The Comprehensive Aramaic Lexicon

47:01	ܘܒܬܪܗ ܩܡ ܢܬܢ ܢܒܝܐ ܠܡܫܡܥܘ ܩܕܡ ܕܘܝܕ
47:02	ܐܝܟܢܐ ܓܝܪ ܕܪܡ ܬܪܒܐ ܡܢ ܩܘܕܫܐ܂ ܗܟܢܐ ܪܡ ܕܘܝܕ ܡܢ ܐܝܣܪܝܠ܂
47:03	ܐܪ̈ܝܘܬܐ ܐܝܟ ܓܕ̈ܝܐ ܩܛܠ܂ ܘܕܐܒ̈ܐ ܐܝܟ ܐܡܪ̈ܐ܂
47:04	ܒܛܠܝܘܬܗ ܩܛܠ ܠܓܢܒܪܐ܂ ܘܐܥܒܪ ܚܣܕܐ ܕܥܡܗ܂ ܐܢܝܦ ܐܝܕܗ ܒܩܠܥܐ܂ ܘܬܒܪ ܟܘܠܗ ܫܒܗܪܢܘܬܗ ܕܓܘܠܝܕ܂
47:05	ܡܛܠ ܕܨܠܝ ܩܕܡ ܐܠܗܐ ܘܝܗܒ ܒܐܝܕܗ ܬܘܩܦܐ܂ ܠܡܩܛܠ ܠܓܢܒܪܐ ܕܝܕܥ ܩܪܒܐ ܠܡܪܡܘ ܩܪܢܐ ܕܥܡܗ ܐܝܣܪܝܠ܂
47:06	ܡܛܠ ܗܢܐ ܫܒܚܝܗܝ ܢܫ̈ܐ ܒܪ̈ܒܘܬܐ܂ ܩܠܝܠ ܐܬܟܬܫ

47:07	ܘܬܒܪ ܣܢܐ̈ܐ ܡܢ ܟܠܗܘܢ ܚܕܪ̈ܘܗܝ܂ ܘܐܬܦܪܥ ܡܢ ܦܠܫ̈ܬܝܐ܂ ܘܐܦ ܥܕܡܐ ܠܝܘܡܢܐ ܬܒܪ ܩܪܢܗܘܢ܂

