The Comprehensive Aramaic Lexicon

180:01	ܥܙܝܙܘܬܗ܃ ܘܩ݂ܪܝܬ ܒܩܠܟ ܠܡ̈ܝ݂ܬܐ ܘܚܝ݂ܘ܂ ܘܠܐܝܠܝܢ
180:02	ܕܚ݁ܝ݂ܝܢ ܘܡܣܒܪܝܢ ܒܟ݂܂ ܡܠ݂ܟܬ ܠܗܘܢ ܝܘܪܬܢܐ
180:03	ܒܡ݁ܠܟܘܬܟ܂ ܐܢܬ ܗܘ ܕܗ݂ܘܝܬ ܐܝܙܓܕܐ ܘܐܫܬܕܪܬ
180:04	ܡܢ ܪ̈ܘܡܐ ܥ̈ܠܝܐ܂ ܡܛܠ ܕܐܢܬ ܗܘ ܡܫܟܚ ܕܬܥ݂ܒܕ
180:05	ܨܒܝܢܐ ܚ݂݁ܝܐ ܘܡܫܠܡܢܐ ܕܫ݁ܠܘܚܟ܂ ܫܒܝܚ ܐܢܬ ܡܪܝ݁
180:06	ܒܚܝܠܟ܂ ܘܦܘܪܢܣܟ ܡܚܕܬܢܐ ܗܘ ܒܟܠܗܝܢ ܒܪ̈ܝܬܟ܃
180:07	ܘܒܥ݁ܒ̈ܕܐ ܟܠܗܘܢ ܕܬܩܢ݂ܬ ܐܠܗܘܬܟ܃ 10܂4 ܘܐܚܪܝܢ ܠܐ
180:08	ܡܫܟܚ ܠܡܓܡܪ ܠܨܒܝܢܐ ܕܪܒܘܬܟ܂ ܘܠܐ ܕܢܩܘܡ ܥܠ
180:09	ܩܢܘܡܟ ܐܝܟܢܐ ܐܝܬܝܟ܂ ܘܢܚ݂ܬܬ ܠܟ ܠܫܝܘܠ ܘܡ݂ܛܝܬ
180:10	ܥܕܡܐ ܠܚܪܬܗ݀ ܘܦܬ݂ܚܬ ܬܪ̈ܥܝܗ݀ ܘܐܣܩ݂ܬ ܚ̈ܒܝܫܝܗ݀܂
180:11	ܘܕܪܫ݂ܬ ܠܗܘܢ ܐܘܪܚܐ ܠܪܘܡܐ ܒܩܢܘܡܗ݀ ܕܐܠܗܘܬܟ܂
180:12	ܐܝܢ ܡܪܝ ܒܥ݁ܐ ܐܢܐ ܡܢܟ ܥܠ ܥ̈ܠܝܡܐ ܗܠܝܢ܃ ܕܡܕܡ
180:13	ܕܝ݁ܕܥ ܐܢܬ ܕܡ݁ܥܕܪ ܠܗܘܢ݂ ܬܥܒܕ ܠܗܘܢ܂ ܘܣܡ ܐܝܕܗ
180:14	ܥܠܝܗܘܢ݂ ܘܐܡ݂ܪ ܠܗܘܢ܂ ܡܪܢ ܢܗ݂ܘܐ ܥܡܟܘܢ܂
180:15	ܘܐܪܦܝ ܐܢܘܢ ܘܢܦ݂ܩ܃ 11 ܡ݁ܠܟܐ ܕܝܢ ܠܫ̈ܘܫܒܝܢܐ ܡܦܝ݂ܣ
180:16	ܗܘܐ ܕܢܦܩ݂ܘܢ ܡܢ ܒܝܬ ܓܢܘܢܐ܂ ܘܟܕ ܥܡܐ ܟܠܗ ܢܦ݂ܩ
180:17	ܗܘܐ܂ ܘܬܪܥܐ ܕܒܝܬ ܓܢܘܢܐ ܐܬܬܚܕ܂ ܚܬܢܐ ܐ̈ܦܝ
180:18	ܓܢܘܢܐ ܐܪܝܡ ܗܘܐ܃ ܐܝܟܢܐ ܕܠܟܠܬܐ ܢܝ݁ܬܐ ܠܘܬܗ܂
180:19	ܘܚ݂ܙܐ ܗܘܐ ܠܡܪܢ ܒܕܡ݂ܘܬܗ ܕܝܗܘܕܐ ܕܩܐ݁ܡ ܗܘܐ
180:20	ܘܥܡ ܟܠܬܐ ܡܡܠܠ ܗܘܐ܂ ܘܐܡ݂ܪ ܠܗ ܚܬܢܐ ܕܗܐ
180:21	ܩܕܡܝܐ ܢܦܩ݂ܬ ܗܘܝܬ ܠܟ܂ ܐܝܟܢܐ ܗܪܟܐ ܐܢܬ
181:01	ܥܕܟܝܠ ܀ ܐܡ݁ܪ ܠܗ ܡܪܢ ܐܢܐ ܠܐ ܗ݀ܘܝܬ ܝܗܘܕܐ܂
181:02	ܐܠܐ ܐܚܘܗܝ ܐܢܐ ܕܝܗܘܕܐ܂ ܘܝܬ݂ܒ ܗܘܐ ܠܗ ܡܪܢ
181:03	ܒܥܪܣܐ݂܂ ܘܐܦܣ ܗܘܐ ܠܗܘܢ ܠܥ̈ܠܝܡܐ ܕܢܬ݂ܒܘܢ ܥܠ
181:04	ܟܘܪ̈ܣܘܬܐ܂ ܘܫ݂݁ܪܝ ܕܢܐܡܪ ܠܗܘܢ܂ 12܂1 ܥܗܕܘ ܒ̈ܢܝ ܕܐܚܝ
