The Comprehensive Aramaic Lexicon

15:01	ܐܢܬ ܕܝܢ ܐܠܗܢ܂ ܒܣܝܡܐ ܐܢܬ/ܐܝܬܝܟ#3#/ ܘܚܣܝܐ ‍<‍ܐܢܬ#3#‍>‍܂ ܘܢܓܝܪܐ ܪܘܚܟ ܘܣܓܝܐܐ ܛܝܒܘܬܟ܂ ܘܠܟܠ ܡܬܪܣܐ ܐܢܬ܂
15:02	ܘܐܢ ܢܣܟܠ ܕܝܠܟ ܚܢܢ܂ ܕܚܢܢ ܝܕܥܝܢܢ ܬܘܩܦܟ܂ ܒܪܡ ܕܝܢ ܠܐ ܡܣܟܠܝܢܢ ܕܠܟ/ܕܕܝܠܟ#3#/ ܚܫܝܒܝܢܢ܂
15:03	ܙܕܝܩܘܬܐ ‍<‍ܓܝܪ#3#‍>‍ ܡܫܡܠܝܬܐ ܕܐܢܫ ܢܕܥܟ܂ ܘܕܐܢܫ ܢܕܥ ܫܪܪܟ ܥܩܪܐ ܕܠܐ ܡܐܬ܂

15:04	ܠܐ ܐܛܥܝܘܢ ܥܒܕ ܐ̈ܝܕܝܗܘܢ ܕܒܢ̈ܝ ܐܢܫܐ܂ ܪܝܩܢܘܬܗܘܢ ܛܠܠܐ ܕܟܬ̈ܒܝܗܘܢ܂ ܠܐܘܬܐ ܕܐ̈ܝܕܝܗܘܢ ܠܝܬ ܒܗ݀ ܦܐܪ̈ܐ܂ ܚ̈ܙܘܐ ܣܪ̈ܝܩܐ ܘܕܡ̈ܘܬܐ ܕܡܬܚ̈ܠܦܢ/ܕܡܫ̈ܬܚܠܦܢ#3#/܂

