The Comprehensive Aramaic Lexicon

04:01	ܛܒ ܗܘ ܕܠܐ ܒܢܝܢ ܒܬܫܒܚܬܐ܂ ܚ̈ܝܐ ܓܝܪ ܗ̈ܘܝܢ ܒܕܘܟܪܢܗ݀܂ ܡܛܠ ܕܠܘܬ ܐܠܗܐ ܗܝ ܝܕܝܥܐ܂ ܘܠܘܬ ܒܢ̈ܝ ܐܢܫܐ܂
04:02	ܟܕ ܩܝܡܐ ܡܬܕܡܝܢ ܠܗ݀/ܒܗ݀#3#/܂ ܘܡܐ ܕܫܢܝܬ ܡܬܪܓܪܓܝܢ/ܡܫܬܪܓܪܓܝܢ#3#/ ܠܗ݀܂ ܘܒܥܠܡܐ ܗܢܐ ܬܨܒܝܬܐ ܘܟܠܝܠܐ ܠܒܝܫܐ܂ ܘܡܬܚܘܝܐ ܗܝ ܕܙܟܬ ܐܓܘܢܐ ܕܗܢܘܢ ܕܕܠܐ ܡܘܡ ܐܢܘܢ܂
04:03	ܣܘܓܐܐ ܕܝܢ ܕܝܠܕܐ ܕܪ̈ܫܝܥܐ ܠܝܬ ܒܗ ܚܫܚܘ܂ ܘܐܝܠܝܢ \ܕܡܢ ܙܪܥܐ /ܕܙܪܥܐ#3#/ ܐܢܘܢ ܢܘܟܪܝܐ܂ ܠܐ ܢܬܠܘܢ ܥܩܪܐ ܒܥܘܡܩܐ܂ ܘܠܝܬ ܠܗܘܢ ܩܝܡܐ ܫܪܝܪܐ܂
04:04	ܘܐܢ ܢܦܩܘܢ ܥܘܦܝܐ ܘܥ̈ܢܦܐ܂ ܡܣܬ ܙܒܢܐ ܢܨܡܚܘܢ܂ ܘܠܐ ܢܗܠܟܘܢ ܬܟܝܠܐܝܬ܂ ܘܡܢ ܪܘܚܐ ܢܙܘܥܘܢ܂ ܘܡܢ ܪܘܚܐ ܬܩܝܦܬܐ ܢܬܥܩܪܘܢ܂
04:05	ܘܢܬܬܒܪ̈ܢ ܥܢ̈ܦܝܗܘܢ ܠܣܘܦܐ܂ ܘܦܐܪ̈ܝܗܘܢ ܡܚܒܠܝܢ܂ ܘܠܡܐܟܘܠܬܐ ܠܐ ܟܫܪ̈ܝܢ܂ ܘܠܡܕܡ ܠܐ ܐܙܠܝܢ܂
04:06	ܘܡܢ ܡܕܡܟܐ ܕܥܒܪ ܢܡܘܣܐ܂ ܒ̈ܢܝܐ ܕܡܬܝܠܕܝܢ܂ ܣܗ̈ܕܐ ܐܢܘܢ ܒܝܫ̈ܐ ܥܠ ܐ̈ܒܗܝܗܘܢ ܒܫܘܐܠܗܘܢ܀
04:07	ܙܕܝܩܐ ܕܝܢ ܐܢ ܡܣܪܗܒܐܝܬ/ܡܘܬܐ#3#/ ܢܡܘܬ ܒܢܝܚܐ/ܒܚܝ̈ܐ#3#/ ܢܗܘܐ܂ ܘܐܢ ܒܢܓܝܪܘܬ ܝܘܡܬ̈ܐ ܢܡܘܬ ܒܐܝܩܪܐ ܢܫܬܟܚ܂
04:08	ܣܝܒܘܬܐ ܘܐܝܩܪܐ ܠܐ ܗܘܐ ܡܢ ܣܓܝܐܘܬ ܙܒܢܐ܂ ܐܦ ܠܐ ܡܢܝܢܐ ܕܫܢܝ̈ܗܘܢ ܒܟܝܠܬܐ܂

