The Comprehensive Aramaic Lexicon

07:01	ܡܛܠ ܕܐܦ ܐܢܐ ܐܝܬܝ ܒܪ ܐܢܫܐ ܡܝܘܬܐ܂ ܕܫܘܐ ܥܠ ܟܠ ܐܢܫ܂ ܒܪܗ ܕܩܕܡܝܐ ܐܝܠܝܕ ܐܪܥܐ܂ ܘܒܟܪܣܗ݀ ܕܐܡܝ ܐܬܓܒܠܬ ܒܣܪܐ܂
07:02	ܘܥܣܪ̈ܐ ܝܪ̈ܚܝܢ ܙܒܢܐ ܐܬܩܒܥܬ ܒܕܡܐ܂ ܡܢ ܙܪܥܐ ܕܓܒܪܐ ܘܡܢ ܪܓܬܐ ܕܡܕܡܟܐ܂
07:03	ܘܟܕ ܐܬܝܠܕܬ ܒܙܥܬ ܐܐܪ ܕܓܘܐ܂ ܘܐܝܟ ܟܠܢܫ ܥܠ ܐܪܥܐ ܢܦܠܬ܂ ܘܩܠܐ ܩܕܡܝܐ ܐܝܟ ܟܠ/ܕܟܠ#2#/ ܐܢܫ ܫܪܝܬ ܠܡܒܟܐ܂
07:04	ܘܒܥܙܪ̈ܘܪܐ ܝܨܝܦܐܝܬ ܐܬܟܪܟܬ܂
07:05	ܠܐ ܓܝܪ ܡܡܬܘܡ ܗܘܬ ܬܘܠܕܬܐ ܐܚܪܬܐ ܠܡܠܟ ܐܘ ܠܫܠܝܛ܂
07:06	ܚܕ ܗܘ ܓܝܪ ܡܥܠܢܐ ܕܟܠ ܐܢܫ ܠܥܠܡܐ܂ ܘܡܦܩܢܐ ܫܘܝܐܝܬ ܚܕ ‍<‍ܗܘ#3#‍>‍܀
07:07	ܡܛܠ ܗܢܐ ܨܠܝܬ ܘܐܬܝܗܒܬ ܠܝ ܪܘܚܐ ܕܚܟܡܬܐ܂ ܘܩܪܝܬ ܘܐܬܬ ܠܝ ܪܘܚܐ ܕܐܝܕܥܬܐ܂
07:08	ܨܒܝܬ ܒܗ݀ ܝܬܝܪ ܡܢ ܫܒ̈ܛܐ ܘܟܘܪ̈ܣܘܬܐ܂ ܘܠܐ ܦܚܡܬ ܥܘܬܪܐ ܠܩܘܒܠܗ݀܂
07:09	ܘܠܐ ܕܡܝܬܗ݀ ܠܟܐܦܐ ܝܩܝܪܬ ܕܡ̈ܝܐ܂ ܡܛܠ ܕܟܠܗ ܕܗܒܐ ܩܕܡܝܗ݀ ܐܝܟ ܩܠܝܠ ܥܦܪܐ܂ ܘܐܝܟ ܛܝܢܐ ܚܫܝܒ ܟܣܦܐ ܩܕܡܝܗ݀܂
07:10	ܪܚܡܬܗ݀ ܝܬܝܪ ܡܢ ܫܘܦܪܐ ܘܡܢ ܚܠܝܡܘܬܐ܂ ܓܒܝܬܗ݀ ܝܬܝܪ ܡܢ ܢܘܗܪܐ܂ ܡܛܠ ܕܠܐ ܕܡܟ ܢܘܗܪܗ݀ ܕܝܠܗ݀ ܕܚܟܡܬܐ܂
07:11	ܐܬ̈ܝ ܠܝ ܕܝܢ ܟܠܗܝܢ ܛܒ̈ܬܐ ܐܟܚܕܐ ܥܡܗ݀܂ ܘܥܘܬܪܐ ܕܠܐ ܡܬܡܢܐ ܒܐ̈ܝܕܝܗ݀܂
