The Comprehensive Aramaic Lexicon

190:01	ܡܢܟܘܢ ܡܪ̈ܝ݂܂ ܒܚܕ ܡܢ ܒ̈ܬܐ ܬܚ̈ܬܝܐ ܕܗܕܐ ܒܝܪܬܐ
190:02	ܐܥ݁ܡܪ܂ ܐܡ݁ܪܝܢ ܠܗ ܗ݀ܢܘܢ ܡ̈ܠܐܟܐ܂ ܠܐ ܡܫܟܚ ܐܢܬ
190:03	ܠܡܥ݂ܡܪ ܒܗܕܐ ܒܝܪܬܐ܂ ܐܡ݁ܪ ܠܗܘܢ ܥܠ ܡܢܐ܂
190:04	ܐܡ݁ܪܝܢ ܠܗ܂ ܗܕܐ ܒܝܪܬܐ݂܂ ܗ݀ܝ ܗܝ ܕܒܢ݂ܐ ܗܘܐ ܗ݀ܘ
190:05	ܟܪܣܛܝܢܐ ܠܐܚܘܟ܂ ܗ݀ܝ ܕܝܢ ܐܡ݂ܪ ܠܗܘܢ܂ ܒܥ݁ܐ
190:06	ܐܢܐ݁ ܡܢܟܘܢ ܡܪ̈ܝ݂܂ ܐܪܦܐ݁ܘܢܢܝ ܐܙ݁ܠ ܠܘܬ ܐܚܝ݂܂
190:07	ܘܐܙܒ݂ܢ ܡܢܗ ܒܝܪܬܐ ܗܕܐ܂ ܐܚܝ ܓܝܪ ܠܐ ܪܓܝܫ
190:08	ܒܗ݂݀܂ ܘܡ݁ܙܒܢ ܠܗ݀ ܠܝ ܀ 23܂1 ܗ݀ܝܕܝܢ ܡ̈ܠܐܟܐ ܠܢܦܫܗ ܕܓܕ
190:09	ܐܪܦܝܘ܂ ܘܟܕ ܗ݂ܢܘܢ ܡ݁‍{‍ܐ‍}‍‍<‍ܠ‍>‍ܒܫܝܢ ܗܘܘ ܠܗ݂܂ ܢܦܫܗ݂ ܥܠ݂ܬ݂
190:10	ܒܗ܂ ܘܐܡ݂ܪ ܠܗ݀ܢܘܢ ܕܩ݁ܝܡܝܢ ܗܘܘ ܩܕܡܘܗܝ܂ ܕܩܪܘ
190:11	ܠܝ ܠܐܚܝ ܕܐ݁ܒܥܐ ܡܢܗ ܒܥܘܬܐ ܚܕܐ ܀ ܀ ܗ݀ܝܕܝܢ
190:12	ܣܒ݁ܪܘܗܝ ܠܡ݁ܠܟܐ݂܂ ܕܐܚܘܟ ܚ݂݁ܝܐ܂ ܘܡ݁ܠܟܐ ܫܘܪ ܩܡ
190:13	ܡܢ ܕܘܟ‍{‍ܘ‍}‍ܬܗ݂܂ ܘܥܡ ܣܘܓܐܐ ܕܐܢܫ̈ܐ ܠܒܝܬܐ ܕܐܚܘܗܝ
190:14	ܥܐ݁ܠ ܗܘܐ܂ ܘܟܕ ܥ݂ܠ ܗܘܐ ܩܕܡ ܥܪܣܗ݂܂ ܬܘ݂ܪ ܗܘܐ
190:15	ܠܗ܂ ܘܠܐ ܡܫܟܚ ܗܘܐ ܠܡܡܠܠܘ ܥܡܗ ܀ 23܂2 ܐܡ݁ܪ ܠܗ
190:16	ܐܚܘܗܝ܂ ܝ݁ܕܥ ܐܢܐ ܐܚܝ݂܂ ܕܐܠܘ ܒܥ݂ܐ ܠܟ ܐܢܫ
190:17	ܦܠܓܗ݀ ܕܡ݁ܠܟܘܬܟ܃ ܝܗ݀ܒ ܗܘܝܬ ܚܠܦܝ܂ ܗܫܐ ܕܝܢ ܒܥ݁ܐ
190:18	ܐܢܐ ܡܢܟ܃ ܕܬܙܒ݁ܢ ܠܝ ܡ݁ܙܒܢܘ ܡܕܡ ܕܐܢܬ ܥܡ݂ܠܬ
190:19	ܒܗ܂ ܐܡ݁ܪ ܠܗ ܡ݁ܠܟܐ݂܂ ܐܡ݂ܪ ܠܝ ܡܢܐ ܐܙܒ݁ܢ ܠܟ܂
190:20	ܐܡ݁ܪ ܠܗ܂ ܝܡܝ݂ ܠܝ܂ ܘܝܡ݂ܐ ܠܗ܂ ܕܡܢ ܟܠ ܕܐܝܬ ܠܗ
190:21	ܕܢܒܥ݂ܝܘܗܝ݂܂ ܢܬܠ ܠܗ܂ ܐܡ݁ܪ ܠܗ ܙܒ݁ܢ ܠܝ ܒܝܪܬܐ ܗ݀ܝ
191:01	ܕܐܝܬ ܠܟ ܒܫܡܝܐ܂ ܐܡ݁ܪ ܠܗ ܡ݁ܠܟܐ܂ ܠܝ ܒܝܪܬܐ
191:02	ܒܫܡܝܐ݂ ܡ݁ܢ ܝܗ݂ܒ ܠܝ܂ ܐܡ݁ܪ ܠܗ ܐܚܘܗܝ܂ ܗ݀ܝ ܕܒܢ݂ܐ
191:03	ܠܟ ܗ݀ܘ ܟܪܣܛܝܢܐ܂ ܐܡ݁ܪ ܠܗ ܡ݁ܠܟܐ܂ 24܂1 ܗ݀ܝ ܠܐ
