← Back
The Comprehensive Aramaic Lexicon
← Return to the Text Browser
click on the file description for more information

62068: Tobit A

Click on a word for lexical analysis
Click on a red-colored coordinate for comments and/or translations of the line

08:01 ܘܟܕ ܒܣܡ݂ܘ ܘܩܡ݂ܘ܂ ܘܐܥܠܘܗܝ ܠܛܘܒܝܐ ܠܩܝܛܘܢܐ ܠܘܬܗ݀
08:02 ܘܐܬܕܟܪ ܛܘܒܝܐ ܠܡ̈ܠܘܗܝ ܕܪܦܐܝܠ܂ ܘܫܩ݂ܠ ܠܒܗ ܕܢܘܢܐ ܘܟܒ݂ܕܗ܂ ܘܣ݂ܡ ܥܠ ܪܡܘܥܐ ܕܢܘܪܐ ܕܣ݁ܝܡܝܢ ܥܠܘܗܝ ܒܣ̈ܡܐ
08:03 ܘܪܝܚܗ ܕܝܠܗ ܕܢܘܢܐ ܐܦܩ݂ܗ ܠܫܐܕܐ ܗܘ݁܂ ܘܥ݂ܪܩ ܠܗ ܠܐܬܪ̈ܘܬܐ ܥ̈ܠܝܐ ܕܡܨܪܝܢ ܘܐܣܪܗ ܪܦܐܝܠ ܬܡܢ
08:04 ܘܐܡ݂ܪ ܛܘܒܝܐ ܠܣܪܐ܂ ܚܬܝ܂ ܢܩܘܡ ܢܨ݁ܠܐ ܘܢܒܥܐ ܡܢ ܡܪܝܐ ܕܢܪܚ݂݁ܡ ܥܠܝܢ܂ ܘܢܬ݂ܠ ܠܢ ܫܠܡܐ ܒܠܠܝܐ ܗܢܐ
08:05 ܘܐܩ݂ܦ ܗܘܐ ܛܘܒܝܐ ܠܡܐܡܪ ܗܟܢܐ ܀ ܒܪܝܟ ܐܢܬ ܡܪܝܐ ܐܠܗܐ ܕܐܒ̈ܗܝܢ܂ ܘܒܪܝܟ ܫܡܟ ܠܥܠܡ݂
08:06 ܕܐܢܬ ܗܘ ܥ݂ܒܕܬ ܓܒܪܐ ܘܐܢܬܬܐ܂ ܘܥܒ݂ܕܬܗ݀ ܠܐܢܬܬܐ ܡܥܕܪܢܝܬܗ܂ ܘܡܢ ܒܝܢܬ ܬܪ̈ܝܗܘܢ݂܂ ܐܬܝܠܕ ܙܪܥܐ ܕܒܢܝܢܫܐ܂ ܐܢܬ ܐܡ݂ܪܬ܂ ܕܠܐ ܫܦܝܪ ܕܢܗ݂ܘܐ ܐܕܡ ܒܠܚܘܕܘܗܝ܂ ܐܥ݁ܒܕ ܠܗ ܡܥܕܪܢܐ ܐܝܢܐ ܕܕܡ݁ܐ ܠܗ
08:07 ܘܗܫܐ ܡܪܝ‍[‍݁‍]‍ ܠܐ ܗܘܐ ܡܛܠ ܙܢܝܘܬܐ ܫ݁ܩܠ ܐ݂ܢܐ ܠܗܕܐ ܚܬܝ݂܂ ܐܠܐ ܐܝܟ ܕܒܙܕܩܗ ܕܢܡܘܣܐ ܀ ܒܪܡ ܕܝܢ ܗܫܐ ܪܚ݂݁ܡ ܥܠܝܢ܂ ܘܗܒ ܠܢ ܕܢܣ݂ܐܒ ܒܫܠܡܐ ܐܟܚܕܐ܂ ܘܗܒ ܠܢ ܒܢ̈ܝܐ ܕܒܘܪܟܬܐ
08:08 ܘܐܡ݂ܪܬ݁ ܣܪܐ݂܂ ܐܡܝܢ
08:09 ܘܕܡܟܘ ܒܠܠܝܐ ܗ݀ܘ܂ ܘܐܡ݂ܪ ܪܓܘܐܝܠ ܠܒ̈ܢܝ ܒܝܬܗ܂ ܙܠ݂ܘ ܚܦܘܪ ܩܒܪܐ ܒܠܠܝܐ ܥܕܠܐ ܢ݂ܢܗܪ
08:10 ܡܛܠ ܕܐܡ݁ܪ ܗܘܐ܂ ܕܐܢܗ݂ܘ ܕܡܝܬ ܠܗ݂܂ ܐ݁ܩܒܪܝܘܗܝ ܒܠܠܝܐ ܗܢܐ܂ ܐܝܟ ܕܐܢܫ ܠܐ ܢ݂ܕܥ܂ ܘܠܐ ܢܗܘܐ ܠܢ ܚܣ݂ܕܐ
08:11 ܟܕ ܕܝܢ ܢܦܩ݂ܘ ܠܗܘܢ ܒ̈ܢܝ ܒܝܬܐ ܕܢܥ݂ܒܕܘܢ ܐܝܟ ܡܕܡ ܕܦ݁ܩ݂ܕ ܐܢܘܢ
08:12 ܩܪܐ ܪܓܘܐܝܠ ܠܐܢܬܬܗ܂ ܘܐܡ݂ܪ ܠܗ݀܂ ܫܕܪܝ ܠܚܕܐ ܡܢ ܛܠܝ̈ܬܐ ܕܬܚܙܐ ܒ‍[‍ܫ‍]‍ܠܡܐ
08:13 ܘܫܕܪܬ ܥܕܢܝܐ ܠܛܠܝܬܐ݂܂ ܘܦܬܚ݂ܬ݁ ܬܪܥܐ ܕܩܝܛܘܢܐ݂܂ ܟܕ ܐܚܝܕܐ ܫܪܓܐ ܒܐܝܕܗ݀܂ ܘܚܙܬ ‍[‍ܐܢܘܢ‍]‍ ܕܕܡ‍[‍݂‍]‍ܟ‍[‍ܝܢ‍]‍ ܐܟܚܕܐ
08:14 ܘܢܦ݂ܩܬ̤ ‍[‍݂‍]‍ܐܡܪܐ ܠܥܕܢ‍[‍ܝ‍]‍ܐ ܘܠܒܥܠܗ݀
08:15 ܘܫ݁ܒܚܘ ܠܐܠܗܐ ܘܐܡ݁ܪܝܢ܂ ܒܪܝܟ ܐܢܬ ܡܪܝܐ ܕܫܡܝܐ݂܂ ܕܐܢܬ ܗܘ ܡܣ݁ܚܦ ܘܐܢܬ ܗܘ ܡܬܩܢ
08:17 ܡܛܠ ܕܗܐ ܪܚ݂݁ܡܬ ܥܠ ܗܠܝܢ ܬܪ̈ܝܢ ܝܚ̈ܝܕܝܝܢ݂ ܘܥܠ ܐܒܗ̈ܝܗܘܢ܂ ܗܒ ܠܗܘܢ ܐܠܗܐ ܫܠܡܐ ܥܕܡܐ ܠܐܚܪܝܬܐ܂ ܘܫܪܪܐ ܠܚܝܝ̈ܗܘܢ
08:18 ܘܐܬܘ ܒܢ̈ܝ ܒܝܬܐ܂ ܘܐܡ݂ܪ ܠܗܘܢ݁ ܙܠܘ ܚ݁ܦ݂ܘ ܩܒܪܐ݂܂ ܥܕܠܐ ܢܣ݂ܩ ܫܡܫܐ݂܂ ܘܠܐ ܐܢܫ ܢ݂ܕܥ

08:19 ܘܐܡ݂ܪ ܠܐܢܬܬܗ܂ ܬ݂ܩܢ ܠܚܡܐ ܣܓܝܐܐ‍[‍݁‍]‍ ܘܪܗ݂ܛ ܗ݂ܘ ܘܐܙ݂ܠ ܠܒܝܬ ܬܘܪ̈ܐ܂ ܘܐܝ݂ܬܝ ܬܪ̈ܝܢ ܬܘܪ̈ܐ܂ ܘܐܪ̈ܒܥܐ ܕܟܪ̈ܝܢ ܕܥܢܐ܂ ܘܦܩ݂ܕ ܠܒܢ̈ܝ ܒܝܬܗ܂ ܕܢܥܒ݂ܕܘܢ ܐܢܘܢ

08:20 ܘܐܡ݂ܪ ܗ݂ܘ ܠܛܘܒܝܐ܂ ܕܠܐ ܬܦܘܩ ܥܕܡܐ ܕܢܫܠ݂ܡܘܢ ܥܣ̈ܪܐ ܝܘ̈ܡܝܢ܂ ܡܛܠ ܕܬܚܕܐ ܢܦܫܗ݀ ܕܒܪܬܝ ܕܟ݂ܪܝܐ ܗܘܬ ܠܗ݀
08:21 ܘܦܠܓܗܘܢ ܕܢܟܣ̈ܝ ܣܒ ܗܫܐ܂ ܘܦܠܓܗܘܢ ܡܐ ܕܡܝܬܬ ܐ݁ܢܐ ܘܐܢܬܬܝ݂܂ ܕܝܠܟܘܢ ܐܢܘܢ܂ ܘܐ݁ܢܐ ܐܒܘܟ ܐ݁ܢܐ܂ ܘܥܕܢܝܐ݂܂ ܐܡܟ ܗܝ܂ ܐܬܠ݁ܒܒ ܒܪܝ ܀