47:08	ܡܛܠ ܗܢܐ ܝܗܒ ܗܘܐ ܩܠܐ ܒܡ̈ܠܐ ܕܬܘܕܝܬܐ ܘܕܐܝܩܪܐ܂ ܘܒܟܠܗ ܠܒܗ ܪܚܡ ܒܪܝܗ܂
47:09	ܘܒܟܠ ܝܘܡ ܐܡܝܢܐܝܬ܂ ܬܫܒ̈ܚܬܗ ܐܡܪ ܗܘܐ ܩܕܡ ܡܕܒܚܐ܂
47:10	ܝܗܒ ܬܫܒ̈ܚܬܐ ܪ̈ܘܪܒܬܐ ܟܠ ܫܢܐ ܒܫܢܐ܂
47:11	ܐܦ ܐܠܗܐ ܫܒܩ ܠܗ ܚܛܗ̈ܘܗܝ ܘܐܪܝܡ ܠܥܠܡ ܩܪܢܗ܂ ܘܝܗܒ ܠܗ ܟܘܪܣܝܐ ܕܡܠܟܘܬܐ ܥܠ ܐܝܣܪܐܝܠ ܠܥܠܡ܂
47:12	ܘܩܡ ܒܬܪܗ ܡܠܟܐ ܬܩܝܦܐ܂ ܫܪܐ ܒܫܠܝܐ ܫܠܝܡܘܢ܂
47:13	ܘܐܠܗܐ ܐܢܝܚ ܠܗ ܡܢ ܟܠܗܘܢ ܚܕܪ̈ܘܗܝ܃ ܡܛܠ ܕܢܒܢܐ ܒܝܬܐ ܠܫܡܗ ܠܥܠܡ܂
47:14	ܟܡܐ ܚܟܝܡ ܗܘܝܬ ܒܛܠܝܘܬܟ ܫܠܝܡܘܢ̈ ܘܐܛܝܦܬ ܐܝܟ ܢܗܪܐ ܚܟܡܬܐ ܒܣܘܟܠܟ܂ ܘܒܪܘܡܐ ܕܐܝܩܪܐ ܕܡ̈ܠܟܐ݂܂
47:16	ܥܕܡܐ ܠܓܙܪ̈ܬܐ ܪ̈ܚܝܩܬܐ ܡܛܐ ܫܡܟ܃ ܘܡܣܟܝܢ ܠܫܡܟ܂
47:17	ܦܫܪ ܡܬ̈ܠܐ ܕܚܟܡܬܐ ܒܟܬܒܐ܂ ܘܒܢܒܝܘܬܐ ܐܬܡܗܬ ܥܡ̈ܡܐ܂
47:18	ܘܐܬܩܪܝܬ ܒܫܡܗ ܕܐܠܗܐ܂ ܕܕܝܠܗ ܗܘ ܐܝܩܪܐ ܕܐܬܩܪܝ ܥܠ ܐܝܣܪܐܝܠ܂ ܘܟܢܫܬ ܐܝܟ ܐܒܪܐ ܕܗܒܐ܂ ܘܣܐܡܐ ܐܝܟ ܥܦܪܐ܂
47:19	ܘܝܗܒܬ ܠܢܫ̈ܐ ܬܘܩܦܟ܂ ܘܐܫܠܛܬ ܐ̈ܢܝܢ ܒܦܓܪܟ܂
47:20	ܘܝܗܒܬ ܡܘܡܐ ܒܐܝܩܪܟ ܘܨܥܪܬ ܬܫܘܝܬܟ܂ ܠܡܝܬܝܘ ܥܘܠܐ ܥܠ ܒܢ̈ܝ ܒܢܝܟ܂ ܕܢܬܬܢܚܘܢ ܥܠ ܡܫܟܒܗܘܢ܂
47:21	ܠܡܬܦܠܓܘ ܠܬܪ̈ܬܝܢ ܡ̈ܠܟܘܢ܂ ܡܢ ܕܒܝܬ ܐܦܪܝܡ ܡܠܟܘܬܐ ܚܢܦܬܐ܂
47:22	ܘܐܦ ܐܠܗܐ ܠܐ ܫܒܩ ܛܝܒܘܬܗ܂ ܘܠܐ ܢܪܡܐ ܡܠܘ̈ܗܝ ܥܠ ܐܪܥܐ܂ ܘܠܐ ܢܘܒܕ ܙܪܥܐ ܕܪ̈ܚܡܘܗܝ܂ ܘܒܢ̈ܝ ܙܕܝܩ̈ܘܗܝ ܠܐ ܢܓܡܪ܃ ܘܢܬܠ ܠܝܥܩܘܒ ܡܫܘܙܒܘܬܐ ܘܠܕܘܝܕ ܡܠܟܘܬܐ ܪܒܬܐ܀
47:23	ܘܫܟܒ ܫܠܝܡܘܢ ܘܩܡ ܒܪܗ ܒܬܪܗ܂ ܡܣܓܐ ܣܟ̈ܠܘܬܐ̈ ܘܚܣܝܪ ܚܟܡܬܐ܂ ܪܚܒܥܡ ܕܒܪ ܒܬܪܥܝܬܗ ܠܥܡܗ܃ ܘܠܐ ܢܗܘܐ ܠܗ ܕܘܟܪܢ ܠܝܘܪܒܥܡ ܒܪ ܢܒܛ܂ ܕܚܛܐ ܘܐܚܛܝ ܠܐܝܣܪܝܠ܂ ܘܝܗܒ ܠܕܒܝܬ ܐܦܪܝܡ ܬܘܩܠܬܐ܂
47:24	ܠܡܓܠܝܘ ܐܢܘܢ ܡܢ ܐܬܪܗܘܢ܂ ܘܐܣܓܝ ܚܛܗ̈ܝܗܘܢ ܛܒ܂
47:25	ܘܥܠ ܟܠ ܒܝܫ̈ܬܐ ܐܬܡܠܟ܂