04:09	ܚܘܪ̈ܬܐ ܕܝܢ ܐܝܬܝܗܝܢ ܣܘܟܠܐ ܕܐܢܫܐ܂ ܩܘܡܬܐ ܕܝܢ ܕܣܝܒܘܬܐ ܥܘܡܪܐ ܢܝܚܐ܂

04:10	ܘܒܕܫܦܪ ܠܐܠܗܐ ܐܬܪܚܡ܂ ܡܛܠ ܕܥܡܪ ܗܘܐ ܒܝܢܬ̈ ܚ̈ܛܝܐ ܫܢܝܗ܂
04:11	ܐܬܚܛܦ ܡܛܠ ܕܠܐ ܬܚܠܦ ܒܝܫܬܐ ܡܚܫܒܬܗ܂ ܘܠܐ ܢܛܥܐ ܢܟܠܐ ܠܫܢܗ܂
04:12	ܛܢܢܐ ܓܝܪ ܒܝܫܐ ܡܚܒܠ ܛܒ̈ܬܐ܂ ܘܫܓܝܫܘܬܗ݀ ܕܪܓܬܐ ܣܪܚܐ ܪܥܝܢܐ ܛܒܐ܂
04:13	ܕܐܫܬܟܠܠ ܩܠܝܠ ܡܠܐ ܙܒܢܐ ܣܓܝܐܐ܂
04:14	ܫܦܪܬ ܓܝܪ ܢܦܫܗ ܠܐܠܗܐ܂ ܘܡܛܠ ܕܗܘܐ ܟܐܝܢ܂ ܒܥܓܠ ܐܪܝܡܗ ܡܢ ܓܘܗ݀ ܕܒܝܫܬܐ܂ ܥܡ̈ܡܐ ܕܝܢ/ܓܝܪ#3#/ ܚܙܘ ܘܠܐ ܐܣܬܟܠܘ܂ ܘܠܐ ܣܡܘ ܒܪܥܝܢܗܘܢ܂ ܕܡܛܠ/ܡܛܠ#3#/ ܡܢܐ ܗܟܢܐ ܕܝܢܗ܂
04:15	ܘܛܝܒܘܬܗ ܘܪ̈ܚܡܘܗܝ ܕܐܠܗܐ ܒܚܣ̈ܝܘܗܝ܂ ܘܣܘܥܪܢܗ ܕܐܠܗܐ ܒܚܣ̈ܝܘܗܝ܂ ܘܣܘܥܪܢܗ ܕܐܠܗܐ ܥܠ ܓܒ̈ܘܗܝ܂
04:16	ܕܐܢ ܠܙܕܝܩ̈ܐ ܘܡܘܒܕ ܠܪ̈ܫܝܥܐ ܟܕ ܚܝܝ̈ܢ܂ ܘܛ̈ܠܝܐ ܕܢܦܩܝܢ ܠܙܒܢܐ ܙܥܘܪܐ܂ ܛܒ ܡܢ ܙܒܢܐ ܣܓܝܐܐ ܕܣ̈ܒܐ ܕܫܘܩܪܐ܂
04:17	ܢܚܙܘܢ ܓܝܪ ܡܘܬܗ ܕܙܕܝܩܐ܂ ܘܠܐ ܢܣܬܟܠܘܢ ܕܡܢܐ ܐܬܡܠܟ ܥܠܘܗܝ ܐܠܗܐ܂ ܘܠܡܢܐ ܐܙܕܗܪ ܒܗ ܡܪܝܐ܂
04:18	ܘܢܚܙܘܢ ܘܢܣܠܘܢܗ܂ ܗܘ ܕܝܢ ܡܪܝܐ ܢܓܚܟ ܥܠܝܗܘܢ܂
04:19	ܘܡܢ ܒܬܪ ܗܠܝܢ ܢܗܘܘܢ ܠܡܦܘܠܬܐ ܕܨܥܪܐ܂ ܘܒܝܬ ܡܝܬ̈ܐ ܠܩܠܠܐ ܕܠܥܠܡ܂ ܡܛܠ ܕܢܒܙܥܘܢ/ܕܢܒܙܚܘܢ#3#/ ܐܢܘܢ ܡܣܪ̈ܐ ܕܠܐ ܩܠܐ܂ ܘܢܙܥܙܥܘܢ ܐܢܘܢ/ܐܢܝܢ#3#/ ܡܢ ܫܬܐ̈ܣܝܗܘܢ܂ ܘܥܕܡܐ ܠܐܚܪܝܬܐ ܢܒܘܪܘܢ ܘܢܗܘܘܢ ܠܚܒܠܐ܂ ܘܕܘܟܪܢܗܘܢ ܢܐܒܕ܂
04:20	ܘܢܥܘܠ ܠܡܚܫ̈ܒܬܐ ܕܣ̈ܟܠܘܬܗܘܢ ܢܟܠܐ܂ ܘܬܟܣ ܐܢܘܢ ܥܝܢ ܒܓܠܐ ܡܣܛܝܢܘܬܗܘܢ܀