Click on a word for lexical analysis
Click on a red-colored coordinate for comments and/or translations of the line
| 82:01 | ܡܛܠ ܗܢܐ ܐܚ̈ܝ ܟܬܒܬ ܠܟܘܢ݂܂ ܕܐܝܟܢܐ ܬܬܒܝܐܘܢ ܡܢ ܣܘܓܐܐ ܕܥܩ̈ܬܟܘܢ |
| 82:02 | ܗܘ݂ܝܬܘܢ ܕܝܢ ܝܕܥܝܢ݂܂ ܕܡܬܬܒ݂ܥ ܬܒ݁ܥ ܠܢ ܥܒܘܕܢ ܡܢ ܟܠܗܘܢ ܒ̈ܥܠܕܒܒܝܢ݂܂ ܐܝܟ ܟܠ ܡܐ ܕܥܒ݂ܕܘ ܠܢ܂ ܐܦ ܕܝܬܝܪܐܝܬ ܩܪܝܒ ܗܘ݂ ܫܘܠܡܐ ܕܥܒ݁ܕ ܡܪܝܡܐ܂ ܘܪ̈ܚܡ݂ܘܗܝ ܕܢܐܬܘܢ܂ ܘܠܐ ܗܘܐ ܪܚܝܩ ܫܘܠܡܐ ܕܕܝܢ݂ܗ |
| 82:03 | ܗܐ ܓܝܪ ܚܙܝܢܢ ܗܫܐ ܣܘܓܐܐ ܕܡܨܠܚܢܘܬܗܘܢ ܕܥܡ̈ܡܐ݂܂ ܟܕ ܗ݂ܢܘܢ݂ ܡܪ̈ܫܥܝܢ܂ ܐܠܐ݂ ܠܗܒܠܐ ܗܘ ܕܡ݁ܝܢ |
| 82:04 | ܘܚܝܪܝܢ ܚܢܢ ܒܣܘܓܐܐ ܕܐܘܚܕܢܗܘܢ݂܂ ܟܕ ܗ݂ܢܘܢ ܡܥܘܠܝܢ܂ ܐܠܐ݂ ܠܢܘܛܦܬܐ ܢܬ݁ܕܡܘܢ |
| 82:05 | ܘܚ݁ܙܝܢ ܚܢܢ ܫܘܪܪܗ ܕܚܝܠܗܘܢ݁܂ ܟܕ ܗ݂ܢܘܢ ܠܘܩܒܠ ܚܝܠܬܢܐ ܩܝܡܝ݂ܢ ܒܟܠ ܫܥܐ܂ ܐܠܐ݂ ܐܝܟ ܪܘܩܐ ܢܬܚ݁ܫܒܘܢ݁ |
| 82:06 | ܘܡܬ݁ܚܫܒܝܢ ܚܢܢ ܥܠ ܬܫܒܘܚܬܐ ܕܪܒܘܬܗܘܢ݁܂ ܟܕ ܗ݂ܢܘܢ݂ ܠܐ ܢܛܪܝܢ ܦܘܩ̈ܕܢܘܗܝ ܕܡܪܝܡܐ܂ ܐܠܐ݂ ܐܝܟ ܬܢܢܐ ܢܥ݂ܒܪܘܢ |
| 82:07 | ܘܪܢܝܢܢ ܥܠ ܫܘܦܪܐ ܕܚܝܘܬܗܘܢ܂ ܟܕ ܗ݂ܢܘܢ݂ ܒܛܢܦܘܬܐ ܡܬ݁ܕܒܪܝܢ܂ ܐܠܐ݂ ܐܝܟ ܥܣܒܐ ܕܚ݁ܡܐ ܢܐܒܫܘܢ |
| 82:08 | ܘܡܬܚܫܒܝܢܢ ܥܠ ܥܘܫܢܐ ܕܩܫܝܘܬܗܘܢ݂܂ ܟܕ ܗ݂ܢܘܢ ܚܪܬܐ݂ ܠܐ ܡ݁ܬܕܟܪܝܢ܂ ܐܠܐ݂ ܐܝܟ ܓܠܐ ܕܥܒ݁ܪ ܢܫ݁ܬܚܩܘܢ |
| 82:09 | ܘܡܬܒܝܢܝܢ ܚܢܢ ܥܠ ܫܘܦܪܐ ܕܚܝܠܗܘܢ݂܂ ܟܕ ܗ݂ܢܘܢ ܟܦܪܝܢ ܒܛܝܒܘܬܗ ܕܗ݀ܘ ܕܝܗ݂ܒ ܠܗܘܢ܂ ܐܠܐ݂ ܐܝܟ ܥܢܢܐ ܕܥܒܪܐ ܢܥܒܪܘܢ |