← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

62069: P Baruch

Click on a word for lexical analysis
Click on a red-colored coordinate for comments and/or translations of the line

previous chapter


05:01 ܫܠܚ݂ܝ ܐܘܪ̈ܫܠܡ ܐܣܛܠܐ ܕܐܒܠܟܝ܂ ܘܕܒܝܫܬܟܝ݁ ܘܕܚܫܟܝ܂ ܘܠܒܫܝ ܓܐܝܘܬܐ ܗܝ݁ ܕܡܢ ܠܘܬ ܡܪܝܐ ܐܠܗܐ ܠܬܫܒܘܚܬܐ ܕܠܥܠܡ܂
05:02 ܘܐܬܥ݂ܛܦܝ ܥܛܝܦܘܬܐ ܕܙܕܝܩܘܬܐ ܕܡܢ ܠܘܬ ܐܠܗܐ܂ ܣܝܡܝ ܒܪܫܟܝ ܣܢܘܪܬܐ ܕܬܫܒܘܚܬܗ ܕܡܪܐ ܥ̈ܠܡܐ܂
05:03 ܡܛܠ ܕܗ݂ܘ ܐܠܗܐ ܢܚܘܐ ܠܟܠ ܐܢܫ݂܂ ܕܥܠ ܟܠܗ݀ ܐܪܥܐ ܢܘܗܪܟܝ܂
05:04 ܢܬܩ݂ܪܐ ܠܟܝ ܓܝܪ ܫܡܐ ܡܢ ܠܘܬ ܐܠܗܐ݂ ܠܥܠܡ܂ ܫܠܡܐ ܕܙܕܝܩܘܬܐ݂ ܘܬܫܒܘܚܬܐ ܕܕܚܠܬܗ ܕܐܠܗܐ܂
05:05 ܐܬܬܥܝܪܝ݁ ܐܬܬܥܝܪܝ݁ ܐܘܪ̈ܫܠܡ ܘܩܘܡܝ ܥܠ ܝܪ̈ܝܥܬܐ܂ ܘܚܘܪܝ ܠܐ̈ܦܝ ܡܕܢܚܐ݂ ܘܠܡܥܪܒܐ܂ ܘܚܙܝ ܠܒܢܝܟܝ ܕܡܬܟܢܫܝܢ ܠܟܝ܂ ܡܢ ܡܕܢܚ̈ܘܗܝ ܕܫܡܫܐ݂ ܘܥܕܡܐ ܠܡܥܪ̈ܒܘܗܝ ܒܡܠܬܗ ܕܩܕܝܫܐ܂ ܟܕ ܚ݁ܕܝܢ ܒܕܘܟܪܢܗ ܕܐܠܗܐ܂
05:06 ܢܦܩܘ ܓܝܪ ܡܢܟܝ ܒܪܓܠ݂ ܟܕ ܡܬ݁ܕܒܪܝܢ ܡܢ ܒܥܠܕܒܒܐ܂ ܡܥܠ ܠܗܘܢ ܕܝܢ ܐܠܗܐ ܠܘܬܟܝ݂܂ ܟܕ ܡܬܬܪܝܡܝܢ ܒܬܫܒܘܚܬܐ ܥܠ ܟܘܪܣܝܐ ܕܡܠܟܘܬܐ܂
05:07 ܦܩ݁ܕ ܓܝܪ ܐܠܗܐ ܠܟܠ ܛܘܪ ܕܪܡ݂ ܕܢܬܡ݁ܟܟ܂ ܘܥܪܡܐ ܢܗܘܐ ܠܫܦܝܐ݂ ܘܠܫܘܝܘܬܐ܂ ܟܠܗܘܢ ܢܚ̈ܠܐ݂ ܢܬ݁ܡܠܘܢ܂ ܘܬܫܬܘܐ ܐܪܥܐ ܕܢܗܠܟ ܐܝܣܪܐܝܠ ܬܟܝܠܐܝܬ ܒܫܪܪܐ݁܂ ܒܬܫܒܘܚܬܗ ܕܐܠܗܐ܂
05:08 ܛܠܠܘ ܟܠ ܐܝ̈ܠܢܝ ܥܒܐ݁܂ ܘܟܠ ܩܝܣ ܕܒܣܡܐ݁ ܥܠ ܐܝܣܪܐܝܠ ܒܦܘܩܕܢܗ ܕܐܠܗܐ܂
05:09 ܢܡܠܟ ܓܝܪ ܥܠܝܟܘܢ ܐܠܗܐ ܕܐܝܣܪܐܝܠ݂܂ ܒܚܕܘܬܐ ܘܒܢܘܗܪܐ ܕܬܫܒܘܚܬܗ܂ ܥܡ ܡܪܚܡܢܘܬܐ ܘܙܕܝܩܘܬܐ ܕܡܢ ܠܘܬܗ ܕܐܠܗܢ܂ ܫܠܡܬ ܐܝܓܪܬܐ ܕܬܪ̈ܬܝܢ ܕܒܪܘܟ܂