181:05	ܡܠܠ ܥܡܟܘܢ݂ ܘܕܥ݂ܘ ܠܡ݂݁ܢܘ ܐܓܥܠܟܘܢ܂ ܘܕܥܘ ܕܡܚܕܐ
181:06	ܕܡܬܦܪܩܝܢ ܐܢܬܘܢ ܡܢ ܗܕܐ ܫܘܬܦܘܬܐ ܨܐܬܐ݂܂
181:07	ܗ݀ܘܝܢ ܐܢܬܘܢ ܢܘ̈ܣܐ ܕܟ̈ܝܐ܂ ܘܡܬܦܪܩܝܢ ܐܢܬܘܢ ܡܢ
181:08	ܚ̈ܫܐ ܟܣ̈ܝܐ ܘܓ̈ܠܝܐ݂܂ ܘܡܢ ܨܦܬܐ ܝܬܝܪܬܐ ܕܒ̈ܢܝܐ܂
181:09	ܗ݀ܢܘܢ ܕܚܪܬܗܘܢ ܥܩܬܐ ܗܝ ܡܪܝܪܬܐ܂ 12܂2 ܘܐܢ
181:10	ܢܗ݂ܘܘܢ ܠܟܘܢ ܚ̈ܫܐ܂ ܡܛܠܬܗܘܢ ܗ݀ܘܝܢ ܐܢܬܘܢ
181:11	ܛ݁ܠܡܝܢ ܘܒ݁ܙܝܢ ܘܡ݁ܚܝܢ ܠܝܬܡ̈ܐ܂ ܘܥ݁ܠܒܝܢ ܠܐܪ̈ܡܠܬܐ݂܂
181:12	ܘܡܫܬܢܩܝܢ ܐܢܬܘܢ ܣ݁ܓܝ ܒܚܘܣܪ̈ܢܝܗܘܢ܂ ܣܘܓܐܐ
181:13	ܓܝܪ ܕܒ̈ܢܝܐ ܟܐ̈ܒܐ ܣ̈ܓܝܐܐ ܗ݀ܘܝܢ ܠܗܘܢ܂ ܐܘ
181:14	ܕܡ݁ܠܟܐ ܢ݁ܦܠ ܥܠܝܗܘܢ܃ ܐܘ ܕܒܪ ܐܓܪܐ
181:15	ܐ݁ܚܕ ܠܗܘܢ܂ ܐܘ ܕܦܠܓܐ ܢ݁ܦܠ ܥܠܝܗܘܢ܂ ܘܐܢ ܚܠܝܡܝܢ
181:16	ܢܗ݂ܘܘܢ݂ ܣܪܚܝܢ܂܂ ܐܘ ܒܓܘܪܐ ܐܘ ܒܓܢܒܘܬܐ܂ ܐܘ
181:17	ܒܙܢܝܘܬܐ݂ ܐܘ ܒܝܥܢܘܬܐ܂ ܐܘ ܒܫܘܒܗܪܐ ܣܪܝܩܐ܂ ܘܒܗܠܝܢ
181:18	ܣܘܪ̈ܚܢܐ ܡ݁ܫܬܢܩܝܢ ܐܢܬܘܢ ܒܗܘܢ܂ 12܂3 ܐܠܐ ܐܢ
181:19	ܬܬܛ݁ܦܝܣܘܢ ܠܝ ܘܬ݂ܛܪܘܢ ܢܦܫܟܘܢ ܕܟܝܐܝܬ ܠܐܠܗܐ܂
182:01	ܢܗ݂ܘܘܢ ܠܟܘܢ ܒ̈ܢܝܐ ܚ̈ܝܐ܂ ܗ݀ܢܘܢ ܕܚܕ ܡܢ ܡ̈ܘܡܐ
182:02	ܘܢ̈ܟܝܢܐ ܠܐ ܩ݁ܪܒ ܠܗܘܢ܂ ܘܗ݀ܘܝܬܘܢ ܕܠܐ ܨܦܬܐ
182:03	ܘܕܠܐ ܥܩܬܐ݂ ܘܕܠܐ ܟܪܝܘܬܐ܂ ܘܡܣ݁ܒܪܝܢ ܐܢܬܘܢ
182:04	ܕܐܡܬܝ ܬܚ݂ܙܘܢ ܡܫܬܘܬܐ ܗ݀ܝ ܕܫܪܪܐ݂܂ ܘܬܗ݂ܘܘܢ
182:05	ܒܗ݀ ܡܫ̈ܒܚܢܐ܂ ܘܬܬܡ݂ܢܘܢ ܥܡ ܥ݁ܐ̈ܠܝ ܠܓܢܘܢܐ ܀ ܀
182:06	13܂1 ܗ݀ܢܘܢ ܕܝܢ ܥ̈ܠܝܡܐ݂ ܐܬ‍{‍ܬ‍}‍ܛܦܝܣܘ ܗܘܘ ܒܝܕ ܡܪܢ܂
182:07	ܘܐܫ݂ܠܡܘ ܠܗ ܢܦܫܗܘܢ܃ ܘܐܬܦܪܩܘ ܗܘܘ ܡܢ ܨܚܢܘܬܐ܂
182:08	ܘܥܠ ܕܘܟܝ̈ܬܗܘܢ ܐܓܗܘ܂܂ ܘܡܪܢ ܢܦ݂ܩ ܡܢ ܠܘܬܗܘܢ
182:09	ܘܐܡ݂ܪ ܠܗܘܢ܂ ܬܗ݂ܘܐ ܠܘܬܟܘܢ ܛܝܒܘܬܗ ܕܡܪܟܘܢ ܀
182:10	13܂2 ܒܨ݁ܦܪܐ ܕܝܢ ܟܕ ܢܓ݂ܗܬ݂݁܂ ܩ݁ܕܡ ܡ݁ܠܟܐ ܡ݂ܠܐ ܦܬܘܪܐ݂܂
182:11	ܘܐܥ݂ܠ ܩܕܡ ܚܬܢܐ ܘܟܠܬܐ܂ ܘܐܫܟܚ ܐܢܘܢ ܟܕ ܝܬ݂ܝܒܝܢ܂
