The Comprehensive Aramaic Lexicon

02:01	ܐܡܪܘ ܓܝܪ ܒܢܦܫܗܘܢ ܘܠܐ ܐܬܚܫܒܘ ܬܪܝܨܐܝܬ܂ ܙܥܘܪ ܗܘ ܘܒܥܩܬܐ ܗܘ ܥܘܡܪܢ܂ ܘܠܝܬ ܐܣܝܘܬܐ ܒܡܦܩܢܗ ܕܐܢܫܐ܂ ܘܠܐ ܐܬܓܠܝ ܗ݀ܘ ܕܐܫܬܪܝ ܡܢ ܫܝܘܠ܂
02:02	ܡܛܠ ܕܡܢ ܫܠܝܐ ܗܘܝܢ܂ ܘܡܢ ܒܬܪ ܗܠܝܢ ܗܦܟܝܢܢ ܕܢܗܘܐ ܐܝܟ ܕܠܐ ܗܘܝܢ܂ ܡܛܠ ܕܐܝܟ ܬܢܢܐ ܗܝ ܪܘܚܐ ܒܢܚܝܪ̈ܝܢ܂ ܘܡܠܬܐ ܐܝܟ ܒܠܨܘܨܝܬܐ ܡܬܬܙܝܥܐ ܒܠܒܢ܂
02:03	ܕܡܐ/ܘܡܐ#3#/ ܕܕܥܟܬ ܐܝܟ ܩܛܡܐ ܗܘܐ ܦܓܪܐ܂ ܘܪܘܚܐ ܡܬܐܫܕܐ ܐܝܟ ܐܐܪ ܪܦܝܐ܂
02:04	ܘܡܬܛܥܐ ܫܡܢ ܒܬܪ ܙܒܢܐ܂ ܘܐܢܫ ܠܐ ܡܬܕܟܪ ܥܒ̈ܕܝܢ܂ ܘܥܒܪ ܥܘܡܪܢ ܐܝܟ ܥܩ̈ܒܬܐ ܕܥܢ̈ܢܐ܂ ܘܐܝܟ ܥܪܦܠܐ ܕܡܬܪܕܦܐ ܡܢ ܙܠܝܩ̈ܘܗܝ ܕܫܡܫܐ܂ ܘܚܘܡܗ/ܘܝܘܡܗ#3#/ ܕܫܡܫܐ ܝܩܝܪ ܥܠܝܗ݀܂
02:05	ܛܠܢܝܬܐ ܓܝܪ ܕܥܒܪܐ ܐܝܬܘܗܝ ܥܘܡܪܢ܂ ܘܠܝܬ ܐܣܝܘܬܐ ܒܡܦܩܢܢ܂ ܡܛܠ ܕܐܬܚܬܡ/ܕܐܬܬܚܡ#3#/ ܘܠܝܬ ܕܡܗܦܟ܂
02:06	ܬܘ ܡܟܝܠ ܢܬܒܣܡ ܡܢ ܗܠܝܢ ܛܒ̈ܬܐ܂ ܘܢܬܚܫܚ ܡܢ ܗܠܝܢ ܒܪ̈ܝܬܐ ܚܦܝܛܐܝܬ ܒܛܠܝܘܬܢ܂
02:07	ܚܡܪܐ ܓܒܝܐ ܘܒܣ̈ܡܢܐ ܢܬܡܠܐ܂ ܘܠܐ ܢܥܒܪ̈ܢ ܥܘ̈ܦܝܗ݀ ܕܐܐܪ܂
02:08	ܢܬܟܠܠ ܡܢ ܗܒ̈ܒܘܗܝ ܕܘܪܕܐ ܥܕ ܠܐ ܢܚܡܐ܂
02:09	ܘܠܐ ܐܢܫ ܡܢܢ ܢܗܘܐ ܕܠܐ ܒܣܡܐ ܥܕܡܐ ܠܣܝܒܘܬܢ܂ ܘܒܟܠ ܐܬܪ ܢܫܒܘܩ ܣܘܒܠܐ ܕܒܣܡܢ܂ ܡܛܠ ܕܗܕܐ ܗܝ ܡܢܬܢ ܘܗܕܐ ܗܝ ܝܪܬܘܬܢ܂
02:10	ܘܢܬܥܫܢ ܥܠ ܡܣܟܢܐ ܙܕܝܩܐ܂ ܘܠܐ ܢܚܘܣ ܥܠ ܐܪܡܠܬܐ ܘܐܦ ܠܐ ܥܠ ܝܬܡܐ܂ ܘܠܐ ܢܒܗܬ ܡܢ ܣܒܐ ܥܬܝܩ ܝܘܡ̈ܬܐ܂
02:11	ܢܗܘܐ ܠܢ ܚܝܠܢ ܢܡܘܣܐ ܕܙܕܝܩܘܬܐ܂ ܡܛܠ ܕܟܪܝܗܐ ܐܝܟ ܡܚܝܠܐ ܡܬܟܘܢ܂
