The Comprehensive Aramaic Lexicon

10:01	ܗܕܐ ܗܝ ܕܢܛܪܬ ܠܐܒܐ ܩܕܡܝܐ ܝܚܝܕܝܐ ܕܐܬܒܪܝ ܒܥܠܡܐ ܘܦܪܩܬܗ ܡܢ ܡܦܘܠܬܐ ܕܢܦܫܗ܂
10:02	ܘܝܗܒܬ ܠܗ ܚܝܠܐ ܕܢܐܚܘܕ ܟܠ܂
10:03	ܘܐܪܚܩ ܡܢܗ݀ ܩܐܝܢ ܛܠܘܡܐ܂ ܠܩܛܠ ܐܚܘܗܝ ܐܘܒܕ ܪܘܓܙܐ܂
10:04	ܘܟܕ ܐܬܐ ܛܘܦܢܐ ܥܠ ܐܪܥܐ܂ ܬܘܒ ܐܚܝܬ ܚܟܡܬܐ܂ ܒܩܝܣܐ ܫܦܝܐ ܕܒܪܬ ܠܢܘܚ ܙܕܝܩܐ܂
10:05	ܗܕܐ ‍<‍ܓܝܪ#3#‍>‍ ܟܕ ܐܫܬܘܝܘ ܒܢܝ ܫܪ̈ܒܬܐ ܒܒܝܫܬܐ ܘܐܬܐܫܕܘ܂ ܝܕܥܬ ܠܙܕܝܩܐ ܘܢܛܪܬܗ ܕܠܐ ܡܘܡ ܠܐܠܗܐ܂ ܘܠܐܒܪܗܡ ܒܒܪܐ ܕܪ̈ܚܡܐ ܚܝܠܬܢܐܝܬ ܢܛܪܬܗ܂
10:06	ܗܕܐ ܟܕ ܐܒܕܘ ܪ̈ܫܝܥܐ ܠܙܕܝܩܐ ܠܘܛ ܦܨܝܬ ܕܥܪܩ܂ ܟܕ ܢܚܬܬ ܢܘܪܐ ܥܠ ܚܡܫ ܡܕܝ̈ܢܢ܂
10:07	ܗܠܝܢ/ܐܝܠܝܢ#3#/ ܕܣܗܕܘܬܐ ܕܒܝܫܘܬܗܝܢ ܥܕܡܐ ܠܗܫܐ ܩܝܡܐ܂ ܟܕ ܡܬ̈ܢܢܢ ܘܒܝܪ̈ܢ܂ ܘܐܝ̈ܠܢܐ ܕܒܓܘܗܝ ܦܐܪ̈ܐ ܠܐ ܥܒܕܝܢ܂ ܘܢܦܫܐ ܕܠܐ ܗܝܡܢܬ ܥܡܘܕܐ ܕܡܠܚܐ ܩܡܬ/ܐܩܝܡܬ#1##2#/܂
10:08	ܥܠ ܚܟܡܬܐ ܓܝܪ ܥܒܪܘ ܘܠܐ ܐܬܟܢܫܘ܂ ܠܐ ܒܠܚܘܕ ܥܠ ܕܠܐ ܥܒܕܘ ܛܒܬܐ܂ ܐܠܐ ܕܫܒܩܘ ܫܛܝܘܬܗܘܢ ܕܘܟܪܢܐ ܒܬܒܝܠ܂ ܕܒܡܕܡ ܕܐܪܫܥܘ ܠܐ ܐܫܟܚܘ ܕܢܬ̈ܛܥܝܢ܂
10:09	ܚܟܡܬܐ ܕܝܢ ܡܦܨܝܐ ܡܢ ܟܐ̈ܒܐ ܠܐܝܠܝܢ ܕܡܫܡܫܝܢ ܠܗ݀܂
10:10	ܗܕܐ ܦܪܩܬ ܠܙܕܝܩܐ ܝܥܩܘܒ܂ ܟܕ ܥܪܩ ‍<‍ܗܘܐ#3#‍>‍ ܡܢ ܩܕܡ/ܩܕܡ#3#/ ܚܡܬܐ ܕܐܚܘܗܝ ܛܠܘܡܐ܂ ܘܕܒܪܬܗ ܒܫܒ̈ܝܠܐ ܬܪ̈ܝܨܐ܂ ܘܚܘܝܬܗ ܡܠܟܘܬܗ ܕܐܠܗܐ܂ ܘܝܗܒܬ ܠܗ ܝܕܥܬܐ ܕܩܘܫܬܐ܂ ܘܐܣܓܝܬ ܠܗ ܒܠܐܘܬܗ ܘܐܥܬܪܬܗ ܒܥܒ̈ܕܘܗܝ܂
10:11	ܘܡܢ ܥܠܘܒܘܬܐ ܕܥ̈ܠܘܒܘܗܝ ܩܡܬ ܠܗ ܘܐܥܬܪܬܗ܂
10:12	ܘܢܛܪܬܗ ܡܢ ܒ̈ܥܠܕܒܒܘܗܝ ܘܡܢ ܐܝܠܝܢ ܕܩܡܘ ܥܠܘܗܝ ܫܪܪܬܗ܂ ܘܒܐܓܘܢܐ ܚܝܠܬܢܐ ܙܟܝܬܗ܂ ܕܢܕܥ ܕܚܣܝܢܐ ܗܝ ܕܚܠܬܗ ܕܐܠܗܐ ܡܢ ܟܠ ܡܕܡ܂
10:13	ܗܕܐ ܠܐ ܫܒܩܬܗ ܠܝܘܣܦ ܙܕܝܩܐ ܟܕ ܐܙܕܒܢ܂ ܐܠܐ ܦܪܩܬܗ ܡܢ ܚܛܝܬܐ܂
10:14	ܘܢܚܬܬ ܥܡܗ ܠܓܘܒܐ܂ ܘܒܐܣܘܪܝܐ/ܘܒܐܣܘܪ̈ܐ#3#/ ܠܐ ܫܒܩܬܗ܂ ܥܕܡܐ ܕܝܗܒܬ ܠܗ ܚܘܛܪܐ ܕܡܠܟܘܬܐ܂ ܘܫܘܠܛܢܐ ܥܠ ܐܝܠܝܢ ܕܡܬܚܣܢܝܢ ܗܘܘ ܥܠܘܗܝ܂ ܘܚܘܝܬ ܕܕܓܠܝܢ ܐܢܘܢ ܐܝܠܝܢ ܕܣܡܘ ܒܗ ܡܘܡܐ܂ ܘܝܗܒܬ ܠܗ ܬܫܒܘܚܬܐ ܠܥܠܡ܂
10:15	ܗܕܐ ܦܪܩܬ ܠܥܡܐ ܚܣܝܕܐ܂ ܘܠܙܪܥܐ ܕܕܠܐ/ܕܠܐ#3#/ ܡܘܡ ܦܨܝܬ ܡܢ ܥܡܐ ܕܐܠܨ ܐܢܘܢ܂
10:16	ܘܥܠܬ ܠܢܦܫܐ ܕܥܒܕܗ ܕܡܪܝܐ܂ ܘܩܡ ܠܘܩܒܠ ܡ̈ܠܟܝܢ ܕܚܝ̈ܠܝܢ܂ ܒܐܬ̈ܘܬܐ ܘܒܬܕܡܪ̈ܬܐ܂

