← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

62070: P Wisd

Click on a word for lexical analysis
Click on a red-colored coordinate for comments and/or translations of the line

previous chapter


19:01 ܘܥܠ ܪ̈ܫܝܥܐ ܠܣܘܦܐ ܩܡܬ ܥܠܝܗܘܢ ܚܡܬܐ ܕܠܐ ܚܘܣܢ܂ ܡܢ ܩܕܝܡ ܓܝܪ ܝܕܥܘ ܐܦ ܡܐ ܕܥܬܝܕ ܠܗܘܢ܂
19:02 ܡܛܠ ܕܗܢܘܢ ܗܦܟܘ ܕܠܐ ܢܗܘܘܢ܂ ܘܡܣܪܗܒܐܝܬ ܫܕܪܘ ܐܢܘܢ܂ ܘܪܕܦܘ ܐܢܘܢ ܟܕ ܬܘܝܢ܂
19:03 ܡܛܠ ܕܒܐ̈ܝܕܝܗܘܢ ܗܘܐ ܐܒܠܐ܂ ܘܡܪܩܕܝܢ ܗܘܘ ܠܡܩܒܪ ܡܝ̈ܬܐ܂ ܘܐܬܪܥܝܘ ܐܚܪܬܐ ܡܚܫܒܬܐ ܕܠܐ ܐܝܕܥܬܐ܂ ܘܠܐܝܠܝܢ ܕܟܕ ܡܬܟܫܦܝܢ ܠܗܘܢ ܐܦܩܘ ܐܢܘܢ܂ ܐܝܟ ܥܪ̈ܘܩܐ ܪܕܦܘ ܒܬܪܗܘܢ܂
19:04 ܢܓܕܐ ܗܘܬ ܠܗܘܢ ܓܝܪ/ܕܝܢ#3#/ ܬܒܥܬܐ ܠܣܘܦܐ ܕܐܢܢܩܐ܂ ܘܠܐ ܐܬܕܟܪܘ ܐܝܠܝܢ ܕܓܕܫ ܠܗܘܢ܂ ܕܐܦ ܗܕܐ ܚܕܐ ܕܚܣܝܪܐ ܡܢ ܢ̈ܓܕܐ ܢܫܠܡܘܢ ܒܬܫܢܝܩܐ܂
19:05 ܘܥܡܟ ܒܐܘܪܚܐ ܡܝܬܪܬܐ ܢܬܒܩܐ܂ ܗܢܘܢ ܕܝܢ ܡܘܬܐ ܐܟܣܢܝܐ ܢܫܟܚܘܢ܂
19:06 ܟܠܗ݀ ܓܝܪ ܒܪܝܬܐ ܒܛܟܣܐ ܕܟܝܢܗ݀܂ ܡܢ ܠܥܠ ܡܬܒܪܝܐ ܗܘܬ܂ ܘܡܫܬܥܒܕܐ ܒܟܝܢܗ݀ ܠܦܘܩ̈ܕܢܝܟ܂ ܕܢܬܢܛܪܘܢ ܥܒ̈ܕܝܟ ܕܠܐ ܢܟܝܢܐ܂
19:07 ܘܠܟܘܠܗ݀ ܡܫܪܝܬܐ ܡܛܠܠܐ ܥܢܢܐ܂ ܘܡܢ ܡ̈ܝܐ ܕܩܝܡܝܢ܂ ܝܒܫܐ ܡܢ ܥܘܡܩܐ ܕܐܪܥܐ ܐܬܚܙܝ܂ ܘܐܬܕܪܫܬ ܒܝܡܐ ܣܘܡܩܐ ܐܘܪܚܐ ܕܠܐ ܥܘܟܪ܂ ܘܦܩܥܬܐ ܕܡܠܝܐ ܟܘܠ ܥܣܒ̈ܐ܂ ܐܪܥܬ ܐܢܘܢ ܡܢ ܡܚܫܘܠܐ
19:08 ܕܒܗ ܥܒܪܘ ܟܠܗ ܥܡܐ܂ ܒܕܡܓܢܐ ܗܘܬ ܥܠܝܗܘܢ ܐܝܕܟ܂ ܘܚܙܘ ܬܕܡܪ̈ܬܐ ܘܬܡܝ̈ܗܬܐ܂
19:09 ܘܐܝܟ ܪ̈ܟܫܐ ܪܥܘ ܘܐܝܟ ܐܡܪ̈ܐ ܕܝܨܘ܂ ܘܫܒܚܘܟ ܡܪܝܐ ܕܦܪܩܬ ܐܢܘܢ܂
19:10 ܡܬܕܟܪܝܢ ܗܘܘ ܓܝܪ ܡܐ ܕܗܘܐ ܒܝܬ ܬܘܬܒܘܬܗܘܢ܂ ܐܝܟܢܐ ܚܠܦ ܡܘܠܕܐ ܕܚܝ̈ܘܬܐ܂ ܐܦܩܬ ܐܪܥܐ ܪܚܫܐ ܘܫܪܨܐ܂ ܘܚܠܦ ܪܚܫܐ/ܢܗܪܐ#3#/ ܕܡ̈ܝܐ܂ ܐܒܥ ܢܗܪܐ ܐܘܪ̈ܕܥܐ ܣܓܝܐܬ̈ܐ܂
