܒܪܗ܂
27:24	ܣܓܝ ܣܢܝܬ ܘܠܐ ܐܟܘܬܗ܃ ܘܐܦ ܐܠܗܐ ܢܣܢܝܘܗܝ ܘܢܠܘܛܝܘܗܝ܃
27:25	ܕܫܕܐ ܟܐܦܐ ܥܠܘܗܝ ܬܗܦܘܟ܂ ܘܕܡܚܐ ܒܣܬܪܐ ܠܐܒܕܢܐ ܢܬܝܗܒ܂
27:26	ܕܚܦܪ ܓܘܡܨܐ ܒܩܘܡܬܗ ܢܡܠܝܘܗܝ܃ ܘܕܨܠܐ ܦܚ̈ܐ ܒܗܘܢ ܢܬܬܚܕ܂
27:27	ܕܚܫܠ ܒܝܫܬܐ ܒܗ ܢܦܠ܂ ܘܠܐ ܢܕܥ ܡܢ ܐܝܡܟܐ ܬܐܬܐ ܥܠܘܗܝ ܒܝܫܬܐ܂
27:29	ܦܚ̈ܐ ܘܡܨܝ̈ܕܬܐ ܗܠܝܢ ܠܥܒ̈ܘܕܝܗܝܢ܂ ܘܗ̈ܢܝܢ ܢܠܘ̈ܝܢ ܐܢܘܢ ܥܕܡܐ ܠܝܘܡܐ ܕܡܘܬܗܘܢ܃
27:30	ܩܢܐܬܐ ܘܪܘܓܙܐ ܘܐܦ ܗܢ̈ܝܢ ܛܡܐ̈ܢ܃