10:17	ܘܝܗܒܬ ܠܚ̈ܣܝܐ ܐܓܪܐ ‍<‍ܛܒܐ#3#‍>‍ ܕܠܐܘܬܗܘܢ܂ ܘܕܒܪܬ ܐܢܘܢ ܒܐܪܥܐ ܬܡܝܗܬܐ ܘܗܘܬ ܠܗܘܢ ܠܡܛܠܠܐ ܒܐܝܡܡܐ܂ ܘܚܠܦ ܙܗܪܐ ܕܟ̈ܘܟܒܐ ܒܠܠܝܐ܂

10:18	ܘܕܒܪܬ ܐܢܘܢ ܒܝܡܐ ܕܚܝܠܐ ܕܣܘܦ܂ ܘܗܠܟܬ ܐܢܘܢ ܒܡ̈ܝܐ ܥܫ̈ܝܢܐ܂
10:19	ܘܟܣܝܘ ܡ̈ܝܐ ܠܣ̈ܢܐܝܗܘܢ܂ ܘܡܢ ܥܘܡܩܐ ܕܬܗܘܡܐ ܐܣܩܬ ܐܢܘܢ܂
10:20	ܡܛܠ ܗܢܐ ܙܕܝ̈ܩܐ ܥܟܪܘ ܠܪ̈ܫܝܥܐ܂ ܘܫܒܚܘ ܠܫܡܟ ܩܕܝܫܐ ܡܪܝܐ ܒܚܕ ܦܘܡܐ܂ ܘܠܐܝܕܟ ܬܩܝܦܬܐ ܐܝܟ ܚܕܐ/ܐܟܚܕ#3#/ ܫܒܚܘ܂
10:21	ܡܛܠ ܕܦܘܡܐ ܕܚܪ̈ܫܐ ܦܬܚܬ ܚܟܡܬܐ܂ ܘܠܫܢܗܘܢ ܕܝ̈ܠܘܕܐ ܣܡܬ ܚܪܝܦܐܝܬ܂