182:12	ܚܕ ܠܘܩܒܠ ܚܕ܂ ܘܓ̈ܠܝܢ ܐ̈ܦܝܗ݀ ܕܟܠܬܐ ܘܝ݁ܬܒܐ܂ ܘܐܦ
182:13	ܚܬܢܐ ܦܨܝܚ ܗܘܐ ܛ݁ܒ܂ ܐܡ݁ܪܐ ܠܗ݀ ܐܡܗ݀ ܠܟܠܬܐ܂
182:14	ܡܢܐ ܝ݁ܬܝܒܬܝ ܗܟܘܬ ܘܠܐ ܒܗ݀ܬܬܝ܂ ܐܠܐ ܐܝܟ ܗ݀ܝ
182:15	ܕܗܐ ܙܒܢܐ ܣܓܝܐܐ ܘܥܘܬܩܐ ܕܝܘ̈ܡܬܐ݂ ܐܝܬ ܠܟܝ܂
182:16	ܘܐܦ ܐܒܘܗ ܐܡ݂ܪ ܡܛܠ ܚܘܒܟܝ ܣܓܝܐܐ ܕܠܘܬ ܒܥܠܟܝ܃
182:17	ܘܐܦܠܐ ܡܬܚܦܝܘ ܡܬܚܦܝܬܝ ܀ 14܂1 ܘܥ݂ܢܬ݁ ܟܠܬܐ݂ ܘܐܡ݁ܪܐ
182:18	ܠܗ݀܂ ܫܪܝܪܐܝܬ ܐܡܝ݂ ܒܚܘܒܐ ܐܢܐ ܣܓܝܐܐ ܘܠܡܪܝ
182:19	ܡܨ݁ܠܝܐ ܐܢܐ ܕܐ݁ܩܘܐ ܒܗܢܐ ܚܘܒܐ ܕܐ݁ܪܓܫܬ ܒܗ
182:20	ܒܗܢܐ ܠܠܝܐ܂ ܘܐ݁ܩܪܐ ܠܚܬܢܐ ܠܐ ܡܬܚܒܠܢܐ
182:21	ܕܐܬܚ݂ܙܝ ܠܝ ܒܗܢܐ ܠܠܝܐ܂ ܘܕܠܐ ܡܬܚܦܝܐ ܐܢܐ
182:22	ܡܛܘܠ ܕܬܚܦܝܬܐ ܕܚܒ݁ܠܐ ܡܢܝ݂ ܐܫܬ݂ܩܠܬ܂ ܘܕܠܐ
183:01	ܒܗܬܬܐ ܐܢܐ܂ ܡܛܠ ܕܥ݁ܒܕܐ ܕܒܗܬܬܐ ܡܢܝ݂ ܐܬܪܚ݁ܩ
183:02	ܠܗ܂ ܘܕܠܐ ܡܬܬܘܝܐ ܐܢܐ݂܂ ܡܛܘܠ ܕܬܘܬ ܢܦܫܐ
183:03	ܕܡܦܢܝܐ ܠܚ̈ܝܐ݂ ܒܝ ܟܬܪܬ܂ 14܂2 ܘܕܦܨ݁ܝܚܐ ܐܢܐ ܘܚ݁ܕܝܐ
183:04	ܐܢܐ ܡܛܠ ܕܒܝܘܡܐ ܕܚܕܘܬܐ ܗܕܐ ܥܒܘܪܬܐ ܠܐ
183:05	ܐ݁ܫܬܓܫܬ ܒܗ݀܂ ܘܕܐܬܬܫܝܛ ܠܝ ܥ݁ܒܕܐ ܗܢܐ ܕܚ݁ܒܠܐ
183:06	ܘܫ̈ܠܠܐ ܕܡܫܬܘܬܐ ܗܕܐ ܕܒ݁ܛܠܐ݂܂ ܡܛܠ ܕܠܡܫܬܘܬܐ
183:07	ܗ݀ܝ ܕܫܪܪܐ ܐ݁ܙܕܡܢܬ܂ ܘܕܠܐ ܐ݁ܙܕܘܓܬ ܥܡ ܓܒܪܐ
183:08	ܒܙܘܘܓܐ܃ ܕܚܪܬܗ ܬܘܬ ܢܦܫܐ ܗܝ ܡܪܝܪܬܐ܂ ܡܛܠ
183:09	ܕܠܓܒܪܐ ܗ݀ܘ ܕܫܪܪܐ ܐܬܡ݁ܟܪܬ܂ 15܂1 ܘܐܦ ܣ̈ܓܝܐܬܐ
183:10	ܕܠܗܠܝܢ ܕܡ̈ܝܢ ܐܡ݁ܪܐ ܗܘܬ ܀ ܗ݀ܝܕܝܢ ܐܦ ܚܬܢܐ ܥܢ݂ܐ
183:11	ܘܐܡ݂ܪ܂ ܡ݁ܘܕܐ ܐܢܐ ܠܟ ܐܠܗܐ ܚ݂ܕܬܐ܃ ܕܒܝܕ
183:12	ܐܟܣܢܝܐ ܐܬ݂ܐ ܠܟܐ܂ ܡ݁ܫܒܚ ܐܢܐ ܠܟ ܐܠܗܐ ܕܒܝܕ
183:13	ܓܒܪܐ ܥܒ݂ܪܝܐ ܡ݁ܬܟܪܙ܂ ܗ݀ܘ ܕܐܪܚܩܢܝ ܡܢ ܚܒ݁ܠܐ܃
183:14	ܘܙܪܥ݂ ܒܝ ܚ̈ܝܐ܃ ܗ݀ܘ ܕܦܪܩܢܝ ܡܢ ܟܘܪܗܢܐ ܕܡ݁ܟܬܪ
183:15	ܗܘܐ ܒܝ ܠܥܠܡ܃ ܗ݀ܘ ܕܚ݂݁ܘܝ ܠܢ ܢܦܫܗ܂ ܘܐ݁ܪܓܫܬ ܒܡܐ