07:12	ܘܐܬܒܣܡܬ ܒܗܠܝܢ ܟܠܗܝܢ ܕܚܟܡܬܐ ܡܕܒܪܐ ܠܗܝܢ܂ ܘܠܐ ܝܕܥ ܗܘܝܬ ܕܩܕܡܝܐ/ܕܩܝܡܐ#3#/ ܗܝ ܡܢ ܟܠ܂
07:13	ܕܠܐ ܢܟܠܐ ܝܠܦܬ܂ ܘܕܠܐ ܚܣܡܐ ܝܗܒ ܐܢܐ܂ ܘܠܐ ܐܟܣܐ ܡܢܟܘܢ ܥܘܬܪܗ݀܂
07:14	ܡܛܠ ܕܐܘܨܪܐ ܗܝ ܠܒܢ̈ܝ ܐܢܫܐ ܕܠܐ ܓܡܪ܂ ܗ݀ܢܘܢ ܕܩܢܐܘܗ݀܂ ܥܒܕܘ ܪܚܡܘܬܐ ܠܘܬ ܐܠܗܐ܂ ܡܛܠ ܕܒܡܪܕܘܬܐ ܕܡܓܢ ܩܡܘ܂
07:15	ܠܝ ܕܝܢ ܢܬܠ ܐܠܗܐ ܕܐܡܪ ܒܡܠ݂ܟܐ܂ ܐܦ ܐܬܚܫܒ ܫܘܝܐܝܬ ܥܠ ܐܝܠܝܢ ܕܡܬ̈ܡܠܠܢ܂ ܡܛܠ ܕܗܘܝܘ ܡܕܒܪܢܗ݀ ܕܚܟܡܬܐ܂ ܘܠܚ̈ܟܝܡܐ ܗܘ ܡܬܪܨ܂
07:16	ܘܒܐܝܕܗ ܐܝܬܝܢ ܚܢܢ ܘܡ̈ܠܝܢ܂ ܟܠ ܚܟܡܬܐ ܘܝܕܥܬܐ ܘܥܒ̈ܕܐ/ܒܥܒ̈ܕܐ#3#/܂
07:17	ܗܘܝܘ ܓܝܪ ܝܗܒ ܠܝ ܐܝܕܥܬܐ ܕܠܐ/ܘܠܐ#3#/ ܕܓܠܘܬܐ܂ ܠܡܕܥ ܐܝܟܢܐ ܩܡ ܥܠܡܐ܂ ܘܥܒܕܗܝܢ ܕܡܘܙ̈ܠܬܐ܂
07:18	ܫܘܪܝܐ ܘܫܘܠܡܐ ܘܡܨܥܬܗܘܢ ܕܙܒ̈ܢܐ܂ ܫ̈ܘܚܠܦܐ ܕܨܒ̈ܘܬܐ܂ ܘܕܐܝܟܢܐ ܥܒܪܝܢ ܙܒ̈ܢܐ܂
07:19	ܪܗܛܗܝܢ ܕܫܢ̈ܝܐ ܘܩܒܥܗܘܢ ܕܟ̈ܘܟܒܐ܂
07:20	ܟܝܢܐ ܕܒܥܝܪܐ ܘܚܡܬܐ/ܘܚܟܡܬܐ#3#/ ܕܚܝ̈ܘܬܐ܂ ܥܘܙܗܝܢ ܕܪ̈ܘܚܐ ܘܡܚܫ̈ܒܬܗܘܢ ܕܒܢ̈ܝ ܐܢܫܐ܂ ܓܢܣ̈ܐ ܕܢܨ̈ܒܬܐ ܘܚܝܠܗܘܢ ܕܥܩܪ̈ܐ܂
07:21	ܟܠ ܡܕܡ ܕܟܣܐ ܘܟܠܡܕܡ ܕܓܠܐ ܝܕܥܬ܂