02:12	ܢܥܟܪ ܠܙܕܝܩܐ ܡܛܠ ܕܠܐ ܒܣܝܡ ܠܢ܂ ܩܐܡ ܓܝܪ ܠܘܩܒܠ ܥܒ̈ܕܝܢ܂ ܘܡܚܣܕ ܠܢ ܒܥܒ̈ܕܘܗܝ ܕܢܡܘܣܐ܂ ܘܡܕܟܪ ܥܠܝܢ ܣ̈ܟܠܘܬܐ ܕܡܪܚܘܬܢ܂
02:13	ܘܡܣܒܪ ܕܝܕܥܬܐ ܕܐܠܗܐ ܐܝܬ ܒܗ܂ ܘܐܡܪ ܥܠ ܢܦܫܗ ܕܒܪܗ ܐܢܐ ܕܐܠܗܐ܂
02:14	ܗܘܐ ܠܢ ܡܟܣܢܐ ܕܡܚܫ̈ܒܬܢ܂ ܝܩܝܪ ܗܘ \ܥܠܝܢ ܘܐܦ /ܠܢ ܐܦ#3#/ ܕܢܚܙܝܘܗܝ܂
02:15	ܡܛܠ ܕܠܐ ܕܡ݁ܐ ܠܕܐܚܪ̈ܢܝܢ ܥܘܡܪܗ܂ ܘܡܫܚܠܦܝܢ ܐܢܘܢ ܫܒܝ̈ܠܘܗܝ܂
02:16	ܐܝܟ ܛܡ̈ܐܐ ܐܬܚܫܒܢ ܠܗ܂ ܘܡܪܚܩ ܡܢ ܐܘܪ̈ܚܬܢ ܐܝܟ ܕܡܢ ܛܡܐܘܬܐ܂ ܘܡܒܪܟ ܐܘܪ̈ܚܬܗܘܢ ܘܚܪܬܗܘܢ ܕܙܕܝ̈ܩܐ܂ ܘܡܫܬܒܗܪ ܕܐܠܗܐ ܗܘ ܐܒܘܗܝ܂
02:17	ܢܚܙܐ ܐܢ ܫܪ̈ܝܪܢ ܐܢܝ̈ܢ ܡ̈ܠܘܗܝ܂ ܢܢܣܝܘܗܝ ܒܡܦܩܢܗ܂
02:18	ܐܢ ܓܝܪ ܐܝܬܘܗܝ ܙܕܝܩܐ ܒܪܗ ܕܐܠܗܐ ܡܩܒܠ ܗܘ ܠܗ܂ ܘܦܪܩ ܠܗ ܡܢ ܐܝ̈ܕܝܗܘܢ ܕܐܝܠܝܢ ܕܩܡܘ ܠܩܘܒܠܗ܂
02:19	ܒܨܥܪܐ ܘܒܬܫܢܝܩܐ ܢܫܐܠܝܘܗܝ܂ ܕܢܕܥ ܝܨܝܦܘܬܐ ܕܡܟܝܟܘܬܗ ܘܢܒܩܝܘܗܝ ܐܠܐ ܐܝܬ ܒܗ ܒܝܫܬܐ܂
02:20	ܠܡܘܬܐ ܡܦܪܣܝܐ ܢܚܫܒܝܘܗܝ܂ ܢܗܘܐ ܓܝܪ ܥܠܘܗܝ ܫܐܘܠܐ ܡܢ ܡ̈ܠܘܗܝ܂܀܀
02:21	ܗܠܝܢ ܐܬܚܫܒܘ ܦܟܝ̈ܗܐ ܘܛܥܘ܂ ܡܛܠ ܕܥܘܪܬ ܐܢܘܢ ܒܝܫܘܬܗܘܢ܂

02:22	ܘܠܐ ܐܝܕܥܘ ܪ̈ܐܙܘܗܝ ܕܐܠܗܐ܂ ܘܠܐ ܣܒܪܘ ܥܠ ܐܓܪܐ ܚܣܝܐ܂ ܘܠܐ ܕܢܘ ܢܦܫܬ̈ܐ ܕܣܒ̈ܐ ܕܕܠܐ ܡܘܡ܂

02:23	ܡܛܠ ܕܐܠܗܐ ܒܪܐ ܐܢܫܐ ܕܠܐ ܚܒܠܐ܂ ܒܝܘܩܢܐ/ܒܚܢܢܐ#3#/ ܕܕܡܘܬܗ ܓܒܝܠܬܗ܂
02:24	ܒܚܣܡܗ ܕܐܟܠܩܪܨܐ ܥܠ ܡܘܬܐ ܠܥܠܡܐ܂ ܡܢܣܝܢ ܠܗ ܕܝܢ ܐܝܠܝܢ ܕܡܢܬܗ ܐܢܘܢ܂