← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

62070: P Wisd

Click on a word for lexical analysis
Click on a red-colored coordinate for comments and/or translations of the line

previous chapter


11:01 ܘܬܪܨܬ ܥܒ̈ܕܝܗܘܢ ܒܐܝܕܗ ܕܢܒܝܐ ܩܕܝܫܐ܂
11:02 ܘܗܠܟܘ ܒܡܕܒܪܐ ܕܠܐ ܡܬܝܬܒ܂ ܘܐܝܟܐ ܕܠܐ ܕܪܝܫ ܢܩܫܘ ܡܫ̈ܟܢܝܗܘܢ܂
11:03 ܩܡܘ ܒܩܪܒܐ ܘܡܚܘ ܠܣ̈ܢܐܝܗܘܢ܂
11:04 ܘܨܗܝܘ ܥܡܟ ܘܠܟ ܩܪܘ܂ ܘܡܢ ܟܐܦܐ ܕܛܪܢܐ ܝܗܒܬ ܠܗܘܢ ܡ̈ܝܐ܂ ܘܐܣܝܘܬܐ ܠܨܗܝܗܘܢ ܡܢ ܟܐܦܐ ܫܪܝܪܬܐ܂
11:05 ܒܕܐܬܢܩܡܘ/ܕܐܬܢܩܡܘ#3#/ ܓܝܪ ܡܢ ܒ̈ܥܠܕܒܒܝܗܘܢ ܗܢܘܢ ܚܣܪܘ܂ ܘܐܬܝܗܒ ܠܗܘܢ܂
11:06 ܚܠܦ ܡܒܘܥܐ ܕܢܗܪܐ ܕܡܫܬܦܥ܂ ܒܕܡܐ ܕܡ̈ܝܐ ܣܘ̈ܡܩܐ܂
11:07 ܠܟܘܘܢܐ ܕܛ̈ܠܝܐ ܕܐܬܩܛܠܘ ܒܦܘܩܕܢܐ܂ ܘܝܗܒܬ ܠܗܘܢ ܡ̈ܝܐ ܒܚ̈ܝܐ ܛܒ̈ܐ ܕܠܐ ܓܡܪܝܢ܂
11:08 ܡܛܠ ܗܢܐ ܚܘܝܬ܂ ܕܒܨܗܝܐ ܗܘ ܥܒܕܬ ܦܘܪܥܢܐ ܡܢ ܐܝܠܝܢ ܕܕܠܩܘܒܠܐ ܐܢܘܢ
11:09 ܟܕ ܐܬܒܩܝܘ܂ ܘܒܪ̈ܚܡܐ ܪܕܝܬ/ܪܕܬ#3#/ ܘܕܒܪܬ ܐܢܘܢ܂ ܘܝܕܥܘ ܕܒܪܘܓܙܐ ܡܬܢܓܕܝܢ ܘܡܨܛܥܪܝܢ ܪ̈ܫܝܥܐ܂
11:10 ܠܗܠܝܢ ܕܝܢ ܐܒܐ܂ ܓܒܝܬ ܘܒܝܐܬ ܘܒܕܩܬ܂ ܘܠܗܢܘܢ ܐܝܟ ܡ݁ܠܟܐ ܙܥܝܦܐ ܩܛܠܬ ܘܚܝܒܬ܂
11:11 ܠܪ̈ܚܝܩܐ ܘܠܩܪ̈ܝܒܐ ܫܚܩܬ ܐܢܘܢ܂
11:12 ܘܥܩܬܐ ܥܦܝܦܬܐ ܢܣܒܬ ܐܢܘܢ܂ ܘܬܐ̈ܢܚܬܐ ܕܕܘܟܪܢܐ ܥܠ ܐܝܠܝܢ ܕܥܒܪܘ܂
11:13 ܡܛܠ ܕܫܡܥܘ ܦܘܪܥܢܐ/ܦܘܪܩܢܐ#3#/ ܕܢܦܫܗܘܢ ܕܟܕ ܛܐܒ/ܛܒ#3#/ ܠܗܘܢ ܠܐ ܝܕܥܘ ܠܡܪܝܐ܂
11:14 ܐܠܐ ܡܡܝܩܝܢ ܗܘܘ ܒܡܕܡ ܕܓܕܫ ܠܗܘܢ܂ ܘܒܫܘܠܡܐ ܕܡܦܩܬܗܘܢ ܬܡܝܗܝܢ ܗܘܘ܂ ܘܓܥܬܗܘܢ ܠܐ ܗܘܬ ܐܝܟ ܕܙܕܝܩ̈ܐ܂