07:22	ܡܛܠ ܕܗܝ ܕܒܟܠ ܡܕܡ ܐܘܡܢܝܐ ܐܠܦܬܢܝ ܚܟܡܬܐ܂ ܐܝܬ ܒܗ݀ ܓܝܪ ܪܘܚܐ ܕܐܝܕܥܬܐ܂ ܩܕܝܫܬܐ ܐܝܚܝܕܝܬܐ܂ ܩܛܝܢܬܐ ܣܓܝܐܬ ܡܢ̈ܘܢ܂ ܫܦܝܪ ܡܬܬܙܝܥܐ܂ ܢܨܝܚܬ ܩܠܐ ܕܠܐ ܛܘܠܫܐ܂ ܚܟܝܡܐ ܘܫܪܝܪܐ ܘܠܐ ܡܬܪܟܢܐ܂ ܪܚܡܐ ܛܒܬ̈ܐ܂ ܘܚܟܝܡܐ ܘܠܐ ܡܬܢܟܠܐ ܡܘܬܪܢܝܐ܂
07:23	ܪܚܡܐ ܒܢ̈ܝ ܐܢܫܐ܂ ܬܩܝܦܐ ܫܪܝܪܐ܂܂ ܘܕܠܐ ܨܦܬܐ ܗܝ܂ ܚܝܠܬܢܝܐ܂ ܘܟܠ ܡܨܝܐ܂ ܘܠܟܠ ܗܝ ܣܥܪܐ܂ ܣܟܘܠܬܢܝܐ ܕܟܝܐ܂ ܘܠܟܠ ܪ̈ܘܚܐ ‍<‍ܗܝ#3#‍>‍ ܐܚܝܕܐ܂ ܩܛܝܢܐ ܗܝ ܘܢܗܝܪܐ܂
07:24	ܒܟܠ ܗ̈ܘܦܟܝܢ ܡܬܗܦܟܐ ܚܟܡܬܐ ܘܡܬܕܒܪܐ܂ ܗܕܐ ܗܝ ܕܠܥܠ ܐܚܝܕܐ ܡܛܠ ܕܟܝܘܬܗ݀܂
07:25	ܗܒܠܐ ܗܝ ܕܚܝܠܗ ܕܐܠܗܐ܂ ܘܩܝܡܐ ܒܬܫܒܘܚܬܗ ܕܐܠܗܐ ܐܚܝܕ ܟܠ ܕܠܐ ܫܘܩܪܐ ܗܝ܂ ܡܛܠ ܗܢܐ ܡܕܡ ܕܡܣܝܒ ܒܓܘܗ݀ ܠܐ ܢܦܠ܂
07:26	ܙܝܘܐ ܗܝ ܕܢܘܗܪܐ ܚܟܡܬܐ ܘܠܐ ܡܬܚܒܠܐ܂܀ ܡܚܙܝܬܐ ܗܝ ܕܫܘܒܚܐ ܠܟܠܗܘܢ ܥܒ̈ܕܘܗܝ ܕܐܠܗܐ܂ ܘܨܘܪܬܐ/ܨܘܪܬܐ#3#/ ܗܝ ܕܛܝܒܘܬܗ܂
07:27	ܚܕܐ ܗܝ ܘܡܨܝܐ ܠܟܠ ܘܡܩܘܝܐ܂ ܘܟܠ ܒܗ݀ ܡܬܚܕܬ܂ ܘܒܟܠ ܕܪ ܡܫܝܢܐ ܢܦܫ̈ܬܗܘܢ ܕܚܣ̈ܝܐ ܪ̈ܚܡܘܗܝ ܕܐܠܗܐ܂ ܘܢܒ̈ܝܐ ܗܝ ܡܬܩܢܐ܂

07:28	ܠܐ ܓܝܪ ܪܚܡ ܐܠܗܐ܂ ܐܠܐ ܠܐܝܠܝܢ ܕܥܡܪܐ ܒܗܘܢ ܗܝ ܚܟܡܬܐ܂

07:29	ܐܝܬܗ݀ ܓܝܪ ܗܕܐ ܝܐܝܐ ܡܢ ܫܡܫܐ܂ ܘܝܬܝܪ ܡܢ ܟܘܠܗ ܩܒܥܗܘܢ ܕܟܘ̈ܟܒܐ܂ ܕܢܬ ܥܡ ܢܗܝܪܐ݁ ܘܐܫܬܟܚܬ ܕܩܕܡܝܐ ܗܝ ܡܢܗ܂
07:39	ܘܡܢ ܒܬܪܗ݀ ܗܘܐ ܠܠܝܐ܂ ܥܠ ܚܟܡܬܐ ܓܝܪ ܠܐ ܡܡܠܟܐ ܥܠܝܗ݀ ܒܝܫܬܐ܂