The Comprehensive Aramaic Lexicon

17:01	ܪ̈ܘܪܒܝܢ ܐܢܘܢ ܓܝܪ ܕܝܢ̈ܝܟ܂ ܘܬܡܝܗܝܢ ܐܢܘܢ ܠܡܬܢܝܘ ܡܛܠ ܗܢܐ܂ ܐܝܠܝܢ ܕܚܨܝܦܝܢ ܒܢܦܫܗܘܢ ܛܥܘ܂
17:02	ܣܒܪܝܢ ܗܘܘ ܓܝܪ ܚ̈ܛܝܐ ܕܢܫܥܒܕܘܢ ܠܥܡܟ ܩܕܝܫܐ܂ ܐܣܘܪ̈ܘܗܝ ܕܚܫܘܟܐ ܘܡ̈ܠܘܟܘܗܝ ܕܠܠܝܐ܂ ܐܬܚܫܒܘ ܒܢܦܫܗܘܢ܂
17:03	ܘܣܒܪܝܢ ܗܘܘ ܠܡܥܪܩ ܡܢ ܡܚ̈ܫܒܬܗ ܕܥܠܡܐ܂ ܘܠܡܛܫܝܘ ܚ̈ܛܗܝܗܘܢ ܣܒܪܝܢ ܗܘܘ܂ ܒܡܕܡ ܕܥܒܕܘ ܐܬܟܣܣܘ ܘܐܬܒܕܪܘ܂ ܘܕܚܠܘ ܬܡܝܗܐܝܬ܂ ܘܐܬܕܠܚܘ/ܘܐܬܒܕܪܘ#3#/ ܘܐܫܬܕܝܘ܂
17:04	ܘܚܫܘܟܐ ܕܐܚܕ ܐܢܘܢ ܒܕܚܠܬܐ ܚܒܫ ܐܢܘܢ܂ ܘܩܠܐ ܕܠܘܛܬܐ ܩܒܠ ܐܢܘܢ܂ ܘܡܢ ܫܠܝܐ ܚܫܟ ܥܝܢ̈ܝܗܘܢ܂ ܘܢܘܗܪܐ ܠܐ ܗܘܐ ܥܠܝܗܘܢ܂
17:05	ܘܒܚܐܦܐ ܕܢܘܪܐ ܐܬܒܕܪܘ܂ ܘܫܠܗܒܝܬܗܘܢ ܢܗܝܪܐ ܘܠܐ ܕܥܟܐ܂ ܘܣܒܪܝܢ ܗܘܘ ܕܢܗܘܐ ܠܗܘܢ ܢܘܗܪܐ/ܢܗܝܪܐ#3#/ ܒܚܫܘܟܐ ܕܠܠܝܐ ܗ݀ܘ܂
17:06	ܘܢܘܪܐ ܗܘ ܒܠܚܘܕ ܗܘܬ ܡܢܗܪܐ ܠܗܘܢ܂ ܘܐ̈ܦܝܗ݀ ܠܐ ܚܙܝܢ ܗܘܘ܂ ܩܫܐ ܗܘܐ ‍<‍ܒܠܚܘܕ#3#‍>‍ ܚܙܘܐ ܕܚܙܘ܂

17:07	ܘܣܒܪܘ ܠܡܥܒܕ ܐܘܡܢܘܬܐ ܕܚܪ̈ܫܐ܂ ܘܒܡܚܫܒܬܐ ܕܪܡܘܬܗܘܢ ܐܬܢܟܝܘ܂ ܒܨܥܪܐ ܘܒܢ̈ܘܟܬܬܐ ܘܒܪܗܒܐ܂