11:15 ܐܠܐ ܐܝܟ ܡܚܫ̈ܒܬܗܘܢ ܕܠܝܬ ܗܘܐ ܒܗܝܢ ܣܘܟܠܐ ܗܟܢܐ ܗܘܐ/ܗܘ#3#/ ܛܠܘܡܝܗܘܢ܂ ܡܛܠ ܕܗܢܘܢ ܛܥܘ܂ ܘܫܡܫܘ ܠܪܚܫܐ ܘܠܚ̈ܝܘܬܐ ܕܠܐ ܡܡ̈ܠܠܢ܂ ܘܐܢܬ ܫܕܪܬ ܥܠܝܗܘܢ ܒܨܥܪܐ܂ ܚ̈ܝܘܬܐ ܣܓ̈ܝܐܬܐ ܕܠܐ ܡ̈ܡܠܠܢ ܠܦܘܪܥܢܘܬܐ܂
11:16 ܕܢܗܘܘܢ ܝܕܥܝܢ ܕܒܡܕܡ ܕܡܣܟܠ ܐܢܫ܂ ܒܗ ܡܬܕܝܢ ܘܡܬܦܪܥ܂
11:17 ܠܐ ܗܘܬ ܓܝܪ ܚܣܝܪܐ ܠܘܬܟ ܚܝܠܬܢܘܬܐ܂ ܗܕܐ ܕܒܪܝܬ ܥܠܡܐ ܡܢ ܗܘܠܐ ܕܠܐ ܝܕܝܥܐ܂ ܡܨܐ ܗܘܝܬ ܓܝܪ ܕܬܫܕܪ ܥܠܝܗܘܢ ܕܐ̈ܒܝܢ ܣܓ̈ܝܐܝܢ܂
11:18 ܐܘ ܚܡܬܐ ܕܐܪ̈ܝܘܬܐ܂ ܐܘ ܒܠܨܘܨ̈ܝܬܐ ܕܚܝܠܐ ܕܒܪ̈ܩܐ܂ ܐܘ ܚܡܬܐ ܕܚܝ̈ܘܬܐ ܣܓܝܐ̈ܬܐ ܕܠܐ ܝܕܝ̈ܥܢ܂ ܐܘ ܢܘܪܐ ܕܢܦܚܐ ܘܐܟܠܐ܂ ܐܘ ܚܝܠܐ ܕܬܢܢܐ ܕܬܐܢ܂ ܐܘ ܚܝܠܐ ܕܠܨܝ̈ܬܐ ܕܒܪ̈ܩܐ܂
11:19 ܗܠܝܢ ܕܠܐ ܗܘܐ ܠܡܚܒܠܘܬܗܘܢ ܡܨܝܢ ܒܠܚܘܕ܂ ܐܠܐ ܕܐܦ ܚܙܘܗܝܢ ܡܫܟܚ ܠܡܚܒܠܘ ܐܢܘܢ܂
11:20 ܘܣܛܪ ܡܢ ܗܠܝܢ ܟܠܗܝܢ܂ ܡܫܟܚ ܗܘܝܬ ܕܒܚܕܐ ܪܘܚ ܬܣܝܦ ܐܢܘܢ ܘܬܘܒܕ܂ ܘܢܬܪܕܦܘܢ ܡܢ ܩܕܡ ܦܘܪܥܢܘܬܟ܂ ܘܬܕܪܐ ܐܢܘܢ ܡܢ ܩܕܡ ܐ̈ܦܐ ܕܪܘܚܟ܂ ܐܠܐ ܟܠ ܡܕܡ ܒܟܝܠܐ ܡܟܝܢܐ܂ ܘܒܛܟܣܐ ܘܒܡܬܩܠܐ ܐܝܬܝܬ ܥܠܝܗܘܢ܂
11:21 ܡܛܠ ܕܪ̈ܘܪܒܬܐ ܒܟܠ ܙܒܢ ܩܝ̈ܡܢ ܩܕܡܝܟ܂ ܘܩܕܡ ܕܪܥܐ ܕܝܡܝܢܟ ܡܢܘ ܡܫܟܚ ܠܡܩܡ܂
11:22 ܕܐܝܟ ܪܦܦ ܥܝܢܐ ܗܝ ܟܠܗ݀ ܓܒܝܠܬܐ ܕܥܠܡܐ ܩܕܡܝܟ܂ ܘܐܝܟ ܡ̈ܝܐ ܕܛܠܐ ܕܒܨܦܪܐ ܢܚܬ ܥܠ ܐܪܥܐ܂
11:23 ܡܪܚܡ ܐܢܬ ܥܠ ܟܠ ܕܠܟܠ ܡܨܠܚ ܐܢܬ܂ ܘܡܥܒܪ ܐܢܬ ܣ̈ܟܠܘܬܗܘܢ ܕܒܢ̈ܝ ܐܢܫܐ ܟܕ ܢܬܘܒܘܢ܂
11:24 ܪܚܡ ܐܢܬ ܠܟܠ܂ ܘܡܕܡ ܠܐ ܡܣܠܐ ܐܢܬ ܡܢ ܡܕܡ ܕܥܒܕܬ܂ ܡܛܠ ܕܐܠܘ ܣܢܐ ܗܘܝܬ ܡܕܡ ܠܐ ܥܒܕ ܗܘܝܬ ܠܗ܂
11:25 ܐܝܟܢܐ ܓܝܪ ܩܐܡ ܗܘܐ ܡܕܡ܂ ܐܠܘ ܠܐ ܕܐܢܬ ܨܒܝܬ܂ ܐܘ ܐܝܟܢܐ ܡܬܢܛܪ ܗܘܐ ܡܕܡ܂ ܐܠܘ ܠܐ ܕܐܢܬ ܦܩܕܬ܂
11:26 ܚܐܣ ܐܢܬ ܥܠ ܟܘܠ܂ ‍<‍ܡܛܠ#3#‍>‍ ܕܕܝܠܟ ܗܘ ܟܠ ܡܪܝܐ܂ ܪܚܡ ܐܢܬ ܗܘ ܢܦܫ̈ܬܐ܂

next chapter