191:04	ܡܫܟܚ ܐܢܐ ܕܐܙܒ݁ܢ ܠܟ܂ ܡܨ݁ܠܐ ܐܢܐ ܕܝܢ ܘܒܥ݁ܐ
191:05	ܐܢܐ ܡܢ ܐܠܗܐ݂܂ ܕܐ݁ܥܘܠ ܠܗ݀ ܘܐܩܒܠܗ݂݀܂ ܘܐ݁ܫܘܐ
191:06	ܕܐ݁ܗܘܐ ܡܢ ܥܡܘܪ̈ܝܗ݀܂ ܘܐܢܬ ܐܢ ܫܪܝܪܐܝܬ ܨ݁ܒܐ
191:07	ܐܢܬ ܕܬܙܒ݂ܢ ܠܟ ܒܝܪܬܐ݂܂ ܗܢܐ ܐܪܕܟܠܐ ܗ݂ܘ ܒ݁ܢܐ ܠܟ܂
191:08	ܕܛܒ݁ܐ ܡܢ ܗ݀ܝ ܕܝܠܝ܂ 24܂2 ܘܫܕܪ ܐܦܩܗ ܠܝܗܘܕܐ ܘܠܗ݀ܘ
191:09	ܬܓܪܐ ܕܚܒܝܫ ܗܘܐ ܥܡܗ݂ ܘܐܡ݂ܪ ܠܗ܂ ܒܥ݁ܐ ܐܢܐ
191:10	ܡܢܟ݂܂ ܐܝܟ ܓܒܪܐ ܕܒܥ݁ܐ ܡܢ ܡܫܡܫܢܐ ܕܐܠܗܐ܂
191:11	ܕܬܨ݁ܠܐ ܥܠܝ܂ ܘܬܒܥ݁ܐ ܥܠܝ ܡܢ ܐܠܗܐ ܗ݀ܘ ܕܦܠܚ݁ ܐܢܬ
191:12	ܠܗ݂܂ ܕܗ݂ܘ ܢܫܒܘܩ ܠܝ ܡܐ ܕܠܟ ܥ݁ܒܕܬ܂ ܘܢܫܘܝܢܝ
191:13	ܕܐ݁ܥܘܠ ܠܗ݀ܝ ܒܝܪܬܐ ܕܒܢ݂ܝܬ ܠܝ܂ ܘܐ݁ܗܘܐ ܦܠܚ݂ܐ ܠܐܠܗܐ
191:14	ܗܢܐ ܕܡܟܪܙ ܐܢܬ܂ ܐܦ ܐܚܘܗܝ ܐܬ݂ܐ ܘܢܦ݂ܠ ܩܕܡ
191:15	ܪ̈ܓܠܘܗܝ ܕܫܠܝܚܐ݂ ܘܐܡ݂ܪ ܠܗ܂ ܒܥ݁ܐ ܐܢܐ ܡܢܟ܃
191:16	ܐܬܚ݂ܢܢ ܐܦ ܐܢܐ ܩܕܡ ܐܠܗܟ܂ ܘܐ݁ܫܘܐ
191:17	ܕܐ݁ܗܘܐ ܠܗ ܦܠܚ݂ܐ܂ ܘܬܘܒ ܐܩ݁ܒܠ ܡܕܡ ܕܗ݂ܘ ܒܝܕ
191:18	ܡ̈ܠܐܟܐ ܚܘܝܢܝ܂ 25܂1 ܐܡ݁ܪ ܝܗܘܕܐ܂ ܡ݁ܘܕܐ ܐܢܐ ܠܟ
191:19	ܡܪܢ ܝܫܘܥ ܡܫܝܚܐ݂܂ ܕܐܢܬ ܗܘ ܒܠܚܘܕܝܟ ܐܠܗܐ
191:20	ܕܫܪܪܐ܂ ܘܠܝܬ ܐܚܪܝܢ܂ ܘܐܢܬ ܝ݁ܕܥ ܐܢܬ݂ ܡܕܡ ܕܐܢܫ
192:01	ܠܐ ܝ݁ܕܥ܂ ܐܢܬ ܕܗܘ݂ܘ ܪ̈ܚܡ݂ܝܟ ܥܠ ܒ̈ܢܝܢܫܐ ܕܐܢܬ
192:02	ܨ݂ܒܝܬ ܘܥ݂ܒܕܬ ܐܢܘܢ܂ ܘܗ݂ܢܘܢ ܛܥܐܘܟ܂ ܘܐܢܬ ܠܐ
192:03	ܐܪܫܠܬ ܐܢܘܢ܂ ܩ݁ܒܠ ܠܡ݁ܠܟܐ ܘܠܐܚܘܗܝ݂܂ ܘܚܠܘܛ
192:04	ܐܢܘܢ ܒܕܝܪܟ܂ ܘܡܫܘܚ ܐܢܘܢ ܘܕܟܐ ܐܢܘܢ ܡܢ
192:05	ܓܪܒܗܘܢ܂ ܘܢ݁ܛܪ ܐܢܘܢ ܡܢ ܕܐܒ̈ܐ݂܂ ܘܪܥܝ݂ ܐܢܘܢ
192:06	ܒܡܪ̈ܓܝܟ܃ ܘܐܫܩܐ ܐܢܘܢ ܡܢ ܡܥܝܢܟ ܕܠܐ ܡܬܕܠܚܐ܂
192:07	ܘܠܐ ܓܝܙܐ ܡܪܕܝܬܗ݀܂ 25܂2 ܗܐ ܓܝܪ ܒܥ݁ܝܢ ܡܢܟ܂ ܘܡܬܟܫܦܝܢ܃
192:08	ܘܨ݁ܒܝܢ ܕܢܗܘ݂ܘܢ ܠܟ ܦ̈ܠܚ݂ܐ܂ ܘܢܬܪܕܦܘܢ ܡܢ ܒܥܠܕܒܒܟ܃
192:09	ܘܕܢܗܘ݂ܘܢ ܣ̈ܢܝܐܐ ܡܛܠܬܟ܂ ܬܗ݂ܘܐ ܠܗܘܢ ܗܟܝܠ