17:08	ܐܬܕܒܪ ܢܦܫ̈ܬܗܘܢ ܒܝܫܐܝܬ܂ ܘܒܓܘܚܟܐ ܘܒܕܚܠܬܐ ܐܬܟܪܗܘܢ܂
17:09	ܘܟܠ ܬܡܝ̈ܗܬܐ ܐܕܚܠ ܐܢܘܢ܂ ܘܕܒ̈ܒܐ ܒܛܡܐܘܬܐ ܘܪܚܫܐ ܒܓܘܪܝܐ܂ ܘܡܢ ܦܪܚܬܐ ܢܦܠܘ
17:10	ܘܪܬܘ ܘܐܒܕܘ܂ ܘܡܢ ܐܐܪ ܕܡܕܡ ܠܐ ܐܝܬܘܗܝ܂ ܥܪܩܘ ܟܦܘܪ̈ܐ ܕܠܐ ܢܗܝܡܢܘܢ܂
17:11	ܡܛܠ ܕܒܝܫܘܬܗܘܢ ܡܣܗܕܐ ܥܠܝܗܘܢ ܘܡܚܝܒܐ ܠܗܘܢ܂ ܕܥܒܕܘ ܒܝܫ̈ܬܐ ܘܐܚܕܘ/ܘܐܒܕܘ#3#/ ܒܡܚܫܒ̈ܬܗܘܢ܂
17:12	ܡܢܐ ܗܝ ܕܚܠܬܗܘܢ܂ ܐܠܐ ܡܫܠܡܢܘܬܗ݀ ܕܒܝܫܬܐ܂ ܘܡܥܕܪܢܝܬܗܝܢ ܕܡܚܫ̈ܒܬܐ ܕܡܢ ܠܓܘ ܐܝܬܝܗ݀܂
17:13	ܘܠܕܒܨܝܪ ܡܢܗ݀ ܡܣܟܝܐ܂ ܘܗܝ ܝܬܝܪܐ ܗܝ ܡܢ ܗܝ ܕܠܐ ܝܕܥܐ܂ ܘܗܝ ܥܠܬܐ ‍<‍ܗܝ#1##2#‍>‍ ܕܨܥܪܐ ܕܐܬܐ܂
17:14	ܘܠܠܝܐ ܕܠܐ ܡܨܐ܂ ܘܡܢ/ܕܡܢ#3#/ ܫܝܘܠ ܒܐܣܘܪ̈ܝܗ݀ ܠܐ ܡܫܟܚ ܕܢܐܬܐ܂ ܕܒܗ݀ ܒܫܢܬܐ/ܒܫܥܬܐ#3#/ ܕܡܟܝܢ ܗܢܘܢ܂
17:15	ܘܒܫܢܬܟ ܚܙܝܬ ܢܦܫܟ ܕܡܕܒܪ ܗܘܝܬ ܠܗ݀܂ ܘܟܠ ܡܕܡ ܕܚܙܝܬ ܢܦܚܬ ܒܗ܂
17:16	ܘܐܬܚܙܝܬ ܕܐܣܝܪ ܐܢܬ ܕܠܐ ܒܐܣܘܪܝܐ ܘܚܒܝܫ ܐܢܬ܂
17:17	ܐܢ ܦܠܚܐ ܐܢܬ ܐܘ ܪܥܝܐ܂ ܐܘ ܒܠܐܘܬܐ ܕܚܩܠܐ ܠܐܝܬ܂ ܐܬܢܣܒܬ ܘܩܡܬ ܒܐܢܢܩܐ ܕܠܐ ܒܟܝܬ ܠܗ݀܂
17:18	ܚܕ ܗܘ ܡܥܠܢܗ ܕܚܫܘܟܐ܂ ܘܟܠ ܡܨܠܝܢ ܡܛܠܬܗ܂ ܒܚܕܐ ܓܝܪ ܫܫܠܬܐ ܕܚܫܘܟܐ ܟܠܗܘܢ ܐܬܐܣܪܘ ܐܘ ܪ̈ܘܚܐ ܕܡܫܪ̈ܩܢ܂ ܐܘ ܩܠ ܓܦ̈ܐ ܕܦܪܚܬܐ ܕܡܡܠܠܝܢ ܩ̈ܠܐ ܚ̈ܠܝܐ܂ ܐܘ ܩܠ ܡ̈ܝܐ ܕܪ̈ܕܝܢ ܒܚܐܦܐ܂
17:19	ܐܘ ܩܠ ܟܐ̈ܦܐ ܕܢ̈ܦܠܢ ܥܠ ܟܐ̈ܦܐ܂ ܐܘ ܩܠ ܚ̈ܝܘܬܐ ܕܪ̈ܗܛܢ ܘܡܫܘܪ̈ܢ ܘܠܐ ܡܬܚ̈ܙܝܢ܂ ܐܘ ܩܠ ܚܝ̈ܘܬܐ ܒܝܫ̈ܬܐ ܕܢܗ̈ܡܢ܂ ܐܘ ܩܠܐ ܕܒܪܬ ܩܠܐ ܡܢ ܒܝܢ̈ܬ ܛܘܪ̈ܐ ܐܫܪܝܬ ܐܢܘܢ ܒܕܚܠܬܐ܂
17:20	ܟܠܗܝܢ ܓܝܪ ܒܪ̈ܝܬܐ ܒܫܘܦܪܐ ܕܢܘܗܪܐ ܡܢܗܪ̈ܢ܂ ܘܟܠܗ ܥܒܕܗ ܕܠܐ ܒܕܠܘܚܝܐ܂
17:21	ܒܠܚܘܕ ܥܠ ܗܢܘܢ ܗܘܐ ܠܠܝܐ ܝܩܝܪ܂ ܕܡܘܬܗ ܕܚܫܟܐ ܕܥܬܝܕ ܠܡܐܬܐ ܥܠܝܗܘܢ܂ ܗܘܐ ܠܗܘܢ ܠܠܝܐ ܝܩܝܪܐ܂