183:16	ܕܐܝܬܝ܂ ܗ݀ܘ ܕܦܨܝܢܝ ܡܢ ܡܦܘܠܬܐ ܘܠܡܝܬܪܘܬܐ
183:17	ܫܘܫܛܢܝ܂ ܗ݀ܘ ܕܡܢ ܗܠܝܢ ܕܥ݂ܒܪ̈ܢ ܦܪܩܢܝ܃ ܘܠܗܠܝܢ ܕܠܐ
183:18	ܥܒܪ̈ܢ ܐܫܘܝܢܝ܂ ܗ݀ܘ ܕܐܫܬܘܫܛ ܥܕܡܐ ܠܙܥܘܪܘܬܝ
183:19	ܕܝܠܝ܃ ܕܠܪܒܘܬܐ ܢܡ݁ܛܐ܂ 15܂2 ܗ݀ܘ ܕܠܐ ܐܚ݂ܕ ܪ̈ܚܡ݂ܘܗܝ ܡܢܝ
183:20	ܕܐܒܝܕ ܗܘܝܬ܂ ܐܠܐ ܕܐܒܥ݁ܐ ܢܦܫܝ ܚܘܝܢܝ܂ ܘܕܠܐ ܕܝܠܝ
183:21	ܡܢܝ ܐܪܚܩ܂ ܗ݀ܘ ܕܟܕ ܐܢܐ ܠܐ ܝ݁ܕܥ ܗܘܝܬ ܠܗ݂ ܗ݂ܘ
184:01	ܒܥܢܝ܂ ܗ݀ܘ ܕܟܕ ܐܢܐ ܠܐ ܪܓܝܫ ܗܘܝܬ ܒܗ݂܂ ܗ݂ܘ
184:02	ܐܫܬܘܫܛ ܠܘܬܝ܂ ܗ݀ܘ ܕܗܫܐ ܐ݁ܪܓܫܬ ܒܗ݂܂ ܘܠܐ
184:03	ܡ݁ܨܐ ܐܢܐ ܕܐ݁ܡܪ ܡܕܡ ܕܠܐ ܝ݁ܕܥ ܐܢܐ܂ ܗ݀ܘ ܕܐܢ
184:04	ܡܕܡ ܐܡ݁ܪ ܐܢܐ ܒܡܪܚܘܬܐ ܥܠܘܗܝ݂ ܠܐ ܐ݁ܫܠܡ܂ ܡܛܠ
184:05	ܚܘܒܗ ܗܘ ܓܝܪ ܡܡܪܚ ܐܢܐ܂ 16܂1 ܘܟܕ ܗܠܝܢ ܡܢ ܚܬܢܐ
184:06	ܘܡܢ ܟܠܬܐ ܡ݁ܠܟܐ ܫܡ݂ܥ܂ ܢܚ̈ܬܘܗܝ ܣ݂ܕܩ܂ ܘܠܩܪ̈ܝܒܘܗܝ
184:07	ܐܡ݁ܪ ܗܘܐ܂ ܦܘܩܘ ܥܓܠ ܒܡܕܝܢܬܐ ܟܠܗ݂݀܂ ܘܐܬܟܪܟܘ
184:08	ܐܝ݁ܬܘ ܠܝ ܠܓܒܪܐ ܗ݀ܘ ܚ݁ܪܫܐ܃ ܕܐܢܐ ܒܐ̈ܝ݂ܕܝ ܐܥܠܬܗ
184:09	ܠܒܝܬܝ܃ ܘܥܠ ܒܪܬܝ ܒܝ݂ܫܬ ܓܕܐ ܐܡ݁ܪܬ ܠܗ ܕܢܨ݁ܠܐ܂
184:10	ܓܒܪܐ ܕܢܫܟܚܗ ܘܢܝܬܝܘܗܝ ܠܝ݂܂ ܟܘܠ ܕܢܫ݂ܐܠ ܐܬܠ ܠܗ܂
184:11	ܘܐܙܠܘ ܡܬܟܪܟܝܢ ܗܘܘ ܒܥ݁ܝܢ ܠܗ܂ ܘܠܐ ܐܫܟܚܘܗܝ ܡܛܠ
184:12	ܕܚ݂ܙܩ ܗܘܐ ܠܗ܂ 16܂2 ܘܐܙܠܘ ܠܦܘܬܩܐ ܕܫ݁ܪܐ ܗܘܐ ܒܗ݂܂
184:13	ܘܐܫܟܚܘܗ݀ ܠܗ݀ܝ ܙܡ݁ܪܬܐ ܟܕ ܝܬܒܐ ܘܒ݁ܟܝܐ܃ ܥܠ ܕܠܐ
184:14	ܕܒܪܗ݀ ܥܡܗ܂ ܘܟܕ ܐܫܬܥܝܘ ܠܗ݀ ܡܕܡ ܕܗܘ݂ܐ܂ ܚ݂ܕܝܬ݁
184:15	ܘܐܡ݁ܪܐ܂ ܐ݁ܫܟܚܬ ܠܝ ܢܝ݁ܚܐ ܗܪܟܐ܂ ܘܩܡ݂ܬ݁ ܐܙܠ݂ܬ݂ ܠܘܬ
184:16	ܗ݀ܢܘܢ ܥ̈ܠܝܡܐ݂܂ ܘܥܡܗܘܢ ܥ݁ܡܪܐ ܗܘܬ ܙܒܢܐ
184:17	ܣܓܝܐܐ܂ ܘ‍{‍ܐ‍}‍ܬܠܡܕܘ ܐܦ ܠܡ݁ܠܟܐ ܐܦ ܣܘܓܐܐ ܕܐܚ̈ܐ݂
184:18	ܟܢܫܘ ܗܘܘ܂ ܥܕܡܐ ܕܐܫܬ݂ܡܥ ܗܘܐ ܛܒ݂ܐ ܠܫܠܝܚܐ
184:19	ܒܗܢܕܘ ܡܕܝܢܬܐ܃ ܘܐܙܠܘ ܠܘܬܗ ܘܐܬܚ݁ܠܛܘ ܥܡܗ܂
184:20	ܫܠܡ݂ܬ݂ ܦܪܟܣܝܣ ܩܕܡܝܬܐ ܀ ܀ ܀