192:10	ܦܪܪܣܝܐ ܒܟ܃ ܘܢܫܬܪܪܘܢ ܒܪ̈ܐܙܝܟ ܫ̈ܒܝܚܐ݂܂ ܘܢܩܒܠܘܢ
192:11	ܡܢ ܕܫ̈ܢܐ ܕܡ̈ܘܗܒܬܟ܂ 26܂1 ܘ݁ܪܘܙܝܢ ܗܘܘ ܒܬܫ̈ܒܚܬܐ
192:12	ܩ̈ܕܝܫܬܐ ܘܢܩܝܦܝܢ ܗܘܘ ܠܗ ܠܫܠܝܚܐ݂܂ ܘܠܐ ܦܪܩܝܢ
192:13	ܗܘܘ ܡܢ ܠܘܬܗ܂ ܘܟܠ ܕܣܢܝܩ ܗܘܐ ܢܣ݁ܒ ܗܘܐ݂
192:14	ܘܡܬܬܢܝܚ܂ 26܂2 ܘܒܥܘ ܡܢܗ ܕܢܩ݁ܒܠܘܢ ܪܘܫܡܐ݂ ܘܐܡ݁ܪܝܢ
192:15	ܠܗ܂ ܕܥܕ ܦ݂ܢ̈ܝܢ ܢܦܫ̈ܬܢ ܠܘܬ ܐܠܗܐ ܢܩ݁ܒܠ ܪܘܫܡܐ܂
192:16	ܫܡ݂ܥܢ ܓܝܪ ܕܐܠܗܐ ܗ݀ܘ ܕܡ݁ܟܪܙ ܐܢܬ݂܂ ܒܪܘܫܡܐ
192:17	ܡܬܝܕܥܝܢ ܠܗ ܟܠܗܘܢ ܥ݂ܪ̈ܒܘܗܝ܂ ܐܡ݁ܪ ܠܗܘܢ
192:18	ܝܗܘܕܐ܂ ܕܐܦ ܐܢܐ ܚ݁ܕܐ ܐܢܐ ܘܒܥ݁ܐ ܐܢܐ ܡܢܟܘܢ܂
192:19	ܕܬܫܬܘܬܦܘܢ ܒܐܘܟܪܣܛܝܐ܃ ܘܐܦ ܒܒܘܪܟܬܗ ܕܡܫܝܚܐ
192:20	ܗܢܐ ܕܡܟܪܙ ܐܢܐ ܀ ܀ 26܂3 ܘܦܩ݂ܕ ܗܘܐ ܡ݁ܠܟܐ ܕܬܬܟܠܐ ܒܠܢܐ
192:21	ܝܘ̈ܡܬܐ ܫܒܥܐ܂ ܘܐܢܫ ܠܐ ܢܣܚܐ ܒܗ݀܂ ܘܟܕ ܫܠ݂ܡܘ
193:01	ܫܒܥܐ ܝܘ̈ܡܝܢ܃ ܒܝܘܡܐ ܕܬܡܢܝܐ݂܂ ܥܠܘ ܬܠܬܝܗܘܢ
193:02	ܠܒܠܢܐ ܒܠܠܝܐ ܕܢܥܡ݂ܕ ܐܢܘܢ ܝܗܘܕܐ܂ ܘܫܪ̈ܓܐ
193:03	ܣ̈ܓܝܐܐ݂ ܢܗܝܪ̈ܝܢ ܗܘܘ ܒܒܢܐ܂ 27܂1 ܘܟܕ ܥܠ݂ܘ ܠܒܝܬ ܘ̈ܙܢܐ݂܂
193:04	ܥܐ݂ܠ ܗܘܐ ܩܕܡܝܗܘܢ ܝܗܘܕܐ܂ ܘܐܬܚܙܝ ܠܗܘܢ
193:05	ܡܪܢ݂ ܘܐܡ݂ܪ ܠܗܘܢ܂ ܫܠܡܐ ܥܡܟܘܢ ܐ̈ܚܝ܂܂ ܗ݂ܢܘܢ
193:06	ܕܝܢ ܩܠܐ ܫܡ݂ܥܘ ܒܠܚܘܕ܂ ܚܙܘܐ ܕܝܢ ܠܐ ܚ݂ܙܘ ܗܘܘ
193:07	ܕܡ݁ܢ݂ܘ܂ ܠܐ ܓܝܪ ܥܕܡܐ ܠܗܫܐ ܥ݂ܡܕܘ ܗܘܘ܂ ܘܣ݂ܠܩ
193:08	ܗܘܐ ܩܡ ܠܗ ܝܗܘܕܐ ܥܠ ܣܦܬܗ ܕܘܙܢܐ݂܂ ܘܐܪܡܝ ܡܫܚܐ
193:09	ܒܪ̈ܝܫܝܗܘܢ ܘܐܡ݂ܪ܂ 27܂2 ܬܐ ܫܡܐ ܩܕܝܫܐ ܕܡܫܝܚܐ܂ ܬܐ
193:10	ܚܝܠܐ ܕܚܢܢ݂ܐ ܕܡܢ ܪܘܡܐ܂ ܬܘ ܪ̈ܚܡ݂ܐ ܡ̈ܫܠܡܢܐ܂ ܬܝ
193:11	ܡ݁ܘܗܒܬܐ ܡܪܝܡܬܐ܂ ܬܝ ܫܘܬܦܘܬܐ ܕܒܘܪܟܬܐ܂ ܬܝ
193:12	ܓܠܝܬ ܪ̈ܐܙܐ ܟ̈ܣܝܐ܂܂ ܬܝ ܐܡܐ ܕܫܒܥܐ ܒܬܝ̈ܢ݁܂
193:13	ܕܒܒܝܬܐ ܕܬܡܢܝܐ ܗܘ݂ܐ ܢܝܚܟܝ܂ ܬܝ ܐܝܙܓܕܐ