19:11 ܘܡܢ ܒܬܪ ܗܠܝܢ ܒܚܪܬܐ܂ ܚܙܘ ܬܘܒ ܡܘܠܕܐ ܚܕܬܐ ܕܦܪܚܬܐ܂ ܘܟܕ ܩܕܡܘ ܪܓܘ ܥܡܟ ܫܐܠܘ ܡܐܟܘܠܬܐ ܠܬܘܪܣܝܐ܂
19:12 ܘܐܝܟ ܕܠܡܒܝܐܘܬܗܘܢ ܐܣܩܬ ܠܗܘܢ ܣܠܘܝ ܡܢ ܝܡܐ܂
19:13 ܘܢ̈ܓܕܐ ܥܠ ܚ̈ܛܝܐ ܐܬܘ܂ ܠܐ ܗܘܐ ܕܠܐ ܕܡ̈ܘܬܐ ܕܡܢ ܩܕܝܡ ‍{‍‍{‍ܗܘܐ‍}‍‍}‍ ܗܘܐ ܪܘܓܙܐ ܘܐܘܠܨܢܐ܂ ܒܙܕܩܐ ܓܝܪ ܚܫܝܢ ܗܘܘ ܒܒܝܫ̈ܬܗܘܢ܂ ܐܘܪܚܐ ܓܝܪ ܒܝܫܬܐ ܐܬܪܥܝܘ܂
19:14 ܘܗܢܘܢ ܕܠܐ ܝܕܥܘ ܠܐ ܩܒܠܘ ܐܢܘܢ ܟܕ ܬܡܢ ܗܘܘ܂ ܗܠܝܢ ܓܝܪ ܠܡܦܪ̈ܢܣܢܐ ܐܟ̈ܣܢܝܐ ܡܫܥܒܕܝܢ ܗܘܘ܂
19:15 ܘܠܐ ܗܘܐ ܒܠܚܘܕ ܗܕܐ܂ ܐܠܐ ܣܘܥܪܢܐ ܢܐܬܐ ܥܠܝܗܘܢ܂ ܕܠܐ ܨܒܝܢ ܗܘܘ ܠܡܫܒܩ ܠܢܘܟܪ̈ܝܐ܂
19:16 ܗܢܘܢ ܕܝܢ ܒܚܕܘܬܐ ܩܒܠܘ ܠܐܝܠܝܢ ܕܡܛܠܬܗܘܢ ܩܒܠܘ ܦܘܪܥܢܐ܂ ܥܠ ܕܐܒܐܫܘ ܠܗܘܢ ܒܠܐܘܬܐ܂
19:17 ܒܠܥܘ ܕܝܢ ‍<‍ܐܦ#1##2#‍>‍ ܒܚܫܘܟܐ܂ ܐܝܟ ܣܕܘ̈ܡܝܐ ܥܠ ܬܪܥܗ ܕܙܕܝܩܐ ܕܒܠܥܘ ܒܫܪ̈ܓܪܓܝܬܐ܂ ܘܒܚܫܘܟܐ ܕܚܦܝ ܐܢܘܢ܂ ܐܢܫ ܐܢܫ ܡܢܗܘܢ ܡܥܠܢܐ ܕܬܪܥܗ ܒܥܝܢ ܗܘܘ܂
19:18 ܡܛܠܬܗܘܢ ܓܝܪ ܐ̈ܣܛܘܟܣܐ ܡܬܩܢܝܢ܂ ܐܝܟܢܐ ܕܒܟܢܪܐ ܒܩܠܐ ܕܩܝ̈ܢܬܐ ܫܡܐ ܕܩ̈ܠܐ ܡܫܚܠܦܝܢ܂ ܘܒܟܠ ܕܝܢ ܐܝܬܘܗܝ ܩܠܐ܂ ܕܐܝܬܘܗܝ ܕܡܘܬܐ ܕܬܚܘܝܬܐ ܕܐ̈ܦܐ ܕܐܝܠܝܢ ܕܗ̈ܘܝ ܒܫܪܪܐ܂
19:19 ܐܪܥܐ ܓܝܪ ܒܝܪܬܐ ܡܬܗܦܟܐ ܗܘܬ ܠܐ̈ܓܡܐ܂ ܘܪܚܫܐ ܡܗܠܟ ܗܘܐ ܥܠ ܐܪܥܐ܂
19:20 ܘܢܘܪܐ ܡܫܬܠܗܒܐ ܗܘܬ ܒܡ̈ܝܐ܂ ܘܠܐ ܡܘܩܕܐ ܗܘܬ ܒܚܝܠܗ݀܂ ܘܡ̈ܝܐ ܒܚܝܠܗܘܢ ܠܐ ܡܕܥܟܝܢ ܗܘܘ ܠܢܘܪܐ܂
19:21 ܘܫܠܗܒܝܬܐ ܠܐ ܐܘܩܕܬ ܠܚ̈ܝܘܬܐ ܡܚ̈ܒܠܢܝܬܐ܂ ܘܠܐ ܚܒܠܬ ܒܣܪܗܝܢ ܟܕ ܡܗ̈ܠܟܢ ܒܗ݀܂ ܘܠܐ ܐܬܦܫܪ ܟܐ̈ܦܝ ܒܪܕܐ ܡܚܒܠ ܦܐܪ̈ܐ܂
19:22 ܒܟܠ ܡܕܡ ܓܝܪ ܡܪܝܐ ܐܘܪܒܬܝܗܝ ܠܥܡܟ ܘܫܒܚܬܝܗܝ܂ ܘܠܐ ܫܒܩܬܝܗܝ ܒܟܠ܂ ܐܠܐ ܒܟܠ ܐܬܪ ܒܟܠܙܒܢ ܥܕܪܬ ܐܢܘܢ܂

next chapter