185:01	ܦܪܟܣܝܣ ܕܬܪ̈ܬܝܢ ܟܕ ܥ݂ܠ ܬܐܘܡܐ ܫܠܝܚܐ ܠܗܢܕܘ
185:02	ܘܒܢ݂ܐ ܒܝܪܬܐ ܠܡ݁ܠܟܐ ܒܫܡܝܐ܂
185:03	17܂1 ܘܟܕ ܥܠ ܝܗܘܕܐ ܠܗܢܕܘ ܡܕܝܢܬܐ ܥܡ ܚ݁ܒܢ ܬܓܪܐ
185:04	ܐܙܠ݂ ܚܒܢ ܠܫܠܡܗ ܕܓܘܕ‍<‍ܢ‍>‍ܦܪ ܡ݁ܠܟܐ ܕܗܢܕܘ܃ ܘܐܘܕܥܗ
185:05	ܥܠ ܓܒܪܐ ܐܘܡܢܐ ܕܐܝܬܝ ܠܗ݂܂ ܘܛܒ ܚ݂ܕܝ ܡ݁ܠܟܐ܂
185:06	ܘܦܩ݂ܕ ܕܢܥܘܠ ܩܕܡܘܗܝ ܝܗܘܕܐ ܀ ܀ 17܂2 ܘܐܡ݂ܪ ܠܗ ܡ݁ܠܟܐ܂
185:07	ܡܢܐ ܐܘܡܢܘܬܐ ܝ݁ܕܥ ܐܢܬ ܕܬܥܒ݂ܕ܂ ܐܡ݁ܪ ܠܗ
185:08	ܝܗܘܕܐ܂ ܢܓܪܐ ܐܢܐ݂ ܥܒ݂ܕܗ ܕܢܓܪܐ ܘܐܪܕܟܠܐ܂ ܐܡ݁ܪ
185:09	ܠܗ ܡܢܐ ܝ݁ܕܥ ܐܢܬ ܕܬܥܒܕ܂ ܐܡ݁ܪ ܠܗ ܝܗܘܕܐ܂ ܒ̈ܩܝܣܐ
185:10	ܝ݁ܠܦܬ ܕܐܥܒܕ܂ ܢܝܪ̈ܐ ܘܩ̈ܩܢܐ݂ ܘܡ̈ܣܣܐ܂ ܘܠܝܩ̈ܐ ܠܣ̈ܦܢܐ
185:11	ܘܠܦܢ̈ܛܘܢܐ݂܂ ܘܥ‍{‍ܕܪ‍}‍‍<‍ܪ̈ܕ‍>‍ܐ ܠܐ̈ܠ݂ܦܐ܂ ܘܒ̈ܦܣܝܠܬܐ܂ ܢܦܫ̈ܬܐ
185:12	ܘܢܘ̈ܣܐ܂ ܘܒܝܪ̈ܬܐ ܠܡ̈ܠܟܐ܂ 17܂3 ܐܡ݁ܪ ܠܗ ܡ݁ܠܟܐ ܠܝܗܘܕܐ܂
185:13	ܐܦ ܐܢܐ݂ ܗ݀ܢܘ ܐܘܡܢܐ ܒܥ݁ܐ ܐܢܐ܂ ܐܡ݁ܪ
185:14	ܠܗ ܡ݁ܠܟܐ܂ ܒ݁ܢܐ ܐܢܬ ܠܝ ܒܝܪܬܐ݂܂ ܐܡ݁ܪ ܠܗ ܝܗܘܕܐ
185:15	ܒ݁ܢܐ ܐܢܐ ܘܡܫ݁ܟܠܠ ܐܢܐ܂ ܐܦ ܕܐ݁ܒܢܐ ܘܐ݁ܢܓܪ
185:16	ܐܬ݂݂ܝܬ܂ 18܂1 ܘܕܒ݂ܪܗ ܗܘܐ ܘܢܦ݂ܩ ܠܒܪ ܡܢ ܬܪܥܐ ܕܡܕܝܢܬܐ܂
185:17	ܘܡܡܠܠ ܗܘܐ ܥܡܗ ܥܠ ܥ݁ܒܕܐ ܕܝܠܗ݀ ܕܒܝܪܬܐ܂ ܘܥܠ
185:18	ܫܬܐ̈ܣܝܗ݀ ܕܐܝܟܢܐ ܢܬܬ̈ܣ݂ܝܡܢ܂ ܘܟܕ ܡ݂݁ܛܝ ܕܘܟܬܐ ܗ݀ܝ
185:19	ܕܒܗ݀ ܨ݂ܒܐ ܡ݁ܠܟܐ ܕܢܒ݂ܢܐ ܠܗ ܒܝܪܬܐ݂܂ ܐܡ݂ܪ ܠܗ
186:01	ܠܝܗܘܕܐ܂ ܗܪܟܐ ܨ݁ܒܐ ܐܢܐ ܕܬܒܢܐ ܠܝ ܒܝܪܬܐ܂
186:02	ܐܡ݁ܪ ܠܗ ܝܗܘܕܐ܂ ܐܦ ܗܕܐ ܗܝ ܓܝܪ ܕܘܟܬܐ ܕܥ݁ܗܢܐ
186:03	ܠܗ݀܂ ܐܝܬܝܗ݀ ܗܘܬ ܕܝܢ ܗܟܢܐ܂ ܡܪܓܐ ܗܘܬ ܘܡ̈ܝܐ
186:04	ܣܓ̈ܝܐܐ ܩܪܝܒܝܢ ܗܘܘ ܠܗ݀܂ 18܂2 ܐܡ݁ܪ ܠܗ ܡ݁ܠܟܐ܂ ܫ݁ܪܐ
186:05	ܠܡܒ݂ܢܐ ܗܪܟܐ܂ ܐܡ݁ܪ ܠܗ ܝܗܘܕܐ܂ ܗܫܐ ܠܐ ܡܫܟܚ
186:06	ܐܢܐ ܠܡܒܢܐ ܒܗܢܐ ܙܒܢܐ܂ ܐܡ݁ܪ ܠܗ ܡ݁ܠܟܐ܂