15:05	ܩܕܡ ܐ̈ܦܝܗܘܢ ܕܦܟܝ̈ܗܐ ܗܝ ܚܒܝܒܐ܂ ܕܨܒܝܢ ܒܨܒ̈ܘܬܐ ܡܝ̈ܬܬܐ܂ ܙܝܘܐ ܕܠܝܬ ܒܗ ܪܘܚܐ܂
15:06	ܦܥ̈ܠܐ ܐܢܘܢ ܒܝ̈ܫܐ܂ ܘܠܗܢܐ ܗܘ ܣܒܪܐ ܫܘܝܢ܂ ܐܝܠܝܢ ܕܡܬܟܬܫܝܢ ܒܗܘܢ ܘܪܚܡܝܢ ܠܗܘܢ ܘܕܚܠܝܢ ܠܗܘܢ܂
15:07	ܗܐ ܓܝܪ ܦܚܪܐ ܕܐܫ/ܕܐܢܫ#3#/ ܛܝܢܐ ܪܓܝܐ ܒܠܐܘܬܐ/ܒܡܠܬܐ#3#/܂ ܘܓܒܠ/ܘܓܡܪ#3#/ ܡܢܗ ܡܐ̈ܢܐ ܠܚܘܫܚܐ܂ ܡܢܗ ܡܢ ܛܝܢܐ ܥܒܕ ܡܐ̈ܢܐ ܕܕܟܝܢ ܠܬܫܡܫܬܐ܂ ܘܡܐ̈ܢܐ ܕܠܐ ܕܟܝܢ ܠܥܒܕܗܘܢ܂ ܘܗܘ ܥܒܕ ܦܚܪܐ ܡܦܪܫ ܚܕ ܚܕ/ܠܚܕ#3#/ ܠܬܫܡܫܬܗ܂
15:08	ܘܒܐܘܡܢܘܬܐ ܒܝܫܬܐ ܓܒܠ ܡܢܗ ܐܠܗܐ ܠܣܪܝܩܘܬܐ܂ ܠܗ݀ܘ ܕܡܢ ܩܕܡ ܩܠܝܠ ܡܢ ܐܪܥܐ ܐܦܩܗ܂ ܘܒܬܪ ܩܠܝܠ ܠܐܪܥܐ ܗܦܟ܂ ܘܬܒܥܝܢ ܠܗ ܚܘܒܬܐ ܕܢܦܫܐ܂
15:09	ܘܗܘܝܐ ܠܐ ܨܦܬܐ ܕܠܐ ܡܫܟܚ ܕܢܠܐܐ ܘܠܐ ܗܘܐ ܡܛܠ ܕܗܘܐ ܥܘܡܪܗ ܩܠܝܠ ܐܘ ܣܓܝ܂ ܐܠܐ ܥܘܡܪܐ ܐܒܝܕܐ ܕܕܗܒܐ ܘܕܟܣܦܐ ܘܕܢܚܫܐ܂ ܘܡܕܡܝܢ ܘܥܒܕܝܢ ܠܗ ܒܛܢܦܘܬܐ܂ ܘܡܩܝܡܝܢ ܠܗ ܒܫܘܒܚܐ܂
15:10	ܩܛܡܐ ܗܘ ܠܒܗ ܘܥܦܪܐ ‍<‍ܗܘ#2#‍>‍ ܣܒܪܗ܂ ܛܝܢܐ ܕܨܥܪܐ ܥܘܡܪܗ܂
15:11	ܕܠܐ/ܘܠܐ#3#/ ܝܕܥ ܠܗ݀ܘ ܕܓܒܠܗ܂ ܘܢܦܫܐ ܓܡܝܪܬܐ ܐܪܡܝ ܒܗ܂ ܘܪܘܚܐ ܕܚ̈ܝܐ ܢܦܚ ܒܗ܂
15:12	ܘܚܫܒܘܗܝ ܥܘܡܪܐ ܕܚܝ̈ܝܗܘܢ ܓܘܚܟܐ܂ ܘܥܘܡܪܗܘܢ ܐܝܟ ܙܒܢܐ ܘܙܒܝܢܬܐ ܕܬܓܪܐ܂ ܘܟܠܗ݀ ܬܐܓܘܪܬܗ ܒܒܝܫܬܐ܂
15:13	ܘܗܘ ܝܬܝܪ ܡܢ ܟܠ ܝܕܥ ܕܡܣܟܠ܂ ܗ݀ܘ ܕܡܢ ܗܘܠܐ ܕܥܦܪܐ ܥܒܕ ܓܠܝܦ̈ܐ ܘܫܡܫ ܐܢܘܢ܂
15:14	ܟܠܗܘܢ ܫܝܛܝܢ ܘܕܘܝܢ܂ ܘܥܠ ܢܦܫܗ ܕܙܥܘܪܐ܂ ܣܢܐ̈ܘܗܝ ܕܥܡܟ ܡܬܚܝܠܝܢ ܥܠܘܗܝ܂
15:15	ܡܛܠ ܕܚܫܒܘ ܟܘܠܗܘܢ ܦܬܟܪ̈ܝܗܘܢ ܕܥܡ̈ܡܐ ܐ̈ܠܗܝܢ܂ ܕܠܐ ܚ̈ܙܝܢ ܥܝܢ̈ܝܗܘܢ ܚܫܚܘ܂ ܐܦ ܠܐ ܢܚܝܪ̈ܝܗܘܢ ܡܪ̈ܝܚܝܢ ܐܐܪ܂ ܘܠܐ ܐ̈ܕܢܝܗܘܢ ܫܡ̈ܥܢ܂ ܘܨܒ̈ܥܬܐ ܕܐ̈ܝܕܝܗܘܢ ܠܐ ܪ̈ܚܫܢ܂ ܘܒܛܝ̈ܠܢ ܪ̈ܓܠܝܗܘܢ ܡܢ ܗܠܟܬܐ܂
15:16	ܡܛܠ ܕܒܪ ܐܢܫܐ ܥܒܕ ܐܢܘܢ܂ ܘܪܘܚܐ ܕܙܐܦܐ ܓܒܠܬ ܐܢܘܢ܂ ܘܐܢܫ ܡܢܗܘܢ ܠܐ ܡܫܟܚ ܕܢܥܒܕ ܐܠܗܐ ܐܝܟ ܒܪ ܐܢܫܐ܂
15:17	ܐܢܫܐ ܗܘ ܡܝܘܬܐ܂ ܘܥܒܕ ܡܝ̈ܬܐ ܒܐ̈ܝܕܝܐ ܚ̈ܛܝܬܐ܂ ܘܗܘ ܡܝܬܪ ܗܘ ܡܢ ܕܚܠܬܗ ܕܗܘ ܡܫܟܚ ܕܢܚܐ܂ ܘܗܢܘܢ ܠܐ ܡܫܟܚܝܢ܂
15:18	ܘܐܦ ܠܚܝ̈ܘܬܐ ܛܢ̈ܦܬܐ ܕܚܠܝܢ ܒܫܛܝܘܬܐ܂ ܘܗܠܝܢ ܒܝܫ̈ܝܢ ܡܢ ܗܠܝܢ܂
15:19	ܕܐܬܪܓܪܓܘ ܠܚܙܘܐ ܕܚܝ̈ܘܬܐ ܕܢܣܒܘܢ ܐܝܟ ܛܒ̈ܬܐ܂ ܘܫܢܝܘ ܡܢ ܬܫܒܘܚܬܗ ܕܐܠܗܐ ܘܡܢ ܒܘܪܟܬܗ܂