193:14	ܕܬܪܥܘܬܐ݂܂ ܘܐܫܬܘܬܦ ܥܡ ܬܪ̈ܥܝܬܗܘܢ ܕܗܠܝܢ
193:15	ܥܠܝ̈ܡܐ܂ ܬܝ ܪܘܚܐ ܕܩܘܕܫܐ݂܂ ܘܕܟܝ ܟܘ̈ܠܝܬܗܘܢ
193:16	ܘܠܒ̈ܘܬܗܘܢ܂ 27܂3 ܘܐܥܡܕ ܐܢܘܢ ܒܫܡ ܐܒܐ ܘܒܪܐ
193:17	ܘܪܘܚܐ ܕܩܘܕܫܐ ܀ ܘܟܕ ܣܠ݂ܩܘ ܡܢ ܡ̈ܝܐ݂܂ ܐܬܚܙܝ
193:18	ܠܗܘܢ ܥܠܝܡܐ݂܂ ܘܐܚܝܕ ܗܘܐ ܩܪܝܘܢܐ ܟܕ
193:19	ܢܗܝܪ܂ ܘܦܟ݂ܗ ܗܘܐ ܠܗ ܢܘܗܪܗܘܢ ܕܗ݀ܢܘܢ ܫܪ̈ܓܐ
193:20	ܒܢܘܗܪܗ܂ ܘܟܕ ܢܦܩ݂ܘ ܠܒܪ܂ ܐܬܟܣܝ ܠܗ ܡܢܗܘܢ܂
193:21	ܘܐܡ݂ܪ ܫܠܝܚܐ܂ ܐܦܠܐ ܡܫܟܚܝܢ ܗܘܝܢ ܕܢܣ݁ܝܒܪ ܢܘܗܪܟ܂
194:01	ܡܛܠ ܕܡܝܬܪ ܗܘ ܡܢ ܚܙܬܢ ܀ ܘܟܕ ܢܓܗ݂ܬ ܘܗܘ݂ܐ ܨ݁ܦܪܐ܂
194:02	ܩܨ݂ܐ ܐܘܟܪܣܛܝܐ݂܂ ܘܫܘܬܦ ܐܢܘܢ ܒܦܬܘܪܗ ܕܡܫܝܚܐ܂
194:03	ܘܡܬܒܣܡܝܢ ܗܘܘ ܘ݁ܪܘܙܝܢ܂ ܘܟܕ ܣ̈ܓܝܐܐ ܡܬܬܘܣܦܝܢ
194:04	ܗܘܘ ܘܐܬ݂ܝܢ ܗܘܘ ܠܒܝܬܓܘܣܗ ܕܡܫܝܚܐ݂܂ 28܂1 ܘܝܗܘܕܐ ܠܐ
194:05	ܫ݁ܠܐ ܗܘܐ ܠܡܟܪܙܘ ܘܠܡܐܡܪ ܠܗܘܢ܂ ܓܒܪ̈ܐ ܘܢ̈ܫܐ
194:06	ܘܛ̈ܠܝܐ܃ ܥ̈ܠܝܡܐ ܘܒܬܘ̈ܠܬܐ݂܂ ܐܬܪܚܩܘ ܡܢ ܙܢܝܘܬܐ
194:07	ܘܡܢ ܝܥܢܘܬܐ܂ ܘܡܢ ܦܘܠܚܢܐ ܕܫ̈ܐܕܐ܂ ܒܗܠܝܢ ܓܝܪ
194:08	ܬܠܬܐ ܪ̈ܝܫܝܢ ܗܘ݁ܐ ܟܠܗ ܪܘܫܥܐ܂ ܙܢܝܘܬܐ ܓܝܪ ܡܥܘܪܐ
194:09	ܡ̈ܕܥܐ܂ ܘܡܚܫܟܐ ܥ̈ܝܢܐ ܕܢܦܫܐ܂ ܡܕܘܕܐ ܗ̈ܠܟܬܗ
194:10	ܕܦܓܪܐ܂ ܘܡܫܚܠܦܐ ܓܘܢܗ܂ ܘܥ݁ܒܕܐ ܠܗ ܟܪܝܗܐ܂
194:11	ܝܥܢܘܬܐ ܕܝܢ ܒܙܘܥܐ ܡܩܝܡܐ ܠܗ݀ ܠܢܦܫܐ ܒܓܘ ܦܓܪܐ܂
194:12	ܟܕ ܫܩܠܐ ܡܕܡ ܕܠܐ ܕܝܠܗ݂݀܂ ܘܩܢܝܛܐ ܕܠܡܐ ܟܕ ܬ݂ܦܢܐ
194:13	ܥ݁ܒܕܐ ܠܡܪ̈ܘܗܝ ܬܒܗܬ܂ ܦܘܠܚܢܐ ܕܝܢ ܕܟܪܣܐ݂܂ ܒܨܦܬܐ

194:14	ܘܒܥܩܬܐ ܡ݁ܥܡܪ ܠܗ݀ ܠܢܦܫܐ܂ ܟܕ ܩܢܝܛܐ ܕܕܠܡܐ ܢ݂ܚܣܪ

194:15	ܠܗ݀܂ ܘܥܠ ܕܪܚܝܩܝܢ ܡܢܗ݀ ܬܫܬܘܫܛ܂ 28܂2 ܡܐ ܕܐܬܦܪܩܬܘܢ
194:16	ܓܝܪ ܡܢ ܗܠܝܢ܂ ܗ݀ܘܝܬܘܢ ܕܠܐ ܨܦܬܐ ܘܕܠܐ ܥܩܬܐ܂
194:17	ܘܫܪܟܐ ܨܐܝܕܝܟܘܢ ܗ݀ܝ ܕܠܐ ܬܨܦܘܢ ܕܡܚܪ܂ ܡܛܠ
194:18	ܕܗ݂ܘ ܡܚܪ ܕܝܠܗ ܝܨ݁ܦ܂ ܘܐܬܕܟܪܘ ܗ݀ܝ ܐܚܪܬܐ ܕܟܬܝܒܐ