186:07	ܘܒܐܝܢܐ ܙܒܢܐ ܡܫܟܚ ܐܢܬ ܠܡܒܢܐ܂ ܐܡ݁ܪ ܝܗܘܕܐ܂
186:08	ܡ݁ܫܪܐ ܐܢܐ ܒܬܫܪܝ݂ ܘܡ݁ܫܠܡ ܐܢܐ ܒܢܝܣܢ܂ ܐܡ݁ܪ ܠܗ
186:09	ܡ݁ܠܟܐ܂ ܟܠܗܘܢ ܒܢ݂ܝ̈ܢܐ ܒܩܝܛܐ ܗܘ ܡܬܒܢܝܢ܂ ܘܐܢܬ݂
186:10	ܒܣܬܘܐ ܒ݁ܢܐ ܐܢܬ܂ ܐܡ݁ܪ ܠܗ ܝܗܘܕܐ܂ ܗܟܢܐ ܗܘ
186:11	ܡܫܟܚܐ ܒܝܪܬܐ ܕܬܬܒ݂ܢܐ܂ 18܂3 ܐܡ݁ܪ ܠܗ ܡ݁ܠܟܐ܂܂ ܡܕܝܢ݂
186:12	ܪܫܘܡܝܗ݀ ܠܝ ܕܐܚܙܝܗ݀܂ ܡܛܠ ܕܠܙܒܢܐ ܣܓܝܐܐ ܐ݁ܬܐ
186:13	ܐܢܐ ܠܟܐ ܀ ܀ ܘܐܬ݂ܐ ܝܗܘܕܐ ܘܫܩ݂ܠ ܩܢܝܐ݂܂ ܘܫ݂݁ܪܝ ܗܘܐ
186:14	ܕܢܡܫܘܚ܂ ܘܫܒ݂ܩ ܬܪ̈ܥܐ ܠܡܕܢܚܐ ܠܢܘܗܪܐ݂܂ ܘܟ̈ܘܐ
186:15	ܠܡܥܪܒܐ ܠܪܘܚܐ܂ ܘܒܝܬ ܢܚ̈ܬܘܡܐ ܠܬܝܡܢܐ܂
186:16	ܘܐܓ̈ܘܓܐ ܕܡ̈ܝܐ ܠܬܫܡܫܬܐ ܠܓܪܒܝܐ ܀ ܀ ܐܡ݁ܪ
186:17	ܠܗ ܡ݁ܠܟܐ܂ ܫܪܝܪܐܝܬ݂ ܐܘܡܢܐ ܐܢܬ ܛ݁ܒܐ܂ ܘܠܡ݁ܠܟܐ݂
186:18	ܫ݁ܘܐ ܐܢܬ ܕܬ݂ܫܡܫ܂ ܘܫܒ݂ܩ ܗܘܐ ܣܘܓܐܐ ܕܟܣܦܐ
186:19	^ܨܝܕܘܗܝ݂^܂ ܘܥ݂ܢܕ ܡܢ ܠܘܬܗ܂ 19܂1 ܐܦ ܟܣܦܐ ܘܕܗܒܐ
186:20	ܡܫܕܪ ܗܘܐ ܠܗ ܒܙܒܢ ܙܒܢ܂ ܝܗܘܕܐ ܕܝܢ ܡܬܟܪܟ
187:01	ܗܘܐ ܒܩܘܪ̈ܝܐ ܘܒܡ̈ܕܝܢܬܐ܂ ܘܐܦ ܠܡ̈ܣܟܢܐ ܡ݁ܦܪܢܣ
187:02	ܗܘܐ܂ ܘܠܐ̈ܠܝܨܐ ܥ݁ܒܕ ܗܘܐ ܕܢܬܪܘܚܘܢ܂ ܘܐܡ݂ܪ ܗܘܐ
187:03	ܕܡ݁ܠܟܐ݂ ܠܡ݁ܠܟܐ ܢܬܝܗܒ܂ ܘܢܝ݁ܚܐ ܠܣ̈ܓܝܐܐ ܢܗ݂ܘܐ܂
187:04	19܂2 ܡܢ ܒܬܪ ܕܝܢ ܙܒܢܐ ܣܓܝܐ݂ܐ܂ ܡ݁ܠܟܐ ܠܘܬ ܝܗܘܕܐ
187:05	ܐܝ̈ܙܓܕܐ ܫܕܪ܂ ܘܫܠ݂ܚ ܠܗ݂ ܗܟܢܐ܂ ܕܫܠܘܚ ܠܝ ܡܢܐ
187:06	ܥ݂ܒܕܬ݂܂ ܘܡܢܐ ܐ݁ܫܕܪ ܠܟ܂ ܘܫܠ݂ܚ ܠܗ ܝܗܘܕܐ܂
187:07	ܕܒܝܪܬܐ ܒܢ݂ܝܐ ܗܝ܂ ܘܬܛܠܝܠܐ ܗܘ ܚܣܝܪ ܠܗ݀ ܀ ܗ݀ܝܕܝܢ
187:08	ܡ݁ܠܟܐ ܟܣܦܐ ܘܕܗܒܐ ܠܝܗܘܕܐ ܫܕܪ ܗܘܐ܂ ܘܫ݂ܠܚ
187:09	ܠܗ݂܂ ܕܒܝܪܬܐ ܬܬܛܠ݂ܠ܂ 19܂3 ܝܗܘܕܐ ܕܝܢ ܠܡܪܢ ܡܫܟܚ
187:10	ܗܘܐ ܘܐܡ݁ܪ܂ ܡ݁ܘܕܐ ܐܢܐ ܠܟ ܡܪܝ ܕܡܝ݂ܬܬ ܡܛܠ
187:11	ܕܬܚ݁ܝܢ‍<‍ܝ‍>‍܂ ܘܙܒ݂݁ܢܬܢ‍<‍ܝ‍>‍ ܠܝ ܕܐ݁ܗܘܐ ܡܚܪܪܢܐ ܕܣ̈ܓܝܐܐ܂
