The Comprehensive Aramaic Lexicon

30:01	ܕܪܚܡ ܒܪܗ ܢܚܕܬ ܙܩ̈ܬܘܗܝ܂ ܡܛܠ ܕܢܚܕܐ ܒܐܚܪܝܬܗ܂
30:02	ܕܪܕܐ ܒܪܗ ܢܚܕܐ ܒܗ܂ ܘܒܝܢܬ ܚܒܪ̈ܘܗܝ ܢܫܬܒܚ ܒܗ܂
30:03	ܕܡ݁ܠܦ ܒܪܗ ܡ݁ܛܢ ܠܣ̈ܢܐܘܗܝ܂ ܘܠܥܝܢ ܪ̈ܚܡ݁ܘܗܝ ܢܫܬܒܚ ܒܗ܃
30:04	ܡܝ݂ܬ ܐܒܘܗ݀ܝ ܘܚܒܪ ܕܠܐ ܡܝ݂ܬ܂ ܡܛܠ ܕܐܟܘܬܗ ܫܒ݂ܩ ܒܬܪܗ܂
30:05	ܒܚܝ̈ܘܗܝ݁ ܚܙܝܗܝ݂ ܘܚ݂ܕܝ܂ ܘܒܡܘܬܗ݂ ܠܐ ܟܪܝܐ ܠܗ܃
30:06	ܠܪ̈ܚܡܘܗܝ ܦܪܥ ܛܝܒܘܬܐ܂ ܘܡܢ ܒܥܠܕܒ̈ܒܘܗܝ ܡܬܦܪܥ ܦܘܪܥܢܐ܂
30:07	ܕܡ݁ܦܢܩ ܒܪܗ݂/ܠܚܒܪܗ#2#/ ܢܣ݂ܓܝ̈ܢ ܨܘܠܦ̈ܬܗ܃ ܘܥܠ ܟܠ ܝ̈ܠܠܬܐ݂ ܢܣ݁ܪܩ ܠܒܗ܂
30:08	ܐܝܟ ܣܘܣܝܐ ܥܝܠܐ ܕܠܐ ܡܟܒܫ܂ ܗܟܢܐ ܒܪܐ ܡܪܘܕܐ ܕܠܐ ܫܡܥ ܠܐܒܘܗܝ܂
30:09	ܐܪܕܝ/ܪܕܝ#2#/ ܒܪܟ /ܘܢܢܝܚܟ#2/ ܂ ܕܠܐ ܬܬܡܝܩ܃
30:10	ܘܐܢ ܬܓܚܟ ܥܡܗ ܢܫܢܩܟ܂ ܠܐ ܬܐܙܠ ܥܡܗ ܐܝܟ ܨܒܝܢܗ ܕܠܐ ܢܪܓܙܟ ܘܠܚܪܬܐ ܢܩܗܐ ܫܢܝ̈ܟ܂
30:11	ܠܐ ܬܫܠܛܝܘܗܝ ܒܛܠܝܘܬܗ܃ ܘܠܐ ܬܫܒܘܩ ܠܗ ܟܠ ܣܘܪ̈ܚܢܘܗܝ܂
30:12	ܟܘܦ ܪܫܗ ܥܕ ܗܘ ܛܠܐ܂ ܘܦܩܥ ܡܬܢ̈ܬܗ ܥܕ ܗܘ ܙܥܘܪ܂ ܕܠܐ ܢܥܫܢ ܘܢܡܪܕ ܡܢܟ܂
30:13	ܛܘܪܦܐ ܕܢܦܫܐ ܐܠܦ ܒܪܟ ܘܐܩܫܐ ܥܠܘܗܝ ܕܕܠܡܐ ܒܣܟ̈ܠܘܬܗ ܢܬܩܠܟ܂
30:14	ܛܒ ܗܘ ܓܝܪ ܡܣܟܢܐ ܕܚܝ ܘܫܪܝܪ ܒܓܘܫܡܗ܃ ܡܢ ܥܬܝܪܐ ܕܟܬܝܫ ܒܒܣܪܗ܂
30:15	ܚܝ̈ܐ ܕܫܪܪܐ ܪܚܡܬ ܡܢ ܕܗܒܐ܂ ܘܪܘܚܐ ܛܒܬܐ ܡܢ ܡܪ̈ܓܢܝܬܐ܃
30:16	ܠܝܬ ܥܘܬܪܐ ܐܝܟ ܫܪܝܪܘܬܐ ܕܦܓܪܐ܂ ܘܠܝܬ ܚܕܘܬܐ ܐܝܟ ܠܒܐ ܛܒܐ܂
30:17	ܦܩܚ ܠܡ݂ܡܬ ܡܢ ܚܝ̈ܐ ܒܝ݂ܫ̈ܐ܂ ܘܠܡܚܬ ܠܫܝܘܠ݂ ܡܢ ܟܐܒܐ ܕܩܝ݁ܡ܂
30:18	ܛܒ̈ܬܐ ܕܡܟ̈ܣܝܢ ܥܠ ܦܘܡܐ ܕܡܟܣܝ܂ ܐܝܟ ܡܐܟ̈ܠܬܐ ܕܣܝܡܢ ܥܠ ܩܒܪ̈ܐ܂
30:19	ܡܢܐ ܗܢܝܢܐ ܐܝܬ ܠܨܠܡܐ ܕܥܡܡܐ܂ ܕܠܐ ܐܟܠܝܢ ܘܠܐ ܫܬܝܢ ܘܠܐ ܡܪܝܚܝܢ܂ ܗܟܢܐ ܡܢ ܕܐܝܬ ܠܗ ܥܘܬܪܐ ܘܠܐ ܡܬܚܫܚ ܒܗ܂

30:20	ܘܚܙܐ ܒܥܝ̈ܢܘܗܝ ܘܡܬܬܢܚ܃ ܐܝܟ ܡܗܝܡܢܐ ܕܕܡܟ ܠܘܬ ܒܬܘܠܬܐ ܘܡܪܝܐ ܬܒܥ ܒܐܝܕܗ܂

30:21	ܠܐ ܬܬܠ ܠܕܘܘܢܐ ܢܦܫܟ܃ ܘܠܐ ܬܬܩܠ ܒܡ݂ܠܟܐ ܕܢܦܫܟ܂
30:22	ܚܕܘܬ ܠܒܐ ܐܢܘܢ ܓܝܪ ܚܝܘ̈ܗܝ ܕܒܪܢܫܐ܂ ܘܬܪܥܝܬܗ ܕܒܪܢܫܐ ܗܝ ܬܣܓܐ ܚܝ̈ܘܗܝ܂
30:23	ܫܕܠ ܢܦܫܟ ܘܦܝܓ ܠܒܟ܂ ܘܟܪܝܘܬܐ ܐܪܚܩ ܡܢܟ܂ ܡܛܠ ܕܠܣܓܝ̈ܐܐ ܩܛܠ ܕܘܘܢܐ܂ ܘܐܘܒܕܬ ܐܢܘܢ ܟܪܝܘܬܐ܂
30:24	ܛܢܢܐ ܘܪܘܓܙܐ ܡܒܛܠܝܢ ܝܘ̈ܡܬܐ܂ ܘܕܠܐ ܒܙܒܢܗܝܢ ܡܦܩܐ ܚܘܪ̈ܬܐ ܨܦܬܐ܂
30:25	ܠܒܐ ܛܒܐ ܣܓܝ̈ܐܢ ܡܐܟܠܬܗ܂ ܘܟܠ ܕܐܟܠ ܣܠܩ ܥܠ ܦܓܪܗ܃