194:19	ܠܟܘܢ܂ ܕܚܘܪܘ ܒ̈ܢܥܒܐ ܘܐܬܒ݁ܩܘ ܒܥܘܦܐ ܕܫܡܝܐ܃
194:20	ܕܠܐ ܙܪܥ݁ܝܢ ܘܠܐ ܚܨܕܝܢ܃ ܘܐܠܗܐ ܡܬܪܣܐ ܠܗܘܢ܂
194:21	ܟܡܐ ܗܟܝܠ ܥܠܝܟܘܢ ܢܬܒ݂ܛܠ ܠܗ ܚܣܝܪ̈ܝ ܗܝܡܢܘܬܐ܂
194:22	28܂3 ܐܠܐ ܩܘܘ ܠܡܐܬܝܬܗ ܕܝܫܘܥ܂ ܘܣ݁ܒܪܘ ܒܗ ܘܗܝܡܢܘ
195:01	ܒܫܡܗ܂ ܡܛܠ ܕܗܘ݂ܝܘ ܕܝ݁ܢܐ ܕܡ̈ܝ݂ܬܐ ܘܕܚ̈ܝܐ܂ ܘܗܘ݂ܝܘ
195:02	ܦܪܥ ܠܟܠܢܫ ܐܝܟ ܥ̈ܒܕܘܗܝ ܒܡܐܬܝܬܗ ܐܚܪܝܬܐ܂ ܠܝܬ
195:03	ܓܝܪ ܡܦܩ ܒܪܘܚܐ ܕܢܐܡܪ ܐܢܫ ܕܠܐ ܝ݁ܕܥܝܢ ܗܘܝܢ܂
195:04	ܟܪ̈ܘܙܘܗܝ ܒܐܪ̈ܒܥ ܦܢ̈ܝܬܗ ܕܥܠܡܐ ܡܟܪܙܝܢ܃ ܕܬܘܒܘ
195:05	ܘܗܝܡܢܘ ܒܣܒ݁ܪܬܐ ܚ݁ܕܬܐ݂܂ ܘܩܒܠܘ ܢܝܪܐ ܒܣܝܡܐ
195:06	ܘܡܘܒܠܐ ܩܠܝܠܬܐ܂ ܘܚܝ݁ܘ ܘܠܐ ܬܡܘܬܘܢ܂ ܩܢ݂ܘ ܘܠܐ
195:07	ܬܐܒܕܘܢ܂ ܦܘܩܘ ܡܢ ܚܫܘܟܐ݂ ܘܡܩܒܠ ܠܟܘܢ ܢܗܝܪܐ܂
195:08	ܬܘ ܠܘܬ ܛ݁ܒܐ݂ ܘܣܒܘ ܠܟܘܢ ܛܝܒܘܬܐ܂ ܘܩܒܘܥܘ ܢܝܫܗ
195:09	ܒܢܦܫ̈ܬܟܘܢ܂ 29܂1 ܘܟܕ ܗܠܝܢ ܐܡ݂ܪ ܗܘܐ ܫܠܝܚܐ܂ ܐܡ݁ܪܝܢ ܠܗ
195:10	ܐܢܫܐ ܡܢܗܘܢ ܥܕܢܐ ܗܘ ܕܐܦ ܚܝ݁ܒܐ ܢܬܦܪܥ܂
195:11	ܐܡ݁ܪ ܠܗܘܢ ܡܪܐ ܚܘܒܐ ܒܟܠܙܒܢ ܝܬܝܪ ܒܥ݁ܐ܂ ܐܠܐ
195:12	ܟܡܐ ܕܘ݁ܠܐ ܢܬܠ ܠܗ܂ ܘܒܪܟ ܗܘܐ ܥܠ ܠܚܡܐ ܘܙܝ̈ܬܐ݂܂
195:13	ܘܝܗ݂ܒ ܠܗܘܢ܂ ܘܗ݂ܘ ܠܥ݂ܣ܂ ܡܛܠ ܕܚܕܒܫܒܐ ܢ݁ܓܗ
195:14	ܗܘܐ܂ 29܂2 ܘܟܕ ܕܡܝܟ ܫܠܝܚܐ ܒܠܠܝܐ݂܂ ܐܬ݂ܐ ܡܪܢ ܘܩܡ
195:15	ܠܥܠ ܡܢܗ݂ ܘܐܡ݂ܪ ܠܗ܂ ܬܐܘܡܐ܂ ܩܘܡ ܦܘܩ
195:16	ܒܫܦܪܐ ܒܬܪ ܬܫܡܫܬܐ݂܂ ܘܙܠ ܒܐܘܪܚܐ ܡܕܢܚܝܬܐ
195:17	ܐܝܟ ܡ̈ܝܠܐ ܬܪ̈ܝܢ܃ ܘܐ݁ܚܘܐ ܒܟ ܫܘܒܚܐ ܕܝܠܝ܂ ܡܛܘܠ
195:18	ܗܢܐ ܓܝܪ ܕܢ݁ܦ݂ܩ ܐܢܬ ܥܠܘܗܝ܂ ܣ̈ܓܝܐܐ ܢܐܬ݂ܘܢ ܠܒܝܬ
195:19	ܓܘܣܝ ܘܢܚܘܢ܂ ܘܚܝܠܐ ܘܟܝܢܐ ܕܒܥܠܕܒܒܐ݂ ܬ݂ܟ݂ܣ܂ ܘܟܕ
195:20	ܐܬܬܥܝܪ ܡܢ ܫܢ݂ܬܗ݂ ܐܡ݂ܪ ܠܐܚ̈ܐ ܕܠܘܬܗ܂ ܒ̈ܢܝ݂܂ ܡܪܢ݂
195:21	ܡܕܡ ܕܨ݁ܒܐ݂ ܢܣ݂ܥܘܪ ܝܘܡܢܐ܂ ܐܠܐ ܢܨ݁ܠܐ ܘܢܒܥ݁ܐ