187:12	ܘܠܐ ܫ݁ܠܐ ܗܘܐ ܠܡ݁ܠܦܘ܂ ܘܠܡܪܘܚܘ ܠܐܝܠܝܢ ܕ‍{‍ܐܠ‍}‍ܐܠ̈ܝܨܝܢ܂
187:13	ܟܕ ܐܡ݁ܪ݂܂ ܕܡܪܟܘܢ ܡܢܝܚ ܠܟܘܢ܂ ܕܠܗ ܒܠܚܘܕܘܗܝ
187:14	ܫܘܒܚܐ܂ ܗ݂ܘܝܘ ܓܝܪ ܙܝܘܢܐ ܕܝܬܡ̈ܐ݂܂ ܘܐܦ ܡܦܪܢܣܢܐ
187:15	ܕܐܪ̈ܡܠܬܐ܂ ܘܠܟܠܗܘܢ ܐܝܠܝܢ ܕܐܠܝܨܝܢ ܗ݂ܘ ܡܦܪܢܣ ܀
187:16	20܂1 ܟܕ ܕܝܢ ܐܬ݂ܐ ܡ݁ܠܟܐ ܠܡܕܝܢܬܐ܂ ܡܫܐ݁ܠ ܗܘܐ
187:17	ܠܚܕ ܚܕ ܡܢ ܪ̈ܚܡ݁ܘܗܝ ܥܠ ܒܝܪܬܐ ܕܒܢ݂ܐ ܠܗ ܝܗܘܕܐ܂
187:18	ܗܢ݂ܘܢ ܕܝܢ ܐܡ݁ܪܝܢ ܠܗ܂ ܕܠܐ ܒܝܪܬܐ ܒܢ݂ܝܐ݂܂ ܐܦܠܐ
187:19	ܡܕܡ ܐܚܪܝܢ ܥܒ݂ܕ܂ ܐܠܐ ܡܬܟܪܟ ܗܘܐ ܒܡ̈ܕܝܢܬܐ
187:20	ܘܒܩܘܪ̈ܝܐ݂܂ ܘܝܗ݀ܒ ܗܘܐ ܠܡ̈ܣܟܢܐ܂ ܘܡ݁ܠܦ ܗܘܐ
188:01	ܠܗܘܢ ܐܠܗܐ ܚ݂ܕܬܐ܂ ܘܐܦ ܟܪ̈ܝܗܐ ܡܐ݁ܣܐ ܗܘܐ܂
188:02	ܘܫ̈ܐܕܐ ܡ݁ܦܩ ܗܘܐ܂ ܘܣ̈ܓܝܐܬܐ ܥ݁ܒܕ ܗܘܐ܂
188:03	20܂2 ܘܡܣܒܪܝܢܢ ܕܚ݁ܪܫܐ ܗܘ܂ ܐܠܐ ܡܪܚܡܢܘܬܗ ܘܐܣܝܘܬܗ

188:04	ܕܡܓܢ ܗܘܬ܂ ܘܥܢܘܝܘܬܗ ܘܕܚܠܬܗ ܡܣ݂ܒܪܐ ܥܠܘܗܝ݂ ܕܐܘ

188:05	ܡܓܘܫܐ ܗܘ܂ ܐܘ ܫܠܝܚܐ ܗܘ ܕܐܠܗܐ ܚ݂ܕܬܐ܂ ܨ݁ܐܡ
188:06	ܓܝܪ ܣ݁ܓܝ݂ ܘܡܨ݁ܠܐ ܣ݁ܓܝ܂ ܘܠܥ݁ܣ ܠܚܡܐ ܘܡܠܚܐ݂
188:07	ܘܫ݁ܬܐ ܡ̈ܝܐ܂ ܘܠܒ݁ܫ ܚܕܐ ܟܘܬܝܢܐ܂ ܘܡܕܡ ܠܐ ܫܩܝܠ
188:08	ܠܗ ܡܢ ܐܢܫ܂ ܘܡܕܡ ܕܐܝܬ ܠܗ ܠܐܚܪ̈ܢܐ ܝܗ݀ܒ ܀ ܀ ܘܟܕ
188:09	ܗܠܝܢ ܫܡ݂ܥ ܡ݁ܠܟܐ ܐܝ݂̈ܕܘܗܝ ܥܠ ܐ̈ܦܘܗܝ ܛ݂ܪܦ܂ ܘܪܝܫܗ
188:10	ܡܣܢܪ ܗܘܐ܂ 21܂1 ܘܫܕܪ ܩ݂ܪܝܗܝ ܠܝܗܘܕܐ ܘܠܗ݀ܘ ܬܓܪܐ
188:11	ܕܐ݁ܝܬܝܗ݂܂ ܘܐܡ݂ܪ ܠܗ܂ ܒܢ݂ܝܬ ܠܝ ܒܝܪܬܐ܂ ܐܡ݁ܪ ܠܗ
188:12	ܝܗܘܕܐ ܒܢܝܬ ܠܟ ܒܝܪܬܐ܂ ܐܡ݁ܪ ܠܗ ܡ݁ܠܟܐ܂ ܠܐܡܬܝ
188:13	ܐܙ݁ܠܝܢܢ ܚ݁ܙܝܢܢ ܠܗ݀܂ ܐܡ݁ܪ ܠܗ ܝܗܘܕܐ܂ ܠܐ ܡܫܟܚܬ
188:14	ܕܬܚܙܝܗ݀ ܗܫܐ܃ ܐܠܐ ܡܐ ܕܢܦܩ݂ܬ ܡܢ ܥܠܡܐ ܗܢܐ܂
188:15	21܂2 ܗ݀ܝܕܝܢ ܡ݁ܠܟܐ ܐܬܚ݁ܡܬ ܛ݁ܒ ܒܪܘܓܙܗ݂܂ ܘܦܩ݂ܕ ܕܟܕ
188:16	ܐܣܝ݂ܪ ܝܗܘܕܐ ܗ݂ܘ ܘܗ݀ܘ ܬܓܪܐ ܕܐܝ݁ܬܝܗ݂܂ ܢܐܙܠܘܢ
188:17	ܠܒܝܬ ܐܣܝܪ̈ܐ܃ ܥܕ ܢܫܐ݁ܝܠܝܘܗܝ ܥܠ ܥ݁ܒܕܗ ܕܠܡ݁ܢ ܝܗܒܗ
188:18	ܘܗ݀ܝܕܝܢ ܢܘܒܕܝܘܗܝ܂ ܝܗܘܕܐ ܕܝܢ ܐܙܠ݂ ܗܘܐ ܟܕ ܚ݁ܕܐ܂
188:19	ܘܐܡ݂ܪ ܠܗ ܠܬܓܪܐ ܠܐ ܬܕܚܠ܂ ܐܠܐ ܡܗܝܡܢܘ
188:20	ܗܝܡܢ ܒܠܚܘܕ ܘܡܢ ܗܢܐ ܥܠܡܐ ܡܬܚܪܪ ܐܢܬ܂ ܘܡܢ
188:21	ܥܠܡܐ ܕܥܬܝܕ ܚ̈ܝܐ ܕܠܥܠܡ ܡܩ݁ܒܠ ܐܢܬ ܀ ܡ݁ܠܟܐ ܕܝܢ
189:01	ܡܬܚ݁ܫܒ ܗܘܐ܂ ܕܒܐܝܢܐ ܡ݁ܘܬܐ ܢܡܝܬܝܘܗܝ ܠܝܗܘܕܐ
189:02	ܘܠܬܓܪܐ܂ ܘܫܩܠ݂ ܗܘܐ ܪܥܝܢܐ݂܂ ܕܒܢܘܪܐ ܟܕ ܢܫܝ݂ܛ
189:03	ܢܘܩܕܝܘܗܝ ܥܡ ܬܓܪܐ ܚܒܪܗ܂ 21܂3 ܘܒܗ ܒܠܠܝܐ ܗ݀ܘ݂܂ ܐܚܘܗܝ
189:04	ܕܡ݁ܠܟܐ ܕܫܡܗ ܗܘ݂ܐ ܓܕ݂܂ ܡܢ ܥܩܬܐ ܘܡܢ ܡܪܡܝܢܘܬܐ
189:05	ܕܓܕܫ݂ܬ݁ ܠܡ݁ܠܟܐ݂ ܒܝ݂ܫܐܝܬ ܗܘ݂ܐ܂ ܘܫܕܪ ܩ݂ܪܐ ܠܡ݁ܠܟܐ݂
189:06	ܘܐܡ݂ܪ ܠܗ܂ ܐܚܝ܃ ܒܝܬܝ ܘܒ̈ܢܝ ܡܓܥܠ ܐܢܐ ܠܟ܂ ܐܢܐ
189:07	ܓܝܪ ܡܛܠ ܡܪܡܝܢܘܬܐ ܕܓܕܫܬ ܠܟ܃ ܐܬܬܥ݁ܝܩܬ ܘܡ݁ܐܬ
189:08	ܐܢܐ ܠܝ܂ ܐܠܐ ܣ݁ܐܡ ܐܢܬ ܒܪܝܫܗ ܕܗ݀ܘ ܚ݁ܪܫܐ݂܂ ܠܐ
189:09	ܡܢܝ݂ܚ ܐܢܬ ܠܓܪ̈ܡܝ ܒܫܝܘܠ܂ ܐܡ݁ܪ ܠܗ ܡ݁ܠܟܐ ܠܠܝܐ ܟܠܗ݂
189:10	ܪܢ݁ܐ ܗܘܝܬ܂ ܕܐܝܟܢܐ ܐܡܝܬܗ܂ ܘܐܬ݂ܚܫܒܬ ܕܒܢܘܪܐ ܟܕ
189:11	ܢܫܝܛ ܐܘܩܕܝܘܗܝ܂ ܗ݀ܝܕܝܢ ܐܚܘܗܝ ܕܡ݁ܠܟܐ ܐܡ݂ܪ ܠܗ܂
189:12	ܘܐܢ ܬܘܒ ܐܝܬ ܡܕܡ ܕܡܝ݁ܬܪ ܡܢ ܗܢܐ݂ ܥܒܕ ܠܗ܂
189:13	ܘܥܠ ܒܝܬܝ ܘܥܠ ܒ̈ܢܝ ܡ݁ܦܩܕ ܐܢܐ ܠܟ܂ ܀ 22܂1 ܘܟܕ ܗܠܝܢ
189:14	ܐܡ݂ܪ܂ ܢܦܫܗ ܫܒܩܬܗ܂ ܘܡ݁ܠܟܐ ܕܝܢ ܐܒܝܠ ܗܘܐ ܥܠ
189:15	ܐܚܘܗܝ ܡܛܠ ܕܪܚ݁ܡ ܗܘܐ ܠܗ ܛܒ܂ ܘܨ݁ܒܐ
189:16	ܗܘܐ ܕܒܩܒܪܐ ܛܒܐ ܢܩܒܪܝܘܗܝ܂ ܢܦܫܗ ܕܝܢ ܕܓܕ
189:17	ܐܚܘܗܝ ܕܡ݁ܠܟܐ ܟܕ ܫܒܩܬܗ݂܂ ܕܒ݂ܪܘܗ݀ ܡ̈ܠܐܟܐ
189:18	ܘܠܫܡܝܐ ܐܣܩܘܗ݀܃ ܘܚܕ ܚܕ ܐܬܪ̈ܘܬܐ ܡܚ݁ܘܝܢ ܗܘܘ
189:19	ܠܗ݀܂ ܕܒܐܝܢܐ ܡܢܗܘܢ ܨ݁ܒܝܐ ܕܬܗ݂ܘܐ܃ 22܂2 ܗ݀ܝܕܝܢ ܟܕ
189:20	ܡ݂݁ܛܝܘ ܒܝܪܬܐ ܗ݀ܝ ܕܒܢ݂ܐ ܝܗܘܕܐ ܠܡ݁ܠܟܐ܂ ܚܙܗ݀
189:21	ܐܚܘܗܝ݂܂ ܘܐܡ݂ܪ ܠܗ݀ܢܘܢ ܡ̈ܠܐܟܐ܂ ܒܥ݁ܐ ܐܢܐ