Click on a word for lexical analysis
Click on a red-colored coordinate for comments and/or translations of the line
| 41:01 | ܝܐ ܡܘܬܐ̈܃ ܡܐ ܒܝܫ ܐܢܬ܃ ܠܓܒܪܐ ܥܬܝܪܐ ܕܝܬܒ ܥܠ ܢܟ̈ܣܘܗܝ܂ ܓܒܪܐ ܕܥܫܝܢ ܘܡܨܠܚ ܒܟܠܥܕܢ܂ ܘܬܘܒ ܐܝܬ ܒܗ ܚܝܠܐ ܠܡܩܒܠܘ ܬܦܢܝܩ̈ܐ܀ |
| 41:02 | ܐܘ ܡܘܬܐ̈ ܡܐ ܟܫܝܪ ܐܢܬ܂ ܠܓܒܪܐ ܕܬܒܝܪ ܘܚܣܝܪ ܢܦܫ܃ ܓܒܪܐ ܣܒܐ ܕܡܬܬܩܠ ܒܟܠܥܕܢ܃ ܘܚܣܝܪ ܡܡܘܢܐ ܘܠܝܬ ܒܗ ܚܝܠܐ ܠܡܦܠܚ܂ |
| 41:03 | ܠܐ ܬܕܚܠ ܡܢ ܡܘܬܐ܂ ܡܛܠ ܕܗܘܝܘ ܡܢܬܟ܂ ܐܬܕܟܪ ܕܩܕܡ̈ܝܐ ܘܐܚܪ̈ܝܐ ܠܘܬܟ ܐܢܘܢ܂ |
| 41:04 | ܡܛܠ ܕܗܕܐ ܗܝ ܚܪܬܐ ܕܟܠܗܘܢ ܒ̈ܢܝ ܒܣܪܐ܂ ܩܕܡ ܐܠܗܐ܂ |
| 41:05 | ܙܪܥܐ ܡܣܠܝܐ ܬܘܠܕܬܐ ܕܥܘ̈ܠܐ܂ ܘܫܪܒܬܐ ܕܘܝ ܠܗ ܬܘܠܕܬܐ ܕܚܛܝ̈ܐ܂ |
| 41:06 | ܡܢ ܒܪܐ ܥܘܠܐ ܢܐܒܕ ܫܘܠܛܢܐ܂ ܘܥܡ ܙܪܥܗ ܢܥܡܪ ܚܘܣܪܢܐ܂ |
| 41:07 | ܠܐܒܐ ܥܘܠܐ ܒܢܘ̈ܗܝ ܟܐܢ̈ܐ ܢܠܘܛܘܢܗ܃ ܕܡܛܠܬܗ ܗܘܘ ܒܣܝܪ̈ܐ ܒܥܠܡܐ܂ |
| 41:08 | ܘܝ ܠܗܘܢ ܠܐܢܫܐ ܥܘ̈ܠܐ܂ ܕܕܘܘܢܐ ܡܠܘܐ ܠܗܘܢ ܥܕܡܐ ܠܝܘܡܐ ܕܡܘܬܗܘܢ܂ |
| 41:09 | ܐܢܬܬܐ ܝܠܕܬܐ ܠܚܕܘܬܐ ܕܥܡܗ܃ ܘܐܢ ܢܡܘܬ ܐܒܐ ܥܘܠܐ܂ ܒܢܘ̈ܗܝ ܟܐܢ̈ܐ ܠܐ ܢܬܐܒܠܘܢ ܥܠܘܗܝ܃ |
| 41:11 | ܪܫܝܥܐ ܓܝܪ ܚܪܬܗ ܠܐܒܕܢܐ ܗܝ܃ ܘܫܡܐ ܕܥܒ̈ܕܝ ܛܒ̈ܬܐ ܠܐ ܢܬܛܥܐ ܠܥܠܡ܂ |
| 41:12 | ܐܟܦ ܥܠ ܫܡܟ ܕܗܘ ܢܠܘܝܟ܂ ܡܢ ܐ̈ܠܦܐ ܕܣܝ̈ܡܬܐ ܕܥܬܐ܂ ܡܛܠ ܕܡܒܛܠ ܡܘܗ̈ܒܬܐ ܘܩܝ̈ܡܐ܂ ܟܠ ܕܫܐܠܝܢ ܒܫܠܡܗ ܘܫܬܝܩ܂ ܗܘ ܗܘ ܓܠܘܙܐ ܪܒܐ܂ ܫܐܠܬܐ ܕܫܠܡܐ ܕܝܗܒ ܐܢܬ ܠܗ ܠܐ ܡܦܢܐ ܠܟ܂ ܓܘܥܠܢܐ ܕܝܗܒ ܐܢܬ ܠܗ ܐܝܟܢܐ ܡܦܢܐ ܠܟ܂ |