195:22	ܡܢܗ݂܂ ܕܡܕܡ ܥܘܟܪ݂ܐ ܠܐ ܢܗܘ݂ܐ ܠܢ ܠܘܬܗ܂ ܐܠܐ
196:01	ܐܝܟܢܐ ܕܒܟܠܙܒܢ ܕܨ݁ܒܐ ܢܚ݁ܘܐ ܒܢ ܫܘܒܚܗ ܐܦ ܗܫܐ݂
196:02	ܢܫ݂ܠܡ ܨܒܝܢܗ܂ 29܂3 ܘܟܕ ܐܡ݂ܪ ܗܟܢܐ݂܂ ܣܡ ܐܝ݂ܕܗ ܥܠܝܗܘܢ݂܂
196:03	ܘܩ݂ܨܐ ܐܘܟܪܣܛܝܐ ܘܝܗ݂ܒ ܠܟܠܗܘܢ݂ ܘܐܡ݂ܪ ܠܗܘܢ݂܂
196:04	ܬܗܘܐ ܠܟܘܢ ܗܕܐ ܐܘܟܪܣܛܝܐ݂܂ ܠܚܢ݂ܢܐ ܘܠܪ̈ܚ݂ܡܐ݂܂
196:05	ܘܠܐ ܠܕܝܢ݂ܐ ܘܬܒܥܬܐ ܘܗ݂ܢܘܢ ܐܡ݂ܪܘ ܐܡܝܢ܂
196:06	ܫ݂ܠܡܬ݁ ܦܪܟܣܝܣ܂ ܕܬܪ̈ܬܝܢ܂
196:07	ܬܘܒ ܦܪܟܣܝܣ ܕܬܠܬ܂ ܕܝܗܘܕܐ
196:08	ܕܥܠ ܚܘܝܐ ܐܘܟܡܐ܂
196:09	30܂1 ܘܢܦ݂ܩ ܗܘܐ ܫܠܝܚܐ ܠܡܐܙܠ ܠܐܝܟܐ ܕܐܡ݂ܪ ܠܗ ܡܪܢ܂
196:10	ܘܟܕ ܡ݂݁ܛܝ ܡ̈ܝܠܐ ܬܪ̈ܝܢ ܐܣܛܝ ܡܢ ܐܘܪܚܐ ܩܠܝ݂ܠ܂ ܘܚ݂ܙܐ
196:11	ܫܠܕܐ݂ ܚܕܐ ܟܕ ܫܕܝܐ ܕܥܠܝܡܐ ܫܦܝܪܐ ܘܐܡ݂ܪ܂ ܡܛܠ
196:12	ܗܢܐ ܟܝ ܢܣܝܘܢܐ ܐܦܩܬܢܝ ܠܗܪܟܐ ܡܪܢ݂܂ ܢܗ݂ܘܐ
196:13	ܐܝܟܢܐ ܕܨ݁ܒܐ ܐܢܬ܂ 30܂2 ܘܫ݂݁ܪܝ ܗܘܐ ܡܨ݁ܠܐ ܘܐܡ݁ܪ܂
196:14	ܡܪܢ ܡܪܐ ܕܡ̈ܝ݂ܬܐ ܘܕܚ̈ܝܐ݂܂ ܚ̈ܝܐ ܕܗܐ ܩܝܡܝܢ
196:15	ܘܡ̈ܝ݂ܬܐ ܕܗܐ ܪ̈ܡܝܢ݂܃ ܡܪܝܐ ܡܪܐ ܕܢܦܫ̈ܬܐ܃ ܐܝܠܝܢ
196:16	ܕܒܦܓܪ̈ܐ ܩ̈ܝܡܢ܃ ܘܐܒܐ ܕܟܠܗܝܢ ܢܦܫ̈ܬܐ܃ ܐܝܠܝܢ ܕܡܢ
196:17	ܦܓܪܐ ܢܦ݂ܩ܃ ܬܐ ܡܪܝ ܒܗܕܐ ܫܥܬܐ܂ ܡܛܠ ܥܦܪܐ
196:18	ܕܓܒ̈ܠܝ ܐܝ݂̈ܕܝܟ ܩ̈ܕܝܫܬܐ܂ ܘܚܘܪ ܡܢ ܫܡܝܐ ܕܩ݁ܪܐ ܐܢܐ
197:01	ܠܟ܃ ܘܚ݁ܘܐ ܫܘܒܚܟ ܒܗܢܐ ܕܐܪܡ݂ܐ ܗܪܟܐ܂ 30܂3 ܘܐܡ݂ܪ
197:02	ܗܘܐ ܬܘܒ܂ ܕܗܢܐ ܥ݁ܒܕܐ ܠܐ ܗ݂ܘܐ ܕܠܐ ܡܠܒܛܢܘܬܗ
197:03	ܕܒܥܠܕܒܒܐ ܗ݀ܘ ܕܣܥ݁ܪ ܗܠܝܢ܂ ܠܐ ܕܝܢ ܡܡܪܚ ܗܘܐ
197:04	ܒܥܠܕܒܒܐ ܗ݀ܘ ܕܣܥ݁ܪ ܗܠܝܢ ܒܡ݁ܢ ܕܢܘܟܪܝ ܠܗ܃ ܐܠܐ
197:05	ܐܢ ܐܬܪܡܝ ܠܨܒܝܢܗ ܀ ܀ 31܂1 ܘܟܕ ܐܡ݂ܪ ܗܘܐ ܗܠܝܢ̈
197:06	ܚܘܝܐ ܚܕ ܐܘܟܡܐ ܡܢ ܢܩܥܐ ܚܕ ܢܦ݂ܩ ܗܘܐ܂ ܘܪܝܫܗ
197:07	ܡ݁ܛܪܐ݂ ܗܘܐ܂ ܘܕܘܢܒܬܗ݂ ܡ݁ܛܪܦ ܗܘܐ ܠܐܪܥܐ܂ ܘܒܩܠܐ
197:08	ܪܡܐ ܐܡ݂ܪ ܠܫܠܝܚܐ܂ ܐܡ݁ܪ ܐܢܐ ܩܕܡܝܟ ܥܠ ܡܢܐ
197:09	ܩܛܠܬܗ ܠܗܢܐ ܥܠܝܡܐ܂ ܐܢܬܬܐ ܚܕܐ ܫܦܝܪܬ ܚܙܘܐ
197:10	ܐܝܬ ܒܩܪܝܬܐ ܗܕܐ ܕܠܩܘܒܠܟ܂ ܘܟܕ ܥ݁ܒܪܐ ܥܠܝ݁
197:11	ܚܙܝܬܗ݂݀ ܘܪܚܡܬܗ݀܂ ܘܐ݁ܙܠܬ ܒܬܪܗ݀܃ ܘܚܙܝܬܗ ܠܗܢܐ
197:12	ܥܠܝܡܐ ܟܕ ܡ݁ܢܫܩ ܠܗ݀܂ ܘܐܦ ܡܕܡܟ ܕܡ݂ܟ ܥܡܗ݀܂
197:13	ܘܨ̈ܒܘܬܐ ܐܚܪ̈ܢܝܬܐ ܣ݂ܥܪ ܥܡܗ݀ ܐܝܠܝܢ ܕܠܐ ܫܦܝܪ̈ܢ܂
197:14	31܂2 ܠܝ ܕܝܢ ܕܠܝ̈ܠܢ܂ ܠܟ ܕܝܢ ܠܐ ܡ݁ܡܪܚ ܐܢܐ ܕܐܡ݁ܪ
197:15	ܐܢ̈ܝܢ܂ ܡܛܠ ܕܝ݁ܕܥ ܐܢܐ ܕܬܗܘܡܗ ܕܡܫܝܚܐ ܡܣܝܦ
197:16	ܟܝܢܢ܂ ܘܡܛܠ ܕܠܐ ܐܙܝܥܗ݀܃ ܠܐ ܩܛܠܬܗ ܒܗ݀ܘ ܥܕܢܐ܂
197:17	ܐܠܐ ܢܛܪܬܗ܂ ܘܒܪܡܫܐ ܟܕ ܥܒ݂ܪ ܥܠܝ݂܂ ܡܚܝܬܗ
197:18	ܘܩܛܠܬܗ܂ ܘܝܬܝܪܐܝܬ ܕܐܡ݂ܪܚ ܗܘܐ ܕܗܕܐ ܨܒܘܬܐ
198:01	ܒܚܕܒܫܒܐ ܠܡܣܥܪ ܀ ܀ ܐܡ݁ܪ ܠܗ ܝܗܘܕܐ ܡܢ ܐܝܢܐ
198:02	ܐܢܬ ܙܪܥܐ܂ 32܂1 ܐܡ݁ܪ ܠܗ ܗ݀ܘ ܚܘܝܐ܂ ܪܚܘܫܐ ܐܢܐ ܒܪ
198:03	ܪܚܘܫܐ݂܂ ܘܡܟܝܢܐ ܒܪ ܡܟܝܢܐ܂ ܒܪܗ ܐܢܐ ܕܗ݀ܘ
198:04	ܕܫܘܠܛܢܐ ܥܠ ܒܪ̈ܝܬܐ ܐܬܝܗܒ ܠܗ܂ ܘܕܠܚ݁ ܐܢ̈ܝܢ܂܂
198:05	ܒܪܗ ܐܢܐ ܕܗ݀ܘ ܕܡܬܕܡܐ ܐܝܟ ܐܠܗܐ ܠܐܝܠܝܢ
198:06	ܕܡܫܬ݂ܡܥܝܢ ܠܗ ܕܢܥܒ݂ܕܘܢ ܨܒܝܢܗ܂܂ ܒܪܗ ܐܢܐ
198:07	ܕܗ݀ܘ ܕܥܠ ܟܘܠ ܕܐܬܒ݂ܪܝ ܠܬܚ݂ܬ ܡܢ ܫܡܝܐ ܫܠܝܛ܂
198:08	ܒܪܗ ܐܢܐ ܕܗ݀ܘ ܕܠܒ݂ܪ ܡܢ ܐܘܩܝܢܘܣ ܐܝܬܘܗܝ ܘܦܘܡܗ
198:09	ܚܬ݂ܝܡ܂ 32܂2 ܒܪ ܛܘܗܡܗ ܐܢܐ ܕܗ݀ܘ ܕܥܡ ܚܘܐ ܡ݁ܠܠ܂
198:10	ܘܒܗ݀ ܐܥܒ݂ܪܬܗ ܠܐܕܡ ܥܠ ܦܘܩܕܢܐ ܕܐܠܗܐ܂ ܘܐܢܐ
198:11	ܐܢܐ ܗ݀ܘ ܕܠܩܐܝܢ ܠܒ݁ܛܬ ܕܠܐܚܘܗܝ ܢܩ݂ܛܘܠ܂ ܘܡܛܠܬܝ
198:12	ܕܠܗܕܐ ܗܘ ܐܬܒ݂݁ܪܝܬ ܐܬܬܠܝ݂ܛܬ ܐܪܥܐ ܘܟܘ̈ܒܐ ܝܥ݂ܘ
198:13	ܒܗ݀ ܀ ܐܢܐ ܐܢܐ ܗ݀ܘ ܕܐܡ݁ܪܚܬ ܗܘܝܬ ܘܠܙܕܝ̈ܩܐ ܡܢ
198:14	ܪܘܡܗܘܢ ܐܪܡ݁ܝܬ ܐܢܘܢ܂ ܘܒܪܓܬܐ ܕܢ̈ܫܐ ܐܣ݁ܪܚܬ
198:15	ܐܢܘܢ܂ ܘܒ̈ܢܝܐ ܪܘܪ̈ܒܝ ܦܓܪܐ ܐ݁ܘܠܕܬ܂ ܘܐܢܐ ܥ݁ܒܕܬ
