← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

62068: Tobit A

Click on a word for lexical analysis
Click on a red-colored coordinate for comments and/or translations of the line

12:01 ܘܟܕ ܦܛ݂ܪܬ݁ ܡܫܬܘܬܐ݂܂ ܐܡ݂ܪ ܛܘܒܝܛ ܠܒܪܗ܂ ܚ݁ܙܝ ܒܪܝ ܕܢܬܠ ܐܓܪܐ ܠܓܒܪܐ ܗܢܐ ܕܐܙ݂ܠ ܥܡܟ̤ ܘܬܘܣܦ ܠܗ ܥܠ ܐܓܪܗ
12:02 ܘܐܡ݂ܪ ܛܘܒܝܐ܂ ܐܒܝ ܟܡܐ ܐܬܠ ܠܗ܂ ‍[‍ܠ‍]‍ܐ ܓ‍[‍ܝ‍]‍ܪ ܚ݁ܐܣ ܐܢ݂ܐ ܕܐ݁ܬܠ ܠܗ ܦܠܓܐ ܕܡܕܡ ܕܐܝܬܝܬ ܥܡܝ
12:03 ܡܛܠ ܕܠܝ ܢ݁ܛ݂ܪ ܒܐܘܪܚܐ܂ ܘܠܐܢܬܬܝ ܐܣ݂ܝ܂ ܘܟܣܦܐ ܐܝܬܝ܂ ܠܐ ‍[‍ܓܝܪ ܚ݁‍]‍ܣܪ ܐܢ݂ܐ ܕܝ݁ܗܒ ܐܢ݂ܐ ܠܗ
12:04 ܘܐܡ݂ܪ ܛܘܒܝܛ܂ ܙ݁ܕܩ ܗܘ ܕܢܬܠ ܠܗ ܦܠܓܐ ܕܟܠܡܕܡ ܕܐܝܬ݂ܝܬ ܥܡܟ
12:05 ܘܩ݂ܪܝܗܝ ܘܐܡ݂ܪ ܠܗ܂ ܣܒ ܦܠܓܐ ܕܟܠܡܕܡ ‍[‍ܕܐܝܬܝܬ ܥ‍]‍ܡܝ݂܂ ܘܙܠ ܒܫܠܡܐ
12:06 ‍[‍ܗ݂ܘ ܕܝܢ ܩܪܐ‍]‍ ܐܢܘܢ ܠܣܛܪ ܘܐܡ݂ܪ ܠܬܪ̈ܝܗܘܢ̤ ܗܘܘ ܡܫܒܚܝܢ ܠܐܠܗܐ ܘܡܘܕܝܢ ܠܗ ܩܕܡ ܒܢܝܢ̈ܫܐ ܟܠܗܘܢ݂܂ ܒܟܠܡܕܡ ܕܥܒ݂ܕ ܥܡܟܘܢ ܛܒ̈ܬܐ܂ ܡܛܠ ܕܛܒ ܗܘ ܠܡܫܒܚܘ ܠܐܠܗܐ ܘܠܡܪܡܪܡܘ ܠܫܡܗ܂ ܘܠܡ̈ܠܘܗܝ ܕܐܠܗܐ ܗܘܝܬܘܢ ܐܡ݁ܪܝܢ ܒܟܠܙܒܢ
12:07 ܡܛܠ ܕܪܐܙܐ ܐܢܝ̈ܢ ܕܡܠܟܘܬܐ܂ ܘܠܡܥܒܕ ܛܒ̈ܬܐ܂ ܘܕܒܝ݂ܫ ܠܐ ܢܫܬܟܚ ܒܟܘܢ܂ ܐܠܐ ܛܒ̈ܬܐ
12:08 ܘܬܗ݂ܘܐ ܠܟܘܢ܂ ܐܡܝܢܘܬܐ ܒܨܘܡܐ ܘܒܨܠܘܬܐ܂ ܘܙܕܝܩܘܬܐ ܘܟܐܢܘܬܐ܂ ܡܛܠ ܕܗܠܝܢ ܬܪܬܝܗܝܢ ܛܒ̈ܢ ܠܡܥ݂ܒܕ܂ ܙܕܝܩܘܬܐ ܣܝ݂ܡܬܐ ܗܝ ܪܒܬܐ
12:09 ܙܕܝܩܘܬܐ ܡܦ݁ܨܝܐ ܡܢ ܡܘܬܐ܂ ܘܐܝܠܝܢ ܕܥ݁ܒܕܝܢ ܙܕܝܩܘܬܐ݂܂ ܗ݂ܢܘܢ ܢܥ݂ܠܘܢ ܠܚ̈ܝܐ݁
12:11 ܒܪܡ ܕܝܢ ܐ݁ܓܠܐ ܠܟܘܢ ܫܪܪܐ݂܂ ܘܠܐ ܐ݁ܛܫܐ ܡܢܟܘܢ
12:12 ܟܕ ܨ݁ܠ݂ܝܬ ܐܢܬ ܛܘܒܝܛ ܘܟܠܬܟ ܣܪܐ݂܂ ܐܫܬܡ݂ܥܬ݁ ܨܠܘܬܐ ܕܬܪ̈ܝܟܘܢ ܩܕܡ ܐܠܗܐ܂ ܘܐܬܝܕܥܘ ܥ݁ܒ̈ܕܝܟ ܘܙܕܩ̈ܬܟ ܗܠܝܢ ܕܥ݁ܒܕ ܗܘܝܬ݂܂ ܥܠ ܐܝܠܝܢ ܕܡ݁ܝܬܝܢ ܗܘܘ
12:13 ܟܕ ܩܡ݂ܬ ܡܛܫܝܐܝܬ ܘܫܩ݂ܠܬ ܡܝܬܐ ܗ݀ܘ ܟܕ ܐܬ݂ܐ ܥܠܝܟ ܢܣܝܘܢܐ݂
12:14 ܫ݁ܕܪܢܝ ܐܠܗܐ ܕܐ݁ܦܨܝܟ ܘܐ݁ܣܝܟ ܠܟ ܘܠܟܠܬܟ
12:15 ܐ݁ܢܐ ܐܢ݂ܐ ܪܦܐܝܠ ܚܕ ܡܢ ܡ̈ܠܐܟܐ ܕܩ݁ܝܡܝܢ ܩܕܡ ܐܠܗܐ
12:16 ܘܕܚ݂ܠܘ ܘܐܬܬܙܝܥ݂ܘ ܬܪ̈ܝܗܘܢ܂ ܘܢܦ݂ܠܘ ܥܠ ܐܦ̈ܝܗܘܢ ܥܠ ܐܪܥܐ
12:17 ܘܐܡ݂ܪ ܠܗܘܢ܂ ܠܐ ܬܕܚܠܘܢ܂ ܫܠܡܐ ܗܘ ܠܟܘܢ܂ ܗ݂ܘܝܬܘܢ ܡܫܒܚܝܢ ܠܐܠܗܐ
12:18 ܡܛܠ ܕܠܐ ܗܘܐ ܒܛܝܒܘܬܝ ܗܘ̈ܝ ܗܠܝܢ܂ ܐܠܐ ܒܛܝܒܘܬܗ ܕܐܠܗܐ
12:19 ܘܐ݁ܢܐ ܠܐ ܐ݁ܟܠ ܗܘܝܬ ܘܠܐ ܫ݁ܬܐ ܗܘܝܬ܂ ܐܠܐ ܐܢܬܘܢ ܚ݁ܙܝܢ ܗܘܝܬܘܢ ܠܝ ܕܐܟܠ ܐܢ݂ܐ ܘܫ݁ܬܐ ܐܢ݂ܐ
12:20 ܒܪܡ ܕܝܢ ܗܫܐ ܩܘܡܘ ܡܢ ܐܪܥܐ܂ ܘܟܬܘܒܘ ܐܢ̈ܝܢ ܗܠܝܢ ܒܟܬܒܐ܂ ܘܗ݂ܘܝܬܘܢ ܡܫܒܚܝܢ ܠܐܠܗܐ܂ ܐ݁ܢܐ ܓܝܪ ܗܐ ܡܣܬܠܩ ܐܢܐ ܠܝ݂܂ ܠܘܬ ܡܢ ܕܫ݁ܕܪܢܝ
12:21 ܘܟܕ ܩܡܘ܂ ܒܥܝܢ ܗܘܘ ܠܗ ܘܠܐ ܐܝܬܘܗܝ
12:22 ܘܡܫܒܚܝܢ ܗܘܘ ܠܗ ܠܐܠܗܐ ܘܡܘܕܝܢ ܒܥܒ݁ܕܐ ܕܥܒ݂ܕ ܠܘܬܗܘܢ