198:16	ܒܗܘܢ ܨܒܝܢܝ܂ ܘܐܢܐ ܐܢܐ ܗ݀ܘ ܕܠܒܗ ܕܦܪܥܘܢ
198:17	ܩ݁ܫܝܬ ܕܠܒ̈ܢܝ ܐܝܣܪܐܝܠ ܢܩ݂ܛܘܠ܂܂ ܘܒܥܒ݂ܕܘܬܐ ܩܫܝܬܐ
198:18	ܢܟܒܘܫ ܐܢܘܢ܂ ܐܢܐ ܐܢܐ ܗ݂݀ܘ ܕܠܥܡܐ ܒܡܕܒܪܐ
198:19	ܐܛܥ݁ܝܬ ܐܢܘܢ܂ ܟܕ ܫܥ݁ܒܕܬ ܐܢܘܢ ܕܢܥ݂ܒܕܘܢ ܠܗܘܢ
198:20	ܥܓܠܐ܂ 32܂3 ܐܢܐ ܐܢܐ ܗ݀ܘ ܕܠܩܝܦܐ ܘܠܗܪܘܕܝܣ ܠܒ݁ܛܬ
198:21	ܒܡܐ݂ܟܠ ܩܪܨܐ ܥܠ ܕܝ݁ܢܐ ܬܪܝܨܐ܂ ܐܢܐ ܐܢܐ ܗ݀ܘ
199:01	ܕܠܝܗܘܕܐ ܐܥ݁ܒܕܬ܂ ܕܫܘܚܕ‍<‍ܐ‍>‍ ܢܣܒ܃ ܟܕ ܐܫܬ݂ܥܒܕ
199:02	ܠܝ ܕܠܡܫܝܚܐ ܠܡ݁ܘܬܐ ܢ݁ܫ݂ܠܡ܂ ܐܢܐ ܐܢܐ ܗ݀ܘ ܕܫܘܠܛܢܐ
199:03	ܐܬܝܗ݂ܒ ܠܗ ܕܥܠܡܐ ܗܢܐ܃ ܘܒܪ ܡܪܝܡ ܕܒܪܢܝ
199:04	ܒܩܛܝܪܐ܃ ܘܕܒ݂ܪ ܕܝܠܗ ܡܢ ܠܘܬܝ܂܂ ܐܢܐ ܒܪ ܛܘܗܡܗ
199:05	ܐܢ݂ܐ ܕܗ݀ܘ ܕ‍<‍ܡܢ ‍>‍ܡܕܢܚܐ ܐܬ݂ܐ ܕܫܘܠܛܢܐ ܝܗܝ݂ܒ ܠܗ܂
199:06	33܂1 ܘܟܕ ܗܠܝܢ ܐܡܪ ܚܘܝܐ ܗ݀ܘ܃ ܡܛܠ ܕܝܗܘܕܐ ܒܥ݂ܐ
199:07	ܡܢ ܡܪܢ ܕܬܬܝܗܒ ܠܗ ܡܠܬܐ܃ ܕܢܬܐܠܨ݂ ܥܠ ܟܝܢܗ
199:08	ܕܢܐܡܪ ܀ ܀ ܀ ܘܟܕ ܫ݂݁ܠܡ݂܂ ܟܢܫܐ ܗ݀ܘ ܫܡ݁ܥ ܗܘܐ ܟܠܗܝܢ܂
199:09	ܘܕܚܠܬܐ ܥܡ ܗܝܡܢܘܬܐ ܫ݂ܪܬ ܒܟܠܗܘܢ ܗ݀ܢܘܢ ܕܬܡܢ݁܂
199:10	ܟܕ ܚ݂ܙܘ ܘܫܡ݂ܥܘ ܬܕܡܪ̈ܬܐ ܗܠܝܢ܂ ܘܩܥܝܢ ܗܘܘ ܒܚܕ
199:11	ܩܠܐ ܫܘܝܐܝܬ݂܂ ܕܚܕ ܗܘ ܐܠܗܗ ܕܓܒܪܐ ܗܢܐ݂܂ ܕܚ݂݁ܘܝ
199:12	ܠܢ ܥܠ ܐܠܗܗ܃ ܘܒܡܠܬܗ ܦܩ݂ܕ ܠܗܕܐ ܚܝܘܬܐ ܕܚܝܠܬܐ܃
199:13	ܘܗ݂ܝ ܓܠܬ ܥܠ ܟܝܢܗ݀܂ ܘܒܥ݁ܝܢ ܗܘܘ ܡܢܗ ܕܐܝܟܢܐ ܕܗ݂ܘ
199:14	ܦܩ݂ܕ ܠܗ ܒܡܠܬܗ ܕܐܝܟ ܒܪܢܫܐ ܢܡܠܠ݂܂ ܕܐܦ ܒܡܠܬܗ
199:15	ܢܩܛܠܝܘܗܝ ܀ 33܂2 ܗ݀ܝܕܝܢ ܝܗܘܕܐ ܪܡ݂ܙ ܠܗܘܢ ܒܐܝ݂ܕܗ܂ ܘܐܪܝܡ
199:16	ܩܠܗ ܘܐܡ݂ܪ܂ ܡܡ݁ܪܚ ܐܢܬ ܟܕ ܡܦܪܣܝ ܟܝܢܟ ܘܩܛܝܠ
199:17	ܐܢܬ܂ ܓܘܡܕܟ ܕܝܢ ܕܡ݂ܛܐ܂ ܠܐ ܗܘܐ
199:18	ܕܬܐܡܪ ܐܝܠܝܢ ܕܣܥ݂ܝܪ̈ܢ ܠܟ ܒܐܝܠܝܢ ܕܐܫܬ݂ܡܥܘ ܠܟ܃
199:19	ܘܠܐ ܕܚܠ݂ܬ ܕܣܘܦܟ ܡ݂ܛܐ ܠܗ܂ ܐܠܐ ܠܟ ܐܡ݁